 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
ABŞ-da Konqres Araşdırma Xidməti adlı təşkilat ABŞ qanunverici orqanının üzvləri üçün Türkiyə-ABŞ münasibətləri ilə bağlı hesabat hazırlayıb.
“Hürriyet” xəbər verir ki, 68 səhifəlik hesabatda 2016-cı ildə Türkiyədə uğursuz çevriliş cəhdindən sonra ABŞ-Türkiyə münasibətlərinin pisləşdiyi qeyd edilib.
Əsas problemlər Suriya kürdləri ilə bağlı davam edən fikir ayrılıqları və Türkiyənin 2019-cu ildə Rusiyadan S-400 müdafiə sistemini alması olub.
Bildirilib ki, 2023-cü ildə keçiriləcək prezident seçkilərində hakimiyyətə fərqli lider gələrsə, Türkiyədə bəzi daxili və xarici siyasət dəyişiklikləri mümkün ola bilər.
Hesabatda Türkiyə ilə münasibətlərin yaxşılaşdırılması ilə bağlı Amerika Konqresinə müxtəlif tövsiyələr verilib.
Türkiyənin İstanbul şəhərini Avropa və Asiya hissələrinə ayıran İstanbul (Bosfor) boğazında qatı duman səbəbindən gəmilərin hərəkəti dayandırılıb.
Oxu.az xəbər verir ki, bu barədə Türkiyə Sahil Mühafizəsi məlumat yayıb.
Qeyd edilir ki, boğazda hər iki istiqamətdə gəmilərin hərəkəti müvəqqəti dayandırılıb. Hava şəraiti yaxşılaşdıqdan sonra gediş-gəliş bərpa olunacaq.
“Rusiyada səfərbərliyin ikinci dalğası başlayır. Bunun sayəsində Rusiya Prezidenti Vladimir Putin Ukraynaya yeni hücum üçün ehtiyat qüvvə yığmağa ümid edir. Lakin lazımi sayda “çağırışçılar”lərin cəlb edilməsi Kreml üçün çox çətin məsələ ola bilər”.
Bunu TSN “Youtube” kanalında yayımlanan ümumukrayna telemarafonunda ukraynalı hərbi ekspert Oleq Jdanov deyib.
“Bir gündən sonra səfərbərliyin başlanması gözlənilir. Səfərbərlik indi də davam edir. Sadəcə yanvar ayında əhəmiyyətli dərəcədə artacaq, çünki bu gün keçirdikləri “yığım” artıq kifayət etmir”, - deyə ekspert qeyd edib.
Jdanov Rusiya Federasiyasında səfərbərliyin birinci və ikinci dalğalarının fərqlərindən danışıb.
“Birinci dalğada döyüşmək istəyənlər, ideoloji meylli insanlar olacaq. Həmçinin çağırış vərəqəsini alıb birinci dalğaya gedənlər qanuna tabe olan vətəndaşlar olacaq. Daha ağıllı olanlar və döyüşmək istəməyənlər isə indi xaricdədir... Və ikinci dalğaya düşənlər - qaçacaqlar, onları tutmaq üçün itlərlə qovalayacaqlar.
Ekspert qeyd edib ki, Rusiya lazımi sayı əldə edə bilmədiyini anladığı üçün sərhədi bağlamaq istəyir. Onun fikrincə, çağırışçıların yetməzliyi müəyyən olunmuş tarixdə yeni hücumla bağlı hazırlığın aşağı olmasına səbəb ola bilər.
“Həmçinin bu səbəbdən fevral-mart aylarında Putinin ortaya çıxarmağa heç bir qüvvəsi olmaya bilər. O hətta 200 min deyil, 100 min çıxaracaq və hərbçilər də tankların üzərində deyil, yük maşınlarında olacaq”, - deyə ekspert əlavə edib.
Xatırladaq ki, Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov Rusiya Federasiyasının yanvarın 5-də başlada biləcək yeni səfərbərlik dalğası barədə məlumat vermişdi.
