 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
Noyabrın 24-də Azərbaycan Respublikasının Prezidenti İlham Əliyev Moldova Respublikasının ölkəmizdə yeni təyin olunan fövqəladə və səlahiyyətli səfiri Aleksandr Esaulenkonun etimadnaməsini qəbul edib.
Bu barədə məlumatı Azərbaycan Prezidentinin Mətbuat Xidməti yayıb.
Separatçı qurumun "lideri" "nazirlərini" itirdi, "referendum"dan imtina etdi; Ruben Vardanyan isə öz komandasını yığır, sabiq xarici işlər naziri Oskanyan da Qarabağa yerləşir?
Noyabrın 23-də Qarabağdakı qondarma qurumun rəhbəri Araik Arutyunyan bir neçə "naziri" tutduqları vəzifələrdən azad edilməsi ilə bağlı "qərar" imzalayıb. Məlumata görə, Mikayel Hayriyan "səhiyyə naziri" vəzifəsindən azad edilib. Onu müvəqqəti olaraq "nazir müavini" Artur Oqancanya əvəz edəcək. Eləcə də "Kənd təsərrüfatı naziri", "təhsil, elm, mədəniyyət və idman naziri", "sosial inkişaf və miqrasiya naziri" və "ərazi idarəetmə və infrastruktur naziri"vəzifələrindən azad ediliblər. "Ədliyyə naziri" və "xarici işlər naziri" isə müvəqqəti səlahiyyətlərini icra edəcək. O cümlədən, "şəhərsalma naziri" və "maliyyə və iqtisadiyyat naziri"nə də səlahiyyətlərini müvəqqəti icra etmək tapşırılıb.
Musavat.com bildirir ki, Araik Arutyunyan qondarma "parlament" sədrinə müraciət edərək, "artsax konstitusiyasına əlavə və dəyişikliklər layihəsini" geri götürüb. Məlumatda bildirilir ki, belə bir qərarın qəbul edilməsinə səbəb "dəyişiklik layihəsinə ictimaiyyətin mənfi reaksiyası olub".
Qeyd edək ki, cəmi 20 min erməninin yaşadığı Xankəndi və ətrafında "konstitusiya islahatları"na hazırlıq bir müddət əvvəl başlamışdı. "Artsax konstitusiyası"nın yenilənmiş layihəsi artıq hazırlanaraq müvafiq saytda yerləşdirilmişdi. Bildirilirdi ki, nə "Dağlıq Qarabağ Respublikasının" 2006-cı il "konstitusiyasında", nə də 2017-ci ildə yenilənmiş variantda "artsax" ikili vətəndaşlıq məsələsi əks olunmayıb. "Bu düzəlişlə" ermənilər Rusiya sülhməramlılarının vaxtı bitənədək mümkün qədər "ruslaşmaq" istəməyirdilər. Hətta ilin sonunadək qondarma "referendum" keçirmək niyyətində idilər. Arutyunyanın gözlənilmədən layihəni geri çəkməsinin əlbəttə ki, daha ciddi səbəbləri var.
Araik Arutyunyan "parlamentin" bu gün keçirilən iclasında deyib ki, "indi sabitlik konstitusiya dəyişikliklərindən daha vacibdir": "Sadəcə, siyasi qüvvələrin belə bir narahatlığı vardı ki, hər şey bir şəxsin - prezidentinin əlində cəmləşib. Yeni hökuməti formalaşdırmaq üçün növbədənkənar seçkilərə getmək lazım idi. Amma bu gün buna ehtiyac yoxdur, çünki daha hər şey mənim əlində cəmləşmir. Təbii ki, dövlət nazirinin(Vardanyanı nəzərdə tutur.N.S) funksiyalarının ayrılması nəticəsində mövcud narahatlıqlar bu gün öz həllini tapmış kimi görünür. Ona görə də konstitusiyaya düzəlişlər məsələsində tələsməyə ehtiyac yoxdur".
