 |
|
Rusiyanın Stavropol diyarında Azərbaycan vətəndaşlarını daşıyan mikroavtobus aşıb, yaralanan var.
“Qafqazinfo”nun Trend-iə istinadən verdiyi məlumata görə, mikroavtobusda 13 sərnişin olub, onlardan 6-sı xəsarət alıb.
Qeyd olunur ki, Azərbaycandan Moskvaya yollanan “Mercedes” markalı mikroavtobus Levokumsk kəndi yaxınlığında aşıb. Xəsarət alanlar yerli xəstəxanaya yerləşdirilib.
***
“TASS” agentliyi xəbər verir ki, Rusiyada Azərbaycan vətəndaşlarını daşıyan mikroavtobusun qəzaya uğraması nəticəsində ümumilikdə 13 nəfər xəsarət alıb.
Hadisə nəticəsində biri azyaşlı olmaqla xəsarət alan 3 nəfərin vəziyyəti ağırdır, daha 10 nəfər isə yüngül xəsarətlərlə xəstəxanaya yerləşdirilib.
Yaralananların Bakı sakinləri olduğu bildirilir.
Gürcüstanda yayılan А(H1N1) - “Donuz qripi” virusu ilə əlaqədar Azərbaycanın qonşu ölkə ilə olan "Sınıq Körpü" gömrük sərhəd-buraxılış məntəqəsində profilaktik tədbirlər həyata keçirilir.
“Qafqazinfo”nun "Report"a istinadən məlumatına görə, Dövlət Gömrük Komitəsinin (DGK) əməkdaşları xüsusi qoruyucu geyimlərdən istifadə etməklə ölkəyə daxil olan nəqliyyat vasitələrini, xüsusilə onların təkərlərini müxtəlif kimyəvi maddələrlə dezinfeksiya edirlər.
Daha sonra avtomobillər "yaşıl xətt"ə buraxılırlar.
İstər “donuz qripi”, istərsə də “quş qripi”nin əsas əlamətləri qızdırma simptomudur. Buna görə də, bütün sərhəd-keçid məntəqələri lazımi termoqurğularla təchiz olunub.
Yoxlama və müşahidə tədbirləri vətəndaşların xəbəri olmadan aparılır. Yüksəklikdə quraşdırılan termal kamera hər kəsi asanlıqla müşahidə edir və hərarəti müəyyən edir.
DGK bu işdə mütəmadi olaraq Səhiyyə Nazirliyi ilə əməkdaşlıq edir. Bundan başqa, Səhiyyə Nazirliyi, habelə şəhər və rayonların gigiyena və epidemiologiya mərkəzlərinin rəhbərləri ilə məlumat mübadiləsi və digər zəruri qarşılıqlı fəaliyyətin təşkili üçün mütəmadi əlaqə mexanizmləri müəyyən edilib.
Astara şəhərində ər və arvad arasında bıçaqlaşma olub.
“Qafqazinfo”nun "Report"a istinadən məlumatına görə, hadisə 1981-ci il təvəllüdlü Astara rayonu Şahağacı kənd sakini Yeganə İltifat qızı Hüseynova və onunla qeyri-rəsmi nikahda olan, 1986-cı il təvəllüdlü Təngərüd kənd sakini Hüseynov Kamin Kazım oğlunun "Qum" küçəsində kirayədə qaldıqları evdə baş verib.
Aralarında yaranan şəxsi münaqişə zamanı Y.Hüseynova meyvə qabındakı bıçaqla K.Hüseynovun boyun nahiyəsinə xəsarət yetirib. Ardınca K.Hüseynov bıçağı onun əlindən alaraq qadına 4 zərbə endirib. Hadisə zamanı evdə Y.Hüseynovanın əvvəlki nikahdan olan yeniyetmə qızı olub. Hər iki yaralı Lənkəran Rayon Mərkəzi Xəstəxanasına çatdırılıb. Onlar əməliyyat olunduqdan sonra Reanimasiya şöbəsinə yerləşdiriliblər.
Faktla bağlı araşdırma aparılır.
13:37
Rusiyanın Stavropol vilayətində içərisində azərbaycanlılar olan avtobus qəzaya uğrayıb.
Bu il daha çox vətəndaşın ipoteka kreditindən yararlanmaq imkanı olacaq.
