 |
|
Sentyabrın 30-da geniş tərkibdə görüş başa çatandan sonra Azərbaycan Respublikasının Prezidenti İlham Əliyev və Bolqarıstan Respublikasının Prezidenti Rumen Radev mətbuata bəyanatlarla çıxış ediblər.
Bununla bağlı AZƏRTAC məlumat yayıb.
Sentyabrın 30-da Sofiyada Azərbaycan Respublikasının Prezidenti İlham Əliyevin Bolqarıstan Respublikasının Prezidenti Rumen Radevlə təkbətək görüşü olub.
"Yol-xeber.az" xəbər verir ki, dövlət başçıları əvvəlcə rəsmi foto çəkdiriblər.
Sentyabrın 30-da rəsmi qarşılanma mərasimindən sonra Azərbaycan Respublikasının Prezidenti İlham Əliyev Sofiyanın Aleksandr Nevski meydanında naməlum əsgərin məzarını ziyarət edib.
Burada dövlət başçısının şərəfinə fəxri qarovul dəstəsi düzülüb.
Prezident İlham Əliyev naməlum əsgərin məzarı önünə əklil qoyub.
Azərbaycan Respublikasının Prezidenti İlham Əliyev sentyabrın 30-da Bolqarıstan Respublikasına rəsmi səfərə gedib.
Hər iki ölkənin Dövlət bayraqlarının dalğalandığı Sofiya şəhərinin hava limanında dövlətimizin başçısının şərəfinə fəxri qarovul dəstəsi düzülüb.
“Elektron kənd təsərrüfatı” informasiya sistemi haqqında Əsasnamə”də dəyişiklik edilib.
Bununla bağlı Prezident İlham Əliyev Fərman imzalayıb.
Əsasnaməyə edilən dəyişikliyə əsasən, “Elektron kənd təsərrüfatı” informasiya sistemində “Baytarlıq xidmətləri monitorinqi” altsistemi yaradılır.
“Baytarlıq xidmətləri monitorinqi” altsistemi vasitəsilə xüsusi təhlükəli heyvan xəstəliklərinə qarşı dövlət büdcəsindən maliyyələşdirilən baytarlıq xidmətlərini həyata keçirən hüquqi şəxslərin və fərdi baytarlıq xidməti praktikası ilə məşğul olan fiziki şəxslərin (baytarlıq subyektləri) qeydiyyatı və müqavilə üzrə öhdəliklərinin yerinə yetirilməsinin elektron qaydada izlənilməsi, habelə onların fəaliyyətinin əlaqələndirilməsi təmin ediləcək.
Azərbaycan Respublikasının Prezidenti İlham Əliyev sentyabrın 29-da Fransa Prezidenti Kabinetinin kontinental Avropa və Türkiyə üzrə müşaviri xanım İzabel Dümonu qəbul edib.
Bu barədə Prezidentin mətbuat xidməti məlumat yayıb.
Prezident İlham Əliyev Azərbaycan Respublikasında 2023-cü ilin “Heydər Əliyev İli” elan edilməsi haqqında Sərəncam imzalayıb.
Sərəncamda deyilir:
2023-cü il mayın 10-da Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olur.
Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoymuşdur. Davamlı yüksəliş yolunda inamla irəliləyən müasir Azərbaycan Heydər Əliyevin həyat amalının təntənəsidir.
Azərbaycana rəhbərliyinin birinci dövründə Heydər Əliyev özünün qeyri-adi idarəçilik bacarığı, polad iradəsi və yüksək vətənpərvərliyi sayəsində, uzaqgörən və məqsədyönlü qərarları ilə çox qısa müddətdə respublikamızda sosial-iqtisadi, elmi-texniki və mədəni sahələrin inkişafında böyük sıçrayışa nail olmuşdur. Tariximizin gedişatının və həyatımızın ahənginin köklü surətdə dəyişdiyi, azadlıq və müstəqillik duyğularının milli düşüncəmizdə üstünlük təşkil etməyə başladığı bu illər Azərbaycanın quruculuq salnaməsinin ən parlaq səhifələridir. Ulu Öndərin xalqın yaradıcılıq enerjisini bir məqsədə yönəltməklə tarixi yaddaşın bərpası istiqamətindә atdığı qətiyyətli addımlar o dövrdə milli ruhun canlanmasına xidmət göstərmiş, özünüdərki və soy-kökə qayıdışı təmin etmiş, müstəqil dövlət quruculuğuna aparan yolun təməl daşına çevrilmişdir.
