 |
|
Məlumdur ki, koronavirusa yoluxmuş bir çox insanlarda dad və iybilmə duyğusu itir.
Qaynarinfo xəbər verir ki, "Sputnik” radiosuna müsahibəsində Rusiyanın tanınmış nevroloqu, neyrofizioloqu Aleksandr Budik iybilmə və dadbilmə hisslərinin qısa zamanda bərpası üsullarından danışıb.
Onun sözlərinə görə, COVID-19-a yoluxma zamanı dad və iybilmə hisslərinin itməsi problemlərinin yaranma səbəbləri hələ tam müəyyənləşdirilməyib. Güman olunur ki, yoluxma zamanı ağız suyunun tərkibi pozulur, buna görə dadverici maddələr daha sürətli dağılaraq dadverici reseptorlara çata bilmir. Başqa nəzəriyyəyə görə, reseptorlar özləri zədələnir, təkcə dad yox, həm də iybilmə hissi itir.
Həkimin sözlərinə görə, yoluxma zamanı maddələri qəbul edən həssas hüceyrələr və ya sinirlər, keçiricilər zədələnir.
Adətən koronavirusa yoluxanlarda xəstəliyin lap əvvəlində qoxubilmə və dadbilmə hissləri itir, amma iki həftə sonra hər şey bərpa olunur. Ancaq bəzi insanların hətta sağalmadan aylar sonra da bu pozuntulardan əziyyət çəkməsi hallarına tez-tez rast gəlinir.
Aleksandr Budik iybilmə və dadbilmə hisslərini geri qaytarmaq üçün xüsusi təlimi məsləhət görür. Onun sözlərinə görə, hər gün bir neçə dəfə 20 saniyə ərzində müxtəlif qoxuları qəbul etmək lazımdır. Bunlar güclü ətirlər olmalıdır. Qərənfilin, sarımsağın, darçının iylənilməsi lazımi orqanları fəal işləməyə məcbur edəcək.
"Orqanizm diqqəti işə fəal cəlb olunan orqana yönəltməyə başlayır və bütün resurslar həmin orqanın işini daha sürətlə bərpa etməsinə yönəlir. Əlavə terapiya kimi buruna A vitamini məhlulunu damcılatmaq, bir həftə ərzində "Omeqa-3”dən istifadə etmək olar", - deyə Budik tövsiyə edib.
Bu həll ölkəmizin istənilən yerindən namizədlərin iş elanlarına evdən çıxmadan müraciətinə və növbəti mərhələlərdə onlayn rejimdə iştirakına geniş imkanlar yaradır
“Azərbaycan Dəmir Yolları” QSC (ADY) işə qəbul prosesini tamamilə məsafədən rejimə keçirib. Namizədlər arasında aparılan müsabiqənin hər üç mərhələsi – ilkin seçim, testləşdirmə və müsahibə – məsafədən həyata keçirilir.
ADY-də işə qəbul prosesinin daha da şəffaflaşdırılması və optimallaşdırılması, namizədlərin daha rahat şəkildə vakansiyalara müraciət etməsi və müsabiqədə iştirak etməsi məqsədilə şəxsi kabinet, minlərlə test sualından ibarət baza və stasionar elektron test mərkəzi, daha sonra isə mobil elektron test sistemi istifadəyə verilib. Bu stasionar test mərkəzi və mobil test sistemi sayəsində Bakı və ətraf bölgələrlə yanaşı ölkəmizin digər ərazilərində yaşayan vətəndaşlar da paytaxta gəlmədən işə qəbul müsabiqəsinin test mərhələsində iştirak edə bilirlər. Bu mərhələni uğurla keçən namizədlər müsahibələrdə də onlayn şəkildə iştirak edə bilirlər.
ADY-nin rəsmi saytının “Karyera” bölməsində (career.ady.az) işə qəbul prosesi haqqında bütün məlumatları əldə etmək, cari vakansiyalarla tanış olmaq və onlara müraciət edib müsabiqədə iştirak etmək mümkündür.
