 |
|
Moskva ilə münasibətləri kəsmək və Qərblə müttəfiqliyə ümid bəsləmək yolunda Nikol (Paşinyan) Ermənistanı növbəti məğlubiyyətə aparır.
Bunu erməni siyasətçi Artak Zakaryan deyib.
Zakaryan hesab edir ki, hakimiyyəti saxlamaq üçün öz biabırçı cəhdlərində Ermənistanı qurban verməkdə davam edir və nəticədə ölkəni heç nə ilə tərk edəcək.
Onun fikrincə, Ukrayna münaqişəsi, Suriyada hakimiyyət dəyişikliyi nəticəsində yaranan proseslər Cənubi Qafqazın geosiyasi əhəmiyyətini bir daha nümayiş etdirir və dünya oyunçularının burada hansı strateji addımlar atdığını açıq şəkildə ortaya qoyub.
"Nikolun avantürist “siyasəti” Ermənistanın xarici və daxili siyasi sabitliyini daha böyük təhlükə altında qoyur. Gürcüstanda baş verən hadisələr ölkədə ciddi siyasi parçalanmaya yol açdı. Ermənistanda da oxşar ssenarinin təkrarlanması ehtimalı var. Son nəticədə İrəvanın Aİ-yə daxil olmaq qərarı həm də Qərblə Rusiya arasında hakimiyyət mübarizəsinin nəticəsi kimi qiymətləndirilə bilər. Hesab edirik ki, Aİ ilə inteqrasiyanın başlaması Ermənistana Qərb və Rusiya tərəfindən təzyiqlərin artmasına gətirib çıxaracaq və onu öz mövqeyini aydınlaşdırmağa məcbur edəcək.
Yaxın günlərdə Rusiya və Qərbin bu qərara cavab olaraq hansı əməli addımlar atacağı bəlli olacaq.
Türkiyənin Afrika, Orta Asiya və Qafqazda artan təsirini nəzərə alsaq - Qarabağın azad edilməsi, Suriyada baş verən hadisələr, Rusiyanın sıxışdırılması və İrana artan təzyiqlər - əminliklə demək olar ki, Qərb Ermənistanın NATO-dakı müttəfiqi Ankaranın tam təsiri altına düşməsi üçün hər şeyi edir. Bunu Nikolun təkcə xarici deyil, həm də daxili siyasəti sübut edir”.
Fələstinlə əldə olunan atəşkəs razılşamasına əsasən İsrail ordusunu bu gün səhər saatlarından etibarən Qəzza zolağından geri çəkməyə başlayıb.
Bu barədə İsrail ordusunun sözçüsü Aviçay Adraee məlumat verib.
Onun sözlərinə görə, bundan sonra Qəzza zolağının sakinləri cənubdan şimala keçə biləcəklər.
O eyni zamanda əlavə edib ki, avtomobillərdə silah daşınması pozuntu sayılacaq.
Adraee əlavə edib ki, İsrail əsgərlərinin yerləşdiyi nöqtələrdən uzaq durmaq lazımdır və İsrail ordusu bufer zonaya doğru geri çəkiləcək.
ABŞ prezidenti Donald Tramp bütün qeyri-qanuni mühacirləri qovarsa, ucuz miqrant işçi qüvvəsi olmayan Amerika iqtisadi böhran və inflyasiya ilə üzləşir. Bu da nəticədə ABŞ iqtisadiyyatının çöküşünə səbəb olacaq.
Bu barədə "Bloomberg" yazır.
Nəşrin yazdığına görə, Tramp qanunsuz miqrantları deportasiya etməklə bağlı vədinə əməl edərsə, ABŞ iqtisadiyyatı 8% azalacaq.
Miqrantların çıxarılması eyni zamanda Amerikanın böyüməsinə və mənfəətinə dağıdıcı təsir göstərəcək.
ABŞ prezidenti Donald Tramp Kolumbiyanın deportasiya edilmiş miqrantları qəbul etməkdən imtina etməsi səbəbilə bu ölkəyə qarşı yeni sanksiyalar tətbiq edildiyini açıqlayıb.
