 |
|
Oğlu Azərbaycan Dövlət Televiziyasının (AzTV) əməkdaşını şəkilləri ilə şantaj edən bələdiyyə sədri vəzifəsindən istefa verib.
Unikal.org məlumatına görə, İsmayıllı rayon Basqal bələdiyyəsinin sədri Nadir Şəfiyev ərizə yazaraq vəzifəsinin icrasını dayandırıb.
Qeyd edək ki, N. Şəfiyevin oğlu Yusif Şəfiyev AzTV-nin xanım əməkdaşı ilə bir müddət tanışlıq münasibətində olduqdan sonra xanıma məxsus sosial mediadan və şəxsi profillərindən əldə etdiyi fotoları montaj edərək rüsvayedici şəkillərlə birləşdirib. Daha sonra onları qadının özünə göndərib və ondan dəfələrlə müxtəlif məbləğlərdə pullar tələb edib. Tələb etdiyi məbləğdə pulları ona ödəməyəcəyi təqdirdə həmin xanıma məxsus rüsvayedici şəkilləri ictimailəşdirəcəyi ilə hədələyib. Həmin şəxs xeyli miqdarda pulu əldə etdikdən sonra montaj edilmiş şəkilləri “aztvxana” adı ilə açdığı instagram səhifəsində paylaşıb.
1982-ci il təvəllüdlü Şəfiyev Yusif Nadir oğlu barəsində Cinayət Məcəlləsinin 182.2.4-cü maddəsi ilə cinayət işi başlanıb.
Şəfiyev Yusif Nadir oğlunun törətdiyi cinayət əməli aparılmış ibtidai istintaq zamanı toplanmış sübutlarla tam təsdiq olunduğundan ona cinayət məcəlləsinin həmin maddəsi ilə ittiham elan edilməklə barəsində Binəqədi rayon Məhkəməsinin qərarı ilə həbs qətimkan tədbiri seçilib.
OVİD-19 pandemiyası şəraitində növbəti tədris ilində təhsil müəssisələrinin fəaliyyətinin bərpası ilə bağlı hazırlanmış təkliflərə görə Azərbaycan Respublikasının Təhsil İnstitutuna təşəkkürümü bildirirəm.
Trend xəbər verir ki, bunu Təhsil naziri Emin Əmrullayev bildirib.
O qeyd edib ki, qərarların verilməsində elmi tədqiqatlara əsaslanmaq verilən qərarların səmərəliliyini artırır:
Nazir ictimaiyyətə müraciət edərək bildirib ki, mövzu ilə bağlı rəy və təkliflərinizi eşitmək çox maraqlı olardı:
“Azərbaycan Respublikasının Təhsil Nazirliyi ictimai rəyin öyrənilməsinə və vətəndaşların qərarların qəbul edilməsində iştirakına böyük önəm verir.
Xüsusi olaraq vurğulamaq istərdim ki, bu mövzu ilə bağlı “səhv” və ya “düz” fikir yoxdur, bütün rəylər və tövsiyələr faydalıdır. Rəy və təkliflərinizə görə hər birinizə əvvəlcədən dərin minnətdarlığımı bildirirəm”.
Azərbaycanda koronavirus pandemiyası səbəbindən Nazirlər Kabineti yanında Operativ Qərargah tərəfindən mart ayından etibarən rayonlara giriş-çıxışa məhdudiyyət qoyulub. Nazirlər Kabineti yanında Operativ Qərargahın qərarına əsasən, 31 avqust saat 00:00-dək Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarında sərtləşdirilmiş xüsusi karantin rejimi tətbiq edilir. Qərarla, həmin şəhər və rayonun ərazisində yaxın qohumunun dəfnində iştirak etmək istəyən şəxslər Daxili İşlər Nazirliyinin Növbətçi Hissələri İdarəetmə Xidmətinin 102 Xidməti - Zəng Mərkəzi vasitəsilə icazə alan, təxirəsalınmaz tibbi zərurətlə və ya qrafik üzrə müalicə almaqla əlaqədar həkim tərəfindən verilən arayış və beynəlxalq və ölkədaxili uçuşlara müvafiq reys üçün bileti olan şəxslər biletləri əsasında, dövlət sərhədindən müvafiq qaydada ölkəyə daxil olan şəxslərin yaşadıqları və ya olduqları yerə gəlməsinə isə onların pasportuna vurulmuş ştamp əsasında hərəkət edə bilərlər. Nazirlər Kabineti yanında Operativ Qərargahın sonuncu brifinqində Prezidentin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib ki, növbəti həftələrdə kafe və restoranların açıq hissələrinin açılması, rayonlara gediş-gəlişin bərpa edilməsi müzakirə olunur: “Bu addımların atılması epidimioloji vəziyyətdən asılı olacaq”.