ADY-nin İnsan resursları idarəsinin rəisi Tural Məmmədov məsələni şərh edərək qeyd etdi: “Azərbaycan Dəmir Yolları” QSC-nin digər sahələrində olduğu kimi insan resursları idarəçiliyi sahəsində də davamlı islahatlar aparılır. İnsan resursları idarəsi ADY-nin digər strukturları kimi karantin dövründə öz fəaliyyətini mövcud vəziyyətin tələblərinə uyğunlaşdırmaqla məsafədən işləmə rejiminə üstünlük verərək, daxili işlərlə yanaşı namizədlərlə və işçilərlə olan əlaqələri də elektron və onlayn qaydada tənzimləməkdədir. ADY-də işə qəbul prosesi ilə yanaşı digər insan resursları idarəçiliyi funksiyalarının da onlayn tətbiqinə başlanılmış və uğurla davam etdirilməkdədir. Məsələn, işçilərin sahə üzrə biliklərinin qiymətləndirilməsi, təlimlərin təşkili prosesləri də onlayn şəkildə icra edilməkdədir”.
İşə qəbul sahəsində başlıca məqsəd gələcək karyerasını “Azərbaycan Dəmir Yolları” QSC-də qurmaq istəyən namizədlərə bilik və bacarıqlarını nümayiş etdirmələri üçün bərabər şərait yaratmaq, müsabiqələrdə şəffaflığı, aşkarlığı və obyektivliyi təmin etməkdir. ADY vətəndaşların Cəmiyyətin əməkdaşı olmaq arzusunu yüksək qiymətləndirir və bu yolda onlara uğurlar arzu edir.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin sərəncamları ilə Vətən müharibəsində qəhrəmanlıq və şücaət göstərdiklərinə görə təltif olunan hərbi qulluqçular arasında “Azərbaycan Dəmir Yolları” QSC-nin 57 əməkdaşı var. Təltif edilən dəmiryolçuların siyahısı aşağıda təqdim olunub.
|
Şəhid Aqil Bağırov |
İnfrastruktur departamenti, |
- "Vətən uğrunda", |
|
Şəhid Asif Qocayev |
Mühafizə departamenti, |
- "Vətən uğrunda", |
|
Şəhid İlqar Vəliyev |
İnfrastruktur departamenti, |
- "Vətən uğrunda", |
|
Şəhid Vüqar Məmmədov |
İnfrastruktur departamenti, |
- "Vətən uğrunda", |
|
Elşad Hacıyev |
Yük daşımaları departamenti, |
- "Xocavəndin azad olunmasına görə", |
|
Rəşad Sahibov |
"Dəmiryolservis" MMC, |
- "Cəbrayılın azad olunmasına görə", |
|
Həbib Cabbarov |
Mühafizə departamenti, Yüklərin və obyektlərin mühafizə şöbəsi, |
- "Cəsur döyüşçü", |
|
Rəşad Bədəlzadə |
İnfrastruktur departamenti, |
- "Cəbrayılın azad olunmasına görə", |
|
Elsevər Quliyev |
İnfrastruktur departamenti, |
- "Cəbrayılın azad olunmasına görə", |
|
Malid Qənbərov |
İnfrastruktur departamenti, |
- "Xocavəndin azad olunmasına görə", |
|
Cəbrayıl Ağayev |
İnfrastruktur departamenti, |
- "Cəbrayılın azad olunmasına görə", |
|
Xəlil Yusubov |
Yük daşımaları departamenti, |
- "Cəbrayılın azad olunmasına görə", |
|
Tural Bayramov |
Mühafizə departamenti, |
- "Cəbrayılın azad olunmasına görə", |
|
Elcan Məmmədov |
Mühafizə departamenti, |
- "Cəbrayılın azad olunmasına görə", |
|
Samir Xələfov |
Texniki xidmət və istismar departamenti, Gəncə istismar sahəsi, |
- "Xocavəndin azad olunmasına görə", |
|
Sərxan Əliyev |
Həkim-Sanitar Xidməti, |
- "Xocavəndin azad olunmasına görə", |
|
Aydın Quliyev |
İnfrastruktur departamenti, |
- "Cəsur döyüşçü", |
|
Elnur Məmmədov |
"11 saylı İxtisaslaşdırılmış Dəmir Yolu Müəssisəsi” MMC, |
- "Cəsur döyüşçü", |
|
Elnur Qarayev |
Yük daşımaları departamenti, |
- "Döyüşdə fərqlənməyə görə", |
|
Əhməd Keçəlov |
Yük daşımaları departamenti, |
- "Döyüşdə fərqlənməyə görə", |
|
Nicat İlyasov |
İnfrastruktur departamenti, |
- "Cəbrayılın azad olunmasına görə", |
|
Ruslan Məlikov |
İnfrastruktur departamenti, |
