 |
|
Rusiyanın müttəqifi olan Serbiya Moskva ilə silah tədarükü müqavilələrini ləğv etdiyini açıqlayıb.
Bu qərar beynəlxalq sanksiyaların Rusiyaya təzyiqi artırması və Belqradın alternativ hərbi texnika axtarması səbəbindən qəbul edilib.
Serbiya Silahlı Qüvvələrinin Baş Qərargah rəisi, general Milan Mojsiloviç açıqlamasında silah tədarükü müqavilələrinin ləğv edildiyini bildirib.
"Hazırda Rusiya Federasiyasından silah tədarükü praktiki olaraq qeyri-mümkündür. Biz diplomatik kanallar vasitəsilə vəziyyətdən çıxmağa çalışırıq", - Mojsiloviç deyib.
Müqavilələrin bəziləri ləğv edilsə də, digərləri beynəlxalq münasibətlər normallaşana qədər təxirə salınıb.
Belqrad hazırda İsrail, Çin və Qərb ölkələri kimi müxtəlif mənbələrdən hərbi texnikanın alınmasına diqqət yetirir. Serbiya Fransadan 12 Rafale döyüş təyyarəsinin tədarükü kimi böyük müqavilələr imzalasa da, İsraillə hərbi əməkdaşlığını da inkişaf etdirir.
Serbiya hərbi neytrallıq siyasətini davam etdirməklə yanaşı, həm də Avropa Birliyinə daxil olmaq üçün səylərini sürətləndirir. Prezident Aleksandar Vuçiç ölkəsinin Aİ-yə üzvlük hədəfini gücləndirməkdə qərarlı olduqlarını bildirib. Bu səylər Belqradın Qərblə hərbi əlaqələrini dərinləşdirməyə və Rusiyadan uzaqlaşmasına səbəb olur.
ABŞ-nin Kaliforniya ştatının Los-Anceles şəhərində yanğınların qarşısını almaq mümkün olmadığından fəlakətin qurbanlarının sayı artmaqda davam edir.
Los-Anceles dairəsinin şerifi Robert Lunanın sözlərinə görə, yanğınlarda həyatını itirənlərin sayı ən az 24-ə çatıb, 13 nəfə isə itkin düşüb.
Yanğın nəticəsində ən azı 153 min insan təxliyə edilib və ən azı 12 min bina yanğınlar səbəbindən yararsız hala düşüb.
"Yeni düzən naminə bütün şəhər məhv edildi. Hollivud isə çoxdan nüfuzunu itirmiş bir sektor idi".
Bunu Los-Ancelesdəki yanğınlarda zərər görən məşhur Hollivud aktyoru Mel Gibson "Fox TV" kanalında çıxışı zamanı deyib.
“Bu, mənə köhnə dövrlərdə insanları torpaqdan qovmaq üçün bu üsuldan istifadə edən varlı mal-qara sahiblərini xatırlatdı. Bilmirəm... Sadəcə olaraq, yanğınsöndürənlərin sularının olmaması mənə bir az qəribə göründü".
Ulduz aktyor kino sənayesində etik prinsiplərin ciddi şəkildə pozulduğunu, təhlükəsizlik və etibardan artıq məhrum olduğunu bildirib. O, Kaliforniya hakimiyyətini Los-Ancelesin su ehtiyatlarını məqsədli şəkildə israf etməkdə günahlandırıb.
Xoşbəxtlikdən Mel Gibsonun özünə və yaxınlarına zərər dəyməyib. Yanğın zamanı Texas ştatında olub, lakin onun oğlu Milo, könüllü yanğınsöndürmə briqadasının üzvü, fəlakət yerində olub və zəruri əşyaları götürməyi bacarıb.
“Oğlum pasportları və bir neçə vacib sənədi götürüb aparmağı bacardı... Bu, faciədir, çox üzücüdür. Amma mən qonşularıma baxıram və özümdən çox onlar üçün narahatam”, - deyə Gibson söyləyib.
Bir neçə gündür, güclü yanğınların davam etdiyi ABŞ-nin Kaliforniya ştatının Los Anceles şəhəri dünyanın diqqət mərkəzindədir.
Bu şəhər haqqında maraqlı faktları təqdim edir:
Los Anceles ABŞ-nin Nyu Yorkdan sonra ən böyük şəhəridir. Kaliforniya da isə insanların ən sıx məskunlaşdığı şəhərdir.
