 |
|
Həcc ziyarətinə getmək istəyən vətəndaşların qeydiyyatı davam edir. Ziyarət vahid formada təşkil olunacaq və hava nəqliyyatı ilə ilə həyata keçiriləcək.
Bu il ölkəmiz üçün ayrılan kvota açıqlanmasa da, ötən illərlə müqayisədə daha az olacağı bildirilib. Qeyd edək ki, ötən il kvota 1500 nəfər olub. Bu ayın sonuna qədər qeydiyyat uzadılıb.
Təxminən mayın 20-dən azərbaycanlı zəvvarlar Həcc ibadətlərini yerinə yetirmək üçün Məkkəyə yola düşəcəklər. Qafqaz Müsəlmanları İdarəsi bu il bir zəvvarı 5950 ABŞ dollarına Həccə aparacaq.
Qeyd edək ki, bir sıra vətəndaşlarımız Türkiyə və Gürcüstandakı şirkətlərdən daha ucuz qiymətə bilet alaraq, onların xətti ilə ziyarətə getməyə hazırlaşırlar. Bu ölkələrdə 1700-2000 ABŞ dolları ilə Həccə getmək mümkündür.
Maraqlıdır, Həccə getməyin xərci niyə bizdə yuxarı, qonşu ölkələrdə isə aşağıdır?
Qafqaz Müsəlmanlar İdarəsinin (QMİ) Xarici əlaqələr şöbəsinin müdiri və Həcc elektron sisteminin rəhbəri Vüsal Cahangiri Modern.az-a bildirib ki, hazırda təxminən 5% kvota qalıb:
"Kvotanı inşallah yaxın vaxtlarda rəqəmlə açıqlayacağıq. Amma yerlər artıq az qalır. Təqribən 5% kvota qalıb".
V.Cahangiri qonşu ölkələrdəki şirkətlərlə razılaşıb Həccə gedənlər barədə bunları deyib:
"Qafqaz Müsəlmanları İdarəsinin buna görə hər hansı bir tədbir görməsinə ehtiyac yoxdur. Vətəndaş özü istədiyi şəkildə Həcc ziyarətinə getməkdə sərbəstdir. Amma ucuz qiymətə aldanıb gedirlər. İndi kimsə ucuz qiymətə Həccə gedirsə, deməli, onlar hansısa xidmətlərdən məhrum qalır. Onlara daha az xidmətlər göstərilir. Biz bunun şahidi oluruq. Burada ucuz qiymətə aldanıb gedirlər, daha sonra orada peşman olurlar".
Bank kartlarından oğurlanan pullarla bağlı əsas məsuliyyət vətəndaşların üzərindədir. Onların ehtiyatsız davranışı dələduzluq hallarının artmasına səbəb olur. Vətəndaşlar tanınmamış internet saytlardan alış-veriş edir və bu zaman kart məlumatlarını təqdim edirlər. İnsanlar alış-veriş üçün ayrı kartdan istifadə etsinlər. Bir kartda vəsaiti saxlasınlar, digər kartı isə yalnız ödəniş üçün nəzərdə tutsunlar. Belə olduqda əsas kartda pul qalmaz və risk də azalar.
Bu sözləri axar.az-a açıqlamasında hüquqşünas, bank sektoru üzrə mütəxəssis Əkrəm Həsənov deyib.
Onun sözlərinə görə, vətəndaşlar çox zaman kart məlumatlarını üçüncü şəxslərlə paylaşır və nəticədə onların hesablarındakı vəsait oğurlanır:
“Banklar heç vaxt bu cür məlumatları telefon vasitəsilə istəmir. Təəssüf ki, dəfələrlə edilən xəbərdarlıqlara baxmayaraq, insanlar bu səhvi təkrarlayırlar”.
Ekspert qeyd edib ki, bəzi hallarda məsuliyyət bankların üzərində də ola bilər:
“Bankların təhlükəsizlik sistemlərinin zəifliyi nəticəsində də oğurluq hallarına rast gəlinir. Onların avtomatlaşdırılmış sistemləri şübhəli əməliyyatları müəyyən etməli və qarşısını almalıdır. Məsələn, eyni kartdan qısa müddətdə bir neçə əməliyyat aparılarsa, bu, sistem tərəfindən qeyri-adi hal kimi tanınmalı və blok qoyulmalıdır”.
