 |
|
Yol polisinin işi 8 saata endirilib
Daxili İşlər naziri Vilayət Eyvazov yol polisi sistemində ciddi dəyişikliklər edib.
Yol-xeber.az xəbər verir ki, yol polislərinin iş rejimində bəzi dəyişikliklər olub. Belə ki, Bakı Şəhər Yol Polisi İdarəsində bəzi əməkdaşlar yollarda xidmətə yönəldilib.
Bakı şəhər Dövlət Yol Polisi İdarəsindən Avtosfer.az-a bildirilib ki, Daxili İşlər Naziri general-polkovnik Vilayət Eyvazovun əmri ilə həm Bakı şəhər Yol Polisi İdarəsində, həm də rayon yol polisi şöbələrində struktur dəyişiklikləri həyata keçirilib. Eyni zamanda bundan sonra yol polisləri 8 saat işləyəcəklər, yəni Bakı şəhərində yol polisi üçün 3 növbəli iş rejimi tətbiq olunacaq.idmətdə nöqsana yol verən bəzi YPX əməkdaşları cəzalandırılıb.
Azərbaycan Prezidentinin mətbuat katibi Azər Qasımov MDB Dövlət Başçıları Şurasının Aşqabadda keçirilən iclası çərçivəsində Prezident İlham Əliyev və Ermənistanın baş naziri Nikol Paşinyan arasında təmas barədə informasiyanı "Day.az"a şərh edib.
- İclasda iştirak edən dövlət başçılarının şərəfinə təşkil olunmuş rəsmi nahar zamanı protokol qaydalarına uyğun olaraq əlifba sırası ilə Azərbaycan Prezidenti İlham Əliyev və Ermənistanın baş naziri Nikol Paşinyan yanaşı əyləşiblər. Təbii ki, orada təmas olub. Söhbət zamanı Ermənistan-Azərbaycan Dağlıq Qarabağ münaqişəsi müzakirə olunub.
“Azərbaycan Dəmir Yolları” QSC-də Avstriyanın Federal Nəqliyyat, İnnovasiya və Texnologiya naziri Andreas Rayxhardtın rəhbərlik etdiyi nümayəndə heytəi ilə görüş keçirilib.
“Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov dəmir yolunda həyata keçirilən islahatlar, tranzit potensialının artırılması istiqamətində görülən işlər barədə danışıb. O, bildirib ki, coğrafı mövqeyinə rəğmən beynəlxalq və regional nəqliyyat layihələrinin reallaşmasında aktiv iştirak edir. Bakı-Tbilisi-Qars, Beynəlxalq Transxəzər Nəqliyyat Marşrutu, Şimal-Cənub, Cənub-Qərb nəqliyyat dəhlizlərinin fəaliyyətinin genişləndirilməsi təkcə iştirakşı ölkələrin deyil, eləc də digər region ölkələrinin inkişafında əhəmiyyətli rol oynayacaq, ölkələrimizin iqtisadi-ticarət əlaqələrini genişləndirəcək.
Görüşdə Azərbaycan və Avstriya dəmir yolları arasında qarşılıqlı əməkdaşlıq məsələləri müzakirə olunub.
Avstriyanın Federal Nəqliyyat, İnnovasiya və Texnologiya naziri Andreas Rayxhardt bildirib ki, son illər Azərbaycan ilə Avstriya arasında hər sahədə, o cümlədən iqtisadi sahədə əlaqələr genişlənir. Avstriya tərəfi olaraq biz bu əlaqələrin intensivləşdirilməsində, infrasrtuktur layihələrinin icrasında iştirak etməyə maraqlıyıq.
Müzakirələr zamanı ikitərəfli əlaqələrin bundan sonra daha da genişləndirilməsi qərara alınıb.
“Azərbaycan Dəmir Yolları” Qapalı Səhmdar Cəmiyyətində 13 oktyabr dəmir yolu işçilərinin peşə bayramı gününə həsr olunan tədbir keçirilib.
Yol-xeber.az xəbər verir ki, tədbirdə çıxış edən qurum sədri Cavid Qurbanov tədbir iştirakçılarını peşə bayramı günü münasibətilə təbrik edib. Bildirib ki, 139 illik tarixə malik olan Azərbaycan polad magistralı əzəmətli bir yol keçib:
"Ən azından onu deyə bilərəm ki, sədrlik etdiyim müddət ərzində fəxr edəcəyimiz, üzümüzə utanc gətirməyən işlər görmüşük. Qurum Nəqliyyat Nazirliyinin tərkibində olduğu müddət ərzində çox təəssüf ki, elə bir iş getməyib. Çox acı olsa da, bu həqiqəti deməliyik. Mənim beynimdə bir fikir var idi ki, köhnəlikdən, bizi arxaya çəkən, artıq olan hər şeydən qurtulmalıyıq. İstər insan resursları, istərsə də texniki baxımdan. Ona görə bir növ radikal tədbirlərin görülməsinə əl atdıq. Analiz edəndə gördük ki, 50 il muddətində dəmiryolları bir dənə də olsa, yeni vaqon almayıb. Ancaq indi gördüyümüz işlər göz qabağındadır. Hesab edirəm ki, yolumuz düzgündür".
