 |
|
Hələlik koronavirusun yeni ştammının ağır fəsadlara və ya ölümə səbəb ola biləcəyinə dair sübutlar yoxdur.
Ölkə.Az xəbər verir ki, bu barədə keçirdiyi videobrifinqin gedişatında Ümumdünya Səhiyyə Təşkilatının (ÜST) baş direktoru Tedros Adanom Qebreyesus bildirib.
"Böyük Britaniya bəyan edib ki, bu yeni növ daha asan ötürülür, amma hələlik onun ağır xəstəliyə və ya ölümcül nəticəyə səbəb ola biləcəyinə dair sübut yoxdur", - ÜST rəhbəri deyib.
Qebreyesus vurğulayıb ki, SARS-CoV-2-nin bütün viruslarının ötürülməsini mümkün qədər tez yatırtmaq lazımdır. “Biz onlara nə qədər yayılmaq imkanı veririksə, onların o qədər dəyişmək imkanları olur", - o xəbərdarlıq edib.
Təşkilatın eksperti Mariya van Kerkxove də öz növbəsində bildirib ki, ÜST Böyük Britaniyada aşkar edilmiş koronavirusun yeni ştammının COVID-19 vaksinin effektivliyinə təsir etmədiyini hesab edir.
Bundan başqa “Pfizer” və “BioNTech” şirkətləri öz vaksinlərinin koronavirusun ilk dəfə Britaniyada aşkarlanan yeni növünə qarşı effektivliyini yoxlayacaqlar.
Bu barədə “Bild” nəşrinə müsahibəsində “BioNTech”in rəhbəri Uğur Şahin bildirib.
Şirkət rəhbərinin fikrincə, vaksin mutasiyaya məruz qalmış virusa qarşı mübarizədə effektiv olacaq.
"Bu, ən yaxın həftələrdə yoxlanılacaq", - Şahin deyib.
Daha əvvəl bəzi ölkələr Britaniyada aşkar edilmiş koronavirusun yeni ştammı təhlükəsinə görə birləşmiş krallıqla hava əlaqəsini dayandırmaları barədə bildiriblər.
Dekabrın 14-də Böyük Britaniyanın Səhiyyə Nazirliyinin başçısı Mett Henkok bildirib ki, ölkə alimləri yeni, mutasiya etmiş, indiki COVID-19-dan sürətlə yayılan koronavirus aşkarlayıblar.
Dekabrın 15-dən etibarən Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) və Daxili İşlər Nazirliyi, Daxili Qoşunlarının mütəxəssisləri ilə birlikdə işğaldan azad olunmuş Zəngilan və Qubadlı rayonları ərazisində kənd təsərrüfatı üçün nəzərdə tutulmuş əkin sahələrinin mina və partlamamış hərbi sursatlardan (PHS) təmizlənilməsi əməliyyatlarına başlanılıb.
Bu barədə Ölkə.Az-a ANAMA-dan bildirilib.
Qeyd edilir ki, 15-21 dekabr tarixlərində aparılmış əməliyyat-axtarış tədbirləri nəticəsində 684 000 kv.m (68,4 ha) ərazi yoxlanılıb, 23 ədəd partlamamış hərbi sursat (PHS) və 42 ədəd 5.45 mm-lik patronlar aşkar edilərək götürülüb.
Zəngilan rayonu ərazisində aparılmış əməliyyat-axtarış tədbirləri zamanı 349 000 kv.m (34,9 ha), Qubadlı rayonu ərazisində aparılmış əməliyyat-axtarış tədbirləri zamanı isə 335 000 kv.m (33,5 ha) yoxlanılıb.
Əməliyyat-axtarış tədbirləri davam etdirilir.
Gənclər və İdman Nazirliyi gənclər arasında vətənpərvərlik hisslərinin artırılması məqsədilə Aprel döyüşlərinə həsr edilmiş bədii filmin hazırlanması ilə əlaqədar tender elan edib.
Report məlumatına görə, tenderin qalibi 49 min 560 manatla "Kvanç" Məhdud Məsuliyyətli Cəmiyyəti olub.
Nazirliyin Mətbuat katibi Səmayə Məmmədova bildirib ki, filmin adı hələ dəqiqləşdirilməyib: "Bu, çəkiliş tam bitəndən sonra bilinəcək. General Polad Həşimovun qəhrəmanlıqlarından bəhs edən qısametrajlı bədii filmdir. Respublikanın əməkdar və xalq artistləri iştirak edəcəklər".
