 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
“Bütün problemlərə baxmayaraq, Ukrayna yıxılmadı. Ukrayna yaşayır və çiçəklənir”.
UNİAN verdiyi məlumata görə, Ukrayna prezidenti Vladimir Zelenski ABŞ Konqresindəki çıxışına belə başlayıb.
“Dünyanın ağılları uğrunda mübarizədə Rusiyanı məğlub etdik. Bizim qorxumuz yoxdur. Dünyada heç kimin qorxusu olmamalıdır. Ukraynalılar bu qələbəni qazandılar və bu, bizə cəsarət verir. Bu, bütün dünyaya ilham verir.
Dünən Vaşinqtona gəlməzdən əvvəl mən cəbhədə idim. Ukraynanın şərqində, Donbassdakı Baxmut şəhəri. Rusiya hərbi qüvvələri və muzdluları may ayından Baxmutu tutmağa çalışırlar. Amma Baxmut dayanır. Keçən il Baxmutda 70 min insan yaşayırdı, indi isə yalnız bir neçə nəfər. Bu torpağın hər metri qanla doymuşdur”, - deyə Zelenski vurğulayıb.
Rusiya və İran Şərqi Avropadan Hind okeanına 3000 km uzunluğunda yeni transkontinental ticarət dəhlizi yaratmağa başlayıblar.
“Report” xəbər verir ki, bu barədə “Bloomberg” məlumat yayıb.
Agentlik yazıb ki, layihənin məqsədi iki ölkənin Xəzər dənizi və dəmir yolu şəbəkələri ilə yüklərin çatdırılmasını sürətləndirmək, Qərbin sanksiyalarının ölkələrin iqtisadiyyatlarına və ticarət əlaqələrinə etdiyi təzyiqləri azaltmaq istəyidir.
Qeyd olunub ki, dəhlizin şimal nöqtəsi Azov dənizindədir. “Bloomberg”in tərtib etdiyi gəmi izləmə məlumatları, sanksiyalara məruz qalanlar da daxil olmaqla, onlarla Rusiya və İran gəmisinin artıq həmin marşrutla hərəkət etdiyini göstərir.
Londonda yerləşən Beynəlxalq Strateji Araşdırmalar İnstitutunun eksperti Mariya Şaqinanın sözlərinə görə, Rusiya və İran daxili ticarət dəhlizi yaratmaq üçün 25 milyard dollara qədər sərmayə qoyacaq.
Rusiya prezidenti Vladimir Putin səfərbərlik məsələləri üzrə hakimiyyət orqanları arasında qarşılıqlı əlaqəni təmin etmək üçün işçi qrupunun yaradılması barədə göstəriş verib.
Sərəncam Rusiyanın rəsmi hüquqi informasiya portalında dərc olunub .
Qeyd olunur ki, qrup səfərbərlik hazırlığı və səfərbərlik üzrə hakimiyyət orqanları və təşkilatlar arasında qarşılıqlı əlaqə, habelə xüsusi əməliyyatda iştirak edən Rusiya vətəndaşlarının və onların ailə üzvlərinin sosial və hüquqi müdafiəsi məsələləri ilə məşğul olacaq. O, hər ay gördüyü işlərin nəticələri barədə prezidentə hesabat verəcək.
Sərəncam imzalandığı gündən, dekabrın 20-dən qüvvəyə minib.
Kreml Belarus lideri Aleksandr Lukaşenkoya davamlı təzyiq edərək, Rusiyanın tələblərini yerinə yetirməkdən boyun qaçırmaq üçün manevr etmək imkanından məhrum etməyə çalışır.
Bu, Müharibənin Tədqiqi İnstitutunun (ISW) hesabatında yer alıb.