Epidemioloji vəziyyət isə sabitləşir.
Maraqlıdır, hazırkı şəraitdə rayonlara gediş-gəliş açıla bilərmi?
Məsələ ilə bağlı Azərbaycanın baş infeksionisti Cəlal İsayev bildirib ki, yoluxma hallarının az olduğu təqdirdə yumşalmaların davam etdirilməsi nəzərdə tutulur:
“Artıq ölkəmizdə yoluxma halı ikirəqəmliyə düşüb. Bu sayın daha da aşağı düşməsi yumşalmalara imkan yaradar. Rayonlara gediş-gəlişin açılması məsələsi ətraflı surətdə araşdırılmalıdır. Daha sonra ən əlverişli qərar qəbul olunmalıdır ki, insanlar getdikləri yerdə nəzarətə alına bilsinlər və insanların yoluxma və yoluxdurma ehtimalı az olsun. Hesab edirəm ki, bütün bunlar araşdırıldıqdan sonra insanların rayonlara gediş-gəlişinə şərait yaradılacaq”.
Baş infeksionist rayonlara gediş-gəliş açıldıqdan sonra iritutumlu avtobuslardan istifadəni məqsəduyğun saymır:
“Çünki iritutumlu avtobuslarda 30-40 və daha çox insanın rayonlara gedib-gəlməsi mümkündür. Ona görə də həmin avtobuslarda yoluxma halı daha çox ola bilər. Ancaq bir ailənin şəxsi avtomobilndən istifadə edərək gediş-gəlişində yoluxma ehtimalı daha azdır. Hesab edirəm ki, rayonlara gediş-gəliş zamanı şəxsi avtomobillərdən istifadə daha əlverişlidir”.
Milli Məclisin deputatı Aydın Mirzəzadə isə karantin məhdudiyyətlərinin Azərbaycanın 13 şəhər və rayonuna giriş-çıxışı qadağan etdiyini xatırladıb:
“Bu, ilk növbədə orada koronavirus epidemiyasının kökünün hələ də kəsilməməsi ilə bağlıdır. Məhdudiyyətlərin götürülməsi, rayonlara gediş-gəliş çox təəssüf ki, yoluxmaların sayını artıra bilər. Bu baxımdan hesab edirəm ki, uyğun şərait yaranan kimi Nazirlər Kabineti yanında Operativ Qərargah rayonlara gediş-gəlişlə bağlı məhdudiyyətlərin götürülməsi barədə qərar verəcək”.
Deputat bildirib ki, hazırda rayonlara gediş-gəlişlə bağlı müəyyən icazələr mövcuddur: “Əgər insanlar karantin qaydalarına riayət etsələr, indi də məhdudiyyətləri götürmək olar. Yəni, insanlar sosial məsafə gözləsələr, tibbi maskalardan istifadə etsələr, çoxlu sayda insanlar bir yerə toplaşmasalar yumşalmalara getmək olar. Çox təəssüf ki, bu qaydalara hər yerdə əməl edilmir”. ( “Report”)
Sabahdan etibarən Bakıda müntəzəm və ekspres xətlər üzrə avtobusların fəaliyyəti dayandırılır. Xüsusi karantin rejimi qaydalarına uyğun olaraq 15 avqust gecə 00:00-dan müntəzəm və ekspres xətlər üzrə avtobusların fəaliyyəti dayandırılacaq.
Nəqliyyat vasitələri 17 avqust səhər saat 06:00-dan yenidən faəliyyətlərini bəpa edəcəklər.
Bu gün Dövlət İmtahan Mərkəzi tərəfindən ölkənin bir çox bölgələrində yerləşən təhsil müəssisələrində qəbul imtahanları keçirilib. Şimal bölgəsi üzrə Quba rayonunda da dörd məktəb binasında imtahanların keçirilməsi baş tutub.
DİN-in Mətbuat Xidmətinin Quba regional qrupundan verilən məlumata görə, keçirilən imtahanla əlaqədar Quba Rayon Polis Şöbəsinin əməkdaşları təhsil müəssisələrinin yerləşdiyi ərazilərdə gücləndirilmiş iş rejimində xidmət aparıblar. Həmin yerlərdə sosial izolyasiya qaydalarına riayət olunmasına və ərazidə təhlükəsizliyin təmin edilməsinə şöbə əməkdaşları tərəfindən ciddi nəzarət olunub.
Kronovirus (COVİD-19) infeksiyasının Hacıqabul rayonu ərazisində yayılmasının və törədə biləcəyi fəsadların qarşısının alınması istiqamətində profilaktik tədbirlərin həyata keçirilməsi davam etdirilir. Avqust ayının 14-də yaradılmış xüsusi mobil qruplar və hüquq mühafizə orqanları əməkdaşları ölkədə davam edən karantin rejimi ilə əlaqədar koronovirus infeksiyasının qarşısının alınması üçün şəhər ərazisində ictimai iaşə, ticarət obyektlərində reyd keçirib.
