 |
|
"Azərbaycan Hava Yolları" QSC (AZAL) tərəfindən oktyabr ayının 1-dək əvvəllər mövcud olan aviareyslər üzrə uçuşların bərpası nəzərdə tutulmayıb.
AZAL-dan Yol-xeber.az-a verilən məlumata görə, hazırda xüsusi karantin rejiminin 30 sentyabr tarixinədək uzadılması səbəbindən AZAL yalnız İstanbul, London və Berlin istiqamətində xüsusi reyslər həyata keçirməyə davam edir.
Qeyd edək ki, cədvələ uyğun olaraq İstanbula uçuşlar hər gün, Londona – hər həftə cümə axşamları, Berlinə isə cümə günləri yerinə yetirilir.
Bakıda motosiklet sürücüsünün düşdüyü qəzanın görüntüləri yayılıb. Avtosfer.az xəbər verir ki, hadisə 28 may küçəsi ilə Rəşid Behbudov küçəsinin kəsişməsində qeydə alınıb. Motosikletçi və avtomobil sağa dönmə edir. Bu zaman zolaqlar üzrə düzgün dönmə olmadığı üçün avtomobil motonu sıxır. Nəticədə motosiklet aşır. Qəza nəticəsində xəsarət alan olmasa da avtomobilin qapısına və motosikletə ziyan dəyir.
Hadisəni Avtosfer.az-a şərh edən ekspert Elməddin Muradlı qeyd edib ki, bu cür hallarda ehtiyyatlı davranmaq lazımdır. "Hadisədən görünüt ki, avtomobilin sürücüsü zolaqla dönmə edir. Amma motosikletin düzünə və ya sağa dönməsi müammalıdır. Ehtimal ki, motosiklet sürücüsü düzünə hərəkət etmık istəyib. Ona görə də qəza baş verib."
Bakı şəhər Dövlət Yol Polisi İdarəsinin şöbə rəisi, polis polkovniki Vaqif əsədov Avtosfer.az-a bildirib ki, son vaxtlarda velosiped və moped sürücülərinin iştirakı ilə baş verən qəzaların sayı artmaqdadır. "Yol polisi olaraq maarifləndirici tədbirlər həyata keçirirk. Eyni zamanda motosiklet və veosiped sürücülərinə bir daha müraciət edərək bildirirk ki, qaydalara riayət etsinlər. Əks halda sonu acı olan qəzalar baş verə bilər."
Görüntüləri təqdim edirik:
İctimai nəqliyyatın əsas növlərindən olan sərnişin avtobuslarında təhlükəsizliyin təmin edilməsi vacibdir.
Bunu Trend-ə açıqlamasında nəqliyyat üzrə ekspert Elməddin Muradlı deyib.
O bildirib ki, minik avtomobilindən fərqli olaraq avtobuslar onlarla sərnişin daşıyır və onların təhlükəsizliyinin yaxşı təmin olunması, kiçik bir səhvin buraxılmaması arzuolunandır:
"Azərbaycanda ictimai nəqliyyat tam formalaşmadığı və uzun illərdir hələ də köhnə avtobusların ümidinə qaldığımız üçün bu sahədə tam irəliləyiş əldə etmək mümkün olmayıb. Düzdür, son illər ölkə rəhbərliyinin göstərişi ilə Bakıya yeni avtobusların gətirilməsi ictimai nəqliyyatın yaxşılaşdırılması üçün atılan addımlardır. Amma bu, Bakı şəhərinin nəqliyyat yükünün cəmi 30 faizi deməkdir. Hazırda daşıyıcı şirkətlər də avtobus parklarını yeniləyir, amma yenə də köhnə avtobuslar qalmaqdadır. Köhnə avtobuslarda oturacaqların vəziyyəti, sürücülərin kobud davranışı və digər neqativ hallar müşahidə edilməkdədir. Ümumilikdə avtobus parkının köhnə olması sərnişinlər üçün ən böyük təhlükədir. Avtobus nə qədər köhnədirsə, orada risk daha yüksəkdir. Avtobuslarda nasazlıqdan yaranan hadisələr, yanğın, əyləc sisteminin qaydasında olmaması və sair. Yəqin ki çoxlarımıza sərnişin avtobusunun hərkətdə olarkən yana əyilməsi rast gəlib. Bu cür avtobusların xəttə buraxılması qadağan edilməlidir. Bu gün hələ də əksər daşıyıcı şirkətlərin qarajı yoxdur. Qarajlar olmadığından avtobuslara vaxtında texniki baxış keçirilmir, nəzarət olunmur. Əslində avtobus hər səhər xəttə buraxılmazdan əvvəl qarajda texniki müayinədən keçirilməli, onun sərnişin daşımağa yararlı olub-olmaması yoxlanılmalıdır".