Ermənistanın Korrupsiyaya qarşı mübarizə məhkəməsində Ermənistan Silahlı Qüvvələrinin Baş Qərargah rəisinin müavini Andranik Makaryan, hərbi hissə komandirləri Arsen Abqaryan, Sarkis Kulakçyan və hərbi hissədə şöbə müdiri olmuş Ellada Arutunyanın işi üzrə keçirilən iclasda ittiham aktı açıqlanıb.
İttihama görə, müharibədə Zəngilanda xüsusi döyüş tapşırığına cavabdeh olan general Makaryan Arsen Abqaryanın dəstəsinin mühasirəyə alındığını öyrəndikdən sonra köməyə tələsməyib, geri çəkilmək əmri verib və Qafana qayıdıb.
Bütün bunların nəticəsində Abqaryanın rəhbərlik etdiyi “kimyaçıların hərbi hissəsi”nin 40 hərbçisindən 5-i əsir götürülüb, 12-si öldürülüb, qalan 23 hərbçi və avtobus sürücüsü itkin düşüb.
General Andranik Makaryan bununla bağlı olaraq səhlənkarlıqda ittiham olunur və onu 7 ildən 13 ilə qədər həbs gözləyir.
Məşhur “Al Jazeera” nəşri Ukraynada yaşayan azərbaycanlı ailədən, onların müharibə dövründə üzləşdikləri problemlərdən, fədakarlıqlarından yazıb.
“Report” xəbər verir ki, reportajda Ukraynada döyüşlərin davam etdiyi, Mariupolda sağ qalanların Kiyevdə həyatı bərpa etdiyi bildirilir.
Qeyd edilir ki, əslən azərbaycanlı Ülvi Zülfili Mariupolun Rusiya hərbçilərinin mühasirəsində olarkən çətinliklə sağ qala bilib.
Ukraynanın cənubundakı Mariupol şəhərində Ülvi Zülfilinin şahidi olduğu partlayış onun günlərlə nitqində problemlər yaradıb, gənc danışarkən kəkələyib.
Martın ortalarında yüzlərlə mülki şəxs, o cümlədən uşaqlar Mariupol Dram Teatrının zirzəmisinə toplaşaraq, gündə yüzlərlə insanın həyatına son qoyan Rusiya hərbçilərinin şiddətli atəşindən gizləndilər.
Teatrın yanında iki metrlik hərflərlə “uşaqlar” yazısı olan lövhələrin olmasına baxmayaraq, bina martın 16-da Rusiya qırıcısı tərəfindən bombalanıb.
Ukrayna rəsmiləri və mediasının məlumatına görə, bombardmanlar nəticəsində 600-ə qədər insan həlak olub.
“Həmin tutqun, soyuq səhərdə Zülfili velosipedi ilə Mariupolun mərkəzinə tərəf getdi ki, dostunun yeni doğulan oğluna süd qarışığı olan yemək tapsın, çünki stresdən əziyyət çəkən anası körpəyə ana südü verə bilmir.
O, qanadlı raketin mərmər sütunlu ağ teatra dəydiyini görüb. Tüstü və toz qonşu supermarketdən iki dəfə yüksəyə qalxıb. O, dəhşətə gəldi və heç bir səs eşidə bilmədi”, - nəşr qeyd edib.
"Ən qəribə an odur ki, hadisəni görürsünüz, amma onu eşitmirsiniz, "Yaşayıb-yaşamadığını deyə bilməzsən", - 26 yaşlı gənc “Al Jazeera”yə müsahibəsində deyib.
“Bir anda səs partlayıcı dalğa ilə sizə çatır. O, demək olar, sənin paltarını cıracaq. Başa düşürsən ki, sağsan və qaçmalısan”, - Ülvi Zülfili əlavə edib.
Reportajda qeyd edilir ki, Ülvi Zülfili Azərbaycandan Ukraynaya dörd yaşında ikən gəlib və hələ də erkən uşaqlıq illərini - at sürdüyü və vətənini Cənubi Qafqazda dünyanın ən qədim neft hasil edən ölkələrindən birinə çevirən neft buruqlarını gördüyü anları xatırlayır.
