 |
|
Bir müddət əvvəl sökülən Cavanşir körpüsü ərazisində son vəziyyət açıqlanıb.
“ATV xəbər” xəbər verir ki, burada işlər sürətlə davam etdirilir.
Artıq asfaltlanma işləri tamamilə yekunlaşıb. Hazırda kommunikasiya xətləri çəkilir və ərazidə yaşıllıq salınır. Aparılan işlər həm nəqliyyat vasitələri, həm də piyadaların ərazidə rahat hərəkətini təmin edəcək.
Yeni yol təxminən 3 aya istifadəyə veriləcək.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Avronun məzənnəsi 0,2% artaraq 1,8459 manat, Rusiya rublunun məzənnəsi 1,5% irəliləyərək 0,0200 manat, Türkiyə lirəsi 0,4% ucuzlaşaraq 0,0513 manat təşkil edib.
ABŞ dollarının məzənnəsi isə dəyişməyərək 1,7000 manat olub.
"Elektron siqaret, qəlyan və onların əvəzedicilərini satanların marjasından asılı olaraq qiymətlər hər ədəddə 1.50- 2 manat arası arta bilər”.
Bunu Valyuta.az-a iqtisadçı Xalid Kərimli Azərbaycana gətirilən tütün və alkaqollu məhsulların bəziləri üçün aksiz dərəcələrinin artırılması haqqında danışarkən deyib.
O, bildirib ki, bu məhsulların hər ədədi üçün aksiz vergisinin 0,25 manatdan 2 manata qaldırılması sahibkarın xərcinin artması deməkdir: "Bu isə əhəmiyyətli artımdır. Ona görə qiymətlərə mütləq şəkildə təsir göstərəcək. Belə məhsullar adətən tam qiymətə satıldığına görə güman edirəm ki, bu siqaretlərin qiyməti ən azı 2 manat bahalaşacaq”.
Qeyd edək ki, Nazirlər Kabineti 19 yanvar 2001-ci il tarixli qərarı ilə təsdiq edilmiş "Azərbaycan Respublikasının ərazisinə gətirilən aksizli malların aksiz dərəcələri”ndə dəyişiklik edib.
Qərara əsasən Azərbaycana gətirlən tütün məhsulları və alkaqolluiçkilərlə yanaşı birdəfəlik istifadə olunan elektron siqaret, qəlyan və onların əvəzedicilərinin hər ədədi üçün aksiz vergisi 0,25 manatdan 2 manata qaldırılıb.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,08% azalaraq 1,8429 manat, Rusiya rublunun məzənnəsi 1,5% irəliləyərək 0,0197 manat, Türkiyə lirəsi 0,6% ucuzlaşaraq 0,0515 manat təşkil edib.
ABŞ dollarının məzənnəsi isə dəyişməyərək 1,7000 manat olub.
Bu ilin I yarısında İqtisadiyyat Nazirliyi yanında Əmlak Məsələləri Dövlət Xidməti 177 664 daşınmaz əmlak üzərində mülkiyyət hüququnu dövlət qeydiyyatına alıb.Məlumata görə, bu, ötən ilin eyni dövrü ilə müqayisədə 32,8 % azdır. Yarım illik göstəricinin 27 707-si (15,6 %-i) ilkin, 149 957-si isə (84,4 %-i) isə təkrar qeydiyyatın payına düşür. Qeydiyyatı aparılan əmlaklardan 27 695-i fərdi yaşayış və bağ evi, 39 388-i mənzil, 104 580-i torpaq sahəsi, 1 586-sı qeyri-yaşayış binası, 4 017-si qeyri-yaşayış sahəsi, 376-sı əmlak kompleksi, 22-si isə çoxmərtəbəli yaşayış binasıdır. Bunların 45 513-ü Bakı şəhərinin, qalanı isə bölgələrin payına düşür. Hesabat dövründə 132 115 daşınmaz əmlakın texniki inventarlaşdırılması aparılıb və texniki pasportu tərtib edilib. Bu isə 1 il əvvələ nisbətən 39,4 % azdır. İl ərzində qeydiyyata alınan ipoteka müqavilələrinin sayı isə 9,95 % azalaraq 35 203 olub.
