 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
“Ukrayna silahlı qüvvələri Melitopola ildırım sıçrayışı etməyə qadirdir. İndi bu istiqamət düşmənin yeni məğlubiyyət ala biləcəyi ən perspektivli zonadır”.
Bizimyol.info xəbər verir ki, bunu RBC-Ukraynaya müsahibəsində hərbi ekspert, polkovnik Sergey Qrabski deyib.
"Mənim üçün obyektiv olaraq cənub istiqaməti üstünlük təşkil edir, xüsusən də Melitopol. Biz Melitopola getsək, iki problemi həll edirik. Birincisi, Krıma gedən quru dəhlizini kəsirik. İkincisi, Krımı adaya və onun bütün strateji dəyərinə çeviririk”,- deyə ekspert izah edib.
Qrabskinin fikrincə, bu, həm Vuhledardan cənuba təzyiqlə, həm də işğalçıların atəşə tutula biləcəyi Dnepr çayının sağ sahilində geniş cəbhə ilə təmin olunacaq və düşmənin müdafiəsini sarsıdacaq, sıçrayış üçün ilkin şərtlər yaradacaq.
Ekspert hesab edir ki, ruslar özləri üçün təhlükənin fərqindədirlər və buna görə də Melitopol yaxınlığında mümkün olan hər şeyi bir yerə yığırlar. Qrabski qeyd edib ki, eşelon texnika və əlavə heyət oraya, yəni Tokmak, Melitopol, Veseleyə gedir. Bundan əlavə, Primorskda örtük bazaları yaradılır və Novaya Kaxovka ərazisində manevrlər həyata keçirilir.
"Və bu, onların Melitopola nə qədər önəm verdiyini və Ukrayna hücumunun perspektivlərini nə dərəcədə aydın şəkildə bildiklərini göstərir. Ona görə də deyərdim ki, Melitopol düşmənin yeni məğlubiyyətə uğrayacağı ən perspektivli ərazi kimi görünür. Və bu məğlubiyyət onlar üçün fəlakətli olacaq”, - deyə ekspert yekunlaşdırıb.
Qeyd edək ki, Rusiyanın vəziyyətinin yaxşı olmadığı Kremldən gələn açıqlamalarda da hiss olunur. Təhlükəsizlik Şurasının sədr müavini Dmitri Medvedev yenidən nüvə silahı ilə hədələyib. Belə hədələr, adətən, Rusiyanın vəziyyəti ağlamalı səviyyədə olanda gəlir. Görünür, Kreml Ukraynanın ağır zərbə hazırladığını bilir...
Rusiya Prezidenti Vladimir Putin üçün ABŞ-nin Ukraynaya verdiyi “Patriot” hava hücumundan müdafiə sistemini döyüş meydanında məhv etməsi, strateji əhəmiyyətdən daha çox siyasi əhəmiyyət kəsb edəcək.
Bu barədə “Forbes” yazır.
Nəşr hesab edir ki, Putin Ukrayna “Patriot”unu məhv etmək üçün İran tərəfindən verilən silahlardan istifadə edə bilər.
İran ordusunun belə bir hücumun planlaşdırılmasında və həyata keçirilməsində Rusiyaya kömək etməsi təəccüblü deyil. Çox güman ki, Rusiya “Patriot”un məhv edilməsini təmin etmək üçün öz radarına qarşı misli görünməmiş sayda “Shahed” və raketlər ata bilər.
Bununla da Kreml açıq şəkildə bildirəcək ki, ABŞ və müttəfiqlərinin Ukraynanın hava hücumundan müdafiəsini gücləndirmək cəhdlərinə baxmayaraq, onun hücumlarını dayandırmaq mümkün deyil.
“Patriot”un məhv edilməsi, Putin üçün də simvolik ola bilər. Putin ondan öz təbliğatı üçün istifadə edə bilər”, – Forbes yazıb.
ABŞ-ın Nyu-York şəhərində yaşayan azərbaycanlı fəalların BMT-nin mənzil-qərargahı önündə dinc etiraz aksiyası keçirilib.
Azərbaycan-Amerika Qadınlar Assosiasiyasının rəhbəri Minəvvər Vahabovanın təşkilatçılığı ilə baş tutan aksiya Rusiya sülhməramlılarının müvəqqəti nəzarətində olan Azərbaycan ərazilərindəkı faydalı qazıntı yataqlarının, xüsusilə "Qızılbulaq" qızıl və "Dəmirli" mis-molibden yataqlarının ermənilər tərəfindən qeyri-qanuni istismarına etiraz səsini ucaltmaq, Şuşa-Xankəndi yolunda etiraz edən azərbaycanlı ekofəalları, vətəndaş cəmiyyətinin təmsilçilərini və könüllüləri dəstəkləmək məqsədilə gerçəkləşdirilib.