- "Füzulinin azad olunmasına görə", |
|
Elgün Şahbazov |
İnfrastruktur departamenti, |
- "Xocavəndin azad olunmasına görə", |
|
Rəşad Soltanov |
İnfrastruktur departamenti, |
- "Xocavəndin azad olunmasına görə", |
|
Calal Möhsümzadə |
İnfrastruktur departamenti, |
- "Xocavəndin azad olunmasına görə", |
|
Əli Mərdanov |
İnfrastruktur departamenti, |
- "Xocavəndin azad olunmasına görə", |
|
Novruz Məmmədov |
İnfrastruktur departamenti, |
- "Füzulinin azad olunmasına görə", |
|
Əzim Xudaverdiyev |
İnfrastruktur departamenti, |
- "Füzulinin azad olunmasına görə", |
|
Binyamin Rəfiyev |
Yük daşımaları departamenti, |
- "Cəbrayılın azad olunmasına görə", |
|
Səfər Həziyev |
Sərnişin daşımaları departamenti, |
- "Cəbrayılın azad olunmasına görə", |
|
Qasım Bayramlı |
Mühafizə departamenti, |
- "Füzulinin azad olunmasına görə", |
|
Ramil Adgözəlov |
İnfrastruktur departamenti, |
- "Cəsur döyüşçü" |
|
Aslan Seydaliyev |
İnfrastruktur departamenti, |
- "Suqovuşanın azad olunmasına görə" |
|
Rəşad Əmiraslanov |
İnfrastruktur departamenti, |
- "Suqovuşanın azad olunmasına görə" |
|
Orxan Məmmədov |
Mühafizə departamenti, |
- "Suqovuşanın azad olunmasına görə" |
|
Əli Hüseynov |
İnfrastruktur departamenti, |
- "Xocavəndin azad olunmasına görə" |
|
İlqar Qarayev |
İnfrastruktur departamenti, |
- "Füzulinin azad olunmasına görə" |
|
Ramil Qurbanov |
Yük daşımaları departamenti, |
- "Füzulinin azad olunmasına görə" |
|
Vüsal Bəybalabəyli |
Yük daşımaları departamenti, |
- "Füzulinin azad olunmasına görə" |
|
Kamran Məmmədov |
Yük daşımaları departamenti, |
- "Füzulinin azad olunmasına görə" |
|
Rəhman Fətullayev |
Texniki xidmət və istismar departamenti, İmişli anbarı, gözətçi |
- "Füzulinin azad olunmasına görə" |
|
Əli Quliyev |
"Dəmiryolservis" MMC, |
- "Füzulinin azad olunmasına görə" |
|
Nizami Qoçəliyev |
İnfrastruktur departamenti, |
- "Qubadlının azad olunmasına görə" |
|
Seymur Qasımov |
Yük daşımaları departamenti, |
- "Qubadlının azad olunmasına görə" |
|
Ayxan Abbasov |
İnfrastruktur departamenti, |
- "Şuşanın azad olunmasına görə" |
|
Mais Abbasov |
İnfrastruktur departamenti, |
- "Şuşanın azad olunmasına görə" |
|
Niyaməddin Heydanov |
Sərnişin daşımaları departamenti, |
- "Şuşanın azad olunmasına görə" |
|
Elbrus Şahməmmədov |
Mühafizə departamenti, |
- "Şuşanın azad olunmasına görə" |
|
Ramil Hüseynov |
İnfrastruktur departamenti, |
- "Kəlbəcərin azad olunmasına görə" |
|
Fuad Nuriyev |
İnfrastruktur departamenti, |
- "Kəlbəcərin azad olunmasına görə" |
|
Asif Ağazadə |
Yük daşımaları departamenti, |
- "Kəlbəcərin azad olunmasına görə" |
|
Fərzəli Cəlilov |
Mühafizə departamenti, |
- "Kəlbəcərin azad olunmasına görə" |
|
Murad İbrahimov |
İnfrastruktur departamenti, |
- "Ağdamın azad olunmasına görə" |
|
Süleyman Hacıyev |
İnfrastruktur departamenti, |
- "Laçının azad olunmasına görə" |
|
Məhəmməd Rəhimov |
İnfrastruktur departamenti, |
- "Laçının azad olunmasına görə" |
|
Zabil Yaqubov |
Mühafizə departamenti, |
- "Laçının azad olunmasına görə" |
|
Seymur Bədirov |
Mühafizə departamenti, |
- "Laçının azad olunmasına görə" |
Bu gündən Azərbaycanda koronavirusun geniş yayılmasının qarşısının alınması üçün sərtləşdirilmiş xüsusi karantin rejimi çərçivəsində bərbərxanaların, gözəllik salonlarının fəaliyyətinə və kosmetik xidmətlərə tətbiq edilən qadağa aradan qaldırılıb.