Qeyd edək ki, son illər sənədsiz evlərə çıxarışların (“kupça”) veriləcəyi aktualdır və 500 minə yaxın mənzilə şamil olunacağı istisna edilmir. Hazırda isə proses əksinə gedir. Daşınmaz əmlak üzərində mülkiyyət hüquqununun dövlət qeydiyyatına alınmasındakı azalmaya səbəb nədir?
Daşınmaz əmlak məsələləri üzrə ekspert Elnur Fərzəliyev “Cebhe info”-ya bildirib ki, mülkiyyət hüququnun qeydiyyatı çıxarışın verilməsidir:
“Mülklərin qeydə alınması ilkin və təkrar qeydiyyatdan asılıdır. Birincisi, ilkin qeydiyyat var ki, vətəndaşın torpaq sahəsi və ya fərdi həyət evi var, bununla bağlı çıxarış alır. Bu, ilkin qeydiyyatdır. Dövlət Xidmətinin qeyd etdiyi rəqəmlərə gəldikdə isə ilkin qeydiyyatdan söhbət getmir. Çıxarışsız fərdi həyət evləri və torpaq sahələri olduğu kimi qalır. Təkrar alqı-satqılar var ki, burada çıxarışsız, notarial qaydada vətəndaş əmlakı bir başqasına satır, həmin şəxs yenidən öz adına müraciət edib çıxarış alır. Artıq 2023-cü ilin oktyabr ayından bu günə kimi ölkənin, xüsusilə də paytaxt Bakı şəhərinin əmlak bazarında ciddi durğunluq var. Alıcı kütləsi həddindən çox azalıb. Alıcı kütləsinin azalması da həmin qeydiyyatlılarla bağlı rəqəmləri azaldır”.
Ekspert vurğulayıb ki, burada söhbət sənədsiz evlərin sənədləşdirilməsi prosesindən getmir, təkrar alqı-satqılardan gedir:
“Yəni təkrar alqı-satqıdan sonra əmlakına çıxarış alan vətəndaşların sayı azalıb. Əmlak bazarındakı durğunluq səbəbindən də həmin qeydiyyata alınma məsələlərində belə yubanmalar baş verir”.
Nazirlər Kabineti 22 iyul 2014-cü il tarixli qərarı ilə təsdiq edilmiş “Gömrük sərhədindən keçirilən malların və nəqliyyat vasitələrinin bəyan edilməsi Qaydaları”nda dəyişiklik edib.
Bununla bağlı Baş nazir Əli Əsədov yeni qərar imzalayıb.
Qərara əsasən, gömrük orqanlarının malların buraxılışı həyata keçirildikdən sonra gömrük bəyannaməsində düzəlişlər etməsinə və yaxud onu geri götürməsinə icazə verilən halların sayı artırılıb. Siyahiya aşağıdakı hallar da əlavə edilib:
- malların buraxılışı həyata keçirildikdən sonra 3 il müddətində bəyannaməçi malları müvafiq gömrük proseduru altında yerləşdirməsi ilə əlaqədar öhdəliklərini yerinə yetirməli olduqda;
- Gömrük Məcəlləsinin 46-cı fəslinə uyğun olaraq gömrük borcu üzrə ödənilmiş gömrük ödənişlərinin qaytarılması barədə gömrük orqanının qərarı olduqda;
- bu Qaydaların 14.10-cu bəndində göstərilmiş hal istisna olmaqla, aparılmış gömrük auditi nəticəsində gömrük bəyannaməsində qeyd olunan məlumatlarda düzəliş edilməli olduqda;
- yuxarı gömrük orqanının və ya məhkəmənin qanuni qüvvəyə minmiş qərarı olduqda.
Laçın rayonunda ilk aeroportun tikintisini əks etdirən yeni videogörüntülər yayılıb.
Laçın Beynəlxalq Hava Limanı Qarabağda tikilən üçüncü beynəlxalq aeroport olacaq. Onun təməli 2021-ci ildə Prezident İlham Əliyev tərəfindən qoyulub.