Aksiya iştirakçıları üzərində “Ermənistanın ekoloji terrorunu dayandırın!”, “Azərbaycanın təbii sərvətlərinin qeyri-qanuni istismarına son qoyulsun!”, “Ekoloji cinayətə son!”, “Azərbaycanın ətraf mühütinə qarşı cinayətlərə son qoyun!”, “Erməni separatçılarının qeyri-qanuni fəaliyyətinə son qoyulsun!”, “Laçın yolundan hərbi məqsədlərlə istifadəyə son qoyulmasını tələb edirik!”, “Bəşəri cinayət!”, “Ətraf mühitə aradan qaldırılması mümkün olmayan zərərlər vurmağı dayandırın!” şüarlarının əks olunduğu plakatları nümayiş etdiriblər.
Münəvvər Vahabova BMT-yə müraciətində bildirib ki, Ermənistanın Rusiya sülhməramlılarının müvəqqəti nəzarətində olan Azərbaycanın tarixi-hüquqi torpaqlarında faydalı qazıntı yataqlarını qeyri-qanuni olaraq istismar etməsi cinayətdir. Bu, yalnız Azərbaycanın deyil, dünyanın ekosisteminə və bütövlükdə bəşəriyyətə vurulan ən böyük zərbədir.
Aksiya ilə maraqlanan yerli sakinlərə Ermənistanın Azərbaycan ərazilərində törətdiyi ekoterror barədə ətraflı məlumat verilib.
Böyük Britaniya Kralı III Çarlz yetkinlik yaşına çatmayan azyaşlını cinsi istismar etməkdə təqsirli bilinən kiçik qardaşı şahzadə Endryunu Bukingem sarayından qovub.
Bu barədə “The Sun” məlumat yayıb. Saraya yaxın mənbə nəşrə bildirib ki, Endryunun Bukengemdə qalması artıq rəsmi olaraq mümkün deyil. Kral bunu açıq şəkildə vurğulayıb ki, Endryu artıq krallıq vəzifələrini yerinə yetirməyəcək, o, təkbaşınadır.
Belə ki, bundan sonra şahzadə Endryu sarayının ünvanından yazışmalar üçün istifadə edə bilməyəcək.
Bununla yanaşı, nəşr yazır ki, Endryu Sandrinqem sarayında kral ailəsinin digər üzvləri ilə Milad bayramı üçün nəzərdə tutulan ziyafətdə iştirak edəcək.
Qeyd edək ki, amerikalı Virciniya Roberts-Qiuffre 17 yaşında olanda dəfələrlə şahzadənin təcavüzünə məruz qaldığını iddia edib. Virciniyanın dediyinə görə, bu, onun dostu, pedofiliyada və yetkinlik yaşına çatmayanların cinsi alverində ittiham olunan milyonçu Cefri Epşteynin malikanəsində baş verib. Mərhum Kraliça II Elizabet onu hərbi rütbə və titullardan məhrum etmişdi. (axşam.az)
Ermənistanın Baş naziri Nikol Paşinyan Rusiyanın Sankt-Peterburq şəhərinə işgüzar səfərə gedib.
Bu barədə Ermənistan Nazirlər Kabinetinin mətbuat xidməti məlumat yayıb.
Paşinyan 26-27 dekabr tarixlərində MDB-yə üzv ölkələrin qeyri-rəsmi görüşündə iştirak edəcək.
İranda 1979-cu il inqilabından bəri ən uzun sürən hökumət əleyhinə nümayişlər 100-cü gününə qədəm qoyub.
İranın İnsan Haqları Fəalları Xəbər Agentliyinin (HRANA) məlumatına görə, etirazlar zamanı 69-u uşaq olmaqla azı 500 nəfər həlak olub.
Bundan əlavə, iki nümayişçi edam edilib, daha 26 nümayişçi edamını gözləyir.
2017, 2018 və 2019-cu illərdə keçirilən uzunmüddətli etiraz aksiyalarına baxmayaraq, son aksiyalar cəmiyyətin bütün təbəqələrindən olan insanların iştirak etməsi və qadınların rəhbərlik etməsi ilə fərqlənir.
