 |
|
Xalq artisti Ağadadaş Ağayevin mühafizəçiyə atdığı balta özünə qaytarılıb.
Modern.az məlumatına görə, məhkəmənin bir müddət əvvəl verdiyi qərara əsasən insidentdə istifadə olunan əşya sahibinə geri verilib.
Qeyd edək ki, müğənni ötən il Bakıdakı “MedEra” hospitalının mühafizəçisi ilə mübahisə edib və əlindəki baltanı ona tərəf atıb. Hadisə zamanı balta xəstəxananın xadiməsinin ayağına dəyib. Daha sonra isə xadimə baltanı götürərək kənara qoyub ki, heç kim onu götürməsin.
İstintaq zamanı balta sübut kimi götürülüb və Binəqədi Rayon Polis İdarəsinə təhvil verilib. Məhkəmə prosesi başa çatdıqdan sonra, cinayət tərkibi olmayan maddi sübut kimi baltanın geri qaytarılmasına qərar verilib. Beləliklə, Ağadadaş Ağayevin bağ işlərində istifadə etdiyini iddia etdiyi balta yenidən onun ixtiyarına keçib.
Xatırladaq ki, məhkəmə sənədlərinə əsasən, Xalq artisti həmin hadisə zamanı əsəblərinə hakim ola bilməyərək baltanı qarşı tərəfə atıb. O, məhkəmə zamanı baltadan silah kimi istifadə etmədiyini, sadəcə qorxutmaq məqsədilə atdığını bildirib.
Hökmə əsasən, A.Ağayevə 1 il sınaq müddəti seçilməklə şərti cəza verilib. Müğənninin vəkili Asim Abbasov hökmdən bəraət tələbi ilə apellyasiya şikayəti vermək fikirlərinin olduğunu deyib. Ağadadaş Ağayevlə insident yaşayan Nurəddin Cəlilovun da məhkəmə
*Regionda gərginlik artır – Genişmiqyaslı savaş başlaya bilər
*Paşinyan Bakını “fakt qarşısında” qoymağa çalışır
*ABŞ xəbərdarlıq etdi: Putin Trampın təklifi ilə razılaşmasa...
*Avropa qorxuda: “Trampizm” sürətlə yayılır
*Paşinyan 3 prezidentə zəng edir, sərhədə ordu yığır – Səbəb
*Təcili: Hizbullah Suriyaya hücuma keçdi
*Ermənilər səngər qazmağa başladı: sərhəddən son görüntülər
*Tramp anti-Azərbaycan şəbəkəni necə sıradan çıxarır - TƏHLİL
*Trampın müşaviri Hikmət Hacıyevlə danışdı
*ŞOK İDDİA: Tramp mikrofonla vurulduqdan sonra ZƏHƏRLƏNİB
*Paşinyanın Putin, Pezeşkian və Makrona zənginin SİRRİ
*Türkiyə Krımın ilhaqını tanımır və Ukraynanın ərazi bütövlüyünü dəstəkləyir
*Husilərdən ABŞ gəmilərinə ikinci hücum: Ballistik raket və dronlar işə düşdü
*Ermənistanla sülh burada imzalana bilər – 3 ölkənin adı çəkildi
Bu və gündəmdəki bir çox xəbərləri bu gün saat 09.00-da aparıcı Sevinc Telmanqızının təqdimatındakı “Səhər Xəbər” verilişində izləyə bilərsiz. Müzakirədə tamaşaçılarımız da iştirak edə bilər.
Polis əməkdaşlarının keçirdikləri əməliyyat tədbirləri ilə ötən gün ümumi çəkisi 43,4 kiloqramdan artıq narkotik vasitə aşkar olunaraq götürülüb.
Yol-xeber.az xəbər verir ki, bu barədə Daxili İşlər Nazirliyi məlumat yayıb.
