ABŞ, İsrail və Səudiyyə Ərəbistanı səudiyyəli jurnalist Camal Qaşıqçı cinayətini İranla əlaqələndirmək üçün milyonlarla dollar xərcləyib.

Axar.az xəbər verir ki, bunu İranın birinci vitse-prezidenti İshaq Cahangiri deyib. O bildirib ki, sözügedən ölkələr İrana qarşı psixoloji müharibə başladıb və bunu media üzərindən tətbiq edirlər:

"ABŞ və müttəfiqləri medianı İran əleyhinə səfərbər edərək təbliğat aparır və ictimaiyyətin İran əleyhinə istiqamətləndirilməsi üçün milyonlarla dollar xərcləyir. Digər Qərb ölkələrinin də bu məsələni gündəmə gətirəcəyinə əminik. Bəzi media orqanları dünyada müstəqil olaraq xarakterizə edilir, lakin bunlar ictimaiyyəti İranın əleyhinə istiqamətləndirməkdədir”.

Vitse-prezident İranın ABŞ-ın sanksiyalarına qarşı mübarizə aparacaq dərəcədə pulu olduğunu bildirib:

"Sanksiyalarla əlaqədar olaraq İran xalqı ABŞ-ın birtərəfli siyasətinə qarşıdır. Vaşinqton rəhbərliyi yeritdiyi siyasətə görə tək qalıb, İran isə siyasi baxımdan daha yaxşı mövqedədir. Dünyaya etibarlı ölkə olduğumuzu, ABŞ-ın isə belə olmadığını göstərdik. ABŞ-ın sanksiyalarına qarşı lazımi tədbirlər və mexanizmlər tətbiq edilir. Bunun üçün dövlətin büdcəsində pul var”.

Twitter