 |
|
Oxuculardan biri Avtosfer.az-a video göndərərək yol polisinin onu şərləmək istədiyini idda edib. Təqdim olunan video tərəfimizdən izləndikdən sonra məlum olur ki, yol polisi sürücünü xəbərdarlıq etmək üçün saxlayıb. Belə ki, sürücünün digər yol hərəkəti iştirakçılarına nisbətən yüksək sürətlə hərəkət etdiyini müşahidə edən YPX əməkdaşı ona ehtiyyatlı olmasını tövsiyə edir. Bildirir ki, yaxın günlərdə bir neçə yol-nəqliyyat hadisəsi baş verib və bu cür sürətlə hərəkət etməklə qəza törədə bilər.
Sürücü yol polisi ilə nisbətən aqressiv danışsa da o, öz təmkinini pozmur və sona qədər mədəni davranır. Hətta təlimata uyğun olaraq ərazidə təhlükəsizliyi təmin etmək üçün onu saxladığını qeyd edir. Sonda isə sürücünün əsəbi olduğunu müşahidə etdikdə onunla sağollaşır.
Avtosfer.az olaraq dəfələrlə yol polisinin bu cür xidmət aparmalı olduğunu qeyd etmişik. Hadisə baş verməmişdən əvvəl sürücüləri maarifləndirməklə onları qəzadan qorumaq yol polisinin əsas vəzifələrindən biridir. Qeyd olunan videoda da yol polisi məhz bu vəzifəsini yerinə yetirir. Sürücünün isə əsəbi və aqressiv olmasi da təbiidir. Ola bilər ki, harasa tələsir. Bəlkə də yol polisinin onu saxlaması qarşıda baş verə biləcək ağır qəzanın qarşısını almış oldu. Videonu təqdim edirik:
Azərbaycan Respublikasının Nazirlər Kabineti yanında Operativ Qərargah Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisində elan edilmiş sərtləşdirilmiş karantin rejimində dəyişiklik haqda qərar qəbul edib.
Həmin rayonlarının ərazisində ictimai iaşə obyektlərində, eləcə də restoran, kafe, çay evləri və bu kimi digər məkanlarda müştərilərə açıq hava sahəsində yerində xidmət saat 09:00-dan 22:00-dək həyata keçiriləcək.
Qəlyan avadanlıqlarının istifadəsinə və hər bir masa arxasında 6 nəfərdən artıq toplaşmasına icazə verilməyəcək. /Yeni Sabah/
Bakıda gecə saatlarından etibarən yağan yağış nəticəsində “Zeytun Farmakoloji” şirkətinə məxsus 264 saylı aptekə su dolub.
“Qafqazinfo”nun verdiyi xəbərə görə, kanalizasiya xəttinin yağış suları nəticəsində daşması ilə Suraxanı Zığ qəsəbəsində yerləşən aptekə kanalizasiya suları dolub.
İlkin məlumata görə, nəticədə aptekdə 40 min manata yaxın dərman məhv olub.
Yağışlı hava şəraiti ilə əlaqədar Heydər Əliyev prospekti-Hava limanı-Mərdəkan və Zığ-Beton yolu-Hava limanı yollarında sürət həddi bütün zolaqlar üzrə müvafiq olaraq endirilib.
Məqsəd yağışlı havada yol hərəkəti təhlükəsizliyinin təmin olunmasıdır.
“Bir daha bütün sürücülərə diqqətli olmağı, yağışlı hava şəraitini nəzərə almalarını və sürət həddini aşmamağı tövsiyə edirik”, - məlumatda deyilir.
17 avqustda Bakıda və Abşeron yarımadasında havanın dəyişkən buludlu olacağı, arabir tutulacağı, gün ərzində bəzi yerlərdə yağış yağacağı gözlənilir. Mülayim şimal-şərq küləyi əsəcək.
Milli Hidrometeorologiya Xidmətindən verilən məlumata görə, havanın temperaturu Abşeron yarımadasında və Bakıda gecə 20-22, gündüz 27-29 dərəcə isti olacaq.
Atmosfer təzyiqi 757 mm civə sütunundan 761 mm civə sütununa yüksələcək, nisbi rütubət 70-80 faiz təşkil edəcək.
Abşeron çimərliklərində mülayim şimal-şərq küləyi əsəcək.
Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 23-24,Türkan, Hövsan, Sahil, Şıxda isə 24-25 dərəcə isti olacaq.
17 avqustda Azərbaycanın rayonlarında bəzi yerlərdə şimşək çaxacağı, arabir yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi gözlənilir. Səhər dağlarda duman olacaq.
Şərq küləyi əsəcək, ayrı-ayrı yerlərdə arabir güclənəcək. Havanın temperaturu gecə 18-22, gündüz 24-29, dağlarda gecə 7-12, gündüz 12-15 dərəcə isti olacaq.
Azərbaycanda sabaha gözlənilən hava şəraiti açıqlanıb.
Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında havanın dəyişkən buludlu olacağı, arabir tutulacağı, yağmursuz keçəcəyi gözlənilir.
Mülayim şimal-qərb küləyi əsəcək, gündüz zəif şimal-şərq küləyi ilə əvəz olunacaq. Havanın temperaturu Abşeron yarımadasında gecə 20-22, gündüz 27-29, Bakıda gecə 20-22, gündüz 27-29 dərəcə isti olacaq.
Atmosfer təzyiqi norma daxilində - 759 mm civə sütunu, nisbi rütubət gecə 60-70, gündüz 40-45 faiz təşkil edəcək.
Abşeron çimərliklərində mülayim şimal-qərb küləyi əsəcək, gündüz zəif şimal-şərq küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 22-23, Türkan, Hövsan, Sahil, Şıxda isə 23-24 dərəcə isti olacaq.
Avqustun 16-da Azərbaycanın bəzi rayonlarında şimşək çaxacağı, arabir yağış yağacağı, dolu düşəcəyi, gündüz havanın yağmursuz keçəcəyi gözlənilir. Səhər dağlarda duman olacaq. Şərq küləyi əsəcək, ayrı-ayrı yerlərdə arabir güclənəcək.
Havanın temperaturu gecə 18-23, gündüz 28-32, dağlarda gecə 9-13, gündüz 14-18 dərəcə isti olacaq.
“Hazırkı göstəricilərə görə həftəsonları ictimai nəqliyyatın fəaliyyəti dayandırılıb”.
Oxu.az xəbər verir ki, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
“Lakin mütəmadi olaraq epidemioloji statistik göstəricilər təhlil olunur. Müsbət tendensiya olduğu halda, qarşıdakı dövrdə ictimai nəqliyyatın hərəkəti bərpa oluna bilər”, - deyə o qeyd edib.
“Təhsil müəssisələrinin açılması ilə bağlı məsələ araşdırılır və öyrənilir”.
Oxu.az məlumat verir ki,, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib. O qeyd edir ki, məsələ ilə bağlı müxtəlif fikirlər var:
“Bu, epidemioloji vəziyyətlə bağlı məsələdir. Digər ölkələrdə də bu məsələ ciddi şəkildə araşdırılır. Bütün məsələlər müzakirə olunur. Bu barədə məlumat veriləcək”.
“Vətəndaşların koronavirusa yoluxma sürəti, inkubasiya müddəti və ağır xəstələrin sayı çarpayı doluluğuna təsir edir”.
Oxu.az xəbər verir ki, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva bildirib.
O qeyd edib ki, stasionar çarpayı sayına görə qapanmaya gedilmir:
“Bu gün üçün reanimasiya şöbəsində yatan və süni tənəffüs aparatına qoşulu xəstələrin sayı kifayət qədər çoxdur. Ona görə də əsas xəstəliyi ağır və yüngül keçirmə məsələsidir. Çünki onların müalicə müddəti uzun çəkir”.
“Koronavirusla əlaqədar ölkədə fəaliyyət göstərən məscidlər işləməyəcək. Bu il “Aşura” günündə Mərkəzi Qan Bankında qanvermə aksiyaları keçiriləcək”.
Oxu.az xəbər verir ki, bunu TƏBİB-in Mikrobiologiya İşçi qrupunun rəhbəri Qumral Ələkbərova Nazirlər Kabineti yanında operativ qərargahın bu gün keçirilən brifinqində deyib.
Onun sözlərinə görə, hazırda bu məsələ Qafqaz Müsəlmanları İdarəsi ilə müzakirə olunur:
“Sosial məsafə saxlanılmaq şərti ilə də Milli Hematologiya və Transfuziologiya Mərkəzində də qanvermə aksiyaları keçiriləcək”.