Qeyd olunub ki, qanunsuz dövriyyədən çıxarılan narkotik vasitələr - 4,3 kiloqramdan artıq heroin, 34,1 kiloqramdan artıq marixuana, 5 kiloqrama yaxın metamfetamin, həmçinin 19 ədəd psixotrop tərkibli həb olub.
Ədliyyə Nazirliyinin Penitensiar xidməti və Daxili İşlər Nazirliyi (DİN) Bakıda əməliyyat keçirib, avtomat aşkar olunub.
Bu barədə Penitensiar xidmətin və DİN-in yaydığı birgə məlumatda qeyd olunub.
Bildirilib ki, əməliyyat aparatının DİN-in əməkdaşları ilə birgə keçirdiyi əməliyyat-axtarış tədbiri nəticəsində Qulizadə Kainat Xoşbəxt oğluna məxsus 1 ədəd "Kalaşnikov" avtomatı və 6 ədəd patron Yasamal rayonu, 2-ci Nərimanov döngəsi, ev 21 ünvanında yaşayış olmayan otaqda dolabın içərisindən aşkar edilərək götürülüb.
Faktla bağlı araşdırma aparılır.
Ədliyyə Nazirliyi Penitensiar Xidmətin Əməliyyat Aparatının və Daxili İşlər Nazirliyinin əməkdaşları birgə əməliyyat-axtarış tədbirləri həyata keçiriblər.
“Qafqazinfo” xəbər verir ki, əməliyyat nəticəsində Qulizadə Kainat Xoşbəxt oğluna məxsus 1 ədəd “Kalaşnikov” avtomatı və 6 ədəd patron Yasamal rayon, 2-ci Nərimanov döngəsi, ev 21 ünvanında yaşayış olmayan otaqda dolabın içərisindən aşkar edilərək götürülüb.
Faktla bağlı araşdırma aparılır.
Bu gün saat 05:30 radələrində Bakı-Quba-Rusiya sərhədi magistral yolunun 121-ci kilometrliyində ağır yol qəzası baş verib.
“Qafqazinfo” xəbər verir ki, Şabran rayonu ərazisində “KamAZ” və “Mercedes” markalı yük avtomobilləri toqquşub.
Belə ki, “KamAZ”ın sürücüsü yanacağın bitməsi səbəbi ilə nəqliyyat vasitəsini yolun sağ hərəkət zolağında saxlayıb. Bu zaman arxadan gələn “Mercedes” markalı yük maşını öz yolu ilə hərəkətdə olarkən arxadan ona çırpılıb.
Baş DYP İdarəsinin baş inspektoru, polis baş leytenantı Elvin Hacıyev sorğumuza cavab olaraq bildirib ki, hadisə nəticəsində ölüm faktı və ya xəsarət alan olmayıb:
“Təəssüflər olsun ki, dəfələrlə edilən xəbərdarlıqlara və görülən tədbirlərə baxmayaraq, hələ də bəzi sürücülərin qaydalara biganə yanaşması, yanacaq çəninə kifayət qədər yanacaq vurmamaları və yolun hərəkət hissəsində nəqliyyat vasitələrini saxlamaları bu kimi hadisələrə gətirib çıxarır. Sürücülərdən xahişimz və tələbimiz ondan ibarətdir ki, yola çıxarkən nəqliyyat vasitəsinin sazlığına və yanacaq çənina diqqətlə yanaşsınlar”.
Bakı şəhər Xətai rayonu ərazisində yerləşən “Boranı” restoranında yanğın başlayıb.
“Qafqazinfo” xəbər verir ki, hadisə restoranlar şəbəkəsinin Sarayevo küçəsində yerləşən filialında qeydə alınıb.
FHN-dən sorğumuza cavab olaraq bildirilib ki, nazirliyin 112 “qaynar xətt”inə Xətai rayonu, Əhmədli qəsəbəsində yanğın baş verməsi ilə bağlı məlumat daxil olub. Hadisə yerinə Dövlət Yanğından Mühafizə Xidmətinin texnikası və əməkdaşları cəlb olunub.
