ABŞ Prezidenti Donald Trampın Suriya və Ukraynada birgə işləyəcəkləri təqdirdə Rusiyaya qaşı tətbiq olunan sanksiyaların götürüləcəyi ilə bağlı şərt irəli sürməsi daxili publikaya hesablanıb.

Çünki qarşıda Konqresə seçkilər gəlir. Reallıqda isə onun Rusiyaya qarşı sanksiyaları ləğv etmək imkanı yoxdur.

Axar.az xəbər verir ki, bunu Rusiya Ali İqtisadiyyat Məktəbinin dünya iqtisadiyyatı və dünya siyasəti fakültəsinin dekan müavini, politoloq Andrey Suzdaltsev deyib.

Onun sözlərinə görə, Ağ Ev rəhbərinin bəyanatı çoxyönlü xarakter daşıyır.

“Xüsusilə onun Ukrayna barədə bəyanatı daxili siyasət xarakteri daşıyır. Bu, Tramp administrasiyasının Rusiyaya qarşı sərt mövqeyini və onun dünyaya şərtlərini diktə edən güclü bir beynəlxalq oyunçu olduğunu göstərir. Bu da Konqresə keçirilən seçkilərdə Respublikaçılar üçün çox vacibdir. Birgə işləməklə bağlı çıxışı isə xarici siyasətə, Moskvaya hesablanıb”, - politoloq bildirib.

Suzdaltsev əminliklə bildirib ki, Trampın vurğuladığı sanksiya ləğvini həyata keçirmək hazırda mümkün deyil:

“Konqresin əsas rol oynadığı siyasi sistemdə Tramp heç nə edə bilməz. Ona görə də onun sanksiyaların ləğvi barədə dedikləri məntiqli deyil. Sanksiyaları ancaq Konqres ləğv edə bilər. Ola bilsin ki, Tramp Suriyada Rusiya ilə işləmək istəyir, amma Ukrayna ilə bağlı bəyanatı daxili siyasət xarakteri daşıyır”.

Twitter