 |
|
Çərşənbə günü Çempionlar Liqasının yarımfinal mərhələsində “Barselona” və “İnter” komandaları arasında keçiriləcək ilk oyun İspaniyada elektrik enerjisinin kəsilməsi səbəbilə təxirə salına bilər.
İspaniya və Portuqaliyada genişmiqyaslı elektrik problemi ilə bağlı İspaniyanın müxtəlif yerlərində hava limanlarında böyük gecikmələr və təxirəsalmalar olub.
İtaliya təmsilçisinin matça 24 saat qalmış Barselonaya getməyi planlaşdırdığı, lakin fasilələrə görə səfərin yarımçıq qala biləcəyi bildirilib.
İspaniya mətbuatının məlumatına görə, UEFA-ya “İnter”in bu gün Barselonaya çata bilməyəcəyi təqdirdə matçın təxirə salınması variantının nəzərdən keçirilməsi bildirilib.
Qeyd edək ki, qarşılaşma aprelin 30-u saat 23:00-da start götürməlidir.
İngiltərə çempionatında 34-cü turun oyunları keçirilib.
“Liverpul” doğma meydanda “Tottenhem”lə üz-üzə gəlib.
Arne Slotun komandası rəqibini 5:1 hesabı ilə darmadağın edib.
Nəticədə “Liverpul” çempionatın bitməsinə 4 tur qalmış çempion olub.
“Qarabağ” Azərbaycan Kubokunda yeni rekorda imza atıb.
“Qafqazinfo” PFL-in saytına istinadən xəbər verir ki, Ağdam klubu tarixində 12-ci dəfə turnirin finalına yüksəlib.
Qurban Qurbanovun komandası yarımfinalda “Araz-Naxçıvan”ı mübarizədən kənarlaşdırıb – 0:1, 3:0.
Bununla da 12-ci dəfə finala vəsiqə qazanan “Qarabağ” 11 dəfə buna nail olan “Neftçi”ni geridə qoyub.
Ağdam təmsilçisi əvvəlki 11 finalın 8-də - 1993, 2005/06, 2008/09, 2014/15, 2015/16, 2016/17, 2021/22, 2023/24 mövsümlərində kuboku qazanıb. Üç dəfə - 1995/96, 1997/98 və 1999/2000 mövsümlərində finalda uduzub.
Azərbaycanın daha iki cüdoçusu Monteneqronun paytaxtı Podqoritsada keçirilən Avropa çempionatında mübarizəyə başlayacaq.
Bu gün Rəşid Məmmədəliyev (73 kq) və Fidan Əlizadə (57 kq) tatamiyə çıxacaqlar.
Ötən gün beş idmançı qüvvəsini sınayıb və yalnız Əhməd Yusifov (60 kq) bürünc medal qazanıb.
Qeyd edək ki, Avropa çempionatında Azərbaycanı 12 çəki dərəcəsində ümumilikdə 15 cüdoçu (9 kişi, 6 qadın) təmsil edir. Yığma həmçinin qarışıq komanda yarışında mübarizə aparacaq.
Bu gün Monteneqronun paytaxtı Podqoritsada cüdo üzrə Avropa çempionatı start götürəcək.
“Yarışın ilk günündə Azərbaycanın beş cüdoçusu mübarizəyə başlayacaq.
Əhməd Yusifov, Turan Bayramov (hər ikisi 60 kq), Ruslan Paşayev (66 kq), Könül Əliyeva (48 kq) və Gültac Məmmədəliyeva tatamiyə çıxacaqlar.
Cüdo qarşılaşmaları Bakı vaxtı ilə saat 12:30-da start götürəcək.
Qeyd edək ki, Azərbaycan yığması Avropa çempionatında həm fərdi idmançılarla, həm də komandalar üzrə mübarizə aparacaq. Ölkəmizi 12 çəki dərəcəsində ümumilikdə 9-u kişi, 6-sı qadın olmaqla 15 cüdoçu təmsil edəcək. Yığma həmçinin qarışıq komanda yarışında çıxış edəcək.
Avropa çempionatında çıxış edəcək milli komandamızın heyətində dəyişiklik olub.
Olimpiya, dünya və dördqat Avropa çempionu Hidayət Heydərov xəstələndiyi üçün həkimlərin qərarı ilə heyətdən çıxarılıb.
Hidayəti Avropa çempionatında Rəşid Məmmədəliyev (-73 kq) əvəz edəcək.
Qeyd edək ki, cüdo üzrə böyüklər arasında Avropa çempionatı 23–27 aprel tarixlərində Monteneqroda keçiriləcək. Mötəbər turnirdə ölkəmizi 15 cüdoçu (9 kişi, 6 qadın) təmsil edəcək.
Slovakiyanın paytaxtı Bratislavada keçirilən Avropa çempionatında Azərbaycan yunan-Roma güləşçilərinin ilk rəqibləri müəyyənləşib.
publika.az xəbər verir ki, Avropa çempionu Sənan Süleymanov və Murad Əhmədiyev Türkiyə təmsilçiləri ilə üz-üzə gələcəklər.