Ekspert bildirib ki, avtobusda baş verən hadisəyə görə daşıyıcı və marşrut qarajına cavabdeh şəxs məsuliyyət daşıyır: "Bunun üçün qanunvericilikdə də kifayət qədər müddəa var. Avtobuslarda baş verəcək hər hansı hadisəyə görə məsul şəxs olmalıdır".
E.Muradlı qeyd edib ki, hazırda paytaxtla yanaşı, rayonlarda da vəziyyət qənaətbəxş deyil: "Bakıdakı marşrutlardan yığışdırılan avtobuslar rayonlara satılır və sahibkarlar tərəfindən istifadəyə verilir. Hazırda avtovağzallardan rayonlara işləyən "İkarus" markalı avtobusların əksəriyyəti istismara yarasızdır. Bu da konkret təhlükədir. Daşıyıcılar avtobus parklarını yeniləmir, yalnız pul qazanır. Bu istiqamətdə ciddi işlərin görülməsinə ehtiyac var. Dövlət tərəfindən görülən işlərlə yanaşı, sahibkarlar da bu sahədə dönüş yaratmalıdır".
Rayonlara avtobuslar fəaliyyət göstərmədiyindən vətəndaşlar şəhərlərarası işləyən taksilərə üz tuturlar.
"Ölkə.Az" Xezerxeber.az-a istinadla xəbər verir ki, ötən gündən rayonlara gediş-gəliş üçün qoyulan qadağa götürülsə də, şəhərlərarası işləyən taksilərdən istifadə edənlər adi günlərdən fərqlənmir.
Sürücülər deyirlər ki, müştərilərinin çox olacağını gözləsələr də, rayonlara üz tutanların sayı elə də çox olmayıb.
Vətəndaşlar isə bildirirlər ki, əvvəlki günlərdə gediş haqqında qiymət fərqi bütün rayonlar üzrə müşahidə edilib. Lakin hazırda tələbat az olduğundan qiymət bahalaşması yoxdur.
Sürücülərin sözlərinə görə, yollar bağlı olduğu müddətdə az sayda sərnişinlə eyni yolu getdiklərindən qiymətdə fərq olub. Hazırda isə tələbin az olması ilə qiymətlər əvvəlki qaydada saxlanılıb.
Sürücülər hazırda sıxlığın müşahidə edilmədiyini, həftəsonları isə müraciətlərin çox olacağını deyirlər.
Rayonlara avtobuslar fəaliyyət göstərmədiyindən vətəndaşlar şəhərlərarası işləyən taksilərə üz tuturlar.
"Ölkə.Az" Xezerxeber.az-a istinadla xəbər verir ki, ötən gündən rayonlara gediş-gəliş üçün qoyulan qadağa götürülsə də, şəhərlərarası işləyən taksilərdən istifadə edənlər adi günlərdən fərqlənmir.
Sürücülər deyirlər ki, müştərilərinin çox olacağını gözləsələr də, rayonlara üz tutanların sayı elə də çox olmayıb.