S.Məmmədovanın sözlərinə görə, daha ətraflı məlumat film təqdim edildikdən sonra ictimaiyyətə açıqlanacaq.
Daxili işlər orqanlarının əməkdaşları tərəfindən dekabrın 19-20 tarixlərində respublikamızın ərazisində 38 nəfər aktiv koronavirus xəstəsi ictimai yerlərdə aşkar edilərək saxlanılıb.
Bu barədə Daxili İşlər Nazirliyi məlumat yayıb.
Onlardan 35 nəfər evə qaytarılıb, üç nəfər daha ağır xəstə xəstəxanaya yerləşdirilib.
Epidemiya əleyhinə, eləcə də karantin rejimini kobud surətdə pozub yeni növ koronavirus infeksiyasının yayılması üçün real təhlükə yaradan 26 nəfər barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işləri başlanıb. Hazırda həmin işlər üzrə zəruri istintaq hərəkətləri davam etdirilir.
Vətən müharibəsində canlarından keçərək şəhidlik zirvəsinə ucalan igidlərimizdən olan Xəyyam Hüseynovun həyatı maraqlı məqamlarla zəngindir.
Ölkə.Az “Report”a istinadən verir ki, Hüseynov Xəyyam Hüseyn oğlu Göyçayda doğulub. Orta məktəbi əla qiymətlərlə oxuyan Xəyyamın uşaqlıq illəri ailəsi və dostları tərəfindən xoş anlarla xatırlanır. Dostları onun haqqında mərd insan kimi söhbət açırlar.
Xəyyam Hüseynov orta təhsilini bitirdikdən sonra ali məktəbə, müəllimlik ixtisasına qəbul olub, lakin özünü bu sahədə görmədiyindən qərarını dəyişib. Hərbi xidmətə yollanan Xəyyam “N” saylı hərbi hissədə düşmənlə üzbəüz dayanır, daim çətin anlarla üzləşir. Lakin buna baxmayaraq çətinliklərə sinə gərir, hətta nümunəvi hərbi xidmətə görə təltif və təşəkkürnamə alır, beləcə əsgərliyini uğurla başa vurur.
O, hərbi xidmətdən sonra isə yenidən doğma yurduna, ailəsinin yanına dönür. Xəyyam incəsənətə böyük göstərir, hətta rejissor olmaq istəyir. Lakin ermənilərin cəbhədəki təxribatları, Vətən müharibəsi onun arzularını arxa plana atmasına səbəb olur. Ailə üzvləri bildirir ki, Xəyyam hələ müharibədən əvvəl Səfərbərlik və Hərbi Xidmətə Çağırış üzrə Dövlət Xidmətinin Göyçay rayon şöbəsinə gedərək, adını könüllülər siyahısına yazdırır, cəbhəyə getmək istədiyini deyir. Nəhayət arzusuna çatır - sentyabrın 20-də yenidən hərbi xidmətə çağırılır.
Ön cəbhədə Vətənin müdafiəsinə qalxan Xəyyam ailə üzvlərini bir an da unutmur, daim doğmaları ilə telefonla əlaqə saxlayır. O, sanki şəhidlik zirvəsinə ucalacağını duymuşdu. Sentyabrın 26-da atası ilə son dəfə telefonla danışan Xəyyam ondan halallıq istəyib və iki arzusunun yerinə yetirilməsini diləyib. Bunlardan birincisi bacısının övladına öz adının verilməsi, ikincisi isə şeirlərinin kitab şəklində çap edilməsi idi.
Az sonra Ağdərə istiqamətində gərgin döyüşlərə qatılan Xəyyam ilk döyüş tapşırığını uğurla yerinə yetirir. Lakin ikinci tapşırığa gedəndə isə ağır yaralanaraq şəhid olur.
Qırx dörd günlük Vətən müharibəsi başda Azərbaycan Prezidenti, Ali Baş Komandan İlham Əliyev olmaqla, məhz Xəyyam və onun kimi mərd oğullarımızın sayəsində qələbə ilə nəticələndi.
Allah rəhmət eləsin!