Nazirlər Kabineti yanında Operativ Qərargahın qərara əsasən, bərbərxanaların, gözəllik salonlarının fəaliyyəti və kosmetik xidmətlər 2021-ci il 25 yanvar saat 00:00-dan etibarən bərpa olunub.
O cümlədən, bu gündən bu sahələrdə müştərinin evində və ya digər məkanda xidmət də bərpa edilib.
Bu gündən ölkədə şəhərlərarası və rayonlararası hərəkət bərpa olunub.
Bu, Nazirlər Kabinetinin müvafiq qərarında əksini tapıb.
Qərara əsasən, 2021-ci il 25 yanvar saat 00:00-dan etibarən ölkə ərazisində şəhərlərarası və rayonlararası hərəkət bərpa olunub.
Bununla belə, xüsusi karantin rejiminin müddətində - 2021-ci il aprelin 1-dək şəhərlər və rayonlararası sərnişindaşımanın dayandırılması qərarı qüvvədə qalır.
Azərbaycanda koronavirusun geniş yayılmasının qarşısının alınması üçün sərtləşdirilmiş xüsusi karantin rejimi çərçivəsində muzey və sərgi zallarının fəaliyyətinə tətbiq edilən qadağa bu gündən aradan qaldırılıb.
Bununla bağlı Nazirlər Kabineti yanında Operativ Qərargah qərar verib.
Qərara əsasən, muzey və sərgi zallarının fəaliyyəti 2021-ci il 25 yanvar saat 00:00-dan etibarən bərpa olunub.
Bu gündən Azərbaycanda koronavirusun geniş yayılmasının qarşısının alınması üçün sərtləşdirilmiş xüsusi karantin rejimi çərçivəsində ticarət obyektlərinin fəaliyyətinə tətbiq edilən qadağa aradan qaldırılıb.
Nazirlər Kabineti yanında Operativ Qərargahın qərara əsasən, ticarət obyektlərinin fəaliyyəti 2021-ci il 25 yanvar saat 00:00-dan etibarən bərpa olunub.
Həmçinin qərara əsasən, ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, “Mall”ların fəaliyyətinə tətbiq edilən qadağa davam edir.
2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunacaq.
Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin daha bir qisminin yumşaldılması ilə bağlı Nazirlər Kabineti yanında Operativ Qərargahın yanvarın 16-da imzaladığı qərar bu gündən qüvvəyə minib.
Qərara əsasən, 2021-ci il 25 yanvar saat 00:00-dan etibarən ölkə ərazisində aşağıdakı iş və xidmətlərin fəaliyyətinə icazə verilir:
ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, “Mall”ların fəaliyyəti istisna olmaqla);
bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);
muzey və sərgi zallarının fəaliyyəti;
şəhərlərarası və rayonlararası hərəkət.
Qeyd edək ki, daha əvvəl müvafiq qərara əsasən, 2021-ci il 18 yanvar saat 00:00-dan etibarən yaşayış yerini və olduğu yeri “SMS” icazə, “icaze.e-gov.az” portalı və xidməti vəsiqə əsasında tərk etmək sistemi ləğv olunub.
Həmçinin qərara əsasən, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunacaq.
Fəaliyyətinə icazə verilən iş və xidmət sahələrində pandemiya dövrü ilə əlaqədar Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.
Bakı metropolitenində sərnişindaşımanın fəaliyyətinə tətbiq olunan məhdudiyyət hazırda qüvvədə qalır.
Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət, eləcə də digər qadağalar isə xüsusi karantin rejiminin sonunadək tətbiq olunacaq.
Qərarda qeyd olunub ki, xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburidir. Həmçinin sosial məsafə, tibbi maska və digər qoruyucu vasitələrdən ictifadə etmək zəruridir.
Xatırladaq ki, Azərbaycanda - bütün ölkə ərazisində xüsusi karantin rejiminin müddəti 2021-ci il 1 aprel saat 06:00-dək uzadılıb.
