 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
"Paşinyanın mayın 7-də Putinin andiçmə mərasimində iştirak etməsi ehtimalı azdır. Çünki bu, birbaşa Rusiya ilə təmasın qurulması deməkdir".
Bu fikirləri Musavat.com-a siyasi analitik Asif Nərimanlı bildirib. O əlavə edib ki, Paşinyanın Putinin yanında mövqe sərgiləməsi Ermənistana dəstək verən Qərb tərəfindən birmənalı qarşılanmayacaq:
"Həmçinin Ermənistanın anti-Rusiya siyasəti fonunda da, bu siyasətə uyğun gəlmir. Bu baxımdan Paşinyanın andiçmə mərasimində iştirakdan imtina edəcəyi gözlənilir. Sadəcə burada bir məqam var ki, Paşinyanın mayın 8-də Avrasiya İqtisadi İttifaqının 10 illiyi ilə bağlı yubiley sammitində iştirak etməsi ehtimalı daha çox görünür. Ermənistan əvvəldən KTMT və MDB-nin iclaslarından yayınmağa çalışır. Çünki hərbi və siyasi baxımından Qərbdən dəstək ala bilir. Amma Avrasiya İqtisadi İttifaqında iştirakdan yayınmır, əksinə daha çox maraqlı görünür. Çünki iqtisadi baxımdan Ermənistanın alternativi yoxdur, yəni bu bazardan asılıdır.
O baxımdan Paşinyan Putinin andiçmə mərasimində iştirak etməməsini Qərb tərəfdaşlarına izah edə bilməz. Amma ittifaqın iclasında iştirakını izah edə bilər. Paşinyan Moskvaya gedəcək, amma burada qəribə bir vəziyyətin yaranacağı da istisna deyil. Bütün hallarda Paşinyan Putinlə üz-üzə gələcək və istər-istəməz ona qarşı mənfi münasibət olacağı aydın görünür. Bir gün öncə Putinin andiçmə mərasimində iştirak etməyən Paşinyan bir gün sonra Moskvada olacaq, Putinlə bütün hallarda təmasda olacaq. Yəni Paşinyan üçün olduqca xoşagəlməz vəziyyət yaranacaq".
Qeyd edək ki, Rusiya Prezidenti Vladimir Putinin andiçmə mərasimi mayın 7-də Moskva vaxtı ilə saat 12:00-da “Rossiya” kanalında canlı yayımlanacaq.
Yada salaq ki, martın 15, 16 və 17-də Rusiyada prezident seçkiləri keçirilib. V. Putin seçkilərdə ümumi 87,28% səslə qalib gəlib və beşinci dəfə Rusiya prezidenti seçilib.
29.04.2024-cü ildə Fransa xüsusi xidmət orqanı DGSE-nin məlum mətbuat uzantısı “İntelligence Online” Ermənistanda hərbi sənayesinin qurulması işinə cəlb edilən Britaniya şirkətlərini, nüfuzlu britaniyalıların işin koordinasiyasına görə aldığı məbləğləri qəsdən açıqlayan yazı ilə çıxış edib.
Məlum olduğu kimi, hazırkı Fransa hökuməti kolonializm siyasi ənənələrinə uyğun olaraq artıq uzun müddətdir Ermənistan bazarını heç kimlə bölüşmədən ələ keçirmək üçün müxtəlif addımlara əl atır.
“Qafqazinfo” “İntelligence Online”nın dərc etdiyi yazını olduğu kimi təqdim edir:
“İrəvanla Britaniyanın müdafiə şirkətlərinin əlaqəsinə nail olmaq üçün “Sanctuary Counsel” seçildi
Qərbdə lobbiçilər və kommunikasiyalar üzrə məsləhətçilər axtaran Ermənistan hökuməti Britaniya müdafiə sənayesi üzrə veteran məsləhətçinin xidmətlərindən istifadə etmək üçün müqavilə bağlayıb.