Eyni zamanda 1990-cı illərin əvvəllərində Ermənistanla Azərbaycan arasında silahlı münaqişəyə toxunulur. 1994-cü ildə iki ölkə arasında atəşkəsin imzalanmasına baxmayaraq, demək olar, hər il döyüşlərin olduğu xatırlanır.
Qeyd edilir ki, 90-cı illərdə Ukraynaya köçən Elşad Zülfili bir neçə il əvvəl Mariupolda ərzaq mağazası açıb. O, 2005-ci ildə dükanında ürək tutmasından dünyasını dəyişib və ailəni Ülvi dolandırmağa başlayıb.
Zülfili ailəsinin yaşadığı məhəllə müharibə dövründə Mariupol şəhərinin mərkəzindəki yaşayış binalarından daha az zərər çəkmişdi, lakin onun ailəsi hələ də buzlu zirzəmidə yatmağa üstünlük verirdi və günə hər səhər od yandırmaqla, su qaynatmaqla və samovarda çay dəmləməklə başlayırdı.
Zülfili cərrahi əməliyyatdan sonra çətinliklə yeriyən yaşlı qonşusuna kömək edib:
“Müharibə bütün qonşuları birləşdirdi, onlar bir-birinə su, qida, odunla kömək etdilər.
Zülfili dəniz kənarındakı bulaqlara gedir, qonşuları plastik butulkalarını, kanistrlərini doldurmaq üçün onun maşınının yük yerinə qoyur”.
Onlar müharibə ilə əlaqədar çətinliklə Kiyevin şimal kənarındakı yaşayış məntəqələrindən birində mənzilə köçüblər.
“Anam əsəbidir, çünki iş tapa bilmir, kömək edə bilmir”, - Zülfili deyib.
Qeyd edilir ki, Zülfillinin sevgilisi Almaniyaya gedib, o, vətən həsrəti, darıxdırıcılıq və maddi yardım etmək arzusundan sıxılan 56 yaşlı anası İradə ilə birlikdə yaşayır.
"Kızılelma"nın səsdən sürətli (hipersəs) variantını hazırlamağı planlaşdırırıq.
Musavat.com xəbər verir ki, bu barədə "Baykar" şirkətinin rəhbəri Səlçuk Bayraktar məlumat verib.
O bildirib ki, "Kızılelma" qırıcı təyyarələrə qarşı döyüşə biləcək.
“Kızılelma", yoxsa F-35?
Səlçuk Bayraktar qeyd edib ki, hələ ilk uçuşunu etmiş bir "Kızılelma"nı bir çox ölkədə çoxdan istifadəyə verilmiş bir təyyarə ilə müqayisə etmək çox doğru olmaya bilər, lakin "Kızılelma" tam istifadəyə hazır olduqda F-35-dən bəzi xüsusiyyətlərinə görə üstün olacaq:
"Əvvəla, bu, pilotsuz, xaricdən idarə olunan təyyarədir. 5-ci nəsil təyyarələr çox inkişaf etmiş radar və sursata malikdir. "Kızılelma" isə gələcəkdə 5-ci nəsil təyyarələri geridə qoyacaq. Bundan əlavə, çox sürətlidir, hətta səsdən sürətli variant hazırlamağı da düşünürük".
Şirkət rəhbəri bildirib ki, bütün bunlardan əlavə, "Kızılelma" aqressiv manevrlər edəcək.