Bu gün Milli Məclisin Əmək və sosial siyasət komitəsinin onlayn iclası keçiriləcək.
Oxu.az xəbərinə görə, iclasda komitənin 2020-ci ilin payız sessiyasında gördüyü işlər barədə hesabat dinləniləcək.
Bundan sonra isə komitənin 2021-ci il yaz sessiyasına dair iş planı müzakirə ediləcək.
Bununla yanaşı “Məşğulluq haqqında” qanuna dəyişiklik layihəsi müzakirəyə çıxarılacaq.
Qeyd edək ki, layihəyə əsasən, Azərbaycanda sosial müdafiəyə xüsusi ehtiyacı olan şəxslərin siyahısı genişləndirilir.
Qanunun qüvvədə olan variantına əsasən, sosial müdafiəyə xüsusi ehtiyacı olan və işə düzəlməkdə çətinlik çəkənlərin siyahısına əlilliyi olan şəxslər, o cümlədən sağlamlıq imkanları məhdud olan 18 yaşınadək uşaqlar, 20 yaşadək gənclər, yetkinlik yaşına çatmamış uşaqları tərbiyə edən tək və çoxuşaqlı valideynlər daxildir.
2021 vakansiyalar
Eyni zamanda sağlamlıq imkanları məhdud 18 yaşınadək uşaqları tərbiyə edən valideynlər, pensiya yaşına iki ildən az qalmış şəxslər, cəzaçəkmə yerlərindən azad edilmiş şəxslər, məcburi köçkünlər daxil edilib.
Layihədə isə həmin kateqoriyadan olan insanların siyahısına şəhid ailəsinin üzvləri də daxil edilir.
Həmçinin sosial iş yerlərinin təşkili və özünüməşğulluğa kömək göstərilməsi zamanı da şəhid ailələrinə üstünlük verilməsi təklif edilir.
Kütləvi İnformasiya Vasitələrinin İnkişafına Dövlət Dəstəyi Fondunun keçmiş icraçı direktoru Vüqar Səfərli barəsində həbs qətimkan tədbirinin dəyişdirilməsi ilə vəsatətin təmin edilməməsi ilə bağlı qərardan apelyasiya şikayəti verib.
“Report” xəbər verir ki, şikayətə Apellyasiya Məhkəməsində baxılacaq.
Qeyd edək ki, Binəqədi Rayon Məhkəməsində V.Səfərli barəsində 4 ay müddətinə həbs qətimkan tədbiri seçilib.
O, KİVDF-yə dövlət büdcəsindən ayrılan vəsaitlərin xərclənməsi zamanı aşkar edilmiş qanun pozuntuları ilə əlaqədar Hesablama Palatasından daxil olmuş materiallar üzrə Baş prokuror yanında Korrupsiyaya qarşı Mübarizə Baş İdarəsində başlanmış cinayət işi üzrə həbs edilib.
Ittihama görə, Vüqar Səfərli qeyriləri ilə qabaqcadan əlbir olaraq qeyd edilən mənimsəmə və vəzifə saxtakarlığı cinayətləri üzrə əldə etdiyi xüsusilə külli miqdarda pul vəsaitini kommersiya bankında olan milli və xarici valyutadakı depozit hesablarına 2015-2018-ci illər ərzində cəmi 5 milyon 796 min manatı yerləşdirməklə cinayət yolu ilə əldə edilmiş həmin pul vəsaitlərini külli miqdarda leqallaşdırıb.
İş üzrə toplanmış ilkin sübutlar əsasında Səfərli Vüqar Müzəffər oğlu Azərbaycan Respublikası Cinayət Məcəlləsinin müvafiq olaraq 179.4 (xüsusilə külli miqdarda ziyan vurmaqla mənimsəmə və israf etmə), 193-1.3.2 (cinayət yolu ilə əldə edilmiş külli miqdarda pul vəsaitlərini leqallaşdırma), 308.2 (ağır nəticələrə səbəb olan mühüm zərər vurulmaqla vəzifə səlahiyyətlərindən sui-istifadə etmə), 308-2.4 (satınalma prosedurları keçirilmədən külli miqdarda ziyan vurmaqla dövlət vəsaitlərini xərcləmə) və 313 (vəzifə saxtakarlığı), Məmmədov Nadir Məhərrəm oğlu isə Cinayət Məcəlləsinin 179.4, 308.2 və 313-cü maddələrinə əsasən təqsirləndirilən şəxs qismində cəlb edilib.