Ruben Vardanyan da onun nəzarəti altına verilmiş müvəqətti "nazirlərlə" görüşüb. Vardanyan deyib ki, "mövcud böhranlı vəziyyət yeni idarəetmə yanaşmaları tələb edir". Vardanyan "müvəqqəti nazirlərlə" müzakirə apararaq, onları öz işlərinə "tam məsuliyyətlə yanaşmağa və vəzifələrini tam şəkildə yerinə yetirməyə çağırıb".
Aydındır ki, rəsmi Bakı Xankəndi ermənilərinin sülhməramlıların arxasında gizlənərək belə bir "referendum" oyuna göz yuma bilməzdi. Bu qondarma oyuna görə isə ilk növbədə məsuliyyət Rusiya və onun sülhməramlılarının üzərinə düşəcəkdi. Şübhə yoxdur ki, məhz Rusiya bu prosesi əngəlləmək məcburiyyətdə qalıb və Araikə saxta referendum oyununu "bir yerinə soxmağı" tələb edib.
Daha bir maraqlı proses "xarici işlər naziri" vəzifəsini müvəqqəti yerinə yetirən David Babayan ətrafında başlayıb. O, öz feysbuk səhifəsində gedəcəyi ilə bağlı status yazıb. Deputat Rasim Musabəyəbov isə sosial şəbəkə səhifəsində "əyalət naziri" Babayanın yerinə Ermənistanın sabiq xarici işlər naziri Vardan Oskanyanın təyin edildiyini yazıb. 1998-2008-ci illərdə Ermənistanın xarici işlər naziri olmuş Vardan Oskanyan Suriya ermənisidir, 1955-ci ildə Hələbdə anadan olub. Oskanyan bir ay əvvəl "Qarabağ probleminin həlli ilə bağlı" geniş məqalə ilə çıxış etmişdi. Keçmiş nazir hesab edir ki, ilk olaraq Qarabağda yaşayan ermənilər Azərbaycanın tərkibində bir növ azlıq deyil, öz tarixi torpaqlarında yaşayan, etnik, dini və birmənalı olaraq öz müqəddəratını təyin etmək istəyi olan "xalq"dır. "Yaxın vaxtlarda Qarabağda yaşayan ermənilər əvvəlcə Stepanakert (Xankəndi) meydanında ən azı 50-75 min insanın iştirakı ilə toplantı təşkil etməli və orada həm Azərbaycana, həm Türkiyəyə, həm də beynəlxalq ictimaiyyətə açıq şəkildə bildirməlidir ki, öz müqəddəratını təyinetmə hüququnun həyata keçirilməsini istəyir" deyə, sabiq nazir yazıb. Erməni mənbələri onun "nazir" təyinatını hələ təsdiq etməyiblər, amma belə bir qərar verilərsə, şübhəsiz ki, bu, Xankəndidə gərginliyi artırmağa hesablanıb.
Araik hələ ki, səlahiyyətlərinin "yarısını" verməklə Xankəndidə qalmaq istəyir. Amma belə görünür ki, Vardanyan onu tezliklə "yola salmaqda" israrlıdır.
Sonrası nə olacaq, görəcəyik...
İran xüsusi xidmət orqanları Azərbaycana qarşı aktiv şəkildə kəşfiyyat-pozuculuq fəaliyyəti həyata keçirir.
APA xəbər verir ki, bunu DTX-nin rəisinin birinci müavini, general-leytenant Ceyhun Şadlinski Azərbaycan Respublikası Təhlükəsizlik Şurası Katibinin Xidmətinin təşkilatçılığı ilə “Vətən müharibəsinin təcrübələri” mövzusunda keçirilən konfransda deyib.
O, bu istiqamətdə görülən kəsərli tədbirlərin görüldüyünü vurğulayıb.
Azərbaycan Respublikası Təhlükəsizlik Şurası Katibinin Xidmətinin təşkilatçılığı ilə “Vətən müharibəsinin təcrübələri” mövzusunda konfrans keçirilib.
