Gələn həftədən iri ticarət mərkəzləri açılır?

Xəbər verdiyimiz kimi, avqustun 11-də Nazirlər Kabineti “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” qərarına dəyişiklik edib. Belə ki, açıq havada olan kafe və restoranların gələn həftədən açılması gözlənilir. Bəs iri ticarət mərkəzləri ilə bağlı qaydalar varmı? Gələn həftə açıq havada olan kafe və restoranlarla yanaşı iri ticarət mərkəzləri də açıla bilərmi?

Bununla bağlı KONKRET.az-a açıqlamasında Nazirlər Kabinetinin mətbuat xidmətinin rəhbəri İbrahim Məmmədov iri ticarət mərkəzlərinin nə zaman açılacağı ilə bağlı onda heç bir məlumatın olmadığını bildirib:

“Harda necə davranılması ilə bağlı qaydalar var. Bu qaydalar bizim saytımızda və koronavirus.az saytında da var. İri ticarət mərkəzlərinin nə zaman açılacağı ilə bağlı bir söz deyə bilmərəm”.

Bu yolda xətlənmə işləri aparılacaq

Bakı-Ələt-Qazax-Gürcüstan ilə dövlət sərhədi avtomobil yolunun 26-76-cı km-lik hissəsində (hər iki istiqamət ) 13-15 avqust tarixlərində üfiqi nişanlanma xətlərinin yenidən rənglənməsi işləri aparılacaq.

AAYDA-DAN verilən məlumata görə, sürücülərdən sözügedən istiqamətdə qeyd olunan tarixlərdə hərəkətdə olarkən diqqətli olmaları, müvəqqəti yol nişanlarının və yol hərəkəti qaydalarının tələblərinə riayət etmələri xahiş olunur.

Tenderin qalibi Kəmaləddin Heydərovun həyat yoldaşı oldu

Fövqəladə Hallar naziri Kəmaləddin Heydərovun həyat yoldaşı Ruhəngiz Heydərova Bakı Beynəlxalq Multikulturalizm Mərkəzinin (BBMM) elan etdiyi tenderin qalibi olub.

Bu barədə elektron satınalmalar portalına istinadən sosial şəbəkələrdə məlumat yayılıb.

Mərkəz 2020-ci ilin fevral ayında ofis yerinin icarəsi üçün tender elan edib. Avqustun 11-də açıqlanan tenderin nəticəsinə görə qalib Heydərova Ruhəngiz Muxtar qızı olub. Dövlət qurumu olan BBMM ofis yerinin icarəsi üçün ona 48 min 840 manat ödəyəcək. R.Heydərova məxsus və Mərkəzin yerləşdiyi bina Mikayıl Useynov küçəsi, ev 63 ünvanındadır.

Qeyd edək ki, Ruhəngiz Heydərova SEBA (Seul-Bakı) Azərbaycan-Koreya Mədəniyyət Mübadiləsi Assosiasiyasının sədridir. O, həm də YAP Qadınlar Şurasının üzvüdür. 

Təhsil naziri Rusiya səfiri ilə görüşdü

Avqustun 12-də Təhsil naziri Emin Əmrullayev Rusiyanın ölkəmizdəki fövqəladə və səlahiyyətli səfiri Mixail Boçarnikov ilə görüşüb.

Təhsil Nazirliyi xəbər verir ki, görüşdə Azərbaycan və Rusiya arasında təhsil sahəsində əlaqələrin cari vəziyyəti və gələcək əməkdaşlıq perspektivləri müzakirə edilib.

 


 
Bu gün 20 minə yaxın abituriyent imtahan verəcək

Avqustun 13-14-də cari və əvvəlki illərin məzunları üçün II və III ixtisas qrupları üzrə, eləcə də I və IV ixtisas qrupları üzrə ali təhsili müəssisələrinin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı və qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) da keçiriləcək.
İmtahanlar saat 11:00-da başlanır.

İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.

İmtahanlar respublikanın 35 şəhər və rayonunda keçiriləcək.
Xatırladaq ki, imtahan keçirilən şəhər və rayonlarda ümumilikdə 164 imtahan binası, 2877 imtahan zalı ayrılıb. İmtahanların idarə olunmasına 164 ümumi imtahan rəhbəri, 490 imtahan rəhbəri, 3754 nəzarətçi–müəllim, 328 buraxılışı təşkil edən əməkdaş, 164 bina nümayəndəsi ayrılıb.

