 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
Rusiyanın fevral-mart aylarında bütün ehtiyatlarını (200 minə qədər) səfərbər etməsi, cəbhədə vəziyyəti daha da pisləşdirəcək.
Teleqraf.com xəbər verir ki, bunu Ukrayna Xarici Kəşfiyyat Xidmətinin keçmiş rəisi, ordu generalı Mikola Malomuj deyib.
Onun sözlərinə görə, Rusiya bu müddət ərzində texnika və silahlarını təkmilləşdirəcək, yeni raket və artilleriya sistemləri istehsal edəcək. General hesab edir ki, bütün bunlar üçün ruslara təxminən iki-üç ay vaxt lazım olacaq.
“Qışın sonunda - yazın əvvəlində təhlükə arta bilər. Amma düşünürəm ki, bu müddət ərzində Ukrayna qışa baxmayaraq, xüsusilə şərqdə aktiv hücumlar həyata keçirməlidir. Bu, gözlənilməz strateji əməliyyatlar ola bilər ki, bu da təkcə düşməni, məsələn, Baxmut istiqamətində dayandırmaq deyil, həm də bizə Luqansk və Donetsk vilayətlərinin ərazilərini azad etmək perspektivi verəcək”, - Malomuj deyib.
O, həmçinin bildirib ki, Xerson vilayətinin cənubunda və sol sahilində, Zaporoje vilayətində, Melitopolda və Berdyanskda əks-hücum əməliyyatı planlaşdırmaq lazımdır. Onun sözlərinə görə, düşmənin bütün qüvvə və vasitələrini zərərsizləşdirmək, sonra isə müxtəlif nöqtələrdə mürəkkəb əməliyyat keçirmək lazımdır ki, qarşı tərəf çıxış yolu tapa bilməsin.
Generalın fikrincə, bu, nəinki cəbhədə tam üstünlüyü ələ keçirməyə, həm də bütün cənub ərazilərində, ola bilsin ki, Krıma doğru hücum əməliyyatlarını inkişaf etdirməyə imkan verəcək: “Ancaq bütün bunlar mümkün qədər tez, Rusiya sağalana, güc toplayana, atəş gücünü və əlavə sursatlarını artırana qədər edilməlidir”.
Qafqazda Rusiyanın zəifləməsinə, Türkiyənin gücünün artmasına diqqət çəkən Qərb mediası Ankaranın bölgədəki rolunun nəzərə alınmamasının yanlış olacağını bildirir. Moskvaya olan etimadının azalması və başqa ölkələrin dəstəyini axtaran Ermənistanın Türkiyəyə daha da yaxınlaşdığı qeyd edilir.
Teleqraf.com bildirir ki, bu barədə Türkiyənin "Star" qəzeti yazır.
Qərb mediası Rusiyanı Ermənistan-Azərbaycan danışıqlarında uğursuz olmaqda ittiham edir.
Qarabağla bağlı Ermənistan və Azərbaycan arasındakı gərginlik Rusiyaya Cənubi Qafqazda gedən proseslərə qatılmağa imkan verirdi. Moskva özünü Qafqaz bölgəsində kritik oyunçu kimi görürdü, amma həmişə Rusiyanın Qafqazda "barışıq vasitəçisi" olacağı yalnız xəyal olub.
Xüsusilə, Rusiyanın Ukraynaya qarşı başlatdığı işğalçı müharibəsi ona olan etimadı tamamilə heçə endirdi. Ermənistan da öz ağasının bölgədəki nüfuz və gücünü itirməsindən sonra ondan uzaqlaşmağa başladı.
Bölgədəki ən yaxın müttəfiqi Ermənistanın ondan uzaqlaşması Rusiyanın bölgədəki durumunu daha da çətinləşdirərkən, bu, Türkiyənin bölgədəki önəmini daha da artırdı.