Təhlükəsizlik Şurası Katibinin Xidmətindən Ölkə.az-a verilən xəbərə görə, Dövlət Təhlükəsizliyi Xidmətinin (DTX) Heydər Əliyev adına Akademiyasının “Şöhrət” muzeyində Azərbaycan Respublikasının Təhlükəsizlik Şurası Katibinin Xidmətinin təşkilatçılığı ilə “Vətən müharibəsinin təcrübələri” mövzusunda konfrans öz işinə başlamışdır.
Tədbirdə Azərbaycan Respublikasının Təhlükəsizlik Şurasının katibi, general-polkovnik Ramil Usubov, Azərbaycan Respublikasının müdafiə naziri, general-polkovnik Zakir Həsənov, DTX-nin rəisinin birinci müavini, general-leytenant Ceyhun Şadlinski, Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidmətinin rəisi, general-leytenant İlqar Musayev, Azərbaycan Respublikasının Strateji Obyektlərin Mühafizəsi Dövlət Agentliyinin rəisi, general-mayor İlqar Abbasov, hüquq-mühafizə və digər dövlət orqanlarının rəhbər əməkdaşları, Türkiyə Respublikasının Silahlı Qüvvələrinin Baş Qərargahının və Milli Təhlükəsizlik Şurası Baş Katibliyinin nümayəndələri iştirak etmişlər. Konfransın məqsədi Vətən müharibəsinin nəticələrinin təhlilinin və müharibədə qazanılmış hərbi təcrübənin aidiyyəti qurumlar arasında mübadiləsinin təmin olunmasıdır.
Əvvəlcə tədbir iştirakçıları Ümummilli Lider Heydər Əliyevin “Şöhrət” muzeyinin qarşısında ucaldılan abidəsini ziyarət etmiş, önünə gül dəstələri düzüblər.
Ulu Öndərin və ölkəmizin suverenliyi və ərazi bütövlüyü uğrunda həlak olmuş Vətən övladlarının əziz xatirəsi bir dəqiqəlik sükutla yad edilib.
Öncə çıxış edən Təhlükəsizlik Şurasının katibi, general-polkovnik Ramil Usubov tədbirin təşkilində göstərdiyi dəstəyə görə DTX-nin rəhbərliyinə minnətdarlığını ifadə etmiş, bu mövzuda konfransın keçirilməsinin əhəmiyyətindən danışmışdır. O, Müzəffər Ali Baş Komandan cənab İlham Əliyevin qətiyyətli rəhbərliyi altında şanlı qələbəmizlə yekunlaşan 44 günlük Vətən müharibəsinin tariximizdə silinməz iz buraxdığını, bu müharibənin ordumuzun döyüş təcrübəsinin artırılmasında əvəzsiz rol oynadığını, hərbi əməliyyatların planlaşdırılması və aparılmasının xarici ölkələrin hərbi müəssisələrində öyrənildiyini diqqətə çatdırmışdır. General-polkovnik Ramil Usubov müharibənin nəticələrinin təhlilinin və əldə olunan təcrübənin milli təhlükəsizliyin etibarlı təminatı, silahlı qüvvələrimizin müdafiə qabiliyyətinin artırılmasında önəmli amil olduğunu bildirmişdir
Daha sonra müdafiə naziri, general-polkovnik Zakir Həsənov çıxış edərək ölkə rəhbərinin tapşırığı əsasında, Vətən müharibəsindən sonra Azərbaycan Ordusunun hərbi potensialının artırılması yönümündə həyata keçirilən islahatlar, yeni hərbi birliklərin yaradılması, qarşıya qoyulmuş vəzifələrin operativ və çevik yerinə yetirilməsi üçün silahlı qüvvələrimizin şəxsi heyətinin hərbi təhsil səviyyəsinin yüksəldilməsi, müasir hərbi texnika və avadanlıqlarla təchiz olunması barədə məlumat vermişdir.