Tavuş vilayətinin iki kəndinin Azərbaycana verilməsilə bağlı yayılan xəbərlər yalandır.
"Ölkə.Az" xəbər verir ki, bu barədə Ermənistan Müdafiə Nazirliyi məlumat yayıb.
“Müdafiə Nazirliyi Tavuş vilayətinin iki kəndindən hərbi hissələrin geri çəkilməsinə dair əmrin verildiyi və bu kəndlərin guya Azərbaycanın nəzarətinə keçəcəyi barədə yayılan məlumatları təkzib edir”, – məlumatda bildirilib.
Qeyd edək ki, bu gün bir neçə Teleqram kanalında Ermənistanın Tavuş vilayətinin iki kəndinin Azərbaycana veriləcəyi ilə bağlı məlumatlar yayılmışdı.qazet.az
Dekabrın 23-dən 25-i səhərədək Bakıda və Abşeron yarımadasında hava şəraitinin qeyri-sabit keçəcəyi, arabir yağış yağacağı, bəzi yerlərdə intensiv olacağı gözlənilir.
Milli Hidrometeorologiya Xidmətinin xəbərdarlığına əsasən, dekabrın 24-ü gündüzdən 25-i səhərədək şimal-qərb küləyinin sürəti 15-18 m/s, bəzi yerlərdə arabir 20-25 m/s-dək güclənəcək.
Havanın temperaturu ötən günlərlə müqayisədə tədricən 4 dərəcəyədək aşağı enəcək.
Dekabrın 22-si axşam qərb rayonlarından başlayaraq 25-i səhərədək ölkə ərazisində hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı, ayrı-ayrı yerlərdə intensiv olacağı gözlənilir. Dekabrın 24-ü gündüzdən 25-i səhərədək qərb küləyinin sürəti 15-20 m/s, ayrı-ayrı yerlərdə arabir 23-25 m/s-dək güclənəcək. Havanın temperaturu ötən günlərlə müqayisədə tədricən 3-5 dərəcə aşağı enəcək.
Dağlıq rayonlarda yolların buz bağlama ehtimalı var.
Azad edilmiş rayonlarda yerləşən qoşunlarımızın təminatının daha da yaxşılaşdırılması ilə bağlı tədbirlər davam etdirilir.
Bununla bağlı Azərbaycan Müdafiə Nazirliyi məlumat yayıb.
Bölmələrimizin dislokasiya olunduğu rayonlara yeni yollar çəkilir, dağlıq ərazilərdəki mövqelərdə döyüş növbətçiliyi və qoşun xidməti təşkil olunur.
Azad edilmiş rayonlarda yerləşən qoşunlarımızın təminatının daha da yaxşılaşdırılması ilə bağlı tədbirlər davam etdirilir.
Bununla bağlı Azərbaycan Müdafiə Nazirliyi məlumat yayıb.
Bölmələrimizin dislokasiya olunduğu rayonlara yeni yollar çəkilir, dağlıq ərazilərdəki mövqelərdə döyüş növbətçiliyi və qoşun xidməti təşkil olunur.
Magistral kollektorda baş vermiş qəza ilə əlaqədar Sumqayıt şəhərinin bir hissəsinə içməli suyun verilməsində məhdudiyyət olacaq.
“Qafqazinfo” xəbər verir ki, bu barədə “Azərsu” ASC məlumat yayıb.
Bu gün koronavirusla bağlı yaşadığımız kritik vəziyyətin əsas səbəbkarları məsuliyyətsiz davranan insanlardır.
ATV xəbər verir ki, özbaşına müalicə olunanların da "əməyi" sayəsində virusun yayılması sürətlənir.
Pulmonoloq Dr.Əsəd Beydullayev deyir ki, vaxtında başlayana özbaşına edilən müalicə vəziyyəti son dərəcə ağırlaşdırır ki, sonra həmin insana edilən bütün tibbi yardım nəticəsiz qalır.
Həkimlər koronavirusa qarşı evdə özbaşına müalicənin yolverilməz olduğunu bildirir.
Mütəxəssislər bildirir ki, C vitamini və sistem köçürmək koronavirusdan qorunmaq üçün çıxış yolu deyil.
Koronavirusdan qorunmaq üçün 3 sadə yol var: maska taxmaq, əlləri yumaq və sosial məsafə saxlamaq.