"Kızılelma"nın xüsusiyyətləri
Əsas uçuş performansları
500 Nm vəzifə radiusu
35.000 fut əməliyyat hündürlüyü
5 saat havada qalmaq
6 ton maksimum uçuş çəkisi
0,6 mach müşahidə sürəti
1500 kq yükgötürmə qabiliyyəti
Qabaqcıl xüsusiyyətlər
Avtomatik enmə və qalxma
Aşağı görünürlük
Yüksək manevr qabiliyyəti
Görmə Xətti Əlaqəsi
Qısa uçuş-enmə zolağında olan təyyarə daşıyıcılarından qalxma və enmə qabiliyyəti
AESA Radar ilə yüksək situasiya məlumatlılığı
Bolqarıstanın “Bulgargaz” şirkəti ilə Türkiyənin dövlət şirkəti “Botaş” çərşənbə axşamı terminallara və türk şirkətinin qaz nəqli şəbəkəsinə çıxışı təmin edən qaz müqaviləsi imzalayıb.
Rəsmi mərasim Bolqarıstan hökumətinin binasında iki ölkənin energetika nazirləri Rosen Xristov və Fatih Dönmezin iştirakı ilə baş tutub.
Dönməz isə 2023-cü ilin ilk növbədə enerji sahəsində ikitərəfli əlaqələrin inkişafında məhsuldar olmasını arzulayıb və qaz müqaviləsinin 13 il müddətinə imzalandığını bildirib.
“İmzalanmış saziş 13 il müddətinə qüvvədədir, hər il 1,5 milyard kubmetr qazın tranziti təmin ediləcək. Avropaya və Bolqarıstana tədarükün təhlükəsizliyinə böyük ölçüdə təminat veriləcək. Ümumi səylər sayəsində bu qaz həcmi təmin ediləcək və bəlkə də artırılacaq”, - Dönməz vurğulayıb.
O qeyd edib ki, Bolqarıstanla saziş Türkiyəyə qaz nəqli mərkəzi olmaq yolunda daha bir addım atmağa imkan verir.
Mənbə: TASS
Əfsanəvi futbolçu Pelenin 82 yaşında vəfat etməsindən sonra Braziliya hökuməti ölkədə üç günlük milli matəm elan edib.
Bu barədə ölkə Prezidenti Jair Bolsonaro fərman imzalayıb.
Bundan başqa, Bolsonaro tviter hesabında paylaşım edərək Pelenin ailəsinə başsağlığı verib.
“Pele futbolu sənətə və əyləncəyə çevirdi, futbolla Braziliyanın adını dünyaya duyurdu” - Bolsonaro paylaşımında qeyd edib.
Qeyd edək ki, Pele ötən gün vəfat edib.(Qafqazinfo)
Qazaxıstan Parlamentinin Senatı üç məcəlləyə və səkkiz qanuna korrupsiyaya qarşı mübarizə ilə bağlı düzəlişləri qəbul edib. Düzəlişlərdən biri xərcləri rəsmi gəlirindən çox olan məmurların işdən azad edilməsini nəzərdə tutur.
Publika.az xəbər verir ki, dəyişikliklər, həmçinin dövlət qulluqçularının, onlara bərabər tutulan şəxslərin və həyat yoldaşlarının qanunsuz varlanmasına görə cərimələrin məbləğini müəyyən edir. Eyni zamanda xərcləri illik gəlirini üstələyən məmuru üç il dövlət qulluğunda işləməkdən məhrum edən “karyera cəzası” gözləyir. Buna baxmayaraq, hər bir halda məmura xərclərinin qanuniliyini əsaslandırmaq imkanı veriləcək.
Hazırda imzalanması üçün prezidentə göndərilən dəyişikliklər paketi 2027-ci ildən qüvvəyə minəcək.
Demokratik dünyanın böyük əksəriyyəti Rusiyanın Ukraynaya hərbi təcavüzünü pisləsə və bu ölkəyə kömək etsə də, Ermənistan hakimiyyəti rus işğalçıları ilə iqtisadi, siyasi və hərbi sahədə uğurlu tərəfdaşlıq etdiyini bildirir.
Teleqraf.com bildirir ki, bu barədə Ukraynanın "Unian" saytı yazır.
