"Ölkə.Az" virtualaz.org-a istinadla xəbər verir ki, Laçın dəhlizindən, Rusiya sülhməramlı qüvvələrinin nəzarətində olan ərazilərdən sızdığı təxmin edilən erməni terrorçu dəstələri Azərbaycanın işğaldan azad olunmuş ərazilərində hərbçilərə və mülki şəxslərə qarşı hücumlar həyata keçirmişdi. Erməni yaraqlıları Çaylaqqala və Köhnə Tağlar kəndlərinə Laçın dəhlizindən, Şuşanın Turşsu kəndi yaxınlığından çətin keçilən dağ yolu ilə hərəkət etmişdilər.

Laçın və Şuşa arasında, yüksək dağlıq ərazilərdə bir-birindən xeyli aralı yerləşən daha üç kənddə erməni yaraqlıların qaldığı bildirilir. Bunlar Şuşanın Kiçik Qaladərəsi və Böyük Qaladərəsi, Laçının Köhnəkənd (əvvəlki adı Kirs olub) kəndləridir. Bu kəndlərə aparan yeganə dağ yolları Laçın-Şuşa şossesindən, yəni hazırda Rusiya sülhməramlılarının nəzarətində olan dəhlizdən başlayır. Dəhlizin eni 10 noyabr üçtərəfli razılaşmasına əsasən, 5 kilometr müəyyənləşdirilib və deməli, yoldan 2.5 kilometr şimaldan, 2.5 kilometr cənubdan başlayan qalan ərazilər Azərbaycan ordusunun nəzarətindədir.

Erməni mənbələrinin bildirdiyinə görə, Azərbaycan ordusu dekabrın 13-də dəhlizdən cənubda həmin kəndlərə aparan yolları nəzarət altına alıb. Erməni tərəfi məsələ ilə bağlı Rusiya sülhməramlı qüvvələrinə müraciət edib və dünənə olan vəziyyətə görə, danışıqlar aparılırdı.

Böyük Qaladərəsi kəndində mülki şəxslərdən heç kim yoxdur, onlar hələ hərbi əməliyyatlar davam edəndə kəndi tərk ediblər. Köhnəkənddə yaşayan 60 ermənidən isə hazırda 15-i oradadır. Onlar bir neçə gün əvvəl kəndə qayıdıblar. Lakin Azərbaycan ordusunun kəndə gedən yolları nəzarətə götürməsindən sonra Rusiya sülhməramlıları onları kənddən çıxarıblar. Bununla belə kəndlərdə erməni silahlı birləşmələrinin qalıqlarının olduğu bildirilir. Azərbaycan ordusunun hissələrinin bilavasitə həmin kəndlərə daxil olduğu haqda məlumat yoxdur.

Çaylaqqala və Köhnə Tağlar kəndləri ətrafında baş verən hadisələrin də göstərdiyi kimi darmadağın edilmiş erməni ordusunun qalıqları azsaylı qruplar şəklində azad olunmuş ərazilərin dərinliklərinə sızmaq, orada döyüş mövqeləri qurmaq və daha sonra Rusiya sülhməramlılarını köməyə çağıraraq möhkəmlənmək, yəni hansısa anklavlar yaratmaq cəhdləri edirlər. Azərbaycan isə buna imkan verə bilməz və erməni silahlı qruplarının işğaldan azad edilmiş ərazilərə sızmasının qarşısını almaq üçün Laçın dəhlizindən başlayan dağ yollarına nəzarəti təmin etməlidir.

Twitter

"Şəhid və qazi ailələrinin banklarla bağlı çox ciddi problemləri var. Mərkəzi Bankın sədrindən xahiş etdik ki, Banklar Assosiasiyası, ümumiyyətlə, bu ailələrin banklarda olan kreditlərini silməklə bağlı məsələyə baxsın". 

"Qafqazinfo" xəbər verir ki, bunu deputat Vahid Əhmədov bu gün parlamentin iclasında deyib. 

O bildirib ki, banklarda vəsait yoxdursa, Mərkəzi Bank mərkəzləşdirilmiş kredit sistemi ilə həmin banklara kredit verə bilər: "Biz həmin qazi və şəhidlərin hesabına ərazi bütövlüyümüzü bərpa etmişik”.

Twitter

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi Vətən müharibəsi şəhidlərinin və yaralanmış hərbçilərin ailə üzvlərindən, müharibə iştirakçıları və erməni terrorundan zərər çəkən şəxslərdən 700-dən çox şəxsi növbədənkənar özünüməşğulluq proqramına cəlb edib.

"Qafqazinfo" xəbər verir ki, onlardan 450-ni şəhidlərin, 180-ni yaralanmış hərbçilərin ailə üzvləri, 35-ni müharibə iştirakçıları və b. təşkil edir.

Proqrama cəlb edilən şəxslərdən artıq 330 nəfərinə mal və materiallar, avadanlıqlar formasında aktivlər verilməklə, kiçik ailə müəssisələri yaradılıb. Qalanlarının da aktivlərlə təminatı, habelə bu kateqoriyadan olan vətəndaşların proqrama cəlb edilməsi işləri davam edir.

Həmçinin erməni terroru nəticəsində evləri dağılmış 25 şəxs üçün də son günlərdə özünüməşğulluq proqramı çərçivəsində kiçik müəssisələr yaradılıb.

Eyni zamanda, Agentlik Vətən müharibəsi şəhidlərinin və yaralanmış hərbçilərin ailə üzvlərindən, müharibə iştirakçıları və erməni terrorundan zərər çəkən şəxslərdən 100 nəfərini istəklərinə uyğun olaraq haqqı ödənilən ictimai işlərə cəlb edib.

