 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
Livanda erməni keşişlə İranın bu ölkədəki səfiri arasında görüş olub.
İranın Livandakı səfiri Əmani ilə keşiş Aram arasında keçirilən görüşdə iki məsələ müzakirə edilib.
Bir saata yaxın davam edən görüşdə tərəflər birinci məsələ kimi Livandakı prezident seçkiləri, ikinci məsələ isə Qarabağ məsələsi, daha doğrusu son günlərdə Xankəndi-Laçın yolunda yaranmış vəziyyət olub.
Erməni patriarx iranlı diplomatdan İranın məsələyə müdaxiləsini vacib hesab edib.
Vəziyyətdən xəbərdar olan səfir erməni patriarxın müraciətini ölkəsinin hakimiyyət orqanlarına çatdıracağına söz verib.
ABŞ Prezidenti Co Baydenin ofisindən tapılan sənədlər ölkə gündəmində müzakirələrə səbəb olub.
Xarici xəbər verir ki, Baydenin keçmiş şəxsi ofisində qıfıllı şkafda saxlanılan sənədlər qısa zamanda ABŞ-da ajiotaj yaradıb.
Barak Obama administrasiyası dövrünə aid sənədlərlə bağlı ABŞ Ədliyyə Nazirliyi yoxlamalara başlayıb. Baydenin sözügedən ofisdən 2017-2019-cu illərdə istifadə etdiyi bildirilir.
Baydenin şəxsi müşaviri Riçard Sauber ofisdən çox az sayda gizli sənəd tapıldığını və dərhal dövlətin arxiv idarələri ilə əlaqə yaradıldığını deyib.
Co Baydenin gizli sənədləri məsuliyyətsizlik, yoxsa unutqanlıq ucbatından keçmiş ofisində unutması müzakirələrə səbəb olub.
Qeyd edək ki, Donald Tramp prezident olduğu dövrdə mülkündən gizli sənədlər tapıldığı üçün Co Bayden onu məsuliyyətsizlikdə ittiham etmişdi.
Xatırladaq ki, hazırkı ABŞ Prezidenti Bayden tez-tez qəribə hərəkətlər etməsi, unutqanlığı və boşluğa salam verməsi onun qocalığı ilə əlaqələndirilir.
“Moskva Kiyevlə müharibə aparmır: hazırkı toqquşma Qərbin ukraynalıların əli ilə Rusiyaya müqavimət göstərmək cəhdidir”.
“Bunu Rusiya Federasiyası Təhlükəsizlik Şurasının katibi Nikolay Patruşev “Arqumentam i faktam”a müsahibəsində deyib.
“Ukraynada baş verənlər Moskva ilə Kiyev arasında toqquşma deyil, bu, NATO, hər şeydən əvvəl ABŞ və İngiltərə, Rusiya ilə hərbi qarşıdurmadır. Birbaşa təmasdan qorxaraq, NATO təlimatçıları ukraynalı oğlanları ölümə sürükləyirlər”, - Patruşev qeyd edib.
O əlavə edib ki, Ukrayna vətəndaşları Qərbin Rusiyaya qarşı əlləri ilə vuruşduğunu nə qədər tez başa düşsələr, bir o qədər çox insan həyatını xilas edəcək: “Çoxları bunu çoxdan dərk edib, amma repressiyalardan qorxaraq bunu demirlər. Qərb varlanmaq və başqa ambisiyaları hesabına kiminsə həyatını xilas etməyi planlaşdırmır. Eyni zamanda, amerikalılar, britaniyalılar və digər avropalılar tez-tez sivilizasiyanı barbarlıqdan qoruduqları illüziyası yaradırlar”.
Bolqarıstanda Dəyişikliyə Davam Partiyası adından baş nazirliyə namizəd olaraq irəli sürülən Nikolay Denkovun hökumət qura bilməməsinin ardından ölkədə növbədənkənar seçkilərin keçirilə biləcəyi gündəmə gəlib.
Publika.az xəbər verir ki, Bolqarıstanda baş nazir Kiril Petkovun koalisiya hökuməti 22 iyun 2022-ci ildə parlamentdə etimad səsverməsini itirdikdən sonra hökumət böhranı davam edir.
Hökumətin süqutundan sonra parlamentdə ən çox deputatı olan partiyalara müvafiq olaraq hökuməti qurmaq tapşırığı verilib, halbuki indiyədək heç bir partiya hökuməti formalaşdıra bilməyib.