Qeyd olunur ki, Rusiya son vaxtlarda Ukraynaya hərbi müdaxiləyə vadar etmək üçün Belarusa təzyiqlərini artırıb. Kremlin Minskə davamlı təzyiqi istər-istəməz Lukaşenkonun manevr imkanlarını azaldır. Buna baxmayaraq Lukaşenko Kremlə güzəştə getməmək üçün əlindən gələni edərək hələ ki dirəniş göstərməkdədir.
Böyük Britaniya hökuməti İranın düşmən fəaliyyəti ilə mübarizəyə getdikcə daha çox vaxt ayıracaq.
"Bu sözləri Böyük Britaniya Baş naziri Rişi Sunak deyib.
O bildirib ki, Tehranın iranlı etirazçılara münasibəti, nüvə proqramı və regionda sabitliyi pozacaq digər addımları onu narahat edir:
“Rusiya və Ukrayna yeni ilin əvvəlində bizim bir nömrəli xarici siyasət problemimiz olaraq qalsa da, məni daha çox İranın davranışıları narahat edir. Ona görə də düşünürəm ki, gələcəkdə buna daha çox vaxt sərf etməliyik".
Baş nazir həmçinin onun rəhbərlik etdiyi Britaniya hökumətinin Çinə münasibətini yumşaltması ilə bağlı iddiaları rədd edib.
Ukrayna Prezidenti Volodimir Zelenski çərşənbə günü Vaşinqtona səfərə gedir.
“Bu barədə “Axios” məlumat yayıb.
Bildirilir ki, Zelenski Konqresin iclasında iştirak edəcək. Bu onun Ukraynada müharibə başlayandan bəri ABŞ-yə ilk şəxsi səfəri olacaq.
“Axios”a məlumat verən mənbələr bildirib ki, səfərin təfərrüatları hələ razılaşdırılmasa da, ABŞ Kapitol polisi çərşənbə günü mümkün səfər üçün təhlükəsizliyi gücləndirir.
Mənbələrdən biri bildirib ki, Zelenskinin səfəri təhlükəsizlikdən asılıdır.
Onun Ukraynaya göstərilən milyardlarla dollar yardıma görə millət vəkillərinə təşəkkür edəcəyi, həmçinin maliyyənin artırılmasına ehtiyac olduğunu izah edəcəyi gözlənilir.
Rusiya lideri Vladimir Putinin 3 ildən sonra Belarusa səfəri zamanı rəsmi Moskvanın açıqlaması təəccüb doğurub.
Xarici KİV xəbər verir ki, Rusiya Müdafiə Nazirliyinin sözçüsü İqor Konaşenkov Rusiya hava məkanında Amerika istehsalı olan 4 raketin vurulduğunu açıqlayıb.
Mətbuat katibinin sözlərinə görə, Ukrayna ilə sərhəddə yerləşən Belqorod səmasında antiradar HARM raketləri vurulub.
“CNN İnternational” Rusiyanın sabah 300-cü günü tamam olacaq müharibə zamanı ilk dəfə belə bir bəyanatla çıxış etdiyini yazıb.
“Müşahidə olunan son hadisələr onu deməyə əsas verir ki, Kollektiv Təhlükəsizlik Müqaviləsi Təşkilatı (KTMT) ciddi böhran keçirir”.
Bu sözləri belaruslu politoloq, “Siyasi Sfera” Siyasi Araşdırmalar İnstitutunun direktoru, Böyük Vitautas Universitetinin (Litva) baş elmi işçisi Andrey Kazakeviç Oxu.Az-a verdiyi açıqlamada deyib.
Ekspert bu böhranın iki istiqamətdə olduğu qənaətindədir:
“Birincisi, Rusiya və Ukrayna arasında olan və Rusiya Federasiyası tərəfindən başladılan, bütün postsovet məkanında çoxlu problemlərə səbəb olan müharibədir. Bu həm sanksiyalarla, həm də ticarəti, logistikanı, xarici siyasəti və s. istiqamətləri yenidən qurmaq cəhdləri ilə bağlıdır. Müharibə Rusiyanı təkcə Ermənistana deyil, Orta Asiya dövlətlərinə də kömək etmək imkanından məhrum etdi.
