 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
Polşa Türkiyədən sifariş verdiyi “Bayraktar TB2” pilotsuz uçuş aparatlarının hamısını əldə edib.
Bu barədə Şərqi Avropa ölkəsinin müdafiə nazirinin müavini Pavel Beyda sosial şəbəkədə bildirib.
“Bu, Türkiyənin “Bayraktar TB2” dronlarının əvvəllər sifariş edilmiş tədarüklərinin sonuncu partiyasıdır – müqavilə Polşa Hərbi Hava Qüvvələrini gücləndirəcək dörd dəst pilotsuz uçuş aparatının alınmasını nəzərdə tuturdu. Beləliklə, Polşa Qoşunları (Polşa Silahlı Qüvvələrinin qeyri-rəsmi adı – red.) dünyanın bir çox ordularının istismar etdiyi müasir texnika ilə zənginləşir”, – Beyda yazıb.
Xatırladaq ki, Polşa 2021-ci ilin mayında Türkiyədən 24 ədəd “Bayraktar TB2” PUA-sı sifariş etmişdi.
Polşanın Baş naziri Donald Tusk Slovakiyanın Baş naziri Robert Fikoya qarşı sui-qəsd cəhdindən sonra hədələr almağa başlayıb.
Bu barədə Polşa hökumətinin başçısı "X" sosial şəbəkəsində danışıb.
Polşalı siyasətçi təhdidlərdən birini göstərərək, belə mesajların çox olduğunu qeyd edib.
"Slovaklar bizə öz nümunələri ilə Donald Tuskla nə etmək lazım olduğunu göstərdilər" - təhdis vezajında bildirilib.
Bundan əvvəl Serbiyada polis ölkə prezidenti Aleksandr Vuçiçə hədə-qorxu gələn şəxsi saxlayıb. Daxili işlər naziri İvitsa Daçiç bildirib ki, həmin şəxs respublika prezidentinin təhlükəsizliyinə təhdidlərə görə polis tərəfindən 48 saat ərzində saxlanılıb.
Xatırladaq ki, Slovakiyanın baş naziri mayın 15-də Handlovda ölkənin Nazirlər Kabinetinin iclasının keçirildiyi binanın yaxınlığında atışma nəticəsində yaralanıb. Siyasətçi binanın yaxınlığında toplaşan insanlara yaxınlaşıb, bundan sonra bir neçə dəfə atəş açılıb. Hücum edən şəxs saxlanılıb.
San-Franskoda hər il evsiz adamlara alkoqollu içkilər verilməsinə 5 milyon dollar xərclənir.
“Medicina” xəbər verir ki, əslində milli sağlamlıq çərçivəsində həyata keçirilən bu layihədə məqsəd bu adamların il ərzində içdiyi alkoqolu məhdudlaşdırmaqdır. Belə olduğu halda evsizlər dövlətin gözlədiyi pulsuz payı gözləyir.
Verilən içkilər siyahısında pivə, araq və şərab var.
Eləcə də layihəyə alkoqolizmdən sağalmaq istəyən pasiyentlər müraciət edir. Onları otel otağında təcrid edirlər və hər gün müəyyən dozada spirtli içki verilir, həkim nəzarəti olur.
Getdikcə onlarda iradə möhkəmliyi olur, orqanizm tədricən dozaya tələbatı azaldır, özlərini yaxşı hiss edirlər.
Bu layihə başladıqdan sonra şəhər rəsmiləri alkoqoliklərin təcili yardıma ağırlaşmış halda müraciətləri azalıb, eləcə də şəhər barlarına axın azalıb.
Bununla da təxirəsalınmaz çağırışlardan şəhər 2 milyon qənaət edib.
Bu cür metodları evsizləri xəstəxana, həbsxanaya düşməkdən, hətta ölümdən də xilas edir.
Vaşinqton ərəb ölkələrindən müharibə başa çatdıqdan sonra Qəzza zolağına sülhməramlılar göndərməyi xahiş edir.
Bu barədə "Financial Times" nəşri yazıb.
Bildirilib ki, Bayden administrasiyası ərəb dövlətlərini müharibə bitdikdən sonra Qəzza zolağına yerləşdiriləcək sülhməramlı qüvvələrdə iştirak etməyə çağırır.
"ABŞ bunu etibarlı Fələstinin təhlükəsizlik aparatı yaradılana qədər sektorda boşluğu doldurmaq ümidi ilə edir", - məqalədə yazılıb.
Qeyd edilib ki, Misir, BƏƏ və Mərakeş bu təşəbbüsü nəzərdən keçirir, digər ərəb dövlətləri, o cümlədən Səudiyyə Ərəbistanı, “İsrailin əməkdaşları” kimi görünmək qorxusundan öz qüvvələrini yerləşdirmək ideyasını rədd edir.
"Bayden Qəzza zolağında ABŞ hərbçilərini yerləşdirmək istəmir, lakin ərəb ölkələri hesab edirlər ki, istənilən səylər ABŞ rəhbərliyi altında həyata keçirilməlidir", - nəşr yazıb.