Məqalədə həmçinin qeyd edilib:
"Davam edən Rusiya-Ukrayna müharibəsi Moskvanın gözləntisini doğrultmadı. Ukraynalılar cəsarətlə vətənlərini müdafiə edərkən, "məğlubedilməz" Rusiya çətin dilemma qarşısındadır. Moskvanın qismən səfərbərlik çağırışı içində olduğu ağır vəziyyəti ortaya qoyur. Rusiyanın hərbi çatışmazlığı onun güc proyeksiyasının əsasını sarsıtdı. Çünki dünyada indi hamı Rusiyanı həmişəkindən daha zəif görür. Bu yaxınlarda, Azərbaycanın Qarabağa gedən yolu bağlanması, Rusiyanın bura nəzarəti itirdiyinin həyati əlamətidir.
Rusiyanın Ukraynadakı hərbi əməliyyatları Moskvaya olan etibarı daha da azaldır. Artıq heç kimi Rusiyanın sülh gətirəcəyinə inanmır.
Moskvaya olan etimadının azalması fonunda Ermənistanın digər ölkələrdən dəstək axtarışları onu Türkiyəyə yaxınlaşdırır. İki ölkə arasında diplomatik münasibətlərin qurulması yönündə atılan addımlar da Rusiyanın bölgədəki varlığının önəmsiz olduğuna işarədir.
Regional məsələlərin ən önəmli oyunçularından birinə çevrilən Türkiyənin varlığı Rusiyanın Qafqazdakı təsir dairəsini aradan qaldırır. Bu geosiyasi yarışda Türkiyənin rolunu qiymətləndiriməmək doğru olmazdı".
İranda etirazlar başlayandan bəri 496 nəfər ölüb, 18 mindən çox adam həbs edilib.
Bu barədə məlumatı ABŞ-da yerləşən “İranda İnsan Haqları Müdafiəçiləri” təşkilatı “Telegram”da yayıb.
İlkin məlumatlara görə, ölənlər arasında 68 nəfər 18 yaşdan kiçik şəsxlərdir.
Qeyd olunur ki, sentyabrın 17-dən indiyədək 18 452 nəfər həbs edilib. Onlardan 3928 nəfərin kimliyi və saxlandığı yer məlum deyil.
Eyni zamanda, həbs olunanların 649-u tələbədir. Nümayişlərə 144 universitetdən tələbələrin qatıldığı vurğulanır.
Məlumata görə, ölkənin 160-dan çox şəhərini əhatə edən aksiyalar zamanı hüquq-mühafizə orqanlarının 62 nümayəndəsi öldürülüb.
İran rejissorlarının ekranlaşdırdığı “Salman Farsi” serialının çəkilişləri hazırda Ermənistanda aparılır.
Bu barədə “Azad İran” Teleqram kanalı məlumat yayıb.
Son bir neçə ay ərzində çəkilişləri İranın Şahrud şəhərində aparılan serialın Bizans dövrü ilə bağlı son hissələri Ermənistanda çəkilir.
Serial Davud Mirbaqeri və İran teleradio qrupunun rəhbəri Peyman Cəbəlinin rejissorluğu ilə hazırlanır. Ekran işinin ssenari müəllifi Davud Mirbağıri, prodüseri isə Hüseyn Tahiridir.
Qeyd edək ki, tarixi dram janrında 60 seriyadan ibarət olacaq “Salman Farsi” serialının çəkilişlərinə 2019-cu il yanvarın 11-dən başlanılıb.
Əli Xameneinin başçılıq etdiyi rejim 40 ildən çoxdur ki, demokratiya, insan haqları və qadın hüquqlarına qarşı çıxır.
Axar.az xəbər verir ki, bu sözləri molla rejiminin lideri Əli Xameneinin bacısı oğlu Mahmud Muradxani “Əl-Ərəbiyyə” xəbər agentliyinə müsahibəsində deyib.
Fransada yaşayan Mahmud Muradxani anası və bacısının 2009-cu ildən bəri Əli Xamenei ilə əlaqələrini kəsdiklərini deyib.
Rusiya Prezidenti Vladimir Putin Türkiyədə qurmağa hazırlaşdıqları qaz mərkəzi ilə bağlı dövlət televiziyasına açıqlamalar verib.
