 |
|
Ermənistanın Baş naziri Nikol Paşinyan MDB liderlərinin Sankt-Peterburqda bu gün keçiriləcək qeyri-rəsmi sammitində iştirak etməyəcək.
Bu barədə məlumatı Paşinyan sosial şəbəkə hesablarında paylaşıb.
Bildirilib ki, buna səbəb onun koronavirusa yoluxması olub:
“MDB ölkələrinin liderlərinin bu gün Sankt-Peterburqda keçiriləcək qeyri-rəsmi sammitində iştirak etməyəcəyəm. Günün sonuna qədər Ali Avrasiya İqtisadi Şurasının sabah baş tutacaq iclasında iştirak edib-etməyəcəyimə dair qərar verəcəm”.
Britaniya silahlı qüvvələrinin 10 mindən çox üzvü döyüş əməliyyatlarına tibbi baxımdan yararsız hesab edilir.
Azərtac xəbər verir ki, bu barədə Böyük Britaniyanın Müdafiə Nazirliyi tərəfindən parlamentə təqdim olunan yazılı bəyanatda bildirilib.
Qeyd olunub ki, silahlı qüvvələrdə 99 min 560 nəfər tam döyüş qabiliyyətinə malikdir. Bununla yanaşı, 14 min 350 nəfər məhdud döyüş qabiliyyətlidir, 13 min 522 nəfər isə ümumiyyətlə döyüşə yararsızdır.
Bu o deməkdir ki, 14 min 350 nəfər yalnız müəyyən şərtlər altında döyüşdə iştirak edə bilər. Bu şərtlərə ekstremal hava şəraitindən, yüksək səs-küydən və ya kimyəvi maddələrdən uzaq qalmaq kimi tibbi tələblər daxildir.
Qeyd edək ki, bir müddət öncə müdafiə naziri Con Hili Britaniya ordusunun hazırkı vəziyyətdə müəyyən əməliyyatlar keçirmək iqtidarında olduğunu, lakin ölkəni düşmən hücumundan qorumaq və ya hər hansı bir işğalın qarşısını almaq iqtidarında olmadığını bildirmişdi.
ABŞ administrasiyası İsraili Suriyanın yeni hökumətinin başçısı Əhməd əş-Şara (Colani) ilə münasibətləri inkişaf etdirməyə çağırıb.
Bu barədə İsrail mediası məlumat yayıb.
“ABŞ rəsmiləri çağırışda Əş-Şara ilə əməkdaşlığın İsrailin bütün regionda təsirini gücləndirəcəyini bildiriblər. Onların fikrincə, Şara region ölkələri ilə strateji əlaqələri inkişaf etdirmək istəyən praqmatik liderdir", - məlumatda vurğulanıb.
Qeyd edilib ki, Dəməşqlə güclü əlaqə İranın Suriyaya qayıtmasının qarşısını ala bilər.
Danışıqların yalnız bir nəticəsi ola bilərdi - Qarabağın faktiki olaraq Azərbaycana qaytarılması.
Bunu Ermənistanın baş naziri Nikol Paşinyan feysbukdakı səhifəsində yazıb.
"Beləliklə, 1994-cü ildən, yəni atəşkəs başlayandan sonra Qarabağın Azərbaycana qaytarılması ətrafında danışıqlar prosesi gedirdi. Yəni danışıqların yalnız bir nəticəsi ola bilərdi: Qarabağın faktiki olaraq Azərbaycana qaytarılması.
Biz bunu etmədik və yuxarıda göstərilən danışıqlar prosesini əvvəlcədən müəyyənləşdirən beynəlxalq ictimaiyyət müharibəyə belə ciddi müqavimət göstərmədi. Reallıq budur, əziz xalqım.
Yaxşı, nə vaxt, niyə, necə etmədiyimiz, edə biləcəyimiz və ya edə bilməyəcəyimiz, edə bilmədiyimiz zaman — bu tamamilə fərqli bir söhbətin mövzusudur. Müxtəlif səbəblərdən ictimaiyyətlə danışdığım və bəzən yenidən danışacağım ciddi, dərin və əhatəli bir mövzu. Üç keçmiş prezidentə gəldikdə, indi onlara və ya nümayəndələrinə nə demək lazımdır. Onlar danışacaqlar, ya yox, məlum səbəblərə görə heç bir dəyəri yoxdur. Hörmətli üç keçmiş prezident! Mübahisə mövzusunda fikrinizi dəyişsəniz, deyin. Görüşənədək", - Paşinyan yazıb.
Suriyada Bəşər Əsəd rejimini devirən müxalif qüvvələr rəsmən nizami ordu strukturuna keçir.
keçid hökuməti təcili olaraq yeni ordunun qurulmasına start verib.
Yeni ordu ilkin olaraq İdlibdəki qruplarla, mərhələli olaraq Suriya Milli Ordusu, Dera-Kuneytra xəttindəki cənub qruplarını vahid bir qurum altında birləşdiriləcək.
Yeni administrasiyanın müdafiə naziri Murhaf Əbu Kasranın başçılığı ilə Dəməşqdə keçirilən toplantıda bölgə və qrup fərqi nəzərə alınmadan bütün Suriyanın müdafiəsini öz üzərinə götürəcək ordu sxemi müxalifət komandirləri ilə paylaşıb.
Yeni Suriya ordusunun qurulmasında Türkiyə yaxından iştirak edəcək.
Türkiyənin Suriyanın dəniz, hava və quru qüvvələrinin yenidən qurulması prosesinə fəal şəkildə məsləhətçi-ekspert dəstəyi verəcəyi öyrənilib.
Bundan əlavə, əldə edilmiş razılaşmalar tətbiq olunduqdan sonra Suriyanın 5 fərqli nöqtəsində Türkiyənin hərbi varlığı olacaq.
Suriyalı general Əhməd Osmanın sözlərinə görə, ilkin mərhələdə təcili olaraq 70-80 min nəfərlik ordu formalaşdırılması nəzərdə tutulur və mərhələli şəkildə bu sayın 300 minə çatdırılması nəzərdə tutulur:
"Dəməşqin məqsədi yaxın bir il yarım ərzində 300 min nəfərlik ordu strukturu yaratmaqdır. Daxildəki həssas vəziyyət və İsrail təhlükəsi bunu zəruri edir".
O eyni zamanda bildirib ki, Əsəd rejiminin süqut etdiyi gün 470 min nəfərlik bir polis, ordu və kəşfiyyat qüvvəsi olub. "Yeni ordu qurularkən rejimdə cinayətlə əlaqəsi olmayan zabitlər, kəşfiyyatçılar və sıravilərin də orduya cəlb olunması nəzərdə tutulur. Onlarla birlikdə ordunun sayı qısa zamanda 150-200 minə çatdırılacaq. Əsədin verdiyi koordinatlarla dağıdılan hərbi infrastrukturumuzu tez bir zamanda bərpa edəcəyik. Bu nöqtədə Türkiyənin hərbi dəstəyi fövqəladə əhəmiyyət kəsb edir".
Balıkəsirdə Kavaklı kəndində ZSR partlayıcı maddələr istehsal edən zavodunda güclü partlayış baş verib.
Balıkesir valisi İsmail Ustaoğlunun sözlərinə görə, hadisə səhər saat 08:25 radələrində partlayıcı maddələr istehsal edən zavodda baş verib.
"Partlayış nəticəsində 12 nəfər ölüb, 4 nəfər yaralanıb", - vali qeyd edib.
Məlumatda o da bildirilir ki, partlayış baş verən korpusun binası çöküb.
Hadisənin baş verməsi ilə bağlı cinayət işi açılıb.
Qəzza xalqına qarşı hücumlar bitənə qədər dayanmayacağıq.
husilərin siyasi bürosunun üzvü Hezam Əl-Əsəd İsrailə qarşı son raket hücumu ilə bağlı verdiyi açıqlamada deyib.
İsrail hökumətinə səslənən Əl-Əsədin sözlərinə görə, Netanyahu anlayacaq ki, onun yeni Yaxın Şərq xəyalı özünə və təmsil etdiyi struktura yük olmaqdan başqa bir məqsədə xidmət etmir.
Yəməndə husilər İsrailə qarşı son raket hücumunu təsdiqləyiblər. Hezam Əl-Əsəd sosial media platformasında verdiyi açıqlamada hücumun uğurlu olduğunu qeyd edib.
İsrail Müdafiə Qüvvələri husilərin Yəməndən atdığı raket səbəbi ilə ölkənin mərkəzi və cənub bölgələrində təhlükəsizlik siqnalları çalındığını, atılan raketlərin isə zərərsizləşdirildiyi açıqlayıb.
ABŞ Tayvanı təhlükəli vəziyyətə doğru sürükləyir ki, bu da potensial olaraq hərbi qarşıdurmaya çevrilə bilər.
Teleqraf.com xəbər verir ki, bu barədə Çin Müdafiə Nazirliyinin rəsmi nümayəndəsi U Çyan bildirib.
“ABŞ Tayvanın müstəqilliyini dəstəkləməmək barədə verdiyi vədə əməl etmir. Tayvan boğazında gərginlik yaratmağa çalışır və bu ölkəni müharibə riski ilə üz-üzə qoyur”, - Çyan deyib.
ABŞ-nin yeni seçilmiş prezidenti Donald Tramp Arizonada gələcək hökumətin qarşısında duran əsas məqsədləri açıqlayıb.
“Qafqazinfo” xəbər verir ki, bu haqda “Reuters” məlumat yayıb.
Trampın siyahısında qanunsuz miqrantların kütləvi deportasiyası da daxil olmaqla bir neçə əsas punktlar yer alıb. Yeni prezident həmçinin transgender fərdlərin təhsil sistemindən kənarlaşdırılacağını da bəyan edib:
“Uşaqların cinsi istismarına son qoyacaq, transgenderləri ordudan və təhsil sistemindən xaric edəcək sərəncamlar imzalayacağam. Biz kişiləri qadın idman növlərindən kənarda saxlayacağıq. Bəli, Tramp administrasiyası dövründə ABŞ hökumətinin rəsmi siyasəti yalnız iki cinsə dayanacaq: kişi və qadın. Bununla belə, mən dini və söz azadlığını da bərpa edəcəyəm”.
O bildirib ki, bütün bu sadaladıqları bürokratiyanı azaltmaq planın bir hissəsidir.
“Mən Zelenskiyə dəfələrlə demişəm ki, o, Almaniya kansleri Olaf Şoltsu tənqid etməyi dayandırmalıdır, çünki fikrimcə, bu, ədalətsizlikdir”.
NATO-nun baş katibi Mark Rutte Almaniyanın DPA agentliyinə müsahibəsində belə deyib.
Rutte əlavə edib ki, Şoltsdan fərqli olaraq, o, Ukraynanı “Taurus” qanadlı raketləri ilə təmin edəcək və onların istifadəsinə məhdudiyyət qoymayacaq.
“Ümumiyyətlə, biz bilirik ki, bu cür imkanlar Ukrayna üçün çox vacibdir”.
Zelenski Almaniya kansleri ilə Vladimir Putin arasında Ukrayna prezidentinin iradəsinə zidd baş verdiyi iddia edilən telefon danışığından sonra Şoltsu kəskin tənqid edib./Modern.az/