Qurban Qurbanova isə Ermənistan güləşçisi Samvel Qriqoryan rəqib olub.
Titullu yunan-Roma güləşçisi Eldəniz Əzizli mübarizəyə 1/4 final mərhələsindən başlayacaq. O, Ukraynanın erməni əsilli pəhləvanı Koryun Sahradyan ilə Gürcüstan təmsilçisi Vaxtanq Lolua arasındakı qarşılaşmanın qalibi ilə qarşılaşacaq.
55 kq
1/4 final. Eldəniz Əzizli - Koryun Sahradyan (Ukrayna) / Vaxtanq Lolua (Gürcüstan) cütünün qalibi
60 kq
Təsnifat mərhələsi. Nihad Məmmədli - Yustas Petraviçyus (Litva)
63 kq
Təsnifat mərhələsi. Murad Məmmədov - Qleb Makarenko (UWW)
67 kq
1/8 final. Həsrət Cəfərov - Andreas Feç (İsveçrə)
72 kq
1/8 final. Ülvi Qənizadə - Levente Levai (Macarıstan)
77 kq
1/8 final. Sənan Süleymanov - Ahmet Yılmaz (Türkiyə)
82 kq
1/8 final. Qurban Qurbanov - Samvel Qriqoryan (Ermənistan)
87 kq
Təsnifat mərhələsi. İslam Abbasov - Şimon Şimonoviç (Polşa)
97 kq
Təsnifat mərhələsi. Murad Əhmədiyev - Beytulla Kayısdağ (Türkiyə)
130 kq
Təsnifat mərhələsi. Beka Kandelaki - Mixaylo Vişnevetski (Ukrayna)
Qeyd edək ki, yunan-Roma güləşçiləri 11 - 13 apreldə mübarizə aparacaqlar.
Azərbaycanın daha iki qadın güləşçisi Slovakiyanın paytaxtı Bratislavada keçirilən Avropa çempionatında bu gün mübarizəyə başlayacaq.
Jalə Əliyeva (57 kq) və Ruzanna Məmmədova (62 kq) xalça üzərinə çıxacaqlar.
Alyona Kolesnik (59 kq) isə bu gün bürünc medal uğrunda qarşılaşmada Aurora Russo (İtaliya) - Mariana Çerdivara (Moldova) cütünün qalibi ilə üz-üzə gələcək.
Qeyd edək ki, daha əvvəl sərbəst güləşçilər 1 qızıl, 1 gümüş və 4 bürünc mükafata sahib çıxıblar. Giorgi Meşvildişvili (125 kq) Avropa çempionu olubsa, Osman Nurməhəmmədov (92 kq) gümüş, İslam Bazarqanov (57 kq), Əli Rəhimzadə (65 kq), Kənan Heybətov (70 kq) və Ağanəzər Novruzov (74 kq) bürünc medala sahib çıxıblar.
Azərbaycanın sərbəst güləş millisi komanda hesabında Avropa çempionu olub. Qitə birinciliyi aprelin 13-də başa çatacaq.
Xəbər verdiyimiz kimi, ötən gecə UEFA Çempionlar Liqasının 1/4 final mərhələsinin ilk görüşləri keçirilib.
“ “Real” səfərdə “Arsenal”a 0:3 hesabı ilə uduzub.
“Bavariya” da doğma meydanda “İnter”ə 1:2 hesabı ilə məğlub olub.
Matçların videoicmalını təqdim edirik:
“Arsenal” (İngiltərə) – “Real” (İspaniya) 3:0
Qollar: D.Rays, 58; 70. M.Merino, 75.
“Bayern” (Almaniya) – “İnter” (İtaliya) 1:2
Qollar: T.Müller, 85 – L.Martines, 38. D.Frattezi, 88.
“Yuventus” rəhbərliyi Viktor Osimhenin keçidi ilə bağlı futbolçunun transfer hüquqlarına malik "Napoli" ilə danışıqlarda irəliləyişə nail olub.
Offsideplus.az xəbər verir ki, turinlilər nigeriyalı hücumçunu heyətlərinə qatmaq üçün ciddi səylər göstərirlər.
İtaliya mətbuatında yayılan məlumata görə, “qoca sinyora” artıq "Napoli" rəsmiləri ilə müəyyən razılaşmaya yaxındırlar və tərəflər arasında intensiv danışıqlar nəticəsində ilkin anlaşma var.
Digər tərəfdən, hazırda icarə əsasında "Qalatasaray"ın formasını geyinən Osimhenə “Mançester Yunayted” də maraq göstərir. İngiltərə təmsilçisi uzun müddətdir ki, hücum xəttini gücləndirmək istəyir və sözügedən futbolçu bu siyahıda əsas namizədlərdən biridir.
Lakin “Yuventus” transfer mübarizəsində bir addım öndədir. Klub həm oyunçu, həm də "Napoli"nin razılığını almaq üzrədir.
Bu transfer cəhdləri Avropa futbolunda ən çox müzakirə olunan mövzulardan birinə çevrilib.