DTX-nin rəisinin birinci müavini, general-leytenant Ceyhun Şadlinski çıxışında qeyd etmişdir ki, iki ölkə arasında münasibətlərin normallaşdırılması istiqamətində görülən işlərə Ermənistandakı revanşist qüvvələrin hər vəchlə maneçilik törətməyə çalışması, bu ölkənin silahlanmaya və ordu quruculuğuna öz imkanlarından artıq maliyyə vəsaiti ayırması, müxtəlif xarici dövlətlərdən müasir silahlar və hərbi təyinatlı avadanlıqlar almağa cəhdlər göstərməsi, sülh müqaviləsinin imzalanmasını bütün mümkün vasitələrdən istifadə etməklə yubatmağa meyl etməsi narahatlıq doğuran məqamlardır. Həmçinin vurğulanmışdır ki, Rusiya sülhməramlı kontingentinin müvəqqəti yerləşdiyi Azərbaycan ərazisinə hərbi texnikaların daşınması, orada müxtəlif təxribat xarakterli tədbirlərin keçirilməsinə şərait yaradılması da xüsusilə diqqət çəkir. İran xüsusi xidmət orqanlarının Azərbaycana qarşı aktiv şəkildə həyata keçirdiyi kəşfiyyat-pozuculuq fəaliyyətindən də danışan natiq bu istiqamətdə görülən kəsərli tədbirlərdən söhbət açmışdır.
Xüsusi Rabitə və İnformasiya Təhlükəsizliyi Dövlət Xidmətinin rəisi, general-leytenant İlqar Musayev bildirmişdir ki, həm Vətən müharibəsi zamanı, həm də müharibədən sonrakı dövrdə məkrli qüvvələr tərəfindən respublikamızın informasiya təhlükəsizliyinə yönələn təhdidlərin və kiberhücumların qarşısının alınması, savaş dövründə hərbi obyektlərimizin xüsusi rabitə avadanlıqları ilə təminatı, radiostansiyaların işinin səmərəli təşkili üçün digər qurumlarla birgə lazımi tədbirlər görülmüşdür.
Konfrans öz işini noyabrın 25-dək hərbi təhlükəsizlik, səfərbərlik hazırlığı, strateji kommunikasiya, informasiya təhlükəsizliyi, kibertəhlükəsizlik, mülki müdafiə və digər aidiyyəti mövzular üzrə mühazirələr və panel müzakirələrlə davam etdirəcəkdir.
Ermənistan KTMT-dən istədiyini növbəti dəfə ala bilmədi. Təşkilatın müzakirə etdiyi məsələlərin ikisi Azərbaycanla bağlı olub: Sərhəd məsələsində Ermənistana hərbi dəstəyin verilməsi, Azərbaycanın “hücumuna” siyasi qiymətin verilməsi. İrəvanın gündəliyə daxil edildiyi bu iki məsələdən savayı digərləri qəbul olunub”.
Bu sözləri siyasi şərhçi Asif Nərimanlı deyib.
“KTMT “Ermənistan-Azərbaycan sərhədindəki gərginliklə bağlı kompleks tədbirlərin hazırlanmasını razılaşdırmaqla” İrəvana Bakı ilə bağlı tələblərinin qəbul edilməcəyinə dair açıq mesaj verdi.
Paşinyan narazıdır və bunu açıq mətnlə ifadə etdi, həm də bu, İrəvan üçün itirilmiş fürsətdir. Ermənistan KTMT-yə sədrliyi dövründə Azərbaycana qarşı cəbhəni qurmaq şansının olduğunu düşünür, buna çalışırdı, lakin sədrlik etdiyi son iclasda da nəticə əldə edə bilmədi. Belarusun KTMT-nin sədrlik edəcəyi müddətdə Azərbaycanla bağlı məsələlərin gündəmə daxil edilməsi, yaxud qəbul edilməsi imkanları olduqca zəifdir. Lukaşenkonun mövqeyi də bunu deməyə əsas verir”, - o bildirib.