Qeyd edək ki, həmin müddətdə Nəqliyyat naziri Ziya Məmmədov olub.
Daxili İşlər naziri Vilayət Eyvazov yol polisi sistemində ciddi dəyişikliklər edib.
BakuPost.az xəbər verir ki, yol polislərinin iş rejimi tamamilə dəyişdirilib, Bakı Şəhər Yol Polisi İdarəsində daha çox “rüşvət otaqları” kimi tanınan kabinetlər ləğv edilib, orada çalışan əməkdaşlar yollarda xidmətə yönəldilib.
Nazirin əmri ilə bu gündən başlayaraq yol polisləri iki gündən bir işləyəcəklər, iş saatı 18:00-da bitəcək. Gecələr isə növbəlilik əsasında çalışacaqlar.
İndiyə kimi sutkada az qala 14 saat işləyən polislər üçün bu, gözlənilməz qərar olub.
Vilayət Eyvazov Bakı Şəhər Yol Polisi İdarəsində təmizləmə işləri də aparıb. Bildirilir ki, onun tapşırığı ilə yoxlamalar aparılıb və 10 nəfər yol polisi əməkdaşı işdən uzaqlaşdırılıb, 20-yə yaxın əməkdaş barədə isə araşdırmalara başlanılıb.
Belarusiya Respublikasının Bobruysk şəhərində “Gənc Yol Hərəkəti İnspektorları”nın 47-ci toplantısı keçirilib.
Tədbirdə ölkəmizi “Yol Polisinin Gənc Köməkçisi” dəstəsinin üzvləri, 245 saylı tam orta məktəbin şagirdləri - Səma Balıyeva, Milana Əliyeva, Nigar Məlikova, Ayan Həmidova, Nurlan Məlikzadə, Zeynal Nəzirli, Anar Həsənli və Fərhad Ağazadə təmsil ediblər. Tədbirdə dəstəni 245 saylı tam orta məktəbin müəllimi Məlahət Ağayeva və Azərbaycan Respublikası Daxili İşlər Nazirliyinin Baş Dövət Yol Polisi İdarəsinin əməkdaşı, polis polkovnik-leytenantı İsa Deystani müşayət edib.
Belarus Respublikasının regionlarından, eləcə də MDB ölkələrindən tədbirə qatılan “Gənc Yol Hərəkəti İnspektorları” müxtəlif intellektual, bədii və idman müsabiqələri keçirmiş, rəqs və teatral bacarıqlarını nümayiş etdirmiş, izləyicilərə yol hərəkəti təhlükəsizliyinə həsr olunmuş tamaşalar göstərmişlər. Növbəti mərhələdə yol hərəkəti qaydalarına aid bilik müsabiqəsinə və viktorinalara qatılan tədbir iştirakçıları sonda yol hərəkəti təhlükəsizliyinə dair məlumatların mənimsənilməsinə həsr olunmuş oyunlarda iştirak etmişlər.
Azərbaycan Respublikasını təmsil edən “Gənc Yol Hərəkəti İnspektorları” dəstəsi toplantının bütün mərhələlərində yüksək aktivlik, bilik və bacarıq nümayiş etdirərək münsiflər heyətinin səs çoxluğu ilə müsabiqənin qalibi diplomuna layiq görülmüş, medal və kubokla mükafatlandırılmışlar.
Eyni zamanda, toplantının bağlanış mərasimində müsabiqə və viktorinalarda fəal iştirak edərək qalib gəlmiş bir neçə həmvətənlimizə fərdi diplom və hədiyyələr təqdim edilmiş, habelə bütün dəstə üzvlərinə dövlətlərarası toplantıda iştirak etmələrini təsdiq edən şəhadətnamələr təqdim olunmuşdur.
Tədbirdə çıxış edən iştirakçı yeniyetmələr həmyaşıdları ilə ünsiyyət qurmalarını, bilik və təcrübələrini digər dövlətlərdən olan üşaqlarla bölüşmələrini toplantının əsas dəyəri kimi qiymətləndirmiş, təmsil etdikləri ölkəyə və məktəbə qayıtdıqdan sonra əldə etdikləri bilikləri digər şagirdlərlə paylaşacaqlarını böyük coşqu hissi ilə vurğulamışlar.
Qeyd edək ki, bu Azərbaycanın “Yol Polisinin Gənc Köməkçisi” dəstəsinin beynəlxalq toplantılarda qazandığı sayca 3-cü qələbəsidir.
Azərbaycan Respublikasının Prezidenti İlham Əliyev oktyabrın 10-da Türkiyə Respublikasının Təhsil naziri Ziya Selçukun başçılıq etdiyi nümayəndə heyətini qəbul edib.