Prezident Rumen Radevin hökuməti qurmaq tapşırığını verdiyi Dəyişikliyə Davam Partiyası da razılığa gələ bilməyib. Dəyişikliyə Davam Partiyası adından baş nazirliyə namizədliyi irəli sürülmüş Nikolay Denkov hökuməti qurmaq vəzifəsini prezident Radevə qaytarıb.
Bolqarıstan Konstitusiyasına görə, prezident kabinetin formalaşdırılması vəzifəsini müvafiq olaraq birinci və ikinci ən böyük partiyaya, kabineti formalaşdıra bilmədikdə isə öz seçdiyi üçüncü tərəfə tapşıra bilər.
Bolqarıstan Parlamentində üçüncü ən böyük partiya üzvlərinin əksəriyyəti türklərdən ibarət olan və 36 deputatı olan Haqq və Azadlıqlar Hərəkatıdır (HÖH).
Lakin prezident Radevin hökuməti qurmaq tapşırığını HÖH-ə deyil, 20 deputatı olan Demokratik Bolqarıstan Partiyasına verəcəyi gözlənilir. HÖH vitse-prezidenti Yordan Tsonev Bolqarıstan mətbuatına verdiyi açıqlamada bildirib ki, reputasiya ən məntiqli addımdır. Hökuməti qurmaqda ən çox təcrübəyə malik olan partiya HÖH-dür. Əksər müsəlmanlar, bolqar türkləri, bolqarlar və digər etnik qruplar 30 ildir ki, HÖH-ə öz siyasi təmsilçiliyi kimi baxırlar. Bu insanlara hörmətsizlikdir.
Roma Papası Fransisk Cənubi Qafqazdakı vəziyyətdən danışıb.
“Qafqazinfo” xəbər verir ki, o, Azərbaycan və Ermənistan arasında imzalanacaq sülh müqaviləsi haqqında da fikirlərini bildirib.
O qeyd edib ki, Cənubi Qafqaz haqqında düşünür və Azərbaycanla Ermənistan arasında sülh müqaviləsinə çatmaq üçün vacib addımlardan biri atəşin dayanması ilə bağlı əldə olunmuş razılaşmalara (10 noyabr 2020-ci il üçtərəfli bəyanatı nəzərdə tutulur) hörmət etməkdir.
İsrailin ifrat sağçı Milli Təhlükəsizlik Naziri İtamar Ben-Qvir polisə Fələstin bayrağının ictimai yerlərdə nümayişini qadağan etmək göstərişi verdiyini açıqlayıb.
Nazir Ben-Qvir tvitter hesabında “Bu gün polisə Fələstin bayrağının və ya terror təşkilatı ilə eyniləşdirilən və ya İsrail dövlətinə qarşı təhrik edən hər hansı bayrağın dalğalanmasını qadağan etmək göstərişi verdim” deyib.
“Terrora və terrorun təhrikinə qarşı var gücümüzlə mübarizə aparacağıq” deyən ifrat sağçı Ben-Qvir, ictimai yerlərdə Fələstin bayraqlarının dalğalanmasını qadağan edib.
Ben-Qvirin 40 ilini İsrail həbsxanalarında keçirən fələstinli məhbus Kərim Yunusun yanvarın 5-də Hayfadakı Ara kəndində Fələstin bayraqlarının coşqu ilə qarşılanmasından sonra belə bir qərar verdiyi bildirilir. /unikal
“Dünya çoxdan yeni dünya müharibəsi mərhələsinə qədəm qoyub və biz uşaq təhqirləri ilə məşğuluq. Laçın, Qarabağ, Ermənistan problemi uzun müddətdir daxili siyasi problemlər deyil. Artıq Qərblə, Türkiyə ilə, Rusiya ilə “oyun” oynamaq mümkün deyil və yolverilməzdir”.
Bu barədə erməni siyasətçi Eduard Şarmazanov öz Facebook səhifəsində yazıb.
O bəyan edib ki, belə oyunlar Ermənistanın və Qarabağın məhvinə gətirib çıxaracaq.
“Ukraynadakı münaqişənin təhlili göstərir ki, Rusiya NATO qarşısında üstünlüyə malikdir, bunu 3 amil nümayiş etdirir”.