Qərb ölkələrinə doğru böyük meyillənmə çərçivəsində artıq Vaşinqton və Parislə danışıqlara başlayan İrəvan hökuməti Böyük Britaniya ilə də sıx əlaqələr qurmağa davam edir. Bu yaxınlarda İrəvan hazırda fəaliyyətini dayandırmış ictimaiyyətlə əlaqələr şirkəti “Bell Pottinger”in keçmiş sədr müavini David McDonough tərəfindən 2019-cu ildə qurulan kommunikasiya və reputasiya idarəçiliyi şirkəti olan “Sanctuary Counsel”in xidmətlərindən istifadə etmək üçün müqavilə bağlayıb. Şirkətdə onun işlərinə cavabdeh Britaniya Ordusunun keçmiş qərargah rəisi Riçard Dannattdır, hazırkı Lord Dannatt.
Böyük Britaniyanın keçmiş baş naziri Devid Kemeronun müdafiə məsələləri üzrə müşaviri olmuş Dannatt martın əvvəlindən “Sanctuary Counsel”də baş məsləhətçi olub və İrəvana Londonla daha sıx əlaqələr qurmaq səyləri ilə bağlı məsləhətlər verməkdədir.
Təcrübəli müdafiə məsləhətçisi
Dannatt reputasiya menecerindən daha çox müdafiə sənayesi mütəxəssisidir və müdafiə sektorunda geniş əlaqələrə malikdir. Hökumət müşaviri kimi xidmət etdikdən sonra o, Britaniya Ordusunun dəstəyi və təlim müqavilələrini qazanmağı hədəfləyən “Callan UK” (keçmiş Cadence Consultancy) konsaltinq şirkətini idarə edib. Hazırda o, ABŞ-nin dron və müşahidə avadanlığı istehsalçısı “Teledyne FLIR” və Oksford Universiteti, Kembric Universiteti və Stenford Universitetinin süni intellekt departamentlərinin tərəfdaşı olan təhlükəsiz sənəd mübadiləsi platforması təminatçısı “FileSwap Global”a məsləhət verir.
Dannatt əvvəllər “Ricardo Pie” mühəndislik qrupunun bir hissəsi olan “Control Risks Group” (CRG) və “Typhon” təhlükəsizlik şirkətlərinə və texniki konsaltinq şirkəti “Capita Symonds”a məsləhətlər verib.
Yüksəksəviyyəli əlaqələndiricilər
“Sanctuary Counsel”də Dannatt başqa bir keçmiş Cameron müşaviri, keçmiş Downing Street, 10 ünvanının strategiya direktoru Endryu Kuper, hazırkı “Windrush”dan Baron Kuperlə birlikdə işləyir.
“Sanctuary Counsel”in məsləhətçiləri arasında daha bir yeni gələn Avstraliya siyasi strategiya mütəxəssisləri Mark Textor və Lynton Crosby tərəfindən qurulan “CT Group”un strateji kommunikasiyalar və şəxsi araşdırmalar üzrə keçmiş baş əməliyyat direktoru Sian Hansendir.
Rasmussen də cəlb olundu
“The Times”ın aprelin 15-də açıqladığı kimi, artıq London və İrəvan Britaniyanın Ruanda ilə razılaşdığı razılaşmaya bənzər bir razılaşma ilə Ermənistana qeyri-qanuni miqrantları köçürməsinə icazə verilməsi imkanını müzakirə edirlər.
Azərbaycanla son münaqişəsindən sonra Qərb dövlətləri ilə daha sıx əlaqələr qurmaq və Rusiyadan uzaqlaşmaq istəyən İrəvan son bir ildə Ermənistanın Avropada maraqlarını müdafiə edən Brüsselin “Rasmussen Global” lobbi firmasının xidmətindən istifadə edir. Firmanı yaradan NATO-nun keçmiş baş katibi Anders Foq Rasmussen “Ermənistanın Dostları” Şəbəkəsinə nəzarət etmək və Ermənistandakı vəziyyətlə bağlı konfranslar təşkil etmək üçün ildə 400.000 avrodan 500.000 avroya qədər ödəniş alır.”
