Merkelin Qafqaz turu geosiyasi məsələlərlə doludur.

Bu sözləri ABŞ Qulf Analitik Mərkəzinin analitiki Teodor Karasik Almaniya kansleri Angela Merkelin səfəri haqda Axar.az-a danışarkən deyib.

Onun sözlərinə görə, Merkelin Tiflisdəki çıxışı Kremlə ötürülən bir mesajdır:

“Kansler Tiflis səfəri zamanı Gürcüstanın NATO-ya qoşulma prosesinin qısa zaman içində həll olunmayacağını, bunun üçün müəyyən vaxt tələb olunduğunu dedi. Bu, Merkel tərəfindən rəsmi Moskvaya edilən bir jest kimi qiymətləndirilməlidir.

Ermənistanda Almaniya lideri Türkiyəyə bir mesaj göndərmək üçün əlbəttə ki, “soyqırım abidəsi” və “muzeyi”ni ziyarət edir. Azərbaycanda aparılacaq müzakirələr, zənnimcə, əsasən enerji məsələlərinə, iqtisadi mövzulara köklənəcək. Amma eyni zamanda Dağlıq Qarabağ münaqişəsi də danışıqların əsasını təşkil edəcək”.

Analitik bildirib ki, Almaniyanın Qafqaza olan marağı qədim tarixi köklərə dayansa da, onlar bunu heç vaxt açıq şəkildə bəlli etməyib və hələ uzun müddət etməyəcəklər.

Twitter