Əhalisinin sayı təqribən 4 milyon nəfərdir. Şəhərin keçmiş adı çox böyükdür. Bura əvvəllər "Porsiunkula çayının Mələklər Kraliçası Xanımımızın şəhəri" adlandırıb.
Bu şəhərin "L.A", "La la land", "Mələklər şəhəri" və "Böyük portağal" kimi çox sayda ləqəbləri var.
Bu gün bütün dünyada məşhur olan "hollivud" yazısı isə vaxtilə sadəcə reklam məqsədilə yerləşdirilib. 1923-cü ildən 1946-cı ilədək təpədə "Hollywoodland" yazılı lövhə var idi. Bu ad
Hollivud təpələrində tikilən mənzil layihəsi ilə bağlı cəmi 18 ay müddətinə yerləşdirilmişdi. Daha sonra yerli sakinlər lövhəsini sevdiyindən Hollivud şəklində populyarlaşıb.
Los Ancelesin ulduz səkisində 2754 məşhurun adı var.
Şəhərin küçələrinin altında 91 tərk edilmiş tunel var. 1920-ci illərin əvəllərində Los Ancelesdə alkoqol qadağan olunanda içkidən imtina etmək istəməyənlər bu tunellərdən istifadə edib. Tunellər barların və yeraltı əyləncələrin gizli girişi idi.
1821-ci ildə Meksikanın Müstəqillik Müharibəsindən sonra Los Anceles Meksikanın bir hissəsi olub və 1848-ci ildə müharibə bitənə qədər belə davam edib.
L.A. County Taylanddan sonra ən böyük tay əhalisinə sahibdir. Burada 80 mindən çox çox Tayland sakini yaşayır.
20-ci əsrin əvvəllərində "böyük kənd" adlandırılan Los Anceles hazırda meqapolisdir.
Bu meqapolis artıq günlərdir yanğının əsirinə çevrilib.
Bir neçə gün əvvəl başlayan və hələ də davam edən güclü yanğın 14 min hektardan çox ərazini əhatə edib. 10 nəfər ölüb, minlərlə ev və biznes dağılıb. Ölü sayının artacağı istisna edilmir.
Müstəntiqlər yanğınların necə başlaması ilə bağlı bir neçə variantı nəzərdən keçirirlər. Ehtimallar arasında yanğının qəsdən törədilməsi və ya kommunal xətlərdən qaynaqlanması da var.
Yerli sakinlər əmindirlər ki, bu fəlakətin səbəbi güclü küləklər yox, dronlardır.
Hazırda yanğın baş verən ərazidə bir çox hollivud ulduzunun evi yerləşir.
İndiyə qədər evi yananlar arasında ABŞ Prezidenti Co Baydenin oğlu Hunter, həmçinin Paris Hilton, Leonardo Di Kaprio, Entoni Hopkins, Tom Henks, Mark Hamill, Spencer Pratt və Heyidi Montaq kimi Hollivud ulduzları var.
Yanğın Hollivud Hillsi də əhatə edir.
Məlumata görə, dəyən zərərin məbləği 135-150 milyard dollara qədər yüksələ bilər.
Meteoroloqlar gələn həftə də regionda güclü küləyin olacağını və meşə yanğınları təhlükəsinin davam edəcəyini proqnozlaşdırır.
Yanğınların başlamasından sonra məşhur amerikalı radio aparıcısı Co Roqanın daha əvvəl verilişində səsləndirdiyi fikirlər gündəmə gəlib.
Məlum olub ki, aparıcı güclü yanğınlarla bağlı xəbərdarlıq edibmiş. Yanğınlara görə 3 dəfə evindən təxliyə edildiyini deyən aparıcı bunun təkrarlanmasından qorxduğu üçün Los Ancelesdən ayrıldığını bildirib.
Aparıcı ad çəkməsə də, yanğınsöndürənlə söhbəti barədə danışıb. "Yalnız bir dəfə elə külək əsəcək ki, Los Ancelesi okeana qədər yandırıb kül edəcək və heç nə edə bilməyəcəyik".
Roqan sadəcə küləyin başqa istiqamətdə əsməsinə görə, Los-Ancelesdəki insanların bəxtinin gətirdiyini söyləyib.
Hazırda küləyin şiddəti yanğının yayılmasına təkan verir və söndürülməsinə imkan vermir.