Gürcüstanın baş naziri İrakli Kobaxidze xarici agentlər haqqında qanun layihəsinin müvəqqəti geri götürülməsini tələb edən Amerika tərəfinin ona qarşı qoyduğu şərtlərə görə ABŞ-yə səfərdən imtina edib.
Bu barədə Gürcüstan XİN-in yaydığı bəyanatda deyilir.
“ABŞ səfirliyi tərəfindən Gürcüstan hökumətinin yüksək rütbəli nümayəndələrinin ABŞ-yə dəvət olunduğu barədə bəyanat yayılıb, gürcü tərəfi bundan imtina edib. Bununla əlaqədar deyə bilərik ki, Gürcüstanın baş nazirinin ABŞ-yə səfərinədək Gürcüstan parlamentinin “Xarici təsirin şəffaflığı haqqında” qanun layihəsinin müzakirəsini müvəqqəti dayandırmaq şərti ilə dəvət edilib. Şərtlərlə səfərin həyata keçirilməsi qarşılıqlı hörmət və qarşılıqlı etimada əsaslanmalı olan tərəfdaşlıq ruhuna uyğun gəlmir”, - XİN-in bəyanatında deyilir.
Türkiyə tərəfi özünün "S-400" zenit-raket komplekslərini hər hansı ölkəyə vermək niyyətində deyil.
Bunu Türkiyənin müdafiə naziri Yaşar Gülər “CNN Türk” telekanalının efirində deyib.
"S-400"-ləri kiməsə vermək fikrində deyilik”, - nazir vurğulayıb.
Ukraynanın Britaniya silahları ilə Rusiyanın daxilindəki hədəfləri vurmaq haqqı var.
"Bu sözləri Böyük Britaniyanın xarici işlər naziri Devid Kemeron “Reuters”ə deyib.
“Rusiya Ukraynanın daxilində hədəfləri vuranda, Ukraynanın nə üçün özünü müdafiəyə ehtiyacı hiss etdiyini anlaya bilərsiniz”, - deyə Kemeron bildirib.
O, Böyük Britaniyanın Ukraynaya ehtiyac olduğu müddətdə illik 3 milyard funt-sterlinq (3,74 milyard dollar) yardım göstərməyə davam edəcəyinə söz verib.
Türkiyə Prezidenti Rəcəb Tayyib Ərdoğan ölkənin müxalif Cümhuriyyət Xalq Partiyasının sədri Özgür Özellə görüşüb.
Türkiyənin hakim Ədalət və İnkişaf Partiyasının (AK Parti) Baş Qərargahında keçirilən görüş 1 saat 35 dəqiqə davam edib.
“CNN Türk”ün məlumatına görə, görüş çox müsbət və məhsuldar keçib. Tərəflər bir-birinə hədiyyələr verib.
Bildirilir ki, görüş zamanı Özel əyləşmə şəklini tənqid edib. Ərdoğan isə “Dövlət Baxçalı gəldiyi zaman da belə otururuq” deyib. Türkiyə Prezidenti bunu kompensasiya etmək üçün CHP-nin qərərgahına təşrif buyuracağını deyib, Özel isə bundan məmnun olacağını bildirib.
Qeyd edilir ki, dini bayramlarda Ərdoğanla Özel arasında telefon təbriki olacaq, milli bayramlarda isə görüşləri təşkil ediləcək.
Ölkədaxili bir sıra məsələlərin müzakirə olunduğu görüşdən sonra CHP lideri açıqlama verib:
“Görüş müsbət atmosferdə keçdi. Bunun müsbət nəticələr verəcəyinə ümid edirəm. Önümüzdəki günlərdə hadisələri izləyəcəm”.
Qeyd edək ki, bu, hər iki partiyanın liderləri arasında 2016-cı ildən bu yana baş tutan ilk görüşdür.
"Ermənistanla Gürcüstan arasında delimitasiya 20 ildən artıqdır ki, davam edir, lakin bu prosesi sürətləndirmək lazımdır. Azərbaycanla da delimitasiya prosesi mümkün qədər tez aparılmalıdır".