Onun sözlərinə görə, Paşinyanın KTMT-də Azərbaycana qarşı əlindəki son şansdan istifadə edə bilməməsini Bakının İrəvanı öz evində məğlub etməsi kimi də qiymətləndirmək olar.
“Ermənistan bundan sonra KTMT və Rusiyaya qarşı sərgilədiyi mövqeyi gücləndirəcək, lakin bunun rəsmi İrəvan səviyyəsindən daha çox, ictimai rəy müstəvisində kampaniya şəkilində olacağı ehtimalı daha böyükdür”, - ekspert əlavə edib.
Azərbaycan və Kamboca parlamentləri arasında Anlaşma Memorandumu imzalanıb.
Bu barədə "Milli Məclisin Mətbuat və ictimaiyyətlə əlaqələr şöbəsindən məlumat verilib.
Kamboca Milli Assambleyasının sədri Azərbaycan parlamentinin rəhbərini səmimiyyətlə salamlayaraq, deyib ki, bu səfər Azərbaycan və Kamboca arasında dostluq münasibətlərinin göstəricisidir. O, Azərbaycan Milli Məclisinin ASEAN Parlamentlərarası Assambleyasına müşahidəçi statusunda üzv olması münasibətilə təbriklərini çatdırıb və Kamboca parlamentinin bu məsələdə dəstəyini bir daha ifadə edib.
Ölkələrimiz arasında diplomatik əlaqələrin 28 il əvvəl yaradıldığını söyləyən Milli Assambleyanın sədri ölkə başçılarının səyləri ilə münasibətlərimizin yeni mərhələyə yüksəldiyini qeyd edib. O, bu səfərin Azərbaycan və Kamboca arasında əməkdaşlığın daha da gücləndirilməsinə töhfə verəcəyinə inamını diqqətə çatdırıb.
O, parlamentlərimiz arasında yaxşı əlaqələrin mövcud olduğunu bildirib və inamını ifadə edib ki, deputatlarımız müxtəlif səviyyələrdə daha sıx əməkdaşlıq edəcək.
Milli Assambleyanın sədri ölkəsinin Qoşulmama Hərəkatında və onun Parlament Şəbəkəsində fəaliyyətə önəm verdiyini bildirib. O, kambocalı deputatların Qoşulmama Hərəkatının Parlament Şəbəkəsinin Bakıda keçirilən ilk konfransında iştirakını xatırladaraq, tədbirin yüksək səviyyədə təşkilinə görə Milli Məclisin sədrinə təbriklərini çatdırıb.
Görüşdə Henq Samrin, həmçinin, ölkəsində həyata keçirilən siyasət, əldə olunan nəticələr və Milli Assambleyanın fəaliyyəti barədə məlumat verib.
Milli Məclisin sədri Sahibə Qafarova səfərə və Baş Assambleyada iştiraka dəvətə görə təşəkkürünü bildirərək, əlaqələrin inkişafında yüksək səviyyəli səfərlərin əhəmiyyətini qeyd edib.
Spiker Sahibə Qafarova Azərbaycanın BMT-dən sonra dünyanın ikinci ən böyük təşkilatı olan Qoşulmama Hərəkatına sədrliyi haqqında məlumat verib. Bildirib ki, Azərbaycan Respublikasının Prezidenti cənab İlham Əliyev Qoşulmama Hərəkatının sədri kimi hərəkatın parlament ölçüsünün yaradılması təşəbbüsünü irəli sürüb və 2021-ci ildə Qoşulmama Hərəkatının Parlament Şəbəkəsi təsis olunub, onun ilk konfransı bu ilin iyun ayında Bakıda keçirilib. Milli Məclisin sədri Bakı konfransında Kamboca nümayəndə heyətinin iştirakını yüksək qiymətləndirib, Qoşulmama Hərəkatının Parlament Şəbəkəsinin fəaliyyəti, təşkilatın qarşısında duran vəzifələr, Parlament Şəbəkəsinin Manamada keçirilməsi nəzərdə tutulan ikinci konfransına hazırlıq məqsədilə görülən təşkilati işlər haqqında geniş məlumat verib.