Əkrəm Həsənov əlavə edib ki, oğurlanan pulların ölkədən necə çıxarıldığı da sual doğuran məqamlardandır:
“Vətəndaş bank vasitəsilə pul çıxarmaq istədikdə ondan müxtəlif sənədlər tələb olunur. Amma oğurluq pullar rahatlıqla ölkədən çıxarılır. Bu zaman valyuta nəzarəti və rejimi ilə bağlı qaydalar pozulur. Bu məsələ də ayrıca araşdırılmalıdır. Üstəlik, bəzi hallarda oğurlanan vəsaitin geri qaytarılması da mümkün olmur”.
Son günlər ölkə ərazisində müşahidə edilən aramsız yağıntılar infrastruktur sahəsinə də öz təsirini göstərməkdədir. Yol-xeber.az xəbər verir ki, Şamaxı-Qonaqkənd avtomobil yolunun 12-ci kilometrliyində qeydə alınan güclü yağışlar nəticəsində yolun bəzi hissələrində ciddi deformasiya və dağılmalar baş verib.
Məlumata görə, iki gün fasiləsiz yağan yağışlar səbəbindən asfalt-beton örtüyü tamamilə sıradan çıxmış, yolun müxtəlif hissələrində iri-həcmli çatlar əmələ gəlmişdir. Ərazidə aparılmış ilkin baxış zamanı müəyyən olunub ki, yağıntılar nəticəsində torpaq qatının sürüşməsi və su axınlarının güclü təzyiqi avtomobil yolunun stabilliyinə və davamlılığına mənfi təsir göstərib.
Nəticədə, nəqliyyat vasitələrinin hərəkətində çətinliklər yaranıb, sürücülər və sərnişinlər üçün ciddi narahatlıq meydana çıxıb. Ərazidə hazırda müvafiq qurumlar tərəfindən təhlükəsizlik tədbirləri gücləndirilib, hərəkətin qismən məhdudlaşdırıldığı bildirilib.
Hadisə ilə bağlı məsul strukturlar - 19 saylı Xüsusi Təyinatlı Yol İstismar MMC-nin peşəkar işçi heyəti dərhal əraziyə cəlb olunub. Onlar fəlakət zonasına operativ müdaxilə edərək təmir-bərpa işlərinə başlayıblar. Əsas hədəf yolun qısa müddətdə bərpası və nəqliyyatın təhlükəsiz hərəkətinin bərpa edilməsidir.
Aidiyyəti qurumlar və mütəxəssislər hava şəraitinin dəyişkənliyi fonunda əhalini diqqətli olmağa və zərurət olmadıqca bu istiqamətdə hərəkət etməməyə çağırırlar.
Yol-xeber.az xəbər verir ki,” hadisə ilə bağlı müvafiq monitorinqlər davam etdirilir və zəruri təmir tədbirlərinin yaxın günlərdə tam həcmdə həyata keçiriləcəyi planlaşdırılır.
Azərbaycanda gələn il səhiyyə sahəsinə 2 milyard 69 milyon 680 min manat ayrılacağı məlum olub. Bildirilir ki, bu, 2025-ci illə müqayisədə 3,8 faiz çoxdur. Digər tərəfdən, səhiyyəmizin problemli və tənqidlərə ən çox məruz qalan sahə olduğu vurğulanır.
Səhiyyə sisteminə ayrılan dövlət vəsaitləri bu sahədə niyə ciddi dönüş yaratmır?
globalinfo.az-a danışan tibb elmləri doktoru, professor Adil Qeybulla deyib ki, səhiyyə xərclərinin artması müsbət tendensiyadır.
"Bu gün Azərbaycanda yeni kadrlar, Avropa və Türkiyədə təhsil alan həkimlər var. Lakin vəziyyət kəskin dəyişmir. Əvvəla, adambaşına ayrılan vəsait digər ölkələrlə müqayisədə elə də yüksək deyil. Əksər dövlətlərdə səhiyyə xərcləri az qala dövlət büdcəsinin üçdə iki hissəsini təşkil edir. Məsələn, ABŞ-da bu, federal büdcədən çoxdur. Bizdə səhiyyə xərclərini optimal etmək üçün bütün xəstəxanaları bu sistemə cəlb etmək lazımdır. Daha keyfiyyətli və effektiv müayinə metodlarından istifadə edilməli, əhalinin bu metodlara əlçatanlığı təmin olunmalıdır. Eyni zamanda görüş və növbəli sistem düzgün qurulmalıdır".
Professor bildirib ki, icbari tibbi sığortanın fəaliyyəti hələ ki həkimlərin fədakarlığı hesabına olur:
"Hazırda maaş qeyri-mütənasibdir. Bəzi həkimlərin qazancı müxtəlif reklamlar, müəyyən yollar sayəsində yüksəkdir. Amma icbari tibbi sığorta ilə çalışan həkimlərin əməkhaqqısı qənaətbəxş deyil. Mütəxəssisləri bu işə cəlb etdikdən sonra maaş sisteminin optimal bölüşdürülməsi çox vacibdir. Bunlar edilsə, əlbəttə, yavaş-yavaş Qərb təbabətinə yaxınlaşacağıq. Başqa alternativ yoxdur".