Vətəndaşlar isə bildirirlər ki, əvvəlki günlərdə gediş haqqında qiymət fərqi bütün rayonlar üzrə müşahidə edilib. Lakin hazırda tələbat az olduğundan qiymət bahalaşması yoxdur.
Sürücülərin sözlərinə görə, yollar bağlı olduğu müddətdə az sayda sərnişinlə eyni yolu getdiklərindən qiymətdə fərq olub. Hazırda isə tələbin az olması ilə qiymətlər əvvəlki qaydada saxlanılıb.
Sürücülər hazırda sıxlığın müşahidə edilmədiyini, həftəsonları isə müraciətlərin çox olacağını deyirlər.
8 aydır ki, bütün dünyada eləcə də Azərbaycanda qapalı məkanlarda koronavirus pandemiyasına görə maska taxmaq, sosial məsafəni qoruyub, dezinfeksiya məhlularından istifadə vacib hesab olunur.Hazırda Azərbaycanda gündəlik koronavirusa yoluxanların və sağalanların artma-azalma dinamikası ilə davam edir. Azərbaycanda maska və dezinfeksiya məhlullarının istifadəsindən nə vaxt imtina edə bilər?
Bununla bağlı Sonxeber.az-a danışan professor Adil Qeybulla bildirib ki, qarşıda hələ payız gəlir:
"Bilirsiniz ki, payızda digər viruslar da aktivləşir. Ona görə də düşünürəm ki, karantin davranışları payız aylarında da lazım olacaq. Payızın sonunda bu xəstəliyin sona yetməsi proqnozlaşdırılır. Hesab edirəm ki, yeni ildə biz maskadan yavaş-yavaş canımızı qurtaracağıq. Yəni qapalı məkanlarda maskadan istifadə olunmasına ehtiyac qalmayacaq.
Təbii ki, payız aylarında maskadan daha çox xəstələr, yəni özündə hər hansı narahatlıq hiss edənlərin istifadə etməsi vacibdir. Yəqin ki, maskadan və dezinfeksiya məhlularından tam azad olmaq ilin sonunda mümkün oacaq".
“Təhsil haqqında” qanuna təklif edilən dəyişiklik məsələsi Milli Məclisin Əmək və sosial siyasət komitəsinin bu gün keçirilən iclasında müzakirəyə çıxarılıb.
“Qafqazinfo” xəbər verir ki, valideynlərini itirmiş və valideyn himayəsindən məhrum olmuş uşaqların təhsil haqqı ilə bağlı güzəşt onlar övladlığa götürüldükdə də saxlanacaq.
Qeyd edək ki, qüvvədə olan qanuna görə, valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər bütün tipdən olan dövlət təhsil müəssisələrində, müvafiq icra hakimiyyəti orqanının müəyyən etdiyi elmi təşkilatın magistratura səviyyəsində, habelə bələdiyyə və özəl ali, orta ixtisas və peşə təhsili müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödənilir.
Xəbər verdiyimiz kimi sentyabrın 15-dən ibtidai siniflər Bakı şəhərində 2, bölgələrdə də həftədə 3 dəfə məktəbə gedəcək. Yuxarı siniflər üçün isə dərslərin onlayn keçirilməsi planlaşdırılır. Təəssüf ki, bu gün bir çox az təminatlı ailələrin evində internet, kompüter və hətta internet yoxdur. Övladları təhsil alan az təminatlı ailələr üçün hansı güzəştlər tədbiq edilə bilər?