Musavat.com-un xəbərinə görə, köşə yazarı Həsən Nafaa bu barədə “Al Mayadeen” üçün qələmə aldığı məqalədə yazıb.
“Birinci amil iqtisadi sanksiyaların münaqişənin hər iki tərəfinə təsirinə aiddir. Aydındır ki, Rusiya bu raundda qalib gəlib. Rusiya valyutasının (rubl) mövqeyi hazırda münaqişə başlamazdan əvvəlkindən daha güclüdür. Sanksiyalar Qərb ölkələrinə daha çox zərbə vurub”, - köşə yazarı qeyd edib.
H.Nafaa həmçinin Rusiyanın münaqişə zamanı “bütün hərbi gücündən istifadə etməkdən uzaq olduğuna” diqqət çəkib. Üçüncü amil kimi o, Moskvanın müttəfiqlərinin həmrəyliyini və ABŞ-la Avropa ölkələri arasında münasibətlərdə ixtilafın olmasını xüsusi qeyd edib. Nafaa müharibənin uzanmasının NATO-nun dağılmasına gətirib çıxaracağını bildirib.
Silah tacirləri Rusiya-Ukrayna müharibəsindən qazanc əldə etməyə çalışırlar.
“Report”un Türkiyə bürosunun xəbərinə görə, bu fikri Türkiyə Prezidenti Rəcəb Tayyib Ərdoğan Antalyada Dokumapark Müasir İncəsənət Qalereyasında keçirilən “Qadınlarla Böyük Türkiyə Yolunda” proqramında çıxış edərkən bildirib.
Ərdoğan deyib ki, Türkiyə sülhpərvər mövqeyinə görə, hazırda dünyanın diqqət mərkəzindədir: “Dünya Rusiya-Ukrayna müharibəsinə müdaxilə edə bildimi? Xeyr. Onların hamısı silah satıcılarına kömək edir. Dünyanın silah tacirləri harada, necə və nə qazanacaqlar, buna çalışırlar. Biz isə sülhə necə nail ola bilərik, buna çalışırıq”.
“Eyni gündə biz həm cənab Putinlə (Rusiya Prezidenti Vladimir Putin - red), həm də Zelenski (Ukrayna Prezidenti Volodimir Zelenski - red) ilə telefonla danışdıq. Bu savaşı dayandırmaq, tərəflərin sülhə gəlməsi üçün, nə edə bilərik, bunu öyrənməyə çalışırıq. Bu səmimiyyətlə yolumuza davam edirik. Çünki bilirik ki, dünya yalnız sülh üzərində bərqərar olub”, - Türkiyə lideri qeyd edib.
ABŞ və Qərb Rusiyaya xilas şansı tanımaq istəmir, Ukrayna savaşı Rusiyanın tam məğlubiyyəti və çöküşünə qədər davam etdirmək niyyətindədir, Kreml cəmisi iki taleyüklü seçim qarşısında qalmış kimi görünür... Yəni, Kreml ya rus qoşunlarını Ukraynadan çıxarıb, bu ölkəyə vurduğu fantastik məbləğli ziyanı ödəməli olacaq, ya da savaşı davam etdirib, Rusiyanın çökərək, dağılmasını sürətləndirəcək...
Ukrayna savaşı Rusiyanı artıq tamamilə taqətdən salıb. Kreml bu savaşın ağırlığına tab gətirməkdə çətinlik çəkir. Zaman keçdikcə isə Rusiya “savaş bataqlığı”nın daha dərin qatlarına doğru çökməkdə davam edir. Və belə vəziyyət Rusiya üçün müasir tarixin ən faciəvi dövrü kimi də dəyərləndirilə bilər.
Məsələ ondadır ki, Rusiya dünyadan təcrid olunmuş durumdadır. Hazırda Kremlin dünya siyasətində və iqtisadiyyatında iştirakı minimuma endirilib. Rusiyaya qarşı olduqca geniş beynəlxalq koalisiya mövcuddur və rəqiblər tədricən təzyiqləri artırmaqla, Kremli “ağ bayraq qaldırmağa” məcbur etməyə çalışırlar.
Rusiya ağır maliyyə-iqtisadi sanksiyalar ucbatından böyük sürətlə sosial-iqtisadi böhrana sürüklənir. Kreml indi hətta öz enerji resurslarını belə, dünya bazarlarına çıxartmaq şanslarını itirməyə başlayıb. Eyni zamanda, Rusiyaya digər sahələr üzrə də iqtisadi-ticari fəaliyyət imkanı tanınmır. Və Rusiyanın ehtiyac duyduğu bir çox malların bu ölkəyə satışı bloklanıb.