Reyd zamanı obyekt sahibləri, satıcılar və alıcılarla maarifləndirici söhbətlər aparılıb, onlara xəstəliyin yayılmasının qarşısının alınması üçün tibbi maskalardan istifadə edilməsinə, sosial məsafənin qorunmasına və şəxsi gigiyena qaydalarına düzgün riayət edilməsinə həmçinin karantin dövründə stolüstü oyunların istifadə edilməməsi tövsiyə olunub.
Mobil qruplar tərəfindən sakinlər arasında toy, nişan, ad günləri tədbirləri və yas mərasimlərin təşkili ilə bağlı maarifləndirici söhbətlər aparılıb.
Doqquzillikdən kolleclərə qəbulda illik təhsil haqları bir neçə kollec üzrə artırılıb.
Bu barədə təhsil eksperti Elçin Əfəndi qeyd edib.
Ekspert illik təhsil haqqı qalxan dövlət və özəl kolleclərin siyasını açıqlayıb:
Dövlət Kollecləri üzrə:
1. ADİU-nun nəzdində Maliyyə-iqtisad Kolleci – 900 manat (ötən il 700 manat);
2. Bakı Dövlət İqtisadiyyat və Humanitar Kolleci – 600 manat (ötən il 500 manat);
3. Bakı Qida Sənaye Kolleci – 800 manat (ötən il 600 manat);
4. ATU nəzdində Bakı Dövlət Rabitə və Nəqliyyat Kolleci – 800 manat (ötən il 700 manat);
5. ADNSU nəzdində Bakı Neft-Energetika Kolleci – 800 manat (ötən il 700 manat).
Özəl kolleclər üzrə:
1. Bakı Biznes və Kooperasiya Kolleci – 1100 manat (ötən il 950 manat);
2. Qərbi Kaspi Universitinin nəzdində olan Kollec – 890-1190 manat (ötən il 600-700 manat)
AMEA Rəyasət Heyətinin qərarı ilə Əməkdar mühəndis Vasif Bilal oğlu Abbasov AMEA “Yüksək Texnologiyalar Parkı” MMC-nin direktoru vəzifəsinə təyin edilib. AMEA Yüksək Texnologiyalar Parkında (YTP) keçirilən tədbirdə Vasif Abbasov kollektivə təqdim olunub.
YTP-dən "Ölkə.Az"a bildirilib ki, tədbiri giriş nitqi ilə açan AMEA Rəyasət Heyəti aparatının İşlər idarəsinin müdiri professor Elton Məmmədov V. Abbasovu kollektivə təqdim edərək onun şəxsi keyfiyyətləri, idarəçilik təcrübəsindən bəhs edib. O, Vasif Abbasovun öz zəngin idarəçilik təcrübəsi ilə YT Parkın fəaliyyətinin genişləndirilməsinə nail olacağına, bu vəzifənin öhdəsindən layiqincə gələcəyinə, qurumun inkişafına mühüm töhfələr verəcəyinə əminliyini ifadə edib və ona fəaliyyətində uğurlar arzulayıb.
Həmçinin, E. Məmmədov YT Parkın fəaliyyətinin Elmlər Akademiyası üçün əsas prioritet istiqamətlərdən birini təşkil etdiyini vurğulayaraq, son zamanlar YT Parkda əhəmiyyətli işlərin icra olunduğunu bildirib.
Tədbirdə çıxış edən Vasif Abbasov yeni vəzifəyə təyinatına görə AMEA-nın prezidenti akademik Ramiz Mehdiyevə və Elmlər Akademiyasının Rəyasət Heyətinə minnətdarlığını bildirib, Parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb. O, AMEA Yüksək Texnologiyalar Parkının innovativ layihələri həyata keçirən bir qurum kimi dövlətin bu istiqamətdə siyasətinə dəstək verəcəyini, elmi nəticələrin tətbiqi əsasında rəqabətqabiliyyətli məhsulların istehsalını və dünya bazarına çıxarılmasını əsas hədəf kimi qarşıya qoyan YT Parkda Azərbaycan iqtisadiyyatının davamlı inkişafını təmin etmək üçün bütün lazımi tədbirlərin görüləcəyini diqqətə çatdırıb.
Qeyd edək ki, indiyədək “Yüksək Texnologiyalar Parkı” MMC-nin direktoru postunu Əli Abbasov tuturdu.
Mingəçevir Şəhər Polis Şöbəsinin əməkdaşları tərəfindən keçirilən tədbirlərlə şəhər ərazisində xüsusi karantin rejimi qaydalarına zidd olaraq gizli fəaliyyət göstərən restoran aşkar edilib.