Böyük siyasi iradəyə, sarsılmaz əqidəyə malik olan Heydər Əliyevin tükənməz dövlət idarəçiliyi istedadı onun SSRİ-nin rəhbərlərindən biri kimi çalışdığı və irimiqyaslı layihələr həyata keçirdiyi illərdə özünü bir daha parlaq surətdə təzahür etdirmişdir. Heydər Əliyev bütün varlığı ilə sevdiyi və canından əziz bildiyi doğma xalqının mənafelərini daim önə çəkmiş və respublikamızın inkişafı üçün malik olduğu bütün imkanlardan istifadə etmişdir.
Zamanın hökmü ilə ötən əsrin 90-cı illərində dövlət müstəqilliyini bərpa edən Azərbaycan Ermənistanın təcavüzü, xarici təzyiqlər və daxili çəkişmələr üzündən dünyanın siyasi xəritəsindən silinmək və dövlətçiliyini itirmək təhlükəsi ilə qarşılaşmışdır. Taleyimizin həll olunduğu ağır bir zamanda xalqın təkidli tələbinə səs verərək yenidən hakimiyyətə qayıdan Heydər Əliyev doğma Vətənin xilası naminə misilsiz fədakarlıq nümayiş etdirmiş, ölkəmizi ictimai-siyasi pərakəndəliyin və anarxiyanın məngənəsindən qurtarmış, bütün sahələrdə müşahidə olunan dərin tənəzzülün qarşısını almış, yenidən qurduğu və hər cür qəsdlərdən qoruduğu dövlətin dayanıqlı inkişaf yolunu müəyyən etmişdir. Heydər Əliyevin ölkəmizə rəhbərliyi illəri xalqımızın nadir tarixi imkandan faydalanaraq, böyük əziyyətlər bahasına öz müstəqilliyini əbədi və dönməz etdiyi taleyüklü mərhələdir.
Heydər Əliyevin zəngin həyat yolu və müstəsna fəaliyyətinin bütün mərhələləri bir-birini tamamlamış, öz xalqına sıx bağlılığın, milli dövlәtçilik məfkurəsinə sadiqliyin canlı təcəssümü olmuşdur. Geniş bilik və dərin təfəkkür sahibi olan Heydər Əliyev düşünülmüş və cəsarətli qərarları ilə təkcə müstəqillik dövründə deyil, bütün dövrlərdə Azərbaycan ictimaiyyətini ən ciddi şəkildə düşündürən məsələləri uğurla həll etmişdir. Ulu Öndər cəmiyyət həyatının müxtəlif sahələri arasında üzvi bağlılığı aydın görərək, müəllifi olduğu milli inkişaf strategiyasında ictimai, siyasi, sosial, iqtisadi, mədəni və digər sahələrdə qarşıda duran vəzifələri düzgün müəyyənləşdirmiş və məharətlə həyata keçirmişdir. Heydər Əliyevin milli neft strategiyasının uğurla reallaşdırılması nəticəsində xalqımız öz təbii sərvətlərinin tam sahibinə çevrilmiş və qısa müddətdə ölkəmizin inkişafına güclü təkan verən resurslar əldə edilmişdir. Azərbaycan Respublikasının ilk Konstitusiyasının qəbul olunması və bütün sferaları əhatə edən köklü islahatların həyata keçirilməsi, demokratik, hüquqi dövlət quruculuğu, nizami ordunun yaradılması Heydər Əliyevin Azərbaycan xalqı qarşısında müstəsna xidmətləridir. Xalqımızı vahid amal ətrafında birləşdirən azərbaycançılıq ideologiyasının formalaşdırılması, ana dilinin dövlət qayğısı ilə əhatə olunması, ictimai-siyasi, elmi və mədəni fikir tariximizin əlamətdar hadisələrinin müntəzəm qeyd edilməsi ənənəsinin yaradılması, Azərbaycanın çoxəsrlik mənəvi-mədəni irsə sahib qədim diyar və sivilizasiyaların qovşağında yerləşən tolerantlıq məkanı kimi geniş şöhrət qazanması Heydər Əliyevin mükəmməl quruculuq proqramının tərkib hissələri olmuşdur.