İkinci məqam Ermənistan və Ermənistan-Azərbaycan nizamlanması prosesidir. Təbii ki, İrəvan ümid edirdi ki, KTMT birmənalı olaraq onun tərəfini tutacaq və bəlkə də, hansısa formada hərbi reaksiya verəcək. Lakin son gərginliklər bunun belə olmadığını nümayiş etdirdi. Ermənistanın bu təşkilatda qalmaq üçün əsas motivi ortadan qalxır. Bütün bunların fonunda gələn il KTMT-nin inkişafında müsbət dinamikadan danışmaq çətindir. Belarus üçün Kollektiv Təhlükəsizlik Müqaviləsi Təşkilatını dirçəltmək daha çətin olacaq. Minsk sanksiyalar altındadır, daxili siyasi vəziyyət heç də ürəkaçan deyil. Çox güman ki, biz KTMT-nin fəaliyyətinin dondurulacağını gözləməliyik. Təşkilatın işində əvvəllər bəzi razılıqların əldə olunduğu məqamlar istisna olmaqla, heç bir xüsusi hərəkətlilik olmayacaq”.
“Ermənistanın Qərblə nümayişkaranə tərəfdaşlığının xarakterini nəzərə alaraq, İrəvanın bunu Moskvanı şantaj etməsi kimi qiymətləndirmək olarmı?” sualına cavab verən ekspert hesab edir ki, bəli, görünür, Rusiyaya göstərmək istəyirlər ki, Ermənistanın təhlükəsizlik problemləri ilə məşğul ola biləcək başqa güc mərkəzləri də var.
“Axı Ermənistan tərəfinin fikrincə, Rusiya Azərbaycanın tərəfini tutub. Bundan əlavə, başa düşmək lazımdır ki, Rusiya Federasiyasının indi Qafqazdakı imkanları məhduddur. Ümumiyyətlə isə Rusiya etibarlı vasitəçi (Ermənistanla Azərbaycan arasında - red.) kimi çıxış edə bilmədi”
Bu gün - dekabrın 20-də Argentinada istirahət günü elan edilib.
Report xəbər verir ki, yerli hökumət milli Qətərdəki dünya çempionatını qazandığı üçün bu addımı atıb.
Sakinlərin komanda üzvləri ilə görüşüb qələbəni qeyd etmələri üçün şərait yaradılıb. Bakıda vaxtı saat 07:00-da paytaxt Buenos-Ayresdə yığmanın paradı başlayacaq.
Qeyd edək ki, "tanqoçular" DÇ-2022-nin finalında Fransa yığmasını məğlub edib. Argentina seçməsi daha əvvəl 1978 və 1986-cı illərdə titula sahib çıxıb.
"Rusiya və İran xalqa qarşı törətdikləri terrora görə birgə məsuliyyət daşıyacaqlar".
Bunu Ukrayna Prezidenti Volodimir Zelenski deyib.
O, müharibənin 299-cu gününün sonunda ukraynalılara axşam videomüraciətindən bildirib:
"Səhər (dekabrın 19-u) bir sıra rayon və şəhərlərimizdə, təəssüf ki, İran "Şahid"inin xarakterik səsi ilə pozulub. Amma onların əksəriyyəti, xoşbəxtlikdən, təyin olunmuş hədəflərinə çatmadı və bu, səhərimizi bir az aydın etdi".
Zelenski xatırladıb ki, 30 "Şahid" vurulub və bu onun qeyd etdiyi kimi, yaxşı nəticədir.
"Rusiyanın istifadə etdiyi bu "Şahid"lər yeni pilotsuz təyyarələr dəstəsindəndir. İki rejimdən ibarət belə bir terrorçu beynəlxalq insanlara qarşı döyüşməyə kömək edir", - Zelenski vurğulayıb.