DİN-in Mətbuat Xidmətinin Şəki regional qrupundan verilən məlumata görə, şəhərin Heydər Hüseynov küçəsində yerləşən “Miraj” restoranının qaydaları pozaraq, müştəri qəbul etdiyi məlum olub.
İcarə əsasında obyekti işlədən Yaşar Mövsümov barəsində Mingəçevir Şəhər Polis Şöbəsində toplanmış material hüquqi qiymət verilməsi üçün məhkəməyə göndərilib. Məhkəmənin qərarı ilə o, 3 100 manat cərimə edilib.
.
Koronavirus pandemiyası bütün dünyada olduğu kimi, Azərbaycanda da bir çox sahələrin aktiv fəaliyyətini axsatdı. Əhalinin gündəlik qida ehtiyatlarını qarşılamayan, ancaq paltar və s. mallar satışı keçirilən iri ticarət mərkəzləri də müvəqqəti olaraq qapılarını bağladı. Bağlanan belə mərkəzlərdən biri də maşın bazarıdır. Yol-xeber.az saytına müsahibə verən Nəqliyyat üzrə ekspert Elməddin Muradlı Pandemiya dövründə maşın bazarının fəaliyyət göstərən sahələr sırasına daxil edilməli olduğunu qeyd etdi.
“Pandemiya dövründə avtomobil bazarında vəziyyət heç də ürəkaçan olmadı. Avtomobil bazarlarının, avtosalonların fəaliyyətinin dayandırılması, məhdudiyyətlərin tətbiq edilməsi lazımsız idi. Yumşalma dövründə bu məsələlərə diqqət ayrılmalıydı. Çünki avtomobil bazarı açıq havada fəaliyyət göstərir. İnsanlar arasında məsafəni qorumaq, dezinfeksiya işləri aparmaq, sanitar qaydalara əməl etməklə bazarın fəaliyyətini təşkil etmək mümkün idi. Eyni zamanda avtosalonlarda da bu məsələ tənzimlənə bilərdi.”
Elməddin Muradlı pandemiya dövründə avtomobil bazarında qiymətlərin sabit olmadığını bildirdi.
“ Ümumilikdə bazarda bu gün qiymətlər sabit deyil. İnsanlar öz avtomobilini satışa çıxararkən təssüflər olsun ki, alıcıların təsirinə düşürlər. Onlar da hər vasitədən istifadə edib avtomobili dəyərsiz bir vəziyyətə gətirib alırlar. Pandemiyanın ilk aylarında bu proses daha ağır formada gedirdi. Aylarla internet resurslarında satışa qoyulan avtomobillərə yaxın duran olmurdu. Amma hazırda müəyyən dirçəlişlər hiss olunmaqdadır.”
Ekspert Son yumşalma tədbirlərindən sonra avtomobil bazarının inkişafı üçün dövlətin müəyyən güzəştlər etməsini təklif etdi.
“Hazırda avtosalonlara az-az insanlar gəlir. Düşünürəm ki, avtomobil sahəsinə pandemiyanın təsiri bir neçə ay davam edəcəkdir. İnsanlar avtomobil almağa tərəddüdlə yanaşırlar. Çünki heç kim bilmir ki, pandemiya nə vaxt bitəcək, normal həyata nə vaxt qayıdacağıq. Vaxtı ilə bahalı avtomobil almaq həvəsində olan şəxslər, bu gün daha ucuz və ekonom avtomobil axtarır. Burada iqtisadi amillər özünü aydın göstərir. Dövlət tərəfindən avtomobil bazarının inkişafına müəyyən imkanlar yaradıla bilər. Burada gömrük və vergi rüsumlarının azaldılması və ya 2017-ci il səviyyəsinə qaytarılması arzuolunandır. Bununla bağlı hökumətə dəfələrlə təkliflər də verilib.”
Elməddin Muradlı avtomobil sahəsində ciddi maliyyə imkanlarının olduğunu diqqətə çatdırdı.
"Dövlət tərəfindən də müəyyən dəstək nümayiş etdirilsə avtomobil bazarındakı vəziyyəti ilin sonuna qədər düzəltmək olar. Əks halda bu proses gələn ilin ortalarına qədər zəif formada özünü göstərəcəkdir. Amma nəzərə almaq lazımdır ki, bu sahədə çox ciddi maliyyə imkanları var və bu imkandan da dövlət bəhrələnə bilər."
Pandemiya ölkə ərazisində avtomobillərin satışına mənfi təsir göstərsə də, ölkəyə idxal edilən avtomobillərin sayı azalmamışdır.
“Xarici ölkələrdən Azərbaycana gətirilən maşınların sayı azalmayıb, idxal hələ davam edir. Xüsusən bunu avtosalonlar, böyük diller şəbəkələri həyata keçirir. Ancaq alıcılıq qabiliyyəti olduqca aşağıdır.”