 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
İran Prezidenti İbrahim Rəisinin olduğu helikopterin bütün sərnişinləri həlak olub.
İran mediası xəbər verir ki, bu barədə İranın Qızıl Aypara Cəmiyyətinin rəhbəri Pir Hüseyn Kulivand bildirib.
“Qəzaya uğrayan helikopterin yeri tapıldıqda, onun sərnişinlərinin canlı olmasına dair heç bir əlamət aşkar edilməyib”, - o deyib.
Qeyd edək ki, helikopter qəzasında həlak olanların adları açıqlanıb:
1 Prezident İbrahim Rəisi
2 Höccətül-İslam Seyid Məhəmməd Əl Haşemi
3 İmam Cümə Təbrizi
4 Xarici işlər naziri Hüseyn Əmir Abdullahian
5 Şərqi Azərbaycanın qubernatoru Malik Rəhməti
6 Pilot
7 İkinci pilot,
8 Sərnişin köməkçisi,
9 Mühafizə dəstəsinin rəhbəri
10 Mühafizəçilərdən biri olub.
İran Prezidenti İbrahim Rəisinin olduğu helikopterin bütün sərnişinləri həlak olub.
“Report” TASS-a istinadən xəbər verir ki, bu barədə İranın Qızıl Aypara Cəmiyyətinin rəhbəri Pir Hüseyn Kulivand bildirib.
“Qəzaya uğrayan helikopterin yeri tapıldıqda, onun sərnişinlərinin canlı olmasına dair heç bir əlamət aşkar edilməyib”, - o deyib. Təyyarədə həmçinin xarici işlər naziri Hüseyin Əmir Abdullahiyan, Şərqi Azərbaycan əyalətinin qubernatoru Malik Rahmati və Təbriz şəhərinin cümə imamı Məhəmməd Ali əl-Haşim də olub.
Xəbər verdiyimiz kimi, İran Prezident Seyid İbrahim Rəisini daşıyan helikopter Uzi və Pir Davud kəndləri arasındakı Dizmar meşə sahəsində qəzaya uğrayıb.
"Mehr" agentliyi prezidentin olduğu helikopterin dağlıq ərazidə sərt eniş etməsindən bir saat əvvəl uçuşunun videosunu yayıb.
İran Prezidenti İbrahim Rəisinin mayın 19-da Ermənistana nəzərdə tutulan səfəri baş verən helikopter qəzası ilə bağlı təxirə salınıb.
Bu barədə TASS məlumat verib.
Qeyd edilib ki, mayın 19-da Rəisinin Ermənistan ərazisində nəqliyyat dəhlizlərinin açılışında iştirak edəcəyi gözlənilirdi.
İran Silahlı Qüvvələrinin Baş Qərargah rəisi Məhəmməd Bagiri ordunun bütün qüvvələrinin, İslam İnqilabı Keşikçiləri Korpusu (SEPAH) və polisin prezident İbrahim Rəisinin olduğu helikopterin axtarışına cəlb edilməsi barədə göstəriş verib.
Bu barədə İRİB məlumat yayıb.
Qeyd edək ki, İran Prezidenti İbrahim Rəisi və XİN rəhbəri Hüseyn Əmir Abdullahianın olduğu helikopter qəzaya uğrayıb. Xilasedicilər hələ də qəza yerini tapmayıblar.
İran Prezidenti İbrahim Rəisini daşıyan helikopter qəzaya uğrayıb.
“Qafqazinfo” xəbər verir ki, bu barədə “Tasnim” agentliyi məlumat yayıb.
Bildirilib ki, qəza İranın Şərqi Azərbaycan vilayətində baş verib.
Qeyd olunub ki, dövlət başçısının kolonunda ümumilikdə üç helikopter olub: onlardan ikisi təyinat nöqtəsinə çata bilib.
***
“Tasnim”in xəbərinə görə, İranın xarici işlər naziri də qəzaya uğrayan helikopterin göyərtəsində olub.
Hazırda xilasedici qruplar hadisə yerinə çatmağa çalışır, əlverişsiz hava şəraiti onlara maneə olur.
Ermənistanın Baş naziri Nikol Paşinyan heç bir halda müxalifətin tələbi ilə istefaya getməyə hazırlaşmır.
Axar.az xəbər verir ki, bunu Ermənistan parlamentinin Xarici əlaqələr üzrə daimi komissiyasının sədri, hakim "Mülki Müqavilə" Partiyasından olan deputat Sərkis Xandanyan deyib.
O, həmçinin növbəti parlament seçkilərinin 2026-cı ildə keçiriləcəyini qeyd edib.
Misir Qəzza zolağının sərhədindəki Rəfah keçidinin və onun sonrakı idarəsinin yenidən açılması üçün İsrailin koordinasiyalı fəaliyyət təklifini rədd edib.
Bu barədə Misir təhlükəsizlik xidmətindəki mənbələrə istinadən "Reuters" agentliyi məlumat yayıb.
İsrailin təklifi İsrail qoşunlarının çıxarılmasından sonra sərhəd postunun idarə olunması mexanizmini ehtiva edirdi. Lakin Misir israr edir ki, Rəfah keçidinə nəzarət yalnız Fələstin hakimiyyəti tərəfindən həyata keçirilməlidir.
İsrailin Baş Təhlükəsizlik Xidmətinin (Şin Bet) nümayəndələri bu planı mayın 15-də Qahirəyə səfəri zamanı İsrailin Rəfahda hərbi əməliyyatlara başlamasından sonra iki ölkə arasında artan gərginlik fonunda təqdim ediblər.
Hakan Fidana 3 yeni müavin təyin edilib.
Türkiyə prezidenti Rəcəb Tayyib Ərdoğanın sərəncamı ilə xarici işlər naziri Hakan Fidana yeni müavinlər təyin olunub. Prezidentin sərəncamı "Rəsmi Qəzet"də dərc olunub.
Prezident Ərdoğanın sərəncamı ilə Ayşe Berris Ekinci, Nuh Yılmaz və Burhanəddin Duran xarici işlər nazirinin müavinləri təyin edilib.
ABŞ iki Rusiya vətəndaşı və Moskva ilə Pxenyan arasında hərbi-texniki əməkdaşlıqda iştirak etdiyi iddia edilən üç Rusiya şirkətinə qarşı sanksiyalar tətbiq edib.
Bu barədə ABŞ Maliyyə Nazirliyinin saytında məlumat verilib.
Belə ki, rusiyalılar və departamentin hesab etdiyi kimi, onlarla əlaqəli şirkətlər Rusiya ilə KXDR arasında silah ötürülməsini asanlaşdırdıqlarına görə sanksiya siyahısına daxil edilib.