"Ölkə.Az" xəbər verir ki, bununla bağlı KONKRET.az-ın sualını cavablandıran deputat Müşfiq Cəfərov bildirib ki, sentyabrın 15-dən dərslər başlayır:
“Yalnız ibtidai siniflər Bakıda həftədə 2, rayonlarda 3 gün məktəbə gedəcək. Digər yuxarı siniflər üçün dərslər onlayn keçiriləcək. Mən özüm də valideynəm. İki ay öncə Təhsil Nazirliyi tərəfindən kimin evində internetin, kompüterin, smartfon telefonun olub-olmaması barəsində uşaqlar və valideynlər arasında sorğu aparıldı. Təəssüf ki, bəzi insanlar elə başa düşdü ki, onlara kompüter və telefon veriləcək. Ona görə də çoxları qeyd etdi ki, heç nəyimiz yoxdur, amma reallıq odur ki, istər kənd, istərsə də evində interneti, kompüteri hətta smartfon telefonu olmayan ailələr var. Bu insanlar əsasən az təminatlı ailələrdir. Hansı ki, onlar dövlətdən sosial müavinət alırlar. Mən hesab edirəm ki, internet bu insanlar üçün pulsuz olmalıdır. Çünki onların dövlətdən aldıqları müavinət ancaq yemək xərclərini ödəmək üçündür. Düşünürəm ki, o ailələrdə yenidən sorğu aparılmalı və ailədə təhsil alan şagirdin, tələbənin olub-olmaması araşdırmalıdır”.
Deputat bütün məlumatların dövlətdə olduğunu qeyd edib:
“Çünki sosial müavinət təyin olunmamışdan öncə ailə araşdırılır və toplanan məlumatlar sistemə vurulur. Araşdırmanın nəticəsində də sosial müavinət kəsilir. Amma ola bilər ki, imkansız ailə olsa da bəzi səbəblərdən sosial müavinət almır. Müəllimlər arasında da sorğu aparmaq olar. Çünki müəllimlər yaxşı tanıyır və bilirlər ki, sinifdəki şagirdlərin ailəsində vəziyyət necədir. Dərsdə iştirak etmək üçün hansı şagirdin evində internet, kompüter, smartfon telefon var. Amma ümumilikdə tələbələrə və şagirdlərə internet provayderlər tərəfindən müəyyən güzəştlər tətbiq edilməlidir. 50 faiz güzəştin özü də post-pandemiya dövründə
böyük köməkdir. Ümid edək ki, ikinci dalğa olmayacaq. Yaşayış yerindən və təhsil məüəssisəsindən arayış təqdim edilmək şərti ilə müəyyən güzəştlər ola bilər. Burada da məqsəd şagirdlər və tələbələr üçün təhsilin əlçatan olmasıdır”.
Deputat Azər Badamov söyləyib ki, pandemiya tədris sistemini də yeni qaydalara uyğun təşkil etməyini zəruri edib:
“Təəssüf ki, yaş kateqoriyasına görə müxtəlif vaxtlarda tədrisin başlanması, sosial məsafənin gözlənilməsi, həftədə 2-3 gündə məktəbə gəlməsi, müəyyən yaşdan yuxarı şagirdlərin tibbi maska taxması və proqrama uyğun online dərslərin keçilməsi təhsil alanlar üçün müəyyən problemlər yaradır. Məsələn, ölkədə bütün evlərin geniş zolaqlı internetlə təmin olunmaması və təhsil alan hər bir şagirdin, tələbənin kompüterinin olmaması onların məsafədən tədrisə qoşulmasında çətinlik yaradır. Məsələn sentyabrın 4-də Qusarda seçicilərimin fərdi qaydada qəbulunu keçirdim. Qəbuluma gələnlərin əksəriyyəti evlərində internet olmadığından övladlarının onlayn dərslərə qoşula bilməməsindən narahat olduqlarını bildirirlər. ATS-in rəisi ilə əlaqə saxlayanda bildirir ki, bu il internetlə əlaqədar evlərə telefon xətlərin çəkilməsi əvvəlki illərdən 2-3 dəfə çox olub. Lakin indi material təhcizatı olmadığından bütün tələbatı ödəyə bilmirik. Hesab edirəm ki, NRYTN bu istiqamətdə düşünməli və ölkədə internetə olan təlabatın ödənilməsini qısa bir zamanda təmin etməlidir. Həm də XXI əsirdə yaşayırıq və inkişaf etmiş ölkəmizdə internet təminatı ilə bağlı çətinlik olmamalıdır”.
