Güney azərbaycanlılar İran Teleradio Şirkətinin irqçi hərəkətinə qarşı sosial şəbəkələrdə “Salam, Azərbaycan” kampaniyasına start veriblər.

Kult.az xəbər verir ki, kampaniya qısa müddətdə böyük maraqla qarşılanıb. Kampaniyanın kütləvi hal almasında güneydən olan milli-mədəni fəallar mühüm rol oynayıblar.

Qeyd edək ki, azərbaycanlı aparıcı Məhəmməd Fərşbaf İnstaqram hesabında İran Teleradio Şirkətinin senzura məmurunun irqçi xəbərdarlığı haqda bunları yazıb:

“Açıq havada çəkilən bir verilişdə monitorda özümü, arxamda isə Təbrizin parıltılı işıqlarını gördüm. Sözə başlayaraq, “Arxamda Təbriz, üzbəüzümdə isə böyük Azərbaycanımıza salam” dedim. Bununla Şərqi Azərbaycan əhalisinin xidmətində olduğumu göstərmək istədim. Bir gün sonra isə İran Teleradio Şirkətinin senzura məmurundan mesaj gəldi: “Xəritəyə görə, Təbriz arxanda olanda, Azərbaycan Respublikası sənin üzbəüzündə yer tutur. Sən qələt edirsən oraya salam göndərirsən. Sabahdan Azərbaycana salam versən, aramız dəyəcək”.

Twitter