Danimarkalı alimlər qadınların kişilərlə müqayisədə böhran zamanı ayaqda qalmağa daha meylli olduqlarını ortaya qoydu.

 

İngiltərənin “Telegraph” qəzetində yer alan araşdırma yaşayış şərtlərinin həm kişilər, həm də qadınlar üçün olduqca sərt olduğu qıtlıq, epidemiya kimi kriz dönəmlərində qadınların daha uzun yaşadığını göstərib. Cənubi Danimarka Universitetinin araşdırmasında bu çətin dönəmlərdə qadın və kişi ölümlərinin səviyyəsi müqayisə olunub. Məsələn, İrlandiyada 1845 və 1849-cu illər arasında yaşanan kartof qıtlığı zamanı iki cinsiyyət qrupu üçün də 38 yaş olan gözlənilən həyat müddəti kriz dırmandığı zaman kişilərdə 18,17-yə, qadınlarda isə 22,4-ə düşüb. İsveçdə 1772-1773-cü illər arasında və Ukraynada 1933-cü ildə milyonlarla insanın ölümünə səbəb olan qıtlıq fəlakətləri zamanı da bənzər bir durum müşahidə edilib. 

19-cü əsrdə İslandiyada yaşanan su çiçəyi epidemiyasında da qadınlar kişilərə görə iki il daha uzun yaşayıb. Elm jurnalı PNAS-ya açıqlama verən araşdırma qrupundan epidemiologiya professoru Virginia Zarulli ölüm səviyyəsinin çox yüksək olduğu bu dönəmlərdə xüsusən uşaq ölümlərində fərqlilik müşahidə etdiklərini deyib: “Epidemiya və qıtlıq dönəmlərində yeni doğulan qız uşaqlarının yeni doğulan oğlan uşaqları ilə müqayisədə həyatda qalmağa daha meylli olması çox çarpıcıdır”.

Twitter