Ermənistanda növbədənkənar seçkilər keçirilərsə, xalqın kimə etimad edəcəyi ilə bağlı sorğu keçirilib. Nə qədər qəribə olsa da, hətta erməni mediasına əsasən narazılıqlar geniş vüsət alsa da, sorğuların nəticəsinə görə, Paşinyanın komandası Ermənistanda ən yüksək reytinqə də sahibdir.
Mayın 15-də Ermənistanda “GALLUP Beynəlxalq Assosiasiyası”nın tamhüquqlu üzvü MPG MMC-nin direktoru Aram Navasardyan mətbuat konfransında mayın 13-14-də “Vətən üçün Tavuş” hərəkatı ilə bağlı keçirdiyi “Liderlik” sorğusunun nəticələri təqdim edib.
Qeyd olunub ki, “gələn bazar günü parlament seçkiləri olsa, hansı partiyaya və ya partiyaların ittifaqına səs verəcəksiniz?” sualına vətəndaşlar belə cavab veriblər:
Paşinyanın liderlik etdiyi “Vətəndaş müqaviləsi” partiyası - 12,8 %;
Keşiş Baqrat Srbazan - 3.9%;
Robert Köçəryanın lideri olduğu "Ermənistan" alyansı - 3,5%;
Vardan Qukasyan - 2.1%;
Serj Sarqsyanın "Respublika" partiyası - 0,9%;
"Daşnaksütun" - 0.6%;
"Mənim şərəfim" bloku - 0,5%;
Sabiq ombudsman Arman Tatoyan - 0.5%;
PAP - 0.5%;
Suren Petrosyan - 0,3%
Levon Şirinyan - 0,2%
NDB - 0.2%:
Digərləri - 1 % .
Bu onu göstərir ki, Ermənistanda xalq hakimiyyətdən nə qədər narazı olsa da, digərləri ilə müqayisədə yenə də Paşinyana etimad göstərirlər.
ABŞ Prezidenti Co Baydenlə Respublikaçılar partiyasından prezidentliyə real namizəd Donald Tramp arasında ilk üzbəüz debatın yeri və tarixi açıqlanıb.
“Qafqazinfo” xəbər verir ki, CNN iyunun 27-də yerli vaxtla saat 21:00-da Atlanta şəhərində yerləşən binasında debata ev sahibliyi edəcəyini bildirib. Debat telekanal vasitəsilə canlı yayımlanacaq.
Qeyd edək ki, bu gün Co Bayden sosial media vasitəsilə müraciətində sabiq prezident Donald Trampı debata çağırıb, Tramp isə cavabında hazır olduğunu və bunu istədiyini bildirib.
ABŞ dövlət katibi Entoni Blinken Kiyevə səfəri çərçivəsində gecə klublarından birində olub. O nəinki gecə klubunda əylənib, eyni zamanda səhnəyə çıxaraq mahnı oxuyub və gitara çalıb.
Mayın 14-də Blinkenin Ukrayna paytaxtına elan edilməmiş səfəri qeyri-adi proqramı ilə yadda qalıb.
Axşam isə gecə klubunda olub. Gecə klubunda olan Blinken səhnədə yer alaraq mahni ifa etməklə yanaşı, gitara da çalıb.
Türkiyə prezidenti Rəcəb Tayyib Ərdoğan dövlət çevrilişi təhlükəsi ilə bağlı xəbərlərin ortaya çıxmasından sonra təhlükəsizlik rəhbərləri ilə təcili toplantı keçirib.
Bu barədə "Türkiyə" qəzeti məlumat yayıb.
MHP lideri Baxçalının "Ayhan Bora Kaplan" cinayət təşkilatına qarşı istintaqda adı keçən 3 polis məmuru ilə bağlı xəbərdarlıqlarından sonra prezident Rəcəb Tayyib Ərdoğan MİT sədri İbrahim Kalın və ədliyyə naziri Yılmaz Tunçla görüşüb.
Beştəpədə keçirilən kritik zirvənin MHP lideri Baxçalının Ankara Polis İdarəsində baş verənlərlə bağlı xəbərdarlıqlarından sonra baş tutduğu iddia edilir. Bəzi iddialara görə, toplantıda kəşfiyyat və məhkəmə sahəsində məsələlər müzakirə olunub.
Nəşrin yazdığına görə, "Ayhan Bora Kaplan" cinayət təşkilatı ilə bağlı iddialarda adı keçən və Daxili İşlər Nazirliyi tərəfindən vəzifəsindən uzaqlaşdırılan Ankara İl Polis İdarəsində baş verən hadisələr gündəmdə qalmaqda davam edir. Fəaliyyəti dayandırılmış 3 polis əməkdaşının evlərində rəqəmsal materialların götürülməsi üçün axtarış aparılıb.
“Sabah” qəzetinin xəbər koordinatoru Əbdürrəhman Şimşəkin iddialarına görə, Ərdoğan bu məsələni müzakirə etmək üçün MİT sədri İbrahim Kalın və ədliyyə naziri Yılmaz Tunçla görüşüb. Məsələ ilə bağlı mühüm addımların atılacağı iddia edilir.