Digər tərəfdən, Rusiya Ukrayna ilə işğalçı müharibə aparsa da, əslində, dünyanın çox önəmli hərbi-siyasi güc mərkəzlərinə qarşı eyni vaxtda savaşmaq məcburiyyətində qalıb. Çünki Rusiyaya qarşı beynəlxalq koalisiyanın üzvləri savaşa rəsmən qatılmasalar da, onların hər halda müharibədə iştirak etdikləri inkaredilməz reallıqdır. Belə ki, ABŞ başda olmaqla, əksər NATO ölkələri Ukraynaya silah-sursat və hərbi texnika edirlər. Bu baxımdan, Rusiya əslində, Ukrayna ordusu ilə yanaşı, NATO hərbi texnologiyası ilə vuruşmağa da məcbur qalıb.
Göründüyü kimi, Kremlin Ukrayna savaşına başlayaraq, buraxdığı yolverilməz səhv Rusiyanı əsl fəlakətlə üzləşdirib. Qərb hərbi ekspertləri əmindirlər ki, Rusiyanın hərbi resursları artıq tükənmək üzrədir. Ukrayna savaşı bir neçə ay da davam etsə, Rusiya hərbi potensialından tamamilə məhrum ola bilər. Kreml ona dəstək verə biləcək Çin, İran, Şimali Koreya və s. kimi azsaylı ölkələrdən silah tədarükünü təmin edə bilməzsə, Rusiyanın hərbi məğlubiyyətinin etiraf edib, təslim olmaqdan başqa yolu qalmayacaq.
Kreml son vaxtlar Ukrayna savaşına tab gətirmək üçün son variantlara da əl atmağa başlayıb. Belə ki, Rusiya ordusuna əlavə canlı qüvvənin cəlb edilməsinə hazırlıq aparılır. Bəzi məlumatlara görə, yanvarın sonlarına qədər Rusiyada ümumi səfərbərlik elan edilə bilər. Və bu prosesdə ən azı bir milyon hərbçinin orduya çağırılması nəzərdə tutulub.
Ancaq Kremlə yaxın siyasi dairələr ümumi səfərbərliyin də Rusiyanı bu durumdan çıxara biləcəyinə ciddi şübhələr mövcuddur. Hər halda, bir müddət öncə reallaşdırılmış qismən səfərliyin Rusiyanın savaş meydanında vəziyyətini qətiyyən dəyişmədiyi inkaredilməz reallıqdır. Halbuki, bu prosesdə Kreml 300 min hərbçini ordu sıralarına qata bilmişdi. Bu baxımdan, silah-sursat və hərbi texnika təchizatı olmayan hərbi geyimli şəxslərin Rusiyanı məğlubiyyətdən xilas edə biləcəyi qətiyyən inandırıcı deyil.
Ona görə də, indiki situasiyada Ukrayna savaşının mövcud hərbi nailiyyətlərin qorunması şərti ilə dayandırılması Rusiya üçün ən sərfəli variant hesab olunur. Yəni, Kremlə savaşdan mümkün qədər tez bir zamanda çıxmaq və yaxud da heç olmasa, müharibənin müvəqqəti dondirulması çox vacibdir. Hər halda, Rusiya hərbi potensialının yenidən cəmləşdirməyə imkan tapmazsa, bu nəhəng ölkənin növbəti mərhələdə çöküşü qaçılmaz ola bilər.
Maraqlıdır ki, bəzi məlumatlara görə, Türkiyə prezidenti Rəcəb Tayyib Ərdoğan Rusiya lideri Vladimir Putin ilə telefon danışığında təxminən bu mövqedən çıxış edib. Türkiyə lideri Kreml sahibinə bildirib ki, əgər, heç olmasa, müvəqqəti atəşkəs elan edərsə, rəsmi Ankara Ukrayna savaşının dayandırılması üçün hər iki tərəflə danışıqlar apara bilər. Yəni, Türkiyə prezidenti Rusiyanın birtərəfli atəşkəsə razılaşmasının qarşılığında Kreml üçün hava-su kimi vacib olan sülh vasitəçiliyi təklif edib.
