Hava Nəqliyyatında Baş Gömrük İdarəsinin əməkdaşları xeyli sayda mobil telefonun sərhəddən düzgün bəyan etmədən keçirilməsi cəhdinin qarşısını alıblar.

DGK-dan Axar.az-a verilən məlumata görə, Dubay-Bakı aviareysi ilə gələn Azərbaycan vətəndaşı gömrük nəzarəti zonasına daxil olarkən üzərində 4 ədəd “Ayfon X” markalı telefonun olması barədə sadələşdirilmiş bəyannamə tərtib edib. Lakin vətəndaşın əşyaları rentgen aparatıyla yoxlanılarkən monitorda daha çox mobil telefonun təsviri görünüb. Bu səbəbdən həmin şəxs saxlanılıb və əşyaları təkrar yoxlanılıb.

Nəticədə vətəndaşa məxsus çamadanda əvvəlcədən gömrük nəzarətinə düzgün bəyan edilməyən 10 ədəd, paketin içərisində isə 2 ədəd “Ayfon X 256GB” markalı mobil telefon aşkar edilib.

Faktla bağlı araşdırma aparılır.

Twitter