Bəzi iranlı məşhurlar etirazları dəstəklədikləri üçün ya saxlanılıb, ya da sürgünə getməli olublar.
Bu adlardan biri də İranın məşhur aktrisalarından olan Təraneh Əlidosti, digəri isə onu dəstəkləyən rejissor Əsgər Fərhadidir.
Xatırladaq ki, İran əxlaq polisi sentyabr ayında 22 yaşlı Məhsa Əminiyə hicab qaydalarına riayət etmədiyinə görə təzyiqlər göstərib və onu qətlə yetirib. Bundan sonra ölkədə kütləvi etirazlar başlayıb. Rəsmi Tehran etirazları amansızlıqla yatırıb, eləcə də internetin bağlanması da daxil olmaqla digər məhdudlaşdırıcı tədbirlərə əl atıb.
İranlı jurnalist Reza Abbasi deyib ki, “Ukrayna İranı vursa , sənayedən əvvəlki dövrə gedəcək”.
Publika.az xəbər verir ki, bu barədə o, özünün tviter səhifəsində yazıb.
Bu şəkildə o, Ukrayna prezidentinin müşaviri Mixail Podolyakın Rusiyaya öz pilotsuz təyyarələri ilə təchiz edən İrana qarşı “işləməyən sanksiyalar” konsepsiyasından imtina etməyə və “istehsalın məhvinə və təchizatçıların həbsinə” keçməyə çağıran açıqlamasına reaksiya verib.
Abbasi qeyd edib ki, Ukrayna prezidentinin müşavirinin bu çağırışlarına “Amerika kokaini” səbəb olub.
“İran xalqının təhlükəsizliyini təhdid edən ən kiçik addım Kiyevi sənayedən əvvəlki dövrə qaytaracaq, bu təhdid deyil, xəbərdarlıqdır”, - deyə o bildirib.
Almaniya hökuməti İranda insan hüquqlarının pozulması iddiası ilə əlaqədar biznesin inkişafına yönəlmiş tədbirləri dayandırmaq qərarına gəlib.
“Report” xəbər verir ki, bu barədə Almaniyanın İqtisadiyyat və İqlim Mühafizəsi Nazirliyi məlumat yayıb.
Qərar ixrac kreditləri və investisiya zəmanətlərinə, eləcə də Almaniyanın menecment üzrə təlim proqramlarına və İrandakı ticarət sərgilərinə təsir edəcək.
Qeyd edilir ki, 2021-ci ildə Almaniya-İran ticarətinin həcmi 1,76 milyard avro təşkil edib.
"Rusiya-Ukrayna müharibəsi ilə bağlı sülh danışıqları aparan tərəfin yalnız türklər və çinlilər olmasını istəmirəm".
Bu sözləri Fransa Prezidenti Emmanuel Makron deyib. O, Ukraynada diplomatiya və danışıqlar üçün zəmin yaradılmadığını bildirib. Fransa prezidentinin sözlərinə görə, Rusiyanın prioriteti zəmanət yox, “Ukraynanı müdafiə etmək”dir.
“Gec-tez bir masa ətrafında toplaşmaq lazım gələcək. Mən istəmirəm ki, müzakirələri yalnız türklər və çinlilər aparsın”,- deyə o əlavə edib.
Qeyd edək ki, E. Makron daha əvvəl də Türkiyənin Rusiya ilə danışıqlar apara bilən tərəf olmasından narahatlığını ifadə etmişdi.
ABŞ prezidentinin milli təhlükəsizlik məsələləri üzrə köməkçisi Ceyk Sallivanın Azərbaycan Respublikası Prezidentinin köməkçisi Hikmət Hacıyevlə və Ermənistan Təhlükəsizlik Şurasının katibi Armen Qriqoryanla telefon danışığı baş tutub.
Bu barədə Ağ Evin yaydığı yazılı bəyanatda qeyd olunur.
Məlumatda bildirilir ki, Birləşmiş Ştatlar rəsmisi Bakı və İrəvanı gərginliyi azaltmağa, mehriban qonşuluq münasibətlərinin əsasına çevriləcək addımları nəzərdən keçirməyə çağırıb.
Telefon danışığı zamanı tərəflər sentyabrın 27-də Vaşinqtonda keçirilən birgə görüşdən sonra Avropa İttifaqının və ABŞ-nin dəstəyi ilə sülh danışıqlarında əldə olunan irəliləyiş ətrafında müzakirələr aparıblar./oxu.az