Trampın bəyanatına görə, Kolumbiyadan idxal olunan bütün məhsullara 25%-lik rüsum tətbiq ediləcək.
Bununla yanaşı, Tramp Kolumbiya vətəndaşlarının ABŞ sərhədlərində daha ciddi yoxlamalara məruz qalacağını bildirib. O, həmçinin Kolumbiya hökumət nümayəndələrinin ABŞ-a girişinə qadağa qoyulduğunu elan edib və idxal rüsumlarının bir həftə ərzində 50%-ə qədər artırılacağı ilə hədələyib.
Bu sanksiyalar ABŞ-Kolumbiya münasibətlərində gərginliyin artmasına səbəb olub və geniş beynəlxalq reaksiyalara yol açıb. Ekspertlər, sanksiyaların hər iki ölkə arasında iqtisadi və siyasi əlaqələrə ciddi təsir göstərə biləcəyini qeyd edir.
Belarusda keçirilən prezident seçkisində səsvermə başa çatıb.
Oxu.Az xəbər verir ki, Belarus Gənclər Təşkilatları Komitəsinin exit-pollunun nəticələrinə görə, ölkənin hazırkı prezidenti Aleksandr Lukaşenko 87.6% səslə prezident seçkisində qalib gəlib.
Exit-poll 300-dən çox seçki məntəqəsində, iri şəhərlərdə və kənd yerlərində keçirilib.
Belarus Mərkəzi Seçki Komitəsi səsvermənin ilkin nəticələrini gecə saatlarında açıqlayacaq.
Biz dəfələrlə erməni tərəfinə çatdırmışıq ki, nə Vaşinqton, nə də Brüssel həqiqətən öz tərəfdaşlarının taleyi və maraqları barədə düşünmürlər.
Bu barədə Rusiya xarici işlər naziri Sergey Lavrov bildirib.
“Qərbdə onları yalnız utilitar qəbul etməyə öyrəşiblər. İrəvan ötən ilin sonunda Gürcüstanda baş verən hadisələrə diqqət yetirməyə bilməzdi. Yəqin ki, Ermənistanda İrəvanın Moskvadan ayrılması nəticəsində onlara baha başa gəlməsi və erməni əhalisinə bir neçə soyuq qışa hazırlaşmaq kimi bəyanatları eşitməmiş deyildirlər( Lavrov burada Rusiyanın Ermənistana verdiyi qazın verilməsindən imtinasını nəzərdə tutur-red) ", - Lavrov bildirib.
2020-ci il seçkilərində Donald Trampın qələbəsi “oğurlanmasaydı” Ukraynada mövcud “böhran” baş verməzdi.
rbc xəbər verir ki, bunu Rusiya prezidenti Vladimir Putin deyib.
Tramp dəfələrlə bəyan edib ki, 2020-ci ildə ikinci müddətə seçilsəydi, Rusiya ilə Ukrayna arasında hərbi münaqişə başlamazdı. “Mən onunla razılaşa bilmərəm ki, əgər o, prezident olsaydı, 2020-ci ildə onun qələbəsi oğurlanmasaydı, o zaman bəlkə də 2022-ci ildə Ukraynada yaranmış böhran yaşanmazdı”, - Rusiya prezidenti bildirib.
Trampla görüşməyə hazır olduğunu qeyd edən Putin bildirib ki, görüş mümkündür və Moskva buna hazırdır.
“Çox güman ki, bizim üçün bu günün reallıqlarına əsaslanaraq, həm ABŞ, həm də Rusiya üçün maraqlı olan bütün sahələr üzrə sakit şəkildə görüşmək daha yaxşıdır. Biz hazırıq”, - Putin bildirib.
PKK lideri Abdulla Öcalanın terror təşkilatını buraxmasını elan etməsinin vaxtı bəlli olub.
DEM Partiyasının heyəti ikinci dəfə yanvarın 22-də terror təşkilatı olan PKK lideri Öcalanla görüşmək üçün İmralıya gedib.