ABŞ-da dəhşətli yanğını yadplanetlilər törədib.
azpost xəbər verir ki, bu inanc sürətlə amerikanlar arasında yayılmağa başlayıb.
Qeyd olunur ki, yadplanetlilər qalaktikalararası müharibə zamanı Los-Ancelesi yandırıblar. İnternetdə qəribə uçan obyektlərin və şəhərin üstündəki səmada işıq çaxmasının videoları görünməyə başlayıb.
Çinin şəhəri yandırmaq üçün dronlardan istifadə etdiyinə dair bir nəzəriyyə də var.
ABŞ-ın yeni seçilmiş prezidenti Donald Tramp prezidentliyinin ilk günündə 100-dən çox fərmanı təsdiqləməyi planlaşdırır.
"Associated Press" xəbər verir ki, Trampın komandası artıq bu fərmanları hazırlayıb və onun dərhal imzalaması üçün təqdim edəcək.
Fərmanlar əsasən ABŞ-Meksika sərhədinə nəzarətin gücləndirilməsi, enerji sektorunun inkişafı, məktəblərdə gender siyasəti, vaksinasiya və digər seçki vədlərini əhatə edir.
Siyasətçilər hesab edirlər ki, Tramp administrasiyası, həmçinin, hazırkı prezident Co Baydenin bir çox fərmanlarını ləğv edərək, öz təkliflərini həyata keçirməyə çalışacaq.
Senatorlar Trampın bu cür sürətli addımlarını diqqətlə izləyəcəklərini bildiriblər. Yeni administrasiyanın planları ölkədə ciddi dəyişikliklərə səbəb ola bilər və həm daxili, həm də xarici siyasətdə yeni istiqamətlər müəyyənləşdirəcək.
Böyük Britaniyada hər gün 50-yə yaxın xəstəsi pasiyent axınının öhdəsindən gələ bilməyən xəstəxanalarda kömək gözləyərkən ölür.
Report xəbər verir ki, bu barədə “The Times” qəzeti aparıcı həkimlərin apardığı məlumatların təhlilinə istinadən məlumat yayıb.
Məlumatlara görə, xəstələrin axını mövsümi qriplə əlaqələndirilir. Eyni zamanda, Təcili Tibbi Yardım Cəmiyyətinin nümayəndəsi Tim Kukslinin sözlərinə görə, "bu, xəstəxanaların artıq xəstələrdən dolu olduğu və xəstəlik hallarının artmasından əvvəl də vəziyyətin ağır olduğu nəzərə alınarkən gözlənilən və qaçınılmaz idi".
"Bir cəmiyyət olaraq təcili yardım sistemimizdə baş verənləri qəbul edə və normallaşdıra bilmirik", - Krallığın Təcili Tibbi Yardım Kollecinin prezidenti Edrian Boyl deyib. O, hökuməti “həqiqətən ölüm-dirim məsələsi olan” problemi həll etməyə çağırıb.
Türkiyənin Hatay şəhərinin İskəndərun rayonunda 3,8 bal gücündə zəlzələ olub.
Bu barədə AFAD məlumat yayıb.
Yerin 4 km dərinliyində meydana gələn zəlzələ ətraf rayonlarda da hiss edilib.
Tələfat və dağıntı qeydə alınmayıb.
Kreml Ermənistanı Avrasiya İqtisadi İttifaqından qovularaq, dərin böhrana düçar etməklə, təhdid edir... Avropa Birliyi isə Qərbə inteqrasiya kursu seçmiş Ermənistana, qaytara bilməyəcəyi xarici dövlət borclarını daha da artıracaq kreditlərdən başqa alternativ vəd etmir...
Cənubi Qafqazda növbəti geopolitik mərhələyə keçid dövrü intensiv xarakter almağa başlayıb. Belə ki, Rusiya və İran Suriyada sarsıdıcı məğlubiyyətə düçar olub. İndi bu iki dövlətin Cənubi Qafqaza təsir faktorları da tədricən öz əhəmiyyətini itirmək üzrədir. Üstəlik, onilliklər boyu Cənubi Qafqazda hegemon mövqeyə malik olmuş Rusiya Ukraynada "savaş bataqlığı"na da girov düşüb. Və nəticədə Cənubi Qafqaz tamamilə fərqli inkişaf perspektivləri qazanmaq şansına malikdir.