"Ermənistan pis iradə nümayiş etdirir" adlı məqalədə qeyd olunur:
"Noyabrın 23-də bütün dünya rusların növbəti hücumundan titrədi: Zaporoje vilayətinin Vilnyansk şəhərində xəstəxanaya raket atılması nəticəsində yeni doğulmuş körpə, Kiyev vilayətinin Vışqorod şəhərində isə 7 nəfər öldü. Həmin gün Ermənistan Baş naziri Nikol Paşinyan İrəvanda Rusiya Prezidenti Putini qəbul edərək işğalçı ölkə ilə sadiq dostluq və müttəfiqlik münasibətlərinə və strateji tərəfdaşlığa and içdi.
Paşinyan Qərbə inteqrasiyaya hazır olduğu təəssüratı yaratsa da, Rusiyanın ən yaxın müttəfiq olduğunu təkrarlamaqdan yorulmur. Parlamentin vitse-spikeri Arşakyan da bu sözlərlə ona qoşulur: "Ölkələrimizin fundamental beynəlxalq məsələlərdə mövqeləri yaxındır və ya üst-üstə düşür".
İstinad nöqtələrini birləşdirmək və Kremli sevindirmək üçün Ukraynada müharibə başlayandan bəri Paşinyan 4 dəfə Rusiyaya səfər edib, 5 dəfə Kreml diktatoru ilə görüşüb və onunla 15 dəfə telefonla əlaqə saxlayıb. Demokratik Ukraynaya qarşı təcavüz fonunda Rusiya ilə Ermənistan arasında hərbi tərəfdaşlıq daim dərinləşir. Ermənistanın müdafiə naziri, Təhlükəsizlik Şurasının katibi və baş qərargah rəisi də bir neçə dəfə Moskvaya səfər edib.
Payızın əvvəlində birgə hərbi təlimlər keçirilib və dekabrın 9-da 2023-cü il üçün hərbi əməkdaşlıq haqqında saziş imzalanıb. Buna görə də Ermənistan hakimiyyəti beynəlxalq hüquqların pozulması ilə bağlı istənilən iddiaları "Rusiyaya hücum kimi qiymətləndirməyi" təklif edir.
Ermənistan böyük ehtimalla belə sıx hərbi əməkdaşlığın bəhrələrindən Azərbaycan ərazisində separatizmi gücləndirmək üçün istifadə edəcək. Bütün bunlar ona görədir ki, separatçı anklavın qondarma xarici işlər nazirinin fikrincə, Rusiya və Ermənistan "ümumi geosiyasi cəbhə"yə malikdir. Ona görə də Kremlin məqsədi qonşu ölkələrdə hərbi bazalar yaratmaq və saxlamaqdır. Bu cür "geosiyasət"in bariz sübutu təkcə Qarabağ deyil, həm də Ukrayna ərazisində psevdorespublikaların tanınmasıdır".
Ukrayna nəşri bildirir ki, Qarabağdakı separatçı rejim Rusiyanın Ukraynaya təcavüzünü təkcə sözdə deyil, fəal şəkildə dəstəkləyib və dəstəkləməkdə davam edir:
"Qarabağdakı separatçı rejim artıq Ukraynadakı rus işğalçılarına bir neçə ton ərzaq göndərib. Bu, həm də beynəlxalq ictimaiyyət tərəfindən pis niyyət jesti kimi dəyərləndirilir. Amma Ermənistan ağasının, rus diktatorun rəğbətini itirməmək üçün hər şeyə hazırdır.
Vəziyyətin rüsvayçı tərəfi budur ki, Ermənistan hakimiyyəti və ölkə daxilindəki kremlpərəst separatçılar özlərini Ukrayna ilə eyniləşdirir və bütün dünyanı Ermənistanın Qarabağ münaqişəsinin "qurban"ı olduğuna inandırırlar. Amma hər kəsə aydındır ki, hərbi münaqişələrin qurbanları Ukrayna və Azərbaycandır və onların ortaq düşməni var - Rusiya və onun Ermənistan rəhbərliyi və Qarabağdakı separatçılar kimi ortaqları".