DEM Partiyasının heyəti terrorçu lider Öcalanla AKP, MHP və CHP ilə görüşləri barədə məlumat verib.
Türkiyə mediasının əldə etdiyi məlumata görə, terrorçu Öcalanın terror təşkilatı olan PKK-nin buraxılması və silahları yerə qoyması ilə bağlı Türkiyəyə gətirilməsinin ildönümü günü 15 fevral 2025-ci ildə İmralıda nümayəndə heyəti üzvləri ilə açıqlama verməsi gözlənilir.
Qeyd edək ki, terrorçu Abdulla Öcalan 1999-cu ildə Suriyanı tərk etmək məcburiyyətində qaldıqdan sonra fevralın 15-də Keniyanın Nayrobi şəhərində Türkiyə Milli Kəşfiyyat Təşkilatı (MİT) tərəfindən saxlanılıb.
Yanvarın 21-də Rusiya xarici işlər naziri Sergey Lavrovla Ermənistan xarici işlər naziri Ararat Mirzoyan arasında 3 saatdan artıq bağlı qapılar araxasında danışıqlar gedib.
Rusiya XİN rəsmisi Mariya Zaxarova bağlı qapılar araxaına gedən danışıqlaırn mahiyyətini açıqlayıb.
O bildirib ki, bağlı qapılar araxasında iki ölkə arasındakı məsələlər barədə açıq danışılıb və tərəflər bir-birinə olan iradını səsləndirib.
"Bağlı qapılar arxasında çox şey danışılıb. 3 saat bağlı qapı arxasında danışılıb. Danışıqlar açıq olub və bunların çoxu kamera üçün deyil.
Ona görə də buradan deyə bilərəm ki, həqiqətən də tərəflər üçün xüsusi əhəmiyyət kəsb edən bir çox məqamlar üzrə səmimi söhbət olub”, - Zaxarova bildirib.
Son günlər adı qalmaqallarda hallanan, Serenay Sarıkaya, Hande Erçel və digər məşhurların meneceri olan Ayşe Barım saxlanılıb.
“Qafqazinfo” xəbər verir ki, onun Türkiyədə 2013-cü ildə baş verən “Gəzi Parkı” hadisələrinə görə saxlanıldığı deyilir.
Məlumatda bildirilib ki, Barımın haqqında mediada çıxan “Gəzi Parkı” hadisələrində iştirak etdiyinə dair iddialara görə istintaq başladılıb.
Menecerin “Gəzi Parkı” hadisələrində şübhəli bilinən Mehmet Osman Kavala və Memet Ali Alabora ilə sıx əlaqə saxladığı aşkar edilib. O, “Türkiyə Cümhuriyyətini devirməyə cəhd” ittihamı ilə saxlanılıb.
Qeyd olunub ki, Barımın ev və iş yerində axtarışlar aparılır.
Xatırladaq ki, məşhurların çalışdığı “D İletişim” şirkətinin həmtəsisçisi Ayşe Barımın aktrisalardan birinin transseksual müğənni ilə sevgili olması görüntüsünü yaratmağa çalışdığı, hətta ondan bunun müqabilində 5 milyon dollar pul aldığı iddia edilib. Daha sonra isə əslində bunu adı açıqlanmayan iş adamının etdiyi ortaya çıxıb.
Bundan sonra sosial şəbəkələrdə həmin şəxslərin bir müddət öncə münasibətləri başlayan Serenay Sarıkaya ilə müğənni Mert Demir olduğu barədə müzakirələr aparılıb. Bildirilir ki, iş adamı sözügedən məbləği Ayşe Barım vasitəsilə Sarıkaya və Demirə çatdırıb. Məqsəd isə müğənninin PR-nın aparılması və karyerasında yüksəlişin əldə edilməsi olub.
Məsələ ilə bağlı istintaq başlayıb. “5 milyon dollarlıq reklam eşqi” iddiaları ilə bağlı prokurorluğa çağırılan aktrisa Serenay Sarıkaya bu xəbərlərin əsassız olduğu bildirib.