.jpg)
Gürcüstanda yayılan А(H1N1) - donuz qripi virusu ilə əlaqədar Azərbaycanın qonşu ölkə ilə olan "Sınıq Körpü" gömrük sərhəd-buraxılış məntəqəsində profilaktik tədbirlər həyata keçirilir.
Urmu Gölünü Canlandırma Mərkəzinin hazırkı planına görə, gölün cənub hissəsinə su çatdırılmayacaq.
Ərdəbil Əyaləti Prokurorluğu şirkətlər tərəfindən kəsilən meşə ağaclarının Ərdəbil əyalətindən keçərək şimal əyalətlərinə daşınmasına qadağa qoyub.
Son 4 ay ərzində islam ölkələrindən ümumilikdə 2 milyon 180 min nəfər həcc ziyarətinə gedib.
Axar.az xəbər verir ki, bu barədə Səudiyyə Ərəbistanının Həcc və Ümrə Nazirliyi məlumat yayıb.
Nazirliyin hesabatına görə, siyahıda Pakistan (600,015 nəfər) birinci, İndoneziya (394,027 nəfər) ikinci, Hindistan (281,589 nəfər) üçüncü yeri tutub. Qardaş Türkiyə isə 60,086 nəfərlə səkkizinci yerdə qərarlaşıb. Türkiyə həm də son 4 ay ərzində islam ölkələri arasında həcc ziyarətinə ən çox rəğbət göstərən 10 ölkədən biri olub.
Əksər sürücülər avtomobil hissələrinin baha olması səbəbindən detalları keyfiyyətsiz məhsullarla əvəz edirlər. Ustalar isə sürücülərə xəbərdarlıq edirlər.
ARB TV xəbər verir ki, ucuz ehtiyyat hissələri sürücüləri ikiqat ziyana salmaqla yanaşı, həm də sizi canınızdan edə bilər.
Telman Abdullayev (sürücü): "Bir ay öncə "termostat”ı 10 manata aldım. İndi də təzəsini aldım, eyni şeydir. Ustapulunu da hesablasaq, 15 manat edir”.
Keyfiyyətli məhsulların qiyməti sürücülər üçün əlçatan deyil. Bu səbəbdən sükan sahibləri əksər hallarda ucuz ehtiyyat hissələri alır.
Telman Şükürov (sürücü): "Yolda qalmaq, ustaya gəlib-getmək vaxtımızı alır. Mahiyyəti 10 manata başa gəlirsə, mənə 20, 30 manat ziyan vurur. Maşın yolda xarab olanda evakuator çağırırıqsa, ona da pul veririk. Bunların hamısı xərcdir”.
Orijinal olmayan ehtiyyat hissələrin sıradan çıxması sürücü ilə usta arasında anlaşılmazlığa səbəb olur. Sürücü ikiqat xərc çəkirsə, usta keyfiyyətsiz məhsula görə eyni işi bir neçə dəfə görməli olur.
Azər Quliyev (usta): "Vaxt olub ki, yüksək bir məbləğ müqabilində bir işi görmüşəm. Bir neçə gün sonra həmin adam eyni problemə görə gəlib. Eyni işə görə həm müştəri ziyana düşür, həm də mən”.
Süleyman Əhmədov (usta): "Bəzi hallar olub ki, "paçebnik”lər dəyişilib, qapının ağzında yenidən tökülüb. Məsləhət görərdim ki, orijinal ehtiyyat hissələri alınsın. Lakin müştərinin imkanı və ya orijinal hissənin mağazada olmaması bizi qeyri-orijinal hissələr istifadə etməyə sövq edir”.
Satıcılar da maşının detallarının keyfiyyətinə önəm verməyi tövsiyə edir. Ucuz avadanlıqların tez sıradan çıxması sükan sahiblərini növbəti dəfə xərcə salır.
İmran Mədətov (satıcı): "”Mersedes"in Almaniyadan gələn "şaravoy”u 30, 35 manat arasında olursa, digər ölkələrdən gələn ucuz mallar 10, 15 manat fərq edir. Müştərilər özlərini aldatmasınlar. Təmiz mal istəsinlər. Onlara keyfiyyətli hissələr verilsin ki, həmin malın zəmanəti də olur”.
Avtomobilə ehtiyyat hissələri alındıqda usta ilə məsləhət etmək və ya zəmanətli detal almaq məsləhət görülür.