Gəncə şəhəri 1500 ailəlik Yeni qəsəbədə yerləşən Mədəniyyət sarayında, Kəlbəcər rayon İcra Hakimiyyəti və “Aşıq Şəmşir” Mədəniyyət Ocağı İctimai Birliyinin birgə təşkilatçılığı ilə Azərbaycan Yazıçılar Birliyinin üzvü, əməkdar müəllim, şair-publisist Mirsəyyaf Zamanlının 70 illik yubileyi keçirilib. Tədbirdə rayon İca Hakimiyyətinin başçısı Aqil Məmmədov, rayon ictimaiyyətinin nümayəndələri, İcra Hakimiyyəti başçısı aparatının məsul şəxsləri və digər dəvət olunmuş qonaqlar iştirak ediblər.
Əvvəlcə “Azərbaycan Dəmiryolları” Qapalı Səhmdar Cəmiyyətinin sədri, Milli Məcisin deputatı Cavid Qurbanovun yubiliyara təbrik məktubu oxunub. Sonra çıxış edən “Aşıq Şəmşir” Mədəniyyət Ocağı İctimai Birliyinin sədr müavini Həbib Misirov yubilyarı və tədbir iştirakçılarını İctimai Birliyin sədri, el ağsaqqalı Qənbər Şəmşiroğlunun adından salamlayıb, Mirsəyyaf Zamanlıya ədəbi-bədii yaradıcılığında uğurlar arzulayıb.
Çıxış edənlər – folklorşünas alim, şair Adil Cəmil, Kəlbəcər ədəbi mühitinin tədqiqatçısı, filologiya üzrə fəsləfə doktoru İlham Məmmədli, Bakı Dövlət Universitetinin dosenti Ələmdar Cabbarlı və başqaları Mirsəyyaf Zamanlının bədii yaradıcığından geniş şəkildə bəhs etdilər, onun Kəlbəcər ədəbi mühitinin zənginləşməsindəki xidmətlərini xüsusi vurğuladılar.
Tədbirdə çıxış edən Kəlbəcər rayon İcra Hakimiyyətinin başçısı Aqil Məmmədov yubiliyarı rayon ictimaiyyəti və öz adından təbrik edib, ona yaradıcılıq uğurları arzulayıb.
Sonda şair Mirsəyyaf Zamanlı çıxış edərək tədbirin təşkilinə görə Kəlbəcər rayon İcra Hakimiyyətinə və “Aşıq Şəmşir” Mədəniyyət Ocağı İctimai Birliyininin sədri Qənbər Şəmşiroğluna, millət vəkili Cavid Qurbanova, eləcə tədbir iştirakçılarına minnətdarlığını bildirib.
Yol-xeber.az Ölkəmizin ictimai və mədəni həyatında xüsusi rolu ilə seçilən “Aşıq Şəmşir” Mədəniyyət Ocağı İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə həyata keçirdiyi “Çağdaş aşıqlarımızın poetik yaradıcılığında vətənpərvərlik və qəhrəmanlıq mövzusu” layihəsi çərçivəsində bölgələrdə görüşlər keçirməyə başlayıb.
Layihə çərçivəsində Qazax rayonunda keçirlən tədbirdə qeyd olunub ki, layihənin əsas mahiyyəti çağdaş aşıqlarımızın vətənpərvərlik və qəhrəmanlıq mövzusunda yazdıqları şeirlərdən ibarət kitab hazırlamaqdır. Bildirlib ki, dövrümüzdə yaşayan, aşıq sənəti ilə yanaşı, poetik yaradıcılıqla da məşğul olan aşıqlarımızın əsərlərində ölkəmizin müstəqilliyi, dövlət quruculuğunun möhkəmləndirilməsi, ümummilli liderimiz Heydər Əliyev siyasətinin dönmədən həyata keçirilməsi, eləcə də torpaqlarımızın erməni işğalından azad olunması uğrunda öz canlarından keçmiş qəhrəman oğullarımızın tərənnüm olunması mühüm yer tutur. Xüsusi vurğulanıb ki, ölkəmizin müharibə vəziyyətində olduğu bir vaxtda xüsusilə də gənclərin vətənpərvərlik və qəhrəmanlıq ruhunun daha da artırılması üçün aşıqlarımızın bu mövzularda yazdığı şeirlərin geniş ictimaiyyət arasında təbliğ olunması vacibdir.
Tədbirdə çıxış edən folklorşünas Məhəmmədəli Məşədiyev, Azərbaycan Yazıçılar Birliyinin Qazax zona filialının ədəbi məsləhətçisi Mustafa Rasimoğlu, şair Mübariz Qaragözlü, aşıqlardan Saqif Məzəmli, Samir Cəlaloğlu, Ruslan Mustafayev və başqaları layihənin əhəmiyyətindən bəhs ediblər, belə bir layihənin xüsuslilə gənclərin vətənpərvərlik ruhunda böyüməsi baxımından önəm daşıdığını ifadə ediblər.
Görüş iştirakçıları bu cür layihəyə verdiyi dəstəyə görə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına və eyni zamanda layihənin icraçısı - “Aşıq Şəmşir” Mədəniyyət Ocağı İctimai Birliyinin rəhbərliyinə minnətdarlıqlarını bildiriblər. 
Azərbaycan Respublikasının Prezidenti İlham Əliyev oktyabrın 9-da Gürcüstanın Baş naziri Giorgi Qaxariyanı qəbul edib.