Twitter

Müdafiə Nazirliyi Vətən müharibəsində şəhid olmuş hərbi qulluqçuların siyahısı ilə bağlı daha bir açıqlama yayıb.

"Qafqazinfo" həmin məlumatı təqdim edir:

Müdafiə Nazirliyinin Vətən müharibəsində 2783 nəfər şəhid olmuş Silahlı Qüvvələrimizin hərbi qulluqçuları barədə 3 dekabr 2020-ci il tarixli məlumatına əlavə olaraq bildiririk ki, dekabrın 15-dək 2756 şəhidimiz dəfn edilib.

Dəfn edilmiş şəhidlərimizin foto şəkilləri, adları, soyadları, hərbi rütbəsi və doğum tarixi haqqında yenilənmiş məlumat təqdim olunur.

İtkin düşmüş hesab olunan hərbi qulluqçuların tapılması və şəxsiyyəti müəyyən olunmayan şəxslərin identifikasiyası üzrə işlər davam etdirilir.

Ölkə ictimaiyyətinə bu barədə mütəmadi əsasda məlumat veriləcək.

Twitter

“Qafqazinfo” sözügedən videoreportajı təqdim edir:

Müdafiə Nazirliyi işğaldan azad olunmuş Cəbrayıl rayonunun Sarıcallı kəndindən görüntülər yayıb.

“Qafqazinfo” sözügedən videoreportajı təqdim edir:

Twitter

“Oğlumla danışmasam da, onun Bakıda olduğu barədə məlumatım var”.

Bunu oxu.az-a açıqlamasında Şuşa döyüşlərində yaralanaraq, ermənilərə əsir düşən Bayram Kərimovun atası Yaşar Kərimov bildirib.

Onun sözlərinə görə, B.Kərimovun Bakıya gətirilməsi barədə onlara rəsmi qurumlardan kimsə məlumat verməyib:

“Əsirlərlə bağlı xəbəri gördükdən sonra Beynəlxalq Qırmızı Xaç Komitəsi ilə əlaqə saxladıq və bildirildi ki, oğlum artıq Bakıdadır. Hələ biz danışmamışıq. Oğlumla birlikdə əsir düşən Amin Musayev ailəsi ilə danışan zaman onlara deyib ki, Bayram mənimlə birlikdə Bakıdadır. Aminin ailəsi zəng etdi və məlumatı mənə çatdırdı”. 

Y.Kərimov qeyd edib ki, hazırda oğlu ilə bağlı xəbər gözləyir.

Qeyd edək ki, əsgər Amin Musayev və Bayram Kərimov Şuşa döyüşlərində yaralanaraq, ermənilərə əsir düşüblər.

Qarabağdakı Rusiya sülhməramlı kontingentinin komandanı Rüstəm Muradov açıqlamasında bildirib ki, Rusiya, Azərbaycan və Ermənistan liderlərinin üçtərəfli bəyanatına uyğun olaraq “hamının hamıya” prinsipi əsasında əsirlərin mübadiləsi həyata keçirilib.

Onun şəxsi nəzarəti altında Rusiya Hərbi Kosmik Qüvvələrinin təyyarəsi ilə Bakıya 12 nəfər çatdırılıb və Azərbaycanın səlahiyyətli orqanlarına təhvil verilib. Azərbaycan tərəfindən Ermənistan tərəfinə 44 nəfər qaytarılıb.

Twitter

Milli Məclisin bu gün keçirilən plenar iclasında Şamaxı rayonunun Saqiyan kənd inzibati ərazi dairəsi tərkibindəki Saqiyan kəndinin Günəşli kəndi adlandırılması barədə layihəyə baxılıb.

“Qafqazinfo” xəbər verir ki, təklif edilir ki, Saqiyan kənd inzibati ərazi dairəsi Günəşli kənd inzibati ərazi dairəsi hesab edilsin. Layihə səsə qoyularaq qəbul edilib.

Twitter

Təhsil naziri Emin Əmrullayev Azərbaycanın İnsan Hüquqları üzrə Müvəkkilinin dəvəti əsasında 10 dekabr-Beynəlxalq insan hüquqları gününə həsr olunan onlayn konfransda iştirak edib.

Nazirlikdən verilən məlumata görə, tədbirdə çıxış edən təhsil naziri koronavirus pandemiyası və Ermənistan hərbi qüvvələrinin təxribatları fonunda təhsilin davamlılığının təmin edilməsi istiqamətində atılan addımlar barədə ətraflı məlumat verib.

Nazir onlayn tədrisə keçidi təmin etmək məqsədilə “Microsoft” şirkəti ilə əməkdaşlıq çərçivəsində yaradılmış “Virtual məktəb” platformasının fəaliyyətinə toxunaraq, sözügedən platformada 1 milyon 300 mindən çox şagird və 120 mindən çox müəllimin qeydiyyatdan keçdiyini vurğulayıb.

Nazir həmçinin cari ilin 27 sentyabr tarixindən etibarən 6 həftədən artıq davam etmiş Ermənistan hərbi qüvvələrinin hücumları nəticəsində 10 şagirdin həlak olduğunu, 16 şagirdin yaralandığını, 54 təhsil müəssisəsinin isə müxtəlif dərəcəli dağıntılara məruz qaldığını tədbir iştirakçılarının diqqətinə çatdırıb. O, dəymiş zərərin aradan qaldırılması istiqamətində müvafiq addımların atıldığını vurğulayıb. report

Twitter