Sahibə Qafarova ölkələrimiz arasında qarşılıqlı əlaqələrin möhkəmlənməsində parlamentlərarası münasibətlərin rolundan söz açıb, parlamentlərdə qarşılıqlı dostluq qruplarının fəaliyyətinin bu istiqamətdə verə biləcəyi töhfələrə toxunub. Spiker bu yaxınlarda Milli Məclisin Kamboca ilə parlamentlərarası əlaqələr üzrə işçi qrupunun yaradıldığını diqqətə çatdıraraq, qrupun yaradılmasını parlamentlərarası əməkdaşlığın inkişafında mühüm addım adlandırıb. Milli Məclisin sədri deputatlarımızın beynəlxalq təşkilatlar çərçivəsində səmərəli əməkdaşlıq etdiyini qeyd edərək, bu əlaqələrin daha da inkişaf etdirilməsinin önəmindən danışıb.
Görüşdə Milli Məclisin sədri 44 günlük Vətən müharibəsi nəticəsində Azərbaycanın öz torpaqlarını işğaldan azad etməsi və regionda davamlı sülhün yaradılması istiqamətində göstərdiyi səylər haqqında məlumat verib. O, hazırda Azərbaycanın torpaqlarının Ermənistan tərəfindən 30 illik işğalının ağır nəticələrinin aradan qaldırılması, regionda sülhün və təhlükəsizliyin möhkəmlənməsi və əməkdaşlığın inkişafı üçün atdığı əməli addımlardan bəhs edib. Sahibə Qafarova nəzərə çatdırıb ki, artıq Azərbaycanda Böyük Qayıdışa start verilib və keçmiş məcburi köçkün ailələri öz evlərinə qayıtmağa başlayıblar. Lakin Ermənistanın bu ərazilərdə basdırdığı çoxlu sayda mina aparılan bərpa və quruculuq işlərinə maneə törədir. O, bildirib ki, iki il əvvəl müharibə başa çatandan sonra mina partlayışları nəticəsində, təxminən 270 azərbaycanlı həlak olub və ya ağır yaralanıb.
Sahibə Qafarova diqqətə çatdırıb ki, Azərbaycan xalqı sülh arzulayır və ölkəmiz işğalın qurbanı olsa da, regionda uzunmüddətli sülhün və sabitliyin təmin olunması üçün səylərini davam etdirir.
Görüşün sonunda Azərbaycan və Kamboca parlamentləri arasında Anlaşma Memorandumunun imzalanması mərasimi olub. Qeyd olunub ki, bu sənəd parlament diplomatiyamızın genişlənməsinə və ikitərəfli əlaqələrimizin güclənməsinə xidmət edəcək.
Noyabrın 23-də Belqradda Azərbaycan Prezidenti İlham Əliyevin Serbiya Prezidenti Aleksandar Vuçiç ilə geniş tərkibdə görüşü başa çatdıqdan sonra sənədlərin imzalanması mərasimi olub.
Bu barədə Azərbaycan Prezidentinin Mətbuat Xidməti məlumat yayıb.
Azərbaycan Respublikasının Prezidenti İlham Əliyev noyabrın 23-də Serbiya Respublikasına rəsmi səfərə gedib.
"Report" xəbər verir ki, Belqrad şəhərinin “Nikola Tesla” hava limanında Azərbaycan Prezidentinin şərəfinə fəxri qarovul dəstəsi düzülüb.
Dövlət başçısını Serbiya Respublikasının Prezidenti Aleksandar Vuçiç qarşılayıb.