Hərəkətin təhlükəsizliyinin təmin edilməsi, sərnişinlərin mənzil başına təhlükəsiz çatdırılması üçün fasiləsiz xidmət aparılır.
“Yol-xeber.az” xəbər verir ki, Sizə rahat və təhlükəsiz səfərlər diləyirik!
“Azərbaycan və gürcü xalqları əsrlər boyu sülh, mehribanlıq, qardaşlıq şəraitində yaşamışlar və bu, indi də belədir. O cümlədən, dövlətlərarası münasibətlər yüksək səviyyədə qurulub. Bu gün Azərbaycan və Gürcüstan strateji tərəfdaşlardır”.
Bu sözləri mətbuata verdiyi açıqlamasında Milli Məclisin deputatı Kamaləddin Qafarov deyib.
O, qeyd edib ki, bu strateji tərəfdaşlığın inkişafı və genişləndirilməsi daim hər iki ölkənin rəhbərlərinin diqqət mərkəzində saxladıqları məsələdir. “Bu baxımdan Gürcüstanın Prezidenti Mixeil Kavelaşvilinin aprelin 16-da ölkəmizə səfəri mühüm əhəmiyyət kəsb edir. Cənab Prezident İlham Əliyev vurğulayıb ki, Gürcüstan və Azərbaycanın birgə icra etdikləri layihələr həm ölkələrimiz, xalqlarımız üçün, həm də daha böyük coğrafiya üçün vacib önəm daşıyır. Məlumdur ki, ölkəmizin enerji resurslarının Avropa bazarlarına çatdırılmasında, eyni zamanda, Şərqdən Qərbə gedən yüklərin daşınmasında Gürcüstan mühüm tranzit ölkə kimi çıxış edir. Bu da o deməkdir ki, Azərbaycan-Gürcüstan əlaqələri bu gün Avropa ölkələrinin enerji təhlükəsizliyinin təminatı baxımdan mühüm əhəmiyyət kəsb edən amildir.”
K.Qafarov Azərbaycan və Gürcüstan Prezidentlərinin mətbuata bəyanatla etdikləri çıxışlarında mühüm məqamların əks olunduğunu vurğulayaraq deyib: “Qeyd etmək lazımdır ki, iki qonşu ölkə arasında möhkəm və etibarlı tərəfdaşlıq əlaqələrinin formalaşması üçün, ilk növbədə, bu ölkələr arasında heç bir qarşılıqlı ərazi iddiaları olmamalıdır. Gürcüstanın Prezidenti mətbuata verdiyi bəyanatında xüsusi qeyd etdi ki, Gürcüstan və Azərbaycan bir-birinin suverenliyini və ərazi bütövlüyünü hər zaman qətiyyətlə dəstəkləyib. O cümlədən, cənab Prezident İlham Əliyev də Azərbaycanla Gürcüstan arasında mövcud olan siyasi əlaqələrin bütün qonşular üçün nümunə ola biləcəyini hər zaman öz çıxışlarında qeyd edib. Aprelin 16-da mətbuata bəyanatında isə dövlətimizin başçısı bir daha vurğuladı ki, bu gün Avropanın enerji təhlükəsizliyini Azərbaycansız və Gürcüstansız təsəvvür etmək mümkün deyil. Qeyd olundu ki, hazırda nəqliyyat-kommunikasiya sahəsində əldə edilmiş nailiyyətlər, yeni inşa olunmuş dəmir yolları, limanlar həm Azərbaycanda, həm Gürcüstanda böyük sinerji yaradıb və bu marşrut Orta Dəhlizin ayrılmaz hissəsinə çevrilib. Əminliklə demək olar ki, Azərbaycan-Gürcüstan əməkdaşlıq əlaqələri bundan sonra da həm ölkələrimizin inkişafına və xalqlarımızın rifah yüksəlişinə, həm də Avropanın enerji təhlükəsizliyinə misilsiz töhfələr verəcəkdir” .
“ADY-nin sərnişin qatarlarının hərəkət cədvəlində hər hansı dəyişiklik yoxdur. Qeyri-sabit hava şəraiti ilə əlaqədar olaraq, qrafikdən qismən kənara çıxma halları müşahidə oluna bilər”.
Bu haqda “Yol-xeber.az”a “Azərbaycan Dəmir Yolları” QSC-dən bildirilib.