Əlavə məlumat veriləcək.
Azərbaycanda vəzifəli şəxsə ağır itki üz verib.
Şuşa Rayon İcra Hakimiyyətinin başçısı Bayram Səfərovun dayısı Nəriman Hacıyev vəfat edib.
Allah rəhmət eləsin!
Xızı rayonu Giləzi qəsəbəsində 1999-cu il təvəllüdlü qardaşı arvadı Ləman Qurbanovanı qətlə yetirən 1984-cü il təvəllüdlü qaynı Taleh Qurbanova hökm oxunub.
“Qafqazinfo”nun əldə etdiyi məlumata görə, 2022-ci ildə şəhid olmuş Saleh Qurbanovun xanımını boğaraq öldürən qardaşı Taleh Cinayət Məcəlləsinin 120.2.2-ci (Xuliqanlıq niyyətilə adam öldürmə) maddəsi ilə təqsirli bilinib.
Araşdırmalar zamanı məlum olub ki, S.Qurbanov şəhid olandan sonra onun ailəsində problemlər yaranıb. Şəhidin qardaşı Ləmanın “TikTok” səhifəsi açmasına qarşı çıxaraq onu döyüb. O, Salehin sağlığında arvadının sosial şəbəkələrdən istifadə etmədiyini və indi də bunun yolverilməz olduğunu düşünüb. Ləman isə “Sənsiz həyat” adlı səhifəsində yalnız mərhum həyat yoldaşı ilə bağlı paylaşımlar etdiyini və 20-25 nəfər tanışının bunu bəyəndiyini bildirib. Hadisədən bir neçə gün əvvəl isə Ləmanın qaynı onun telefonunu əlindən alaraq sındırıb.
Bundan sonra da ailədə münasibətlər kəskin olaraq qalıb və Ləman qayınatasının evini tərk edərək atası evinə qayıtmaq istəyib. Lakin qaynı Taleh və digər qohumları şəhidlə bağlı verilmiş bank kartlarının onlarda qalmasını tələb ediblər. Həmin gün onlar Ləmanı pirə apararaq fikrindən daşındırmaq istəyiblər. Lakin pirdən qayıtdıqdan sonra Taleh evdə Ləmana hücum edərək onu boğmaqla qəsdən həyatdan məhrum edib.
Sumqayıt Ağır Cinayətlər Məhkəməsinin hökmü ilə Taleh Qurbanova 17 il həbs cəzası verilib.
Qeyd edək ki, Saleh Qurbanov 2022-ci il sentyabrın 12-də Ermənistan silahlı Qüvvələri tərəfindən törədilən genişmiqyaslı təxribatın qarşısının alınması zamanı şəhid olub, ölümündən sonra “Azərbaycan Bayrağı” ordeni ilə təltif edilib.
Fövqəladə Hallar Nazirliyinin (FHN) "112" qaynar telefon xəttinə Bakı şəhərinin Nərimanov rayonunda yerləşən “Dərnəgül” taxta bazarı adlanan ərazidə yanğın baş verməsi barədə məlumat daxil olub.
Nazirlikdən verilən xəbərə görə, məlumatla əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.
Yanğınsöndürənlər tərəfindən həyata keçirilən zəruri və təxirəsalınmaz tədbirlər sayəsində bazar ərazisində taxta satışı məntəqəsində baş vermiş yanğın genişlənməsinə, o cümlədən digər satış nöqtələrinə keçməsinə imkan verilmədən qısa müddətdə söndürülüb.
Yanğın nəticəsində 140kv.m. sahədə taxta altlıqlar, 2 ədəd dəzgah, 6kv.m. sahədə taxta konstruksiyadan ibarət gözətçi otağı və 6kv.m. sahədə satış köşkü yanıb.
Bazar ərazisində olan digər tikililər və materiallar yanğından mühafizə olunub.