Bu gün İrəvanda Kollektiv Təhlükəsizlik Müqaviləsi Təşkilatının (KTMT) baş tutacaq sammiti Ermənistan üçün heç nə vəd etmir və bunu İrəvan da yaxşı anlayır. Çünki ötən bir il ərzində KTMT-yə sədrlik edən Ermənistan, bu müddətdə öz maraqlarını təmin etmək baxımdan faydalana bilməyibsə, bundan sonra da faydalanması da qeyri-mümkündür. Əksinə, quruma sədrlik dövründə Ermənistan-KTMT arasında ciddi fikir ayrılığı və çatlar yaranıb. Vəziyyət hətta o həddə çatıb ki, İrəvan açıq şəkildə KTMT-dən çıxacağını bəyan edir. Düzdür, İrəvan burada KTMT-ni və təşkilatın əsas aparıcı ölkəsi olan Rusiyanı şantaj edərək, Ermənistan-Azərbaycan münaqişəsinə cəlb etməklə bağlı konkret mövqe sərgiləməsi cəhdləri edilib və hər dəfə də uğursuzluqla nəticələnib. Ermənistanın uğursuzluğa düçar edilməsinin isə bir sıra səbəbləri var.
Birincisi ona görə ki, Ermənistanın KTMT-yə sədrliyi müddəti bitir və yeni sədrlik Belarusa keçəcək. O baxımdan bu sammit deklorativ xarakter daşıyır. Zirvə görüşündə KTMT coğrafiyasındakı proseslər və problemlər müzakirə olunsa da, yekunda ciddi sənəd və ya hər hansı qərar qəbul edilməyəcək. Sadəcə, deklorativ xarakter daşıyan bir Bəyannamə qəbul oluna bilər.
İkincisi, Ermənistan KTMT üzvü olsa da, Azərbaycan həmin təşkilata üzv ölkələrlə daha sıx əməkdaşlıq münasibətlərinə malikdir. Azərbaycan Ermənistandan xaric KTMT-nin digər üzv ölkələrinin əksəriyyəti ilə başda Rusiya olmaqla strateji tərəfdaşlıq münasibətlərinə malikdir. Bundan əlavə olaraq digər Azərbaycan beynəlxalq səviyyəli təşkilatlarda, o cümlədən ikitərəfli və çoxtərəfli formatlarında daha sıx əməkdaşlıq edir.
Üçüncüsü, 44 günlük Vətən müharibəsindən sonra Azərbaycanın Cənubi Qafqazda yeni geosiyasi reallığın də öz müstəsna təsiri var.
Burada digər mühüm məqmalardan biri də mövcud qlobal geosiyasi proseslərdə və dünyanın yenidən şəkilləndirilməsində Azərbaycan ciddi açar və aktor ölkə rolunu oynayan ölkədir. Azərbaycanın rolu getdikcə daha da artmaqdadır. Belə bir vəziyyətdə bölgədə marağı olan heç bir ölkə Azərbaycanın beynəlxalq aləmdə artan rolundan faydalanıb, onunla əməkdaşlığa çalışır.
Azərbaycandan fərqli olaraq Ermənistan ciddi əhəmiyyət kəsb etməyən ölkə rolunu oynayır. Ermənistanın 44 günlük müharibənin yaratdığı yeni reallığı, o cümlədən qlobal geosiyasi prosesləri nəzərə alıb, faydalanmaq əvəzinə işğalçılıq niyyətindən əl çəkə bilməməsi, İrəvanı daha da dalana sürükləməklə yanaşı, əhəmiyyətsiz bir ölkəyə çevirir. Nəticədə Ermənistan başqa güclərin əlində alətə çevrilir. Ermənistanın gələcək inkişaf strategiyasını düzgün müəyyən edə bilməməsinin nəticəsi olaraq İrəvanda keçirilən KTMT-nin sammitindən yenə də faydalanan başqaları olacaq. Daha doğrusu, Rusiya bölgədəki marağını bundan sonra da qoruyub saxlamaq üçün faydalanmağa çalışacaq. Nəzərə alsaq ki, KTMT-nin lokomotiv ölkəsi Rusiya hesab olunur. Daha dəqiqliklə ifadə etsək, KTMT Putinin təşəbbüsü ilə NATO-ya alternativ yaradılmış hərbi-siyasi struktur və ya hərbi-siyasi klubdur. Ona görə də burada əsas orbitr rolunu Rusiya oynayır. Odur ki, İrəvandakı sammit Rusiyanın maraqlarına uyğun formada keçiriləcək.