Avqustun 13-də keçiriləcək imtahanlarda 19 197, avqustun 14-də keçiriləcək imtahanlarda isə 18102 nəfər olmaqla, ümumilikdə 37 299 abituriyentin imtahanlarda iştirakı nəzərdə tutulur. Bunlardan 14232 nəfər II ixtisas qrupu, 22607 nəfər III ixtisas qrupu üzrə qəbul imtahanının ikinci mərhələsini, 460 nəfər isə I və IV ixtisas qrupları üzrə əlavə xarici dil imtahanını verənlərdir.

Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.

İmtahan iştirakçıları imtahan binasına daxil olmaq üçün yoxlamadan keçərkən sosial məsafəni saxlamaqla şəxsiyyətini təsdiq edən sənədi, üst tərəfini DİM əməkdaşının görəcəyi şəkildə ona tərəf uzatmalı və müvəqqəti olaraq maskasını çıxardaraq üzünü göstərməlidir.

Sabah havanın hərarəti 35 dərəcəyə yüksələcək
Azərbaycanda avqustun 13-də gözlənilən hava şəraiti açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətinin verdiyi məlumata görə, Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.

Mülayim şimal-şərq küləyi əsəcək. Havanın temperaturu Abşeron yarımadasında gecə 21-24,  gündüz 29-33, Bakıda gecə 21-23, gündüz 30-32 dərəcə isti olacaq. Atmosfer təzyiqi normadan aşağı 758 mm civə sütunundan 755 mm civə sütununa enəcək, nisbi rütubət gecə 60-65, gündüz 35-40 faiz təşkil edəcək.

Abşeron çimərliklərində mülayim şimal-şərq küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zuğulbada 24-25, Türkan, Hövsan, Sahil, Şıxda isə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin bəzi şimal və qərb rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Səhər dağlarda duman olacaq. Şərq küləyi əsəcək, ayrı-ayrı yerlərdə  arabir güclənəcək. Havanın temperaturu gecə 19-24, gündüz 30-35, dağlarda gecə 9-14, gündüz 15-20 dərəcə isti olacaq.

Tibbi-meteoroloji proqnoza görə, avqustun 13-də Abşeron yarımadasında iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.

BNA-nın qabaqdangəlmişliyi və ya bu gün
Avqustun 10-dan etibarən Bakıda karantin rejiminin nisbətən yumşaldılması ilə paytaxt küçələrində nəqliyyat sıxlığı və tıxaclar müşahidə olunmaqdadır.

Hələ karantin rejimi tam aradan qaldırılmayıb, amma Bakıda uzunməsafəli tıxaclar yaranmaqdadır. Müvafiq dövlət qurumlarının, xüsusən də Bakı Nəqliyyat Agentliyinin işini düzgün qura bilməməsi, haqlı olaraq vətəndaşların ciddi narazılığına səbəb olur. Uzağa getmədən bu gün “8-ci km” adlanan ərazidə “Neftçilər”metrostansiyasının üstündəki "Dakar" meydanında, o cümlədən digər küçə və prospektlərdə yaranın tıxac bunun bariz numunəsidir. Aidiyyatı qurumlar və BNA işini düzgün təşkil edə bilməməsindən ciddi tıxac yaranıb. İctimai nəqliyyat vasitələrinin hərəkət qrafikində uzunmüddətli gecikmələr baş verib. İşlərini düzgün qura bilməyən müvafiq qurumların fəaliyyəti nəticəsində tıxacda qalan insanlar sosial şəbəkələr vəsitəsi ilə hökuməti tənqid edərək, öz narazılıqlarını, şikayət və etirazlarını bildiriblər. İnsanlar uzun müddət tıxacda qalmaqla işlərinə gecikib.