Onu da qeyd edək ki, bu barədə ilk məlumatlar yayıldıqdan dərhal sonra Kremlə yaxın əksər siyasi dairələr Türkiyə prezidentini mövcud situasiyadan öz siyasi maraqları çərçivəsində yararlanmaqda qınayıblar. Halbuki, hazırda atəşkəs rejimi hamıdan daha çox Rusiyanın maraqlarına cavab verir. Və Kreml müxtəlif siyasi-diplomatik kanallarla Qərb ölkələri ilə uğursuz sülh danışıqları aparır.
Məsələ ondadır ki, hazırda ABŞ və Qərb Rusiyanın “savaş bataqlığı”ndan çıxmasını istəmir. Əksinə, bu “savaş bataqlığı”nın Rusiyanı tamamilə öz dibinə çəkməsi üçün əlindən gələn hər şeyi edir. Türkiyə prezidentinin sülh vasitəçiliyi isə Rusiya üçün bir şans ola bilər.
Nə qədər qəribə də olsa, Kreml prezident R.T.Ərdoğanın müvəqqəti atəşkəs elan etmək təklifini reallaşdırmaq qərarına gəlib. Belə ki, Rusiya prezidenti V.Putinin tapşırığı ilə savaş bölgəsində 1,5 sutkalıq birtərəfli atəşkəs qərarı qəbul olunub. Ancaq Kreml nədənsə, bu qərarı Türkiyə liderinin təklifi ilə deyil, Milad bayramıyla əlaqələndirməyə üstünlük verib.
İstənilən halda, Rusiyanın uzun müddətdən sonra hansı səbəblə olursa-olsun, atəşkəsə razılaşması müsbət tendensiyadır. Sadəcə, Kremlin bu addımına Ukrayna rəsmi dairələri və Qərb siyasi iradə mərkəzləri kəskin reaksiya ilə cavab verib. Belə ki, ABŞ və Qərb Rusiyanın atəşkəs niyyətinə ehtibar etmədiyini bildirib. Bunu Kremlin hərbi qüvvələri qruplaşdırmaq üçün vaxt qazanmaq istəyi ilə əlaqələndirib.
Rəsmi Kiyevsə, Donbas və Krım da daxil olmaqla, Ukraynanın ərazi bütövlüyü təmin edilməyənə qədər hər hansı atəşkəs cəhdinə qarşı olduğunu bəyanlayıb. Zelenski hakimiyyəti hesab edir ki, atəşkəs və sülh sazişi barədə yalnız Rusiya qoşunları Ukrayna ərazisindən çıxarıldıqdan sonra düşünmək olar. Ona qədərsə, Ukrayna ordusu savaşmaqda davaş edəcək, hətta Rusiya ərazisinin dərinliklərində olan hərbi obyektlərə belə, zərbə endirəcək.
Göründüyü kimi, həm ABŞ və Qərbin, həm də Ukrayna siyasi dairələrinin mövqeyi qətidir. Çünki vaxtilə rəsmi Kiyev, xüsusilə də, prezident Volodimir Zelenski Kreml sahibi V.Putindən savaşı ən qısa zamanda dayandırmağı təklif edirdi. İndisə, Rusiyanın atəşkəs qərarı Ukrayna tərəfindən qəbul edilmir, geri çevrilir. Və bununla da məğlub olmaq təhlükəsi ilə üzləşən Rusiyaya zaman qazanmaq şansı tanınmır.
Belə anlaşılır ki, Ukraynanı qələbəyə yaxınlaşdıran Qərb siyasi dairələri Rusiyaya xilas olmaq imkanı vermək niyyətində deyillər. Əksinə, savaşı Rusiyanın tam məğlubiyyəti və çöküşünə qədər davam etdirməkdə israrlı davranırlar. Mövcud situasiyadasa, Rusiyanın qarşısında cəmisi iki taleyüklü seçim qalmış kimi görünür.
Yəni, Kreml ya Rusiya qoşunlarının Ukraynadan çıxarılması ilə məğlubiyyətini etiraf edəcək. Eyni zamanda, Ukraynaya vurduğu fantastik məbləğli ziyanı kompensasiya ilə ödəməklə razılaşmalı olacaq. Ya da savaşı davam etdirib, Rusiyanın çökərək, dağılmasını sürətləndirəcək. Kremlin seçim etmək üçünsə, o qədər də çox vaxtı yoxdur.(Yeni Müsavat)