Britaniyalı hüquq müdafiəçisi və vəkil Marina Uiler həyat yoldaşı keçmiş Xarici İşlər naziri Boris Consonu evdən qovub.

Axar.az xəbər verir ki, bu iddia ilə “San” qəzeti çıxış edib. Məlumata görə, Consonun evdən qovulmasına səbəb onun növbəti dəfə Uilerə xəyanət etməsi olub.

Qəzet Consonun Uilerlə 25 ildir evli olduğunu və bu cür hadisənin artıq 3-cü dəfədir baş verdiyini bildirib. Belə ki, ilk dəfə Conson evdən 2004-cü ildə jurnalist Petronello Uayatla, 2010-cu ildə sənətşünas Helen Makintayrla sevgi romanı yaşadığına görə evdən qovulub:

“Bu dəfə Uilerin onu bağışlayacağı real görünmür. Belə ki, artıq tərəflərin ayrılma mərhələsində olduğu da iddia edilir. Bu qalmaqalın Consona baha başa gələcəyi təxmin edilir. Maraqlı məqam odur ki, Uilerlə ayrılma nəticəsində Conson indiyə qədər özünün ən etibarlı məsləhətçisindən imtina etməli olacaq. Belə ki, eks-baş diplomat heç bir zaman həyat yoldaşıyla məsləhətləşmədən qərar qəbul etməyib”.

Twitter