ABŞ-ın Avropa Birliyinin tərəfdaşlarına qarşı sanksiyalar siyasəti Avropanı məcbur edir ki, Vaşinqtonun fəaliyyətinə reaksiya versin.

Axar.az xəbər verir ki, bunu Almaniyanın xaricdəki səfirləri qarşısında çıxışı zamanı Xarici İşlər naziri Hayko Maas deyib.

“Vaşinqtonun sanksiyalar siyasəti bizi ABŞ-a cavab verməyə məcbur edir. ABŞ-ın Rusiya, Çin və digər ticarət tərəfdaşlarımıza qarşı qeyri-spesifik sanksiyaları Avropa və Almaniyanın maraqlarına toxunur. Avropa Birliyi ABŞ-dan müstəqil olan institutların inkişafına dəstək verəcək. Bu, xüsusilə, Avropa Valyuta Fonduna aid ediləcək. Biz həmçinin İranla ticarət əlaqələrinin qorunması üçün ödəniş sisteminin yaradılmasına çalışacağıq. ABŞ AB-nin ən yaxın tərəfdaşıdır. Biz istəyirik ki, bu belə də qalsın. Donald Trampın seçilməsi göstərdi ki, biz Amerikanı zənn etdiyimiz qədər tanımırıq. Avropanın ABŞ-la yeni balanslaşdırılmış tərəfdaşlığına ehtiyacı var”, – deyə o bildirib.

Twitter