ABŞ-ın Rusiya üzərinə qoyduğu sanksiyalara rəğmən iki ölkə arasında silahlanma sahəsində bir çox saziş qüvvədə qalmaqda davam edir.

Almaniyanın “Handelsblatt” qəzetinin əməkdaşı Andre Ballenin yazdığına görə, ABŞ və Rusiya arasında raket anlaşması mövcuddur.

Buna görə, Amerikanın aerokosmik və müdafiə konserni sayılan “Orbital ATK” Rusiyanın “Enerqomaş” dövlət korporasiyasından 4 raket mühərrikinin alınamsı ilə bağlı razılığa gəlib. Mühərriklərin tədarükü 2021-ci ilə qədər başa çatmalıdır.

“Rusiyaya qarşı tətbiq oluan sanksiyaların və ikitərəfli münasibətlərin pisləşməsi fonunda ABŞ Konqresi Ağ Evi Rusiyanın raket texnologiyalarından asılılğına görə həmişə tənqid edib. Görünür, bu dəfə biznes maraqları siyasətin fövqündə dayanıb. Eskpertlərin ilkin hesablamalarına görə, ABŞ-ın öz raket mühərriklərini hazırlaması və istehsalı ona 3 milyard dollara başa gələ bilər”,- Ballen yazır.

Jurnalistin yazıdğına görə, iki ölkə arasında silah alveri səhəsində də maraqlı gəlişmələr yaşanır. Belə ki, ABŞ ölkənin xüsusi xidmət orqanları üçün Rusiyadan adi silahlar alacaq. Söhbət Rusiyanın “Osa” tipli ölümcül olmayan silahlara aid edilən tapançalarından gedir.

Ən maraqlısı ondan ibarətdir ki, “Osa”ların istehsalı ilə məşğul olan “Texmaş” yalnız Avropa Birliyinin sanksiya siyahısına düşüb. Lakin ABŞ-ın “qara siyahısı”nın daha uzun olmasına rəğmən həmin firmanın adına rast gəlinmir.

“Bu cür “istisnalar” sanksiyalar məsələsində prinsipiallığın pozulduğunu göstərir”, - jurnalist sonda yazıb.

Twitter