"Türkiyə" qəzetinin digər "Qaranlıq plan fəaliyyətdədir. Yeni 17/25 dekabrın hədəfi Cümhur İttifaqıdır" məqaləsində isə MHP sədri Dövlət Baxçalı partiyasının qrup toplantısındakı çıxışından sitat gətirərək yazıb: "Biz davam edən bütün qeyri-qanuni təmas və əlaqə şəbəkələrindən xəbərdarıq. Bir neçə polis rəisinin vəzifədən uzaqlaşdırılması ilə aradan qaldırıla bilməyən bir sui-qəsd planı ortadadır. Əslində hədəf MHP, AK Parti, Cümhur İttifaqı və Türkiyədir”.
Nəşr yazır ki, "Ayhan Bora Kaplan" istintaqı ilə əlaqədar hökumətə qarşı əməliyyata hazırlaşan polis rəisləri vəzifəsindən azad edilərkən MİT çevriliş iddiaları üçün işə qarışdı. Son hadisələrin 17-25-ə bənzər bir sui-qəsd olduğu və yeni təşəbbüslərin polis, MİT, məhkəmə və Türkiyə Silahlı Qüvvələrindən gələ biləcəyi iddia edilir.
Nəşr onu da yazıb ki, admiral Cihat Yaycı 21 fevral 2024-cü il tarixli qəzetə açıqlamasında belə xəbərdarlıq etmişdi: “Hədəf ən gec 2026-cı ildir... MOSSAD-ın nəzarətində olan FETÖ xainləri və işbirliyində olanlar yeni çevrilişə hazırlaşır".
Admiral Yaycı bunları deyib: "Onların məhkəmə bürokratiyasındakı əvvəlki güclərini bərpa etmək zaman məsələsi deyil. Bu dəfə çox fərqli bir taktikaya əl atıblar. Türkiyəni hərbi yolla deyil, iqtisadi, siyasi və regional proseslərdə tarazlığı pozmağı planlaşdırırlar. Bunun üçün də əsas hədəfləri Ərdoğandır və hökumətin ölkəni idarə edə bilməyəcəyi təəssüratı yaratmaq istəyirlər. Geniş iştirakdan bəhs etdiyimiz çox ciddi bir məlumat axınımız var ki, bu, iqtisadiyyatı və milli bütövlüyünü iflic edəcək hər cür imkanları qiymətləndirir. Təəssüf ki, onlar da qala qapılarını saxlayırlar".
Prezident Ərdoğanın AK Partiya Qrup Toplantısında mövzu ilə bağlı mühüm açıqlamalar verəcəyi gözlənilir.
Məlum olduğu kimi, İrəvanda aksiyalar davam etməkdədir.
Ermənistan polisi ictimai asayişi pozanları saxlayır.
Bu dəfə onlar arasında Bakıda keçirilən I Avropa Oyunlarında iştirak etmiş Sose Balasanyan da olub.
O, Azərbaycanın paytaxtında uğursuz nəticəsi ilə yadda qalıb.
Görünür, uğursuzluğu onun taleyinə yazılıb, necə deyərlər, işğalçı düşüncəsinə qarşılıq olaraq həyat ona ədalətli cavab verib.
Xatırladaq ki, bu aksiyalarda bir qrup təxribatçı erməni Azərbaycan-Ermənistan sülhünə mane olmağa çalışır, qarşılıqlı razılaşmaların həyata keçməsinə mane olur.
ABŞ prezidenti Co Bayden Çindən gələn elektrikli avtomobillər, günəş panelləri və polad da daxil olmaqla bir sıra məhsullara əlavə gömrük rüsumlarının tətbiq ediləcəyini açıqlayıb.
ABŞ Çini texnologiya transferi, əqli mülkiyyət hüquqları və sahibkarlıq ilə bağlı ədalətsiz kommersiya təcrübələrində və süni şəkildə aşağı salınmış məhsullarla qlobal bazarları zəbt etməkdə ittiham edib.
Belə ki, bu il ABŞ Çindən gələn elektrik avtomobilləri üçün gömrük rüsumunu 25%-dən 100%-ə, günəş panelləri üçün vergini 25%-dən 50%-ə, bəzi alüminium və polad məhsullarına rüsumları isə 7,5%-dən 25%-ə qaldıracaq.
ABŞ həmçinin 2025-ci ilə qədər yarımkeçiricilərə vergini 25%-dən 50%-ə yüksəldəcək. Çindən gətirilən elektrik avtomobillərinin akkumulyatorlarına, çiplərinə və tibbi məhsullara oxşar tariflərlə əlavə gömrük rüsumları tətbiq ediləcək.
Qərar Baydenin Ağ Ev yarışında rəqibi olan keçmiş prezident Donald Trampın Çin istehsalı olan elektrikli avtomobillərin ABŞ avtomobil sənayesini məhv edəcəyi ilə bağlı aylarla tənqid etməsindən sonra verilib.
Ağ Evin dərc etdiyi açıqlamada planın Çindən 18 milyard dollarlıq idxalı əhatə edəcəyi bildirilib.