 |
|
Şuşa şəhərinə mövsümün ilk qarı yağıb.
Gecə saatlarında yağan qar şəhərin gözəlliyinə xüsusi çalar qatıb.
Havanın hərarəti əvvəlki günlərlə müqayisədə xeyli aşağı düşüb.
Rəşadət Eyvazov - Dahi insanların, tarixi şəxsiyyətlərin böyüklüyü həm də onların sadəliyindədir, desək, heç də yanılmarıq. Ona görə o insanlar üçün böyüklük deyəndə metrik ölçüləri, yaşın çoxluğu deyil, daha çox ensiklopedik biliyə, intellektual və elitar meyarlara malik olması əsas götürülür. Məhz o meyarlar onları tarix yazan, tarix yaradan şəxsiyyətə çevirir, adına ucalıq, dühalıq gətirir. Vəfatının 21-ci ilini kədər hissi ilə, ancaq böyük ehtiram və minnətdarlıqla qeyd etdiyimiz Ümummilli Lider Heydər Əliyev sözün bütün mənalarında dahi şəxsiyyət olub. Biz orta nəsil və yetişməkdə olan gənclər sadəcə belə bir şəxsiyyət haqqında danışılan xatirələri oxuduqca hər dəfə xoş təəssüratlar yaranır. İstənilən qələm sahibi formalaşdırdığı fikirlərini bir formada ifadə etməklə, qarşısındakı auditoriyaya çatdırmaqla o böyük insanın ölçüyəgəlməz tarixi xidmətləri qarşısında sanki vəfa borcunu yetirmiş olur.
Rəhbərliyinin istər Sovet dövrü, istərsə də müstəqillik illərində görkəmli və bacarıqlı dövlət xadiminin nümayiş etdirdiyi bir tərəfdən bilik-bacarıq, səriştə, digər tərəfdən də həssaslığı və xeyirxahlığı, anlamaq və yardımçı olmaq kimi gözəl və özəl insani keyfiyyətləri ona dünya miqyasında xalqların rəğbətini qazandırmışdır.
Nəinki Azərbaycan, ümumiyyətlə, keçmiş SSRİ tərkibində olmuş ittifaq ölkələrinə böyük töhfələr verən, başqa sözlə, unikal rəhbər kimi öz möhürünü vuran, qazandığı titullar və nailiyyətləri saymaqla bitməyən, sözü və əməli ilə xalqlara, millətlərə nümunə olan Ümummilli Lider sözün əsl mənasında o qədər böyük şəxsiyyətdir ki, Onun zəngin həyat və yaradıcılığı haqqında söz demək elə də asan məsələ deyil.
(1).jpg)
Konkret respublikamıza gəldikdə görkəmli şəxsiyyət ölkəmizdə elmə, təhsilə, mədəniyyətə əvəzolunmaz töhfələr verən rəhbər şəxs olub. Hansı ki, həmin töhfələrin faydasını indi belə görürük.
Heydər Əliyev tarixi fenomenləri xarakterizə edən bütün meyarları özündə dolğun əks etdirən müdrik bir insan olub. Ulu Öndərin üz cizgilərinə bircə dəfə baxmaq və Onun çıxışlarının, görüşlərinin arxiv videolarını izləmək yetərlidir ki, əsl tarixi şəxsiyyət və müdrik insanın necə olması haqqında təsəvvür formalaşdırasan.
Ulu Öndərin ölkəmiz, xalqımız, millətimiz adına gördüyü sayagəlməz işlərin bilavasitə iştirakçısı olmuş insanlar söhbət edirlər ki, dahi insan təkcə dövləti çətin situasiyalarda idarəetmə fəlsəfəsi ilə deyil, həm də sadəlik, təvazökarlıq, səmimiyyət, vətənpərvərlik, gələcəyə inam kimi