Tikinti işlərinin 2025-ci ildə başa çatdırılması planlaşdırılır. Hava limanının uçuş-enmə zolağının uzunluğu 3000 metr, eni isə 60 metr olacaq. Hava limanı saatda 200-ə qədər sərnişinə xidmət göstərə biləcək.
Yol-xeber.az" xəbər verir ki, Abşeron dairəvi dəmiryol xətti yenidən quruldu, bu marşrut üzrə yeni qatarlar istifadəyə verildi
Qəbələ Dəmiryol Vağzalını Ləki stansiyası ilə birləşdirən 43 kilometrlik birxətli Ləki–Qəbələ dəmir yolunun açılışı baş tutub, Qəbələyə qatarla sərnişindaşımaya start verilib.
Bakı–Gəncə xətti Ağstafaya qədər genişləndirilib, Qovlar və Dəllər stansiyalarına dayanacaq verilib.
2024-cü ilin birinci yarısında 3,8 milyondan çox sərnişin rahat və təhlükəsiz şəkildə mənzil başına çatdırılıb. Bu rəqəm ötən ilin eyni dövrü ilə müqayisədə 20 faiz çoxdur.
Ölkədaxili səfərləri daha təhlükəsiz və rahat həyata keçirmək üçün ötən ay “Stadler” şirkətindən alınmış yeni qatarlar istifadəyə verilib.
2023-cü ildə sərnişinlər üçün “ADY Mobile” tətbiqi istifadəyə verilib. Yeni mobil tətbiq sərnişinlərə səfərlərini daha rahat təşkil etməyə imkan yaradır.
COP29 çərçivəsində sərnişinlərin daha rahat səyahət etməsi üçün turniketlərin sayının artırılması, inklüzivliyin təmin edilməsi üçün lift və ya pandusların quraşdırılması, Bakı Dəmiryol Vağzalında təmizlik və tullantıların idarə edilməsi işlərinin gücləndirilməsi və digər tədbirlərin həyata keçirilməsi nəzərdə tutulur.
Qarabağda şəhərlərarası və şəhərlərdaxili sərnişindaşımaları üçün işlər gedir. İlk olaraq Laçın, Şuşa, Xankəndi şəhərlərinin nəqliyyat təminatı tərəfimizdən hazırlanıb.
Valyuta.az xəbər verir ki, bu barədə mobillik sahəsində qanunvericiliyin təkmilləşdirilməsi ilə bağlı keçirilən brifinq zamanı Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev bildirib.
O qeyd edib ki, Qarabağın nəqliyyat planına uyğun olaraq müsabiqələr də elan edilib:
"Bakı-Laçın marşrutunu da müsabiqəyə çıxarmışıq və artıq fəaliyyətə başlayacaq. Bundan başqa, Bərdə-Xankəndi və Bərdə-Şuşa marşrutlarının açılması da nəzərdə tutulur. Şuşa Ağdam marsrutlarından əlavə yeni marsrutlar da istifadəyə veriləcək".
Xaricdən gətirilən avtomobillərin idxal dəyər 5 min manatadək artıb. Belə ki, bu ilin yanvar-iyun aylarında xaricdən Azərbaycana ümumilikdə 779 milyon 364 min dollar dəyərində 42 min 335 ədəd avtomobil gətirilib.
Dövlət Gömrük Komitəsinin (DGK) statistikasına əsasən, 2023-ci ilin yanvar-iyun ayları ilə müqayisədə ölkəyə idxal olunan avtomobillərin sayı 6 min 38 ədəd azalıb, dəyəri baxımından 26 milyon 60 min dollar və ya 4% artıb. Bu dövrdə 1 ədəd avtomobilin idxal qiyməti 18 min 410 dollar, ötən ilin eyni dövründə isə 15 min 573 dollar olub. İdxal qiyməti son bir il ərzində 5 min manatadək artıb.
Avtomobil sektoru üzrə ekspert Eldəniz Cəfərov bildirib ki, avtomobillərin idxal dəyərinin artmasının səbəbi ili köhnə nəqliyyat vasitələrinin ölkəyə gəlişinin məhdudlaşdırılmasıdır.
Ekspert həmçinin vurğulayıb ki, idxal edilən avtomobillərin 9 minə yaxını hibriddir.