Qeyd olunub ki, həmçinin axşam saatlarında Bakı-Xırdalan-Sumqayıt istiqamətində saat 20:20-a, Bakı-Pırşağı-Sumqayıt istiqamətində isə saat 23:00-a qədər bütün reyslər qrafik üzrə həyata keçiriləcək:
“Bir daha hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərməyi və ehtiyatlı olmağı tövsiyə edir, sərnişinlərdən stansiya və platformalarda qatarları gözləyərkən diqqətli olmağı xahiş edirik”.
Bakının Nizami rayonu, Heydər Əliyev prospekti, "Bağırov" körpüsündə tuneldə nəqliyyatın hərəkətinə qoyulan məhdudiyyət aradan qaldırılıb.
Bu barədə Yol-xeber.az-a Daxili İşlər Nazirliyinin Nəqliyyatı İntellektual İdarəetmə Mərkəzindən məlumat verilib.
Bildirilib ki, sözügedən tuneldə yağış sularının yığılması səbəbindən mərkəz istiqamətində nəqliyyat vasitələrinin hərəkətinə qoyulan məhdudiyyət aradan qaldırılıb.
DİN əməkdaşları hava şəraiti ilə əlaqədar gücləndirilmiş rejimdə xidmət aparır, müraciətlərə çevik reaksiya verir.
“Yol-xeber.az” xəbər verir ki, bu barədə nazirliyin Mətbuat xidmətinin yaydığı məlumatda bildirilib.
Qeyd olunub ki, ölkə ərazisində davam edən qeyri-sabit hava şəraiti ilə əlaqədar olaraq polis əməkdaşları tərəfindən gecə saatlarından başlayaraq zəruri tədbirlər görülür, fasiləsiz xidmət davam edir.
Paytaxtla yanaşı ölkəboyu şəhər və rayonlarda, həmçinin magistral yollarda gücləndirilmiş rejimdə xidmət təşkil olunub.
Hərəkətin intensiv olduğu küçə və prospektlərə, piyada keçidlərinə əlavə polis naryadları cəlb edilib. Digər dövlət orqanları ilə birgə zəruri tədbirlər görülür.
Sürücü və piyadaların mənzil başına təhlükəsiz şəraitdə çatması təmin edilir.
Mövcud hava şəraiti ilə bağlı daxil olan çağırışlar üzrə vətəndaşlara zəruri köməkliklər göstərilməklə polis əməkdaşları tərəfindən müraciətlərə çevik reaksiyalar verilib. Bu istiqamətdə işlər fasiləsiz olaraq davam etdirilir.
Abşeron dairəvi, Bakı–Ağstafa–Bakı və Bakı–Balakən–Bakı marşrutları üzrə qatarların hərəkətində gecikmələr müşahidə olunur.
“Yol-xeber.az” xəbər verir ki, bu barədə “Azərbaycan Dəmir Yolları” QSC (ADY) məlumat yayıb.
Buna səbəb güclü külək və leysan səbəbindən bəzi sahələrdə su yığılması, ağacın kontakt şəbəkənin üstünə aşması və elektrik enerjisinin kəsintisi kimi halların qeydə alınmasıdır.
Qeyd olunub ki, ADY ölkə ərazisində qeyri-sabit hava şəraiti ilə əlaqədar olaraq, hərəkətin təhlükəsizliyinin təmin edilməsi, sərnişinlərin mənzil başına təhlükəsiz də çatdırılması məqsədilə gücləndirilmiş iş rejimində fəaliyyət göstərir: “Baş verən bütün hallara qarşı öncədən hazırlıqlar görülüb və operativ reaksiya verilir. Hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərməyi və ehtiyatlı olmağı tövsiyə edir, sərnişinlərdən stansiya və platformalarda qatarları gözləyərkən diqqətli olmağı xahiş edirik”.
***
ADY ölkə ərazisində müşahidə olunan qeyri-sabit hava şəraiti ilə əlaqədar olaraq, hərəkətin təhlükəsizliyinin təmin edilməsi, sərnişinlərin mənzil başına təhlükəsiz çatdırılması məqsədilə gücləndirilmiş iş rejimində fəaliyyətini davam etdirir.
Hazırda qatarların qrafik üzrə fəaliyyəti bərpa olunub, bütün ərazilərə nəzarət edilir, hər hansı hadisə baş verdikdə operativ reaksiya verilir.
Bir daha hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərməyi və ehtiyatlı olmağı tövsiyə edir, sərnişinlərdən stansiya və platformalarda qatarları gözləyərkən diqqətli olmağı xahiş edirik.