İrəvan sammitinin diqqət çəkən məqamı toplantı çərçivəsində Putin-Paşinyan görüşü olacaq. Çünki İrəvanın Rusiyadan uzaqlaşama siyasəti Kremli ciddi narahat edir və bu məsələ görüşdə ciddi şəkildə bir daha müzakirə olunacaq. İrəvanın Qərbə meyillik siyasəti Kreml tərəfindən heç cür həzm edilmir və hər vəchlə bunun qarşısını almağa çalışır. Moskva indiyədək olduğu kimi, bundan sonra da bölgədə əsas orbitr rolunu davam etdirmək üçün İrəvana öz mesajlarını çatdıracaq.
Azərbaycan Respublikasının Prezidenti İlham Əliyev noyabrın 22-də Formula 1 Qrupunun idarə heyətinin sədri və prezidenti Stefano Domenikalini və Formula 1 Qrupunun məsləhətçisi Flavio Briatolini qəbul edib.
Görüşdə Formula 1 yarışlarının Azərbaycanda uğurla keçirilməsinin önəmi vurğulandı, dünyada bu yarışlara marağın getdikcə artdığı bildirilib və yarışları seyr etmək üçün ölkəmizə xeyli sayda turistlərin gəldiyi məmnunluqla qeyd olunub.
Formula 1 Qrupunun idarə heyətinin sədri və prezidenti Stefano Domenikali və Formula 1 Qrupunun məsləhətçisi Flavio Briatoli ölkəmizdə bu yarışların daha da inkişaf etməsi üçün əllərindən gələni əsirgəməyəcəklərini qeyd ediblər, yarışlara beynəlxalq və Azərbaycan ictimaiyyətini daha çox cəlb etməyə çalışdıqlarını deyiblər. Onlar artıq dünyada çox tanınan Bakı şəhər halqasının Formula 1 üzrə dünya çempionatının ən gözəl treklərindən biri olduğunu, bu yarışların keçirilməsi üçün Bakıda gözəl və müasir infrastrukturun yaradıldığını vurğulayıblar.
Görüşdə ölkəmizə xaricdə böyük marağın olduğu nəzərə alınaraq Formula 1 yarışlarını izləmək üçün çoxlu sayda tanınmış şəxslərin Azərbaycana dəvət olunması barədə fikir mübadiləsi aparılıb.
Stefano Domenikali və Flavio Briatoli Bakı şəhərinin gözəlliyinin, təmizliyinin və işıqlandırma sisteminin onlarda xoş təəssürat yaratdığını qeyd ediblər və bununla bağlı Prezident İlham Əliyevə təbriklərini çatdırıblar. Onlar paytaxtımızın gözəlliyi barədə məlumatın beynəlxalq səviyyədə daha geniş yayılması üçün səylərini əsirgəməyəcəklərini vurğulayıblar.
İşğaldan azad edilmiş torpaqlarımızda həyata keçirilən genişmiqyaslı bərpa-quruculuq layihələri ilə bağlı da dövlət başçısını təbrik edən qonaqlar həmin ərazilərdə yol hərəkətinin təhlükəsizliyi istiqamətində görülən işlərin, xüsusilə minlərlə kilometr yeni avtomobil yollarının çəkilməsinin əhəmiyyətini bildiriblər.
