İranla keçən il ticarət dövriyyəmiz 10,6 milyard dollar olub.

Axar.az xəbər verir ki, bunu jurnalistlərə açıqlamasında Türkiyə Ticarət naziri Ruhsar Pekcan deyib.

“Bu ilin ilk doqquz ayında ticarət dövriyyəmiz 7,4 milyard dollar təşkil edib. Bu rəqəmlər İrana tətbiq edilən embarqonun təsirinə məruz qalıb. Suriya, İraq, İran bizim qonşularımızdır. Bununla əlaqədar olaraq onlarla ticarətimizi davam etdirmək məcburiyyətindəyik. ABŞ-ın enerji məsələsində Türkiyəyə güzəşt etməsini gözləyirik. Bizim İran ilə onsuz da enerji razılaşmamız var. Onlardan neft almasaq belə, onlara ödəcəyimiz bir şeylər var. Bizim təbii qaz rezervimiz olmadığı üçün qışda xalqımızı qorumaq məcburiyyətindəyik. İlk gələn xəbərlər Türkiyənin güzəşt tətbiq edilən 8 ölkədən biri olması yönündədir. Biz belə olmasını gözləyirik. Bazar ertəsi hər şeyi öyrənəcəyik” – deyə o bildirib.

Twitter