Milli Məclisin üzvü fikrini belə tamamlayıb:
“Təbii ki, hamı onlayn dərslərə qoşula bilməyəcək. Bu, o demək deyil ki, təhsil alanlar tədris prosesindən kənarda qalmalıdır. Valideynlər öz övladlarının təhsildən geri qalmaması üçün müxtəlif yollar tapmalıdır. Qaldı ki, onlayn dərs ala bilməyənlərə güzəştin olub-olmayacağından danışmaq hələ tezdir. Çünki dərs ili başlanmamış indidən güzəştlərdən danışsaq, təhsil alanlarda və cəmiyyətdə təhsilə loyallıq yaranacaqdır. Güzəştlərin olub-olmayacağı vaxtı gələndə müzakirə olunmalıdır”.
Daxili İşlər Nazirliyi Daxili Qoşunlarının Ali Hərbi Məktəbinə əlavə kursant qəbulu elan edilir.
Bu barədə Dövlət İmtahan Mərkəzi məlumat yayıb.
Bildirilib ki, müsabiqədə Daxili İşlər Nazirliyinin Polis Akademiyasına qəbul olmaq üçün mandatdan keçib III ixtisas qrupu üzrə imtahan verən, lakin test imtahanının nəticəsinə əsasən, müsabiqədən keçməyən 200 və daha yuxarı bal toplayan abituriyentlər iştirak edə bilərlər.
Müsabiqədə iştirak etmək istəyən abituriyentlər 9-11 sentyabr 2020-ci il tarixlərində Daxili İşlər Nazirliyi Daxili Qoşunlarının Baş İdarəsinə müraciət etməlidirlər.
"Azəriqaz" İstehsalat Birliyi qaz sayğaclarının idarə edilməsində işin səmərəliliyini təmin etmək üçün yeni layihənin həyata keçirilməsini planlaşdırır.
Qurumdan "Ölkə.Az"a verilən məlumata görə, belə ki, hazırda həm istismar müddəti başa çatan, həm də dövri yoxlama müddəti yaxınlaşan (əhali abonent qrupu üçün 5 ildən bir) sayğaclar smart-kart tipli və ya mexaniki-elektron tipli olmasından asılı olmayaraq, bəzi istisnalar edilməklə əksər hallarda mexaniki-elektron tipli sayğaclarla əvəzlənir. Quraşdırılan bu sayğacların göstəricilərinin fiziki olaraq oxunuşu üçün xeyli sayda nəzarətçi işə cəlb olunur. Bu baxımdan işin səmərəliliyinin artırılması məqsədilə qərara alınıb ki, abonentlərin istifadəsində olan mövcud mexaniki-elektron tipli sayğaclara əlavə onlayn nəzarət qurğuları yerləşdirilsin. Radio dalğa ötürücüləri ilə çalışan qurğular imkan verir ki, uzaq məsafədən nəzarətçi fərdi yaşayış evinə yaxınlaşmadan səyyar terminalla mexaniki-elektron tipli sayğacın məlumatlarını bir neçə dəqiqə ərzində oxuyaraq mərkəzi bazaya ötürsün. Mexaniki-elektron tipli sayğac öz funksiyasını əvvəlki kimi yerinə yetirir. Sadəcə qaz axını ilə bağlı məlumatlar paralel olaraq uzaqdan idarəediləcək formada qurğunun qeydiyyatına düşür. Bu qurğuların bir neçə modeli mövcuddur. Onlardan bəziləri fiziki müdaxilə olmadan uzaqdan idarəetmə ilə borclu abonentin mexaniki-elektron tipli sayğacının klapanının bağlanmasına da şərait yaradır.
Beləliklə, çox sayda işçi sayğac göstəricilərinin oxunmasına cəlb edilməyəcək, onlar digər mühüm işlərdə səmərəli istifadə olunacaq. Eyni zamanda nəzərə alsaq ki, çoxmərtəbəli binalarda da smart-kart tipli sayğaclar dövri yoxlanış müddəti bitdiyi zamanı mexaniki-elektron tipli sayğaclarla əvəz edilə bilər, bu halda da, abonentin hər dəfə qapısı döyülərək narahat edilməsi minimuma enəcək.