Türkiyə mətbuatı xəbər verir ki, Türkiyə üzərindən Avropaya qaz nəql etməyi planlaşdıran Putin qazın qiyməti ilə bağlı diqqətçəkən mesaj verib:
“Türkiyənin təbii qaz infrastrukturu əhəmiyyətli potensiala malikdir. Yaxın aylarda yaradılacaq təbii qaz qovşağında ticarət üçün elektron platforma yaradıla bilər. Avropalı istehlakçılar üçün təbii qazın qiyməti əsasən Türkiyədəki mərkəzdə müəyyən ediləcək. Avropanın öz mərkəzlərində baş verənlər dəlilikdir”,-deyə o söyləyib.
Qeyd edək ki, Putin daha əvvəl Avropadakı təbii qaz böhranına toxunmuş və həll yolu üçün Türkiyəyə işarə etmişdi. O, “Şimal axını” qazını Qara dənizə yönəldə biləcəklərini demişdi.
Türkiyənin Diyarbəkir şəhərində polis avtomobilinin partladılması nəticəsində yaralananların sayı 9-a çatıb.
“TRT Haber” xəbər verir ki, bu barədə Diyarbəkir vilayətinin valisi Ali İhsan Su məlumat verib.
Onun sözlərinə görə, xəsarət alan polis əməkdaşlarından 7-si artıq evə buraxılıb, 2 nəfərin müalicəsi davam etdirilir.
Vali, həmçinin hadisəni törətməkdə şübhəli bilinən 2 nəfərin saxlanıldığını açıqlayıb. Bildirilib ki, onlardan biri taksi sürücüsü, digəri isə nəqliyyat vasitəsinə icarəyə götürən şəxsdir.
***
Dekabrın 16-da yerli vaxtla saat 04:30 radələrində Türkiyənin cənub-şərqindəki Diyarbəkir vilayətində bomba yüklü avtomobil partladılıb.
"TRT Haber" xəbər verir ki, hadisə polisin xüsusi təyinatlı dəstəsini daşıyan xidməti avtobus hərəkət etdiyi Diyarbəkirin girişində baş verib.
Polis maşını Diyarbəkir-Mardin magistral yolu ilə hərəkət edərkən uzaqdan idarə olunan qurğunun köməyi ilə yol kənarında park edilmiş avtomobildə partlayıcı qurğu işə salınıb. Hadisə yerinə əlavə təhlükəsizlik qüvvələri cəlb edilib.
Partlayış nəticəsində azı 8 polis əməkdaşı yaralanıb. Yaralılar yerli xəstəxanalara çatdırılıb. Partlayış ərazisi bloklanıb, antiterror əməliyyatı aparılır.
Əmanətçilər öz pullarını İran banklarından çıxarırlar.
Bu barədə “Azad İran” “Telegram” kanalında məlumat verilib.
O, bankdan çıxardığı pulları düzərək, “Ölüm olsun Xameneyiyə” şüarını yazıb.
“Əvvəllər olduğu kimi, Ermənistan indi də regionda bütün iqtisadi və nəqliyyat kommunikasiyalarını blokdan çıxarmağa hazırdır”.
Oxu.az xəbər verir ki, Ermənistanın baş naziri Nikol Paşinyan bu sözləri hökumətin iclasında deyib.
Paşinyan əlavə edib ki, üçtərəfli sənədin müvafiq müddəasının həyata keçirilməsi heç bir halda ölkənin suverenliyinin itirilməsini nəzərdə tutmur.
“Yerevan yolları açmağa və yeni nəqliyyat infrastrukturunu istifadəyə verməyə hazırdır”, - deyə Nikol Paşinyan fikrini tamamlayıb.
Futbol üzrə dünya çempionatı çərçivəsində keçirilən Mərakeş-Fransa (0:2) matçından sonra Fransanın Paris, Nitsa, Monpelye şəhərində iğtişaşlar başlayıb.
Küçələrə axışan fransalı azarkeşlərlə mərakeşlilər arasında toqquşma olub.
Xəsarət alanların sayı barədə hələlik məlumat verilmir.