Dövrünün ən nüfuzlu siyasətçiləri ilə bir sırada duran Heydər Əliyev Azərbaycanın müasir simasının, xalqımızın zəngin dəyərlərinin tanıdılması və ölkəmizin beynəlxalq münasibətlər sistemində layiqli mövqe qazanmasında müstəsna rol oynamışdır. Ermənistan–Azərbaycan münaqişəsinin beynəlxalq hüququn norma və prinsipləri əsasında həlli Ulu Öndərin qarşıya qoyduğu başlıca vəzifə olmuş, ölkəmizin bütün resursları, xalqımızın potensialı tarixi ədalətin bərpası üçün səfərbər edilmişdir. Ulu Öndərin şah əsəri olan güclü Azərbaycan dövləti öz suverenliyini, müstəqilliyini qorumağa qadir olduğunu 44 günlük Vətən müharibəsində şanlı Zəfər qazanmaqla sübuta yetirmişdir.
Dövlətçilik salnaməmizdə silinməz izlər qoymuş, azərbaycanlı olması ilə ömür boyu fəxr etmiş, milli qürur və iftixar mənbəyimiz olan Heydər Əliyev bütün dünyada Azərbaycanın rəmzi kimi qəbul edilir. Xalqımız onun əziz xatirəsini həmişə uca tutur və minnətdarlıqla anır, yenidən hakimiyyətə gəldiyi günü Azərbaycan Respublikasının dövlət bayramı – Milli Qurtuluş Günü kimi qeyd edir.
Müstəqil Azərbaycan Ulu Öndərin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvətidir. Bu müqəddəs mirası qoruyub saxlamaq hər bir azərbaycanlının şərəfli vəzifəsidir.
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan xalqının Ümummilli Lideri Heydər Əliyevin 100 illik yubileyinin dövlət səviyyəsində qeyd olunmasını təmin etmək məqsədilə qərara alıram:
1. Azərbaycan Respublikasında 2023-cü il “Heydər Əliyev İli” elan edilsin.
2. Azərbaycan Respublikası Prezidentinin Administrasiyası Azərbaycan Respublikasında 2023-cü ilin “Heydər Əliyev İli” elan edilməsi ilə bağlı tədbirlər planına dair təkliflərini iki ay müddətində hazırlayıb Azərbaycan Respublikasının Prezidentinə təqdim etsin.
“Ermənistan növbəti saxta ittihamla çıxış edib”.
Bunu Azərbaycan Xarici İşlər Nazirliyinin sözçüsü Leyla Abdullayeva tviter səhifəsində yazıb.
O bildirib ki, İrəvan eyni ssenarini təkrarlayır: "Ermənistan atəşkəsi pozur, Azərbaycan adekvat tədbirlər gördükdə isə bizi ittiham edirlər”.
XİN sözçüsü bildirib ki, bu, Ermənistanın danışıqları pozmaq üçün yeni bəhanəsidir: “Ermənistandan fərqli olaraq Azərbaycan gərginlikdə maraqlı deyil”.