"Yeni Müsavat" xəbər verir ki, onu da qeyd etmək lazımdır ki, ABŞ və Qərb Rusiya və İranın Cənubi Qafqazda zəifləməsindən maksimum səviyyədə yararlanmaq niyyətini qətiyyən gizlətmir. Xüsusilə də, Qərbin "geopolitik müstəmləkə"sinə çevrilmiş Ermənistanın Rusiyadan tamamilə qoparılmasına cəhd göstərilir. Üstəlik, bu istiqamətdə atılan addımlar Ermənistanın mövcud təhlükəsizlik sisteminin və maliyyə-iqtisadi qaynaqlarının ciddi risk altına salınmasına yol açmaqdadır. Və Qərbə inteqrasiya kursundan geri çəkilmək imkanları məhdud olan rəsmi İrəvan beynəlxalq himayədarlarının maraqlarına uyğun davranmaq məcburiyyətində qalıb.
Maraqlıdır ki, Ermənistan parlamenti Avropa Birliyinə üzvlüklə bağlı qanunu artıq təsdiqləyib. İndi bu sənədin tam hüquqi qüvvəyə minməsi üçün Ermənistanda referendumun keçirilməsi də qaçılmaz xarakter daşıyır. Yəni, rəsmi İrəvan Ermənistanı addım-addım Rusiyanın nəzarətindən çıxartmaq istiqamətində irəliləməyə çalışır. Və bunun Ermənistana indiki situasiyada müəyyən ciddi problemlər yarada biləcəyi qətiyyən şübhə doğurmur.
Məsələ ondadır ki, Ermənistanın Qərbə inteqrasiya kursunun nə vaxtsa, Avropa Birliyinə üzvlüklə nəticələnə biləcəyinə inanmaq sadəlövhlük olardı. Əslində, Ermənistan siyasi elitasında da buna inananların sayı elə də çox deyil. Çünki Avropa Birliyinə Ermənistan kimi zəif və faydasız ölkə lazım deyil. Hər halda, Avropa Birliyi Ermənistan kimi strateji və iqtisadi cəhətdən lazımsız yükü daşımağa həvəs göstərəcək qədər sadəlövh ola bilməz. Və mövcud şərtlər, eləcə də, örnəklər də bunu təsdiqləyir.
Hər halda, Ermənistandan daha ciddi strateji və iqtisadi əhəmiyyətə malik Ukrayna, Gürcüstan və Moldova onilliklər boyu Avropa Birliyinə üzvlük üçün israrlı cəhdlər göstərsələr də, hələ də bu qurumun yalnız qapısı arxasında gözləmək hüququndan başqa heç nəyə nail olmayıblar. Qərb bu üç ölkəni Avropa Birliyinə üzvlük vədləri ilə şirnikləndirərək, öz geopolitik maraqlarına alət etməyə çalışır. Üstəlik, üzvlük öncəsi sənədlərə imza atdırmaqla, Avropa Birliyinin təlimatları ilə fəaliyyət məcburiyyətində buraxır. Və Gürcüstana göstərilən kobud təzyiqləri də nəzərə aldıqda, Ermənistanı fərqli prosesin gözlədiyinə inanmaq çox çətindir.
Digər tərəfdən, Avropa Birliyinə üzvlük istiqamətdə atılan addımlar Ermənistanı mövcud maliyyə-iqtisadi qaynaqlardan məhrum buraxa bilər. Belə ki, Kremlə bağlı siyasi dairələr Paşinyan hakimiyyətinin son qərarını artıq Rusiyaya xəyanət olaraq, dəyərləndirməyə başlayıblar. Bu, əslində, Ermənistana dolayısı ilə xəbərdarlıq mesajı kimi də qəbul oluna bilər. Çünki Paşinyan hakimiyyətinin davranışlarını Qafqaz ənənələrinə zidd hesab edən Kreml təmsilçilərinin xəyanətin cəzasız buraxılmayacağına artıq indidən üstüörtülü eyham vururlar. Və rəsmi İrəvanın bundan narahat olması lazımdır.
Məsələn, Rusiya prezidenti Vladimir Putinin mətbuat xidmətinin rəhbəri Dmitri Peskov vurğulayıb ki, Ermənistan Avropa Birliyinə üzvlük mövzusunu daha detallı düşünməlidir. Kreml təmsilçisi xatırladıb ki, Ermənistan Avrasiya İqtisadi İttifaqının da üzvüdür. Bu qurumun iqtisadi-ticari münasibətlər üzrə fəaliyyət şərtləri Avropa Birliyi sistemi ilə tamamilə fərqli xarakter daşıyır. Və bu, müəyyən mənada, Ermənistana təhdid məzmunlu xəbərdarlıq mesajıdır.