Tıxacın qaldırılması istiqamətində isə addımlar atılmayıb. Nəticədə insanların çoxu ictimai nəqliyyat vasitələrini tərk edərək piyada uzun məsafə qət etməklə işə getməli olublar. Onların işə piyada getməsi bir yana, işə gecikdiyi üçün çalışdığı müəssisə rəhbərliyi tərəfindən alacağı töhmət daha dəhşətli olacaq. Bəlkə də bir çoxu gecikdiyinə görə, işini də itirməli olacaq və buna görə kimsə məsuliyyət daşımayacaq. Çünki, vətəndaşın işə gecikməsinin onun hər hansı səhlənkarlığı nəticəsində olmayıb, əksinə müvafiq dövlət qurumlarının işlərini düzgün qura bilməməsi nəticəsində üzrlü səbəbdən işə gecikib. Nəticə isə acınacaqlı olacaq. Vətəndaş işini itiricək və ya ən yaxşı halda töhmət alacaq, yaxud da həmin günün əməkhaqqından məhrum ediləcək. Hansısa qurumun işini düzgün qura bilməməsi nəticəsində vətəndan hökumətdən narazı olacaq. Bir çox hallarda isə aidiyyatı qurumlar fəaliyyətlərindəki çatışmazlıqlara görə məsuliyyəti hansısa formada öz üzərlərindən atmağa çalışırılar, yaxud da buna cəhd edirlər. Bu isə “üzrü cinayətindən betər” misalına bənzəyir.

Elə bu gün "Dakar" meydanında yaranan tıxaca görə, BNA mətbuat xidmətinin rəhbəri Mais Ağayevin məsələ ilə bağlı verdiyi açıqlama da buna oxşayır. Mais Ağayevin məhz bu açıqlaması sosial şəbəkələrdə xeyli sayda vətəndaşın ciddi narazılığına səbəb olub. Necə deyərlər BNA “qaş düzəltmək əvəzinə, vurub gözü də çıxarıb”. Belə ki, M. Ağayev açıqlamasında deyib ki, hazırda “Dakar” meydanında nəqliyyatın hərəkəti dayanıb: “Səbəb: nəqliyyat vasitələrinin çoxluğu və sürücülərin dairədə bir-birilərinə yol verməmələridir. Bu vəziyyətdən ən çox əziyyət çəkən isə ictimai nəqliyyat istifadəçiləridir.

Avtobuslar sıxlıqda qaldığından insanlar piyada gedir”. Bu yolla BNA sözçüsü günahı vətəndaşın üzərinə atmaqla vəziyyətdən çıxmağa cəhd edib. M. Ağayev orada tıxacın aradan qaldırılması istiqamətində həm BNA-nı, həm də digər qurumları ittiham etmək əvəzinə, nəqliyyat vasitəsini idarə edən vətəndaşları hədəf seçərək vəziyyətdən çıxmağa və bununla da günahı üzərlərindən atmağa çalışıb. Onun bu açıqlaması vətəndaşlar tərəfindən hiddətlə qarşılanıb və sosial mediada onun bu açıqlaması insanları aşağılama kimi qəyərləndirilib. Əslində BNA sözçüsü yaranmış tıxaca görə, paytaxt sakinlərindən üzr istəməli və tıxacın aradan qaldırılması istiqamətində əməli addım atmayan qurumlara ən azından iradını bildirməliydi.

Görüntünün olası içeriği: araba ve açık hava

Görüntünün olası içeriği: araba ve açık hava, şunu diyen bir yazı 'NEFTCILER METROSU'Görüntünün olası içeriği: araba ve açık hava, şunu diyen bir yazı 'ideal'Görüntünün olası içeriği: araba ve açık havaGörüntünün olası içeriği: araba ve açık hava

Prezidentə və nazirə yazılan məktublar yoxa çıxıb-  Səs yazısı

Son zamanlar Əmək və Əhalinin Sosial Müdafiəsi Nazirliyindən çoxsaylı şikayətlər olunur. Oxuculardan biri həmin nazirliyin fəaliyyəti ilə bağlı redaksiyamıza şikayətini göndərib.
Avtosfer.az xəbər verir ki, Təbriz Yusubov adlı oxucu qeyd edir ki, 2 aya yaxındır nazirliyin rəsmi elektron ünvanlarına (info@sosial.gov.az və sahil.babayev@mlspp.gov.az) ərizə yazır, lakin cavab verilmir.
Anasının adından Prezident cənab İlham Əliyevin adına göndərilən məktub, araşdırılıb tədbir görülməsi üçün Əmək və Əhalinin Sosial Müdafiəsi Nazirliyinə göndərilib. Prezident Administrasiyasından nazirliyə göndəriləməsindən 2 ay keçməsinə baxmayaraq hələ də ərizədən heç bir xəbər yoxdur. Nazirliyin əməkdaşı da ərizəni tapa bilmədiyini qeyd edir.

Danışılan səs yazısını sizə təqdim edirik.

 

Fərid

Sumqayıtda velosipedçilərə qarşı reyd; cərimələnənlər var   - VİDEO

Sumqayıt şəhər Polis İdarəsinin Dövlət Yol Polisi Şöbəsinin əməkdaşları velosipedçilərin hərəkətinin tənzimlənməsi məqsədi ilə reyd keçirib. Yol-xeber.az-ın məlumatına görə, keçirilən reyd zamanı avtomobil yollarında hərəkət edərək qəza şəraiti yaradan, dəbilqədən istifadə etməyən velosipedçilər saxlanılıb. Onlarla profilaktik söhbətlər aparılıb, bu formada hərəkət etmələrinin təhlükəli olduğu bildirilib.

Qaydalara əməl etməyən velosipedçilər barəsində inzibati protokol tərtib edilərək cərimələniblər.

Reyd zamanı, həmçinin ictimai nəqliyyatda tibbi maskadan istifadə etməyən sərnişinlər də aşkarlanıb. Və onlar barəsində də qanunvericilik çərçivəsində tədbirlər görülüb.

 

Sərnişinlərin regionlara  gediş-gəlişi necə təşkil olunacaq?
Azərbaycandakı epidemioloji vəziyyətdən asılı olaraq gələn həftədən etibarən respublikanın regionlaırna sərəbəst gediş-gəlişin təmin olunacağı gözlənilir. Bununla bağlı artıq Nazirlər Kabineti yanındaki Operativ Qərargahın üzvləri də bu günlərdə keçirdiyi brifinqlərdə müəyyən mesajlar veriblər. Prezidentin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bir neçə gün öncə Nazirlər Kabineti yanında Operativ Qərargahın brifinqində bildirib ki, Azərbaycanda növbəti həftələrdə rayonlara gediş-gəlişin bərpa edilməsi müzakirə olunur: “Bu addımların atılması epidimioloji vəziyyətdən asılı olacaq”.

Əgər bölgələrə gediş-gəliş yaxın vaxtlarda açılacaqsa, o zaman  ilk günlərdə sərnişinlərin daşınmasında müəyyən sıxlıq yarana bilər. Sərnişinlərin daşınmasının təşkili və necə həyata keçiriləcəyi ilə bağlı “Ölkə.Az”a açıqlama verən Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova bildirib ki, bu barədə indidən nəsə demək tezdir: “Sərnişinlərin daşınması barədə həyata keçiriləcək Tədbrilər Planı haqqında ancaq Nazirlər Kabineti yanında Operativ Qərargahın  verəcəsi qərardan sonra mövqeyimizi açıqlaya bilərik. İndiki halda verəcəyimiz açıqlama cəmiyyətdə müəyyən çaşqınlıq yarada bilər.  Görüləcək işlərə gəldikdə isə onu deyə bilərik ki, hər bir dövlət qurumu kimi Dövlət Avtomobil Nəqliyyatı Xidməti də Operativ Qərargahın verdiyi qərarları   layiqincə icra etməkdədir.  Biz də  fəaliyyətimizi Operativ Qərargahın verdiyi qərarlara uyğun həyata keçiririk”.

N.Allahyarova əlavə edib ki, Dövlət Avtomobil Nəqliyyatı Xidməti Operativ Qərargahın verəcəyi istənilən  qərarları  yerinə yetirməyə  tam hazır vəziyyətdədir: “Ö cümlədən regionlara gediş-gəlişin açıqlacağı zamanı sərnişinlərin  qısa zamanda mənzilə başına çatdırılmasına da hazırıq. Sadəcə bir daha qeyd edirəm ki, bu Operativ Qərargahın qərarından sonra olacaq. Şəhərlərarası və rayonlararası  daşınmalarla bağlı qərar verilən kimi  görüləcək  Tədbirlər planı dərhal işə düşəcək  və təxirəsalınmadan icra olunacaq”.

Xəbər lenti