Azərbaycan Respublikasının Prezidenti İlham Əliyev və birinci xanım Mehriban Əliyeva Şuşa şəhərində inşa olunan yeni yaşayış kompleksində, Şuşa otel və konfrans mərkəzində aparılan tikinti işləri ilə, Azərbaycan Respublikasının Prezidentinin Şuşa rayonunda xüsusi nümayəndəliyinin binasında yaradılan şəraitlə, Mehmandarovların malikanə kompleksində, yenidən qurulan oteldə aparılan təmir-bərpa işlərinin və Şuşa şəhəri 1 saylı tam orta məktəbin binasında tikinti işlərinin gedişi ilə tanış olublar.
"Yol-xeber.az" xəbər verir ki, bu barədə Prezidentin Mətbuat Xidməti məlumat yayıb.
Ermənistanın Baş naziri Nikol Paşinyan BMT Baş Assambleyasının sessiyasındakı çıxışında özünü Azərbaycanla sərhədlərin delimitasiyasının tərəfdarı kimi təqdim etməyə çalışıb:
“Azərbaycan Prezidentinə rəsmi və açıq sual verirəm: mənə Ermənistanın elə bir xəritəsini göstərə bilərsinizmi ki, onu qəbul edirsiz, yaxud Ermənistan Respublikası kimi qəbul etməyə hazırsınız?” Bundan sonra Paşinyan konkret rəqəmlərə istinad etməklə fikrini əsaslandırmağa çalışıb: “Əgər Azərbaycan Ermənistanın tək nəzəri deyil, konkret olaraq beynəlxalq səviyyədə tanınmış 29 min 800 kvadrat kilometr təşkil edən ərazisini tanısaydı, bu, o demək olar ki, biz hər iki ölkənin ərazi bütövlüyünü qarşılıqlı surətdə tanıyaraq, sülh sazişini imzalaya bilərik”.
Ancaq Nikol Paşinyan özü Azərbaycandan xəritə tələb etdiyi halda Ermənistan ərazisinin 29,8 min kv.km təşkil etməsi barədə heç bir sənəd təqdim etməyib. Halbuki, Ermənistan ərazisinin həm beynəlxalq səviyyədə, həm də Azərbaycan tərəfindən qəbul edilmiş xəritəsinin tanınması üçün ilk növbədə, sərhədlərin delimitasiyası və demarkasiyası prosesi aparılmalıdır. Azərbaycan tərəfinin sülh danışıları çərçivəsində bütün səylərinə baxmayaraq, Ermənistan hər dəfə sərhədlərin müəyyənləşməsi ilə bağlı birgə fəaliyyətdən yayınır. 1988-ci ildən Azərbaycan ərazilərinin işğalı və ilhaqı siyasətini həyata keçirən Ermənistan məhz bu sərhədlərin mübahisəli olduğunu iddia edir.
Belə olan halda Paşinyanın Azərbaycandan xəritə tələb etməsi heç bir siyasi və hüquqi məntiqə sığmır. Əgər Ermənistanın ərazisi 29, 8 min kv.km təşkil edirsə, yəni Paşinyan erməni dövlətinin mövcudluğunu bu sərhədlər çərçivəsində görürsə, o zaman nə üçün rəhbərlik etdiyi ölkənin Qarabağa olan iddiasından imtina edən sənədi imzalamır? Azərbaycan tərəfi heç bir müzakirələrdən imtina etmir və sərhədlərin delimitasiyası ilə bağlı əməli işə bağlamağa razıdır. Ermənistan hökumətinin başçısı isə əslində, bu məsələdə manipulyasiya edərək, Azərbaycanın ərazi bütövlüyünü tanımaq üçün şərt irəli sürür. Paşinyan dolayısı ilə delimitasiya müzakirələrindən yayınaraq Azərbaycandan 29,8 min kv.km ərazinin qeyd-şərtsiz Ermənistana məxsus olduğunu qəbul etmək tələbi qoyur. Bunun müqabilində Azərbaycanın ərazi bütövlüyünü tanıyacağını vəd edir. Onun bu açıqlaması Ermənistanın ərazisinin nə qədər olduğuna dair sualları meydana çıxarıb.
