Millət vəkili Qənirə Paşayeva Beynəlxalq Qadın tədbiri çərçivəsində Afrikanın qadın millət vəkilləri, siyasi-ictimai fəalları və təşkilat rəhbərləri ilə görüşlər keçirib.

Axar.az xəbər verir ki, deputat Afrikanın fəal qadınları ilə görüşdə qarşılıqlı səfərlərin vacibliyi, münasibətlərin və əməkdaşlığın inkişafı üçün böyük prespektivlərin olduğunu vurğulayıb.

Afrikanın qadın millət vəkilləri və siyasi-ictimai xadimləri təmsil etdikləri ölkələrin Azərbaycanla dostluğun inkişafına böyük önəm verdiklərini qeyd ediblər.

Görüşlər zamanı millət vəkili Azərbaycan qadınlarının cəmiyyətdə rolu və Qarabağ həqiqətləri ilə bağlı da məlumatlar verib. Q.Paşayeva 1 milyon azərbaycanlının, yüz minlərlə azərbaycanlı qadının fundamental insan haqlarının bu gün də Ermənistan tərəfindən pozulduğunu diqqətə çatdırıb.

Deputat beynəlxalq aləmdə nüfuzlu qadınları Ermənistanın törətdiyi vandalizm aktlarına laqeyd qalmamağa çağırıb.

Millət vəkili görüşdə həmçinin Azərbaycanın iqtisadi, turizm potensialı, mədəniyyəti barədə də danışıb.

 

 

 

Twitter