Başqa bir halda, onlayn nəzarət qurğuları mexaniki-elektron tipli sayğacların göstəricilərinin ilin sonunda tam vaxtında oxunmasını təmin edəcək. Bununla da güzəştli limit həddinin hesablanması ilə bağlı hər yeni ilin yanvar ayının birinci on günlüyündə oxunma aparıldığı üçün abonentlərin narazılığına son qoyula bilər. Yəni, limitlə bağlı keçid dövrünü smart-kart tipli sayğaclarda olduğu kimi mexaniki-elektron tipli sayğaclarda da eyni vaxtda - hər il dekabrın 31-də tənzimləmək üçün şans yaranır.
Hazırda müvafiq sənədləşmə işləri aparılır və bu qurğuların istehsalçı şirkətləri ilə danışıqlara başlanılıb. İlkin mərhələdə yeni qurğuların Mənzil Tikinti Kooperativlərinin inşa etdiyi çoxmərtəbəli binalarda sınaqdan keçirilməsi planlaşdırılıb.
"Ermənistanın Azərbaycana qarşı təcavüzü davam edir. Bu təcavüz nəticəsində torpaqlarımızın təxminən 20 faizi işğal altına düşüb. Azərbaycan vətəndaşlarının qaçqın-köçkün vəziyyətinə düşməsi məhz bu işğalın nəticəsidir. Bizə - azərbaycanlılara qarşı etnik təmizləmə siyasəti aparılıb, Xocalı soyqırımı törədilib. Bizim tarixi-dini abidələrimiz Ermənistan tərəfindən dağıdılıb. Dini abidələrimiz təhqir edilib".
"Ölkə.Az" trend-ə istinadən xəbər verir ki, bu sözləri Azərbaycan Respublikasının Prezidenti İlham Əliyev sentyabrın 7-də İran İslam Respublikasının ölkəmizdə yeni təyin olunmuş fövqəladə və səlahiyyətli səfiri Seyid Abbas Musəvinin etimadnaməsini qəbul edərkən deyib. Prezident bildirib ki, işğal edilmiş ərazilərdə məscidlərimiz ermənilər tərəfindən dağıdılıb və bəzi məscidlərdə hətta onlar heyvan saxlayırlar: “Bu çirkin əməlləri əks etdirən bir çox video və foto sənədlər, sübutlar vardır. Onları internetdə tapmaq olar. Bu, təkcə bizə qarşı yox, bütün müsəlman dünyasına qarşı edilən cinayətdir”.
Prezidentin səfirlə görüşü zamanı toxunduğu məsələlər, Ermənistanın dini, mədəni abidələrə qarşı vandalizm hərəkətləri Azərbaycan Televiziyasının (AzTV) “Hədəf” analitik proqramında təhlil edilib. Verilişdə qonaq olan Milli Məclisin deputatları, parlamentin Mədəniyyət komitəsinin rəhbəri Qənirə Paşayeva, millət vəkili, tarixçi-alim Musa Qasımlı və Mədəniyyət Nazirliyinin Aparat rəhbəri Vasif Eyvazzadə mövzu ətrafında fikirlərini bildiriblər. Qeyd olunub ki, Prezidentin də bildirdiyi kimi, Azərbaycanın tarixi-dini abidələri Ermənistan tərəfindən dağıdılıb, işğal olunmuş ərazilərimizdə abidələr vandalizmə məruz qoyulub. Vurğulanıb ki, bu gün ermənilər işğal olunmuş ərazilərimizdəki məscidləri tövləyə çeviriblər, məscidlərdə heyvan saxlayırlar. Məscidlərə qarşı törədilən vandallıq bütün müsəlman dünyasına edilən cinayətdir.