Belə anlaşılır ki, Kreml Avropa Birliyinə heç vaxt üzv olmayacaq Ermənistanın Avrasiya İqtisadi İttifaqından qovula biləcəyinə eyham vurur. Çünki Ermənistan Avropa Birliyinə üzv olmasa belə, rəsmi İrəvanın bu quruma inteqrasiya məqsədli sənədləri təsdiqləməsi Rusiya üçün siyasi önəm daşıyır. Xüsusilə də, Kreml Ermənistanın davranışlarının Rusiyanın orbitində olan digər postsovet ölkələri üçün örnəyə çevrilməsindən ehtiyatlanır. Və bu səbəbdən də, Ermənistanın cəzalandırılma ehtimalını ön plana çəkir.
Təbii ki, Kremlin əlində Ermənistanı ciddi şəkildə cəzalandırmaq üçün kifayət qədər sarsıdıcı zərbə faktorları mövcuddur. Belə ki, ilk növbədə Rusiya Ermənistanla iqtisadi-ticari münasibətləri məhdudlaşdlra bilər. Çünki Ermənistan iqtisadi-ticari tərəfdaş olaraq, Rusiya üçün o qədər də böyük önəm daşımır. Ermənistan üçün isə əksinə, Rusiya hazırda taleyüklü iqtisadi-ticari tərəfdaşdır. Rusiya ilə iqtisadi-ticari münasibətlərin pozulması Ermənistanı ümumiyyətlə, çökdürə bilər.
Digər tərəfdən, Kreml Ermənistanın Avrasiya İqtisadi İttifaqından qovula biləcəyini də qabardır. Halbuki, Ermənistan üçün bu qurum çərçivəsində əldə olunan iqtisadi-ticari və gömrük güzəştləri hazırda əsas maliyyə qaynaqları sırasında ön planda yer alır. Bu güzəştlərin itirilməsi Ermənistanda dərin sosial-iqtisadi böhrana tam təminat verir. Və rəsmi İrəvanın Avropa Birliyinə inteqrasiya siyasətində bütün bunlar böyük strateji risklərin sırasına daxildir.
Ən azından ona görə ki, Avropa Birliyi Ermənistana alternativ maliyyə-iqtisadi qaynaqlar vəd etmir. Bu qurum Ermənistana ən yaxşı halda, müəyyən məbləğlərdə kreditlər ayıra bilər ki, bu da dövlət borcunun artmasından başqa heç nəyə yaramaz. Çünki Ermənistan Rusiyanın maliyyə-iqtisadi sanksiyalarından sonra onsuz da zəif xarici borcları ödəmək potensialını tamamilə itirə bilər. Və bu, Paşinyan hakimiyyətinin Qərbə inteqrasiya siyasətinin Ermənistan üçün böyük avantüradan başqa bir şey olmadığını göstərir.
Böyük ehtimalla rəsmi İrəvan Rusiyanın Ermənistana qarşı radikal addımlar atmayacağına hələ də böyük ümidlər bəsləyir. Ancaq Ermənistanı Rusiyaya xəyanətdə suçlayan Kremlin sərt reaksiyasının olmayacağına ümid bəsləmək də müəyyən mənada, erməni xəyalları ilə izah ediləcək məqamdır. Və bu baxımdan, rəsmi İrəvanın Ermənistanı tədricən böyük fəlakətə doğru yaxınlaşdırmaqda olduğu artıq qətiyyən şübhə doğurmur.
Türkiyə Prezident Rəcəb Tayyib Ərdoğan Milliyyətçi Hərəkat Partiyasının sədri Dövlət Baxçalını ziyarət edib.
Görüş Dövlət Baxçalının iqamətgahında baş tutub və təxminən 40 dəqiqə davam edib.
Görüşdən sonra mətbuat mənsublarının suallarını cavablandırılıb.
Prezident Ərdoğan jurnalistlərin Baxçalının ondan fərqli olaraq paltosuz çölə çıxması ilə bağlı sualını da cavablandırıb.
"Dövlət bəyin bir az dəliqanlılığı var", - Ərdoğan cavab verib.