Bunu Ermənistanın baş naziri Nikol Paşinyan deyib.
"Niyə? Delimitasiya aparılmaması münaqişənin yaranmasına səbəb ola bilər. Buna görə də biz vəziyyəti mümkün qədər idarəolunan saxlamaq üçün münaqişənin yaranmasına ciddi təhlükə olan yerlərdən başlayırıq”,- Paşinyan qeyd edib.
O əlavə edib ki, delimitasiya sənədlərində müəyyən məxfilik var və onlarla işləmək üçün müəyyən prosedurlar var: "Hesab edirəm ki, bu prosedurlarla bağlı anlaşılmazlıqlar ola bilər".
Paşinyan eyni zamanda əlavə edib ki, bütün bu prosesin geosiyasi təsiri var.
“Gözümüzün önündə bir neçə dəfə bizim qarşımızda təhlükəsizlik öhdəliyi olan strukturlar və ölkələr öz öhdəliklərini yerinə yetirə bilməyiblər. Bu fakt Ermənistanı belə qənaətə gətirməlidir ki, təhlükəsizliyimizi təmin etmək üçün yalnız özümüzə arxalanmalıyıq", - o qeyd edib.
Paşinyan əlavə edib ki, vəziyyəti dəyişməmək ölkəni müəyyən çöküşə sürükləmək deməkdir.
"Biz milli maraqlarımıza uyğun olaraq kənar dəstək və himayədar olmadan regionumuzda yaşamağın həll yolunu tapmalıyıq. Keçdiyimiz yolu təhlil edəndə görürük ki, özümüzü bir forpost kimi görürük", - Paşinyan vurğulayıb.
Azərbaycanla razılaşmaya əsasən, sərhəd qoşunları delimitasiya olunmuş ərazilərə yerləşdiriləcək.
“Report” xəbər verir ki, bu barədə Ermənistanın baş naziri Nikol Paşinyan bildirib.
"Azərbaycanla razılaşma əsasında delimitasiya olunmuş ərazilərdə sərhəd qoşunları yerləşdiriləcək. Çünki sərhədlərdə təhlükəsizliyi təmin etmək onların vəzifəsidir. Yəni sərhəddə Müdafiə Nazirliyinin postları olmayacaq", - Paşinyan Ermənistanın İctimai telekanalına müsahibəsində deyib.
“Latviya Xarici İşlər Nazirliyi Rusiya Federasiyasına zərbələr endirməyə icazə verən ölkələrin siyahısını təqdim etməlidir”.
Bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova öz “Telegram” kanalında deyib.
Qeyd edək ki, daha əvvəl Latviya Xarici İşlər Nazirliyi bəyan edib ki, Ukrayna artıq bəzi Qərb tərəfdaşlarından Rusiya ərazisindəki hədəflərə zərbələr vurulmasına icazəsi olan silahlar alıb.
“Latviya Xarici İşlər Nazirliyi, əgər yalan demirsə, bu ölkələrin siyahısını təqdim etməlidir”, - deyə Zaxarova qeyd edib.
Ermənistan ərazisində müəllifin “Vladimir Solovyovla axşam” və “Vladimir Solovyovla bazar axşamı” verilişlərinin yayımının qadağan edildiyi barədə məlumat yayılıb.
Bu qərara səbəb kimi “son vaxtlar Ermənistan Televiziya və Radio Komissiyası tərəfindən qeydə alınan daimi pozuntular” göstərilir.
Televiziya və Radio Komissiyasının sədri Tiqran Akopyanın sözlərinə görə, indi hər hansı xarici veriliş Ermənistan ərazisində yayımlanmazdan əvvəl Ermənistana qarşı nifrət, eləcə də daxili işlərə müdaxilə olub-olmaması üçün ətraflı yoxlanılacaq.
Qeyd edək ki, Solovyov anti-Azərbaycan və ermənipərəst mövqeyi ilə tanınır.