SSRİ dövründə tərtib olunmuş xəritələrə nəzər salsaq, Ermənistanın 1991-ci ildə müstəqillik əldə etdikdən sonrakı müddətdə bütün xəritələrə müdaxilə etdiyini görmək olar. SSRİ dövrünün xəritələrinin əksəriyyətində Ermənistan SSR-in ərazisinin 29,8 min kvadrat kilometr təşkil etdiyi qeyd edilir. Halbuki, Sovet İttifaqı dövründə Azərbaycan SSR-in böyük torpaq sahələri heç bir qanuni əsas olmadan Ermənistana verilib. 1928-ci ildə Moskvada nəşr olunmuş Sovet Sosialist Respublikaları İttifaqının atlasında Ermənistan SSR-in ərazisi 11500 kvadrat kilometr göstərilir. 1936-cı ildə nəşr olunmuş atlasda isə Ermənistanın ərazisinin 29,8 min kv.km olduğu yazılıb. Yəni bu faktın özü Azərbaycan topraqlarında qanunsuz Ermənistan Respublikasının yaradıldığını təsdiq edir. Bu halda Paşinyanın iddia etdiyi 29,8 min kv.km ərazinin Ermənistana deyil, Azərbaycana aid olduğu üzə çıxır.
Əgər belədirsə, həmin torpaqlar Ermənistana deyil, Azərbaycana məxsus ərazilər kimi tanınmalıdır. Bu yanaşmanı Paşinyanın 2021-ci ildə irəli sürdüyü fikrin özü də sübuta yetirir. Nikol Paşinyan SSRİ dövründə rayon icraiyyə komitələrinin və SOV.İKP Plenumunun qərarları ilə torpaq sahələrinin qonşu respublikaya verilməsinin hüquqi baxımdan düzgün olmadığını bildirib. Bu baxımdan, Sovet dövrünün xəritələrinin hüquqi əsasa malik olmadığını deyib. Bununla da Paşinyan Azərbaycan ərazilərinin Ermənistana qanunsuz olaraq verildiyini etiraf edib. 1937-1992-ci illərdə tərtib olunmuş bütün xəritələrdə isə Ermənistanın ərazisi 29 743 kv.km göstərilir. Bu rəqəm 1936, 1940, 1946, 1963, 1974 və 1991-ci illərdə nəşr edilmiş atlaslarda öz əksini tapıb. Halbuki, SSRİ dövründə xeyli Azərbaycan torpağının Ermənistana verildiyini nəzərə alsaq, bu ərazlər artmalı idi. Ona görə də Paşinyanın açıqlaması kifayət qədər şübhəli və təzadlı görünür. Qeyd edək ki, 1969-cu ildə Gədəbəy rayonunun Tağlar kəndi 600 hektar ərazisi ilə birlikdə, eləcə də Zəngilan rayonunun Nüvədi kəndi Ermənistana verilib. 1975-ci ildən sonra bir sıra Azərbaycan əraziləri kolxoz və sovxoz təsərrüfatını inkişaf etdirmək adı altında Ermənistanın ərazi-inzibati vahidinə daxil edilib. 1982-ci ildə Qazax rayonunun 1675 hektar torpaq sahəsi, 1984-cü ildə Laçın rayonu ərazisindəki Qaragöl gölünün suvarma məqsədilə ayrılmış 74 faiz hissəsi Ermənistana verilib. Bundan başqa, Zəngilan, Qubadlı, Cəbrayıl və Laçın rayonlarının işğala qədər Şərqi və Qərbi Zəngəzurda böyük otlaq sahələri olub. Sonradan həmin ərazilər Ermənistanın inzibati ərazisinə qatılıb. 1974-cü ilə qədər Zəngilan rayonunun bəzi kolxoz və sovxozlarının heyvan sürüləri Zəngəzur dağının Yağlıdərə, Vişlan düzü kimi yaylarından otlaq kimi istifadə edib. Lakin 1975-ci ildən sonra adıçəkilən torpaqlar Ermənistan ərazisi kimi rəsmiləşdirilib. Ona görə sərhədlərin delimitasiyası və demarkasiyası prosesi zamanı həmin ərazilərin bir çoxu Azərbaycana qaytarılmalıdır.
İkinci Qarabağ müharibəsindəın sonra isə Ermənistan qanunsuz olaraq Böyük İşıqlı, Kiçik İşıqlı yüksəkliklərinə ərazi iddiası irəli sürür. Hazırda Azərbaycan ordusunun mövqe tutduğu həmin dağları Paşinyan hökuməti Ermənistan ərazisi hesab edir.
Görünür, Baş nazir 29,8 min kv.km-lik ərazi şərtini irəli sürməklə həmin torpaqları delimitasiya aparmadan Azərbaycandan qoparmağa çalışır. DİA.AZ xəbər verir ki, Bakı Dövlət Universitetinin Erməni Araşdırmaları və Təlim Mərkəzinin Direktoru İsmayıl Tanrıverdi Cebhe.info-ya açıqlamasında Ermənistanın ərazisinin 29,8 kv.km olması barədə məlumatların reallığı əks etdirmədiyini deyib. Onun sözlərinə görə, ermənilər SSRİ dövründə tərtib olunmuş xəritələrə əsaslanaraq bir sıra ərazilərin ilhaqının Azərbaycan tərəfindən tanınmasına çalışır.
“Sovet İttifaqının tərkibinə daxil olan zaman Ermənistan SSR-in ərazisi 11 min kv.km təşkil edib. Bundan sonra ermənilər Şərur-Dərələyəz bölgəsini, Zəngəzuru işğal edərək bu göstəricini 29 743 kv.km-ə çatdırıblar. SSRi dövründə Ermənistan hiyləgərlik işlədərək Azərbaycanın bir çox rayonlarının torpaqlarını hissə-hissə mənimsəyiblər. Qazaxın torpaqlarını və yeddi kəndini, Sədərək rayonunun Kərki kəndini, Zəngəzur bir sıra kəndlərini zəbt ediblər. 29,8 min kv km ərazidən danışarkən Ermənistan hökuməti bunları gizlətməyə çalışır. Amma sərhədlərin delimitasiyası və demarkasiyası baş tutarsa, komissiya bu faktları üzə çıxarıb həmin torpaqları geri qaytara bilər. Yəni həm Zəngəzurdan, həm də Qazax tərəfdən kəndlərin çoxu bizə keçməlidir. Onlar Azərbaycanın Kərki esklavına və Gədəbəy rayonunun Başkənd kəndinə iddia edirlər. Bütün proseslər sərhədlərin delimitasiyasından asılıdır. Əgər sərhədlərin müəyyənləşməsi ədalətli aparılsa, Zəngəzur istiqamətindəki İşıqlı yüksəkliyi də Azərbaycanın ərazi vahidinə keçməlidir”.
O bildirib ki, Paşinyanın dediyi 29,8 min kvadrat kilometr ərazi isə beynəlxalq səviyyədə şərti olaraq qəbul olunub:
“Çünki Zəngəzur və bir çox ərazilər 1923-cü ildən sonra Ermənistan ərazisi kimi rəsmiləşdirilib. 1918-ci ildə isə Azərbaycan Xalq Cümhuriyyətinin ərazisi 114 min kv.km. təşkil edib. Həmin ərazilər dünya ölkələrinin əksəriyyəti tərəfindən tanınmışdı. Ora həmçinin Zəngəzur və Şərur-Dərələyəz bölgəsi daxildir. Bu, delimitasiya prosesində sübuta yetirilsə, həmin torpaqlar Azərbaycana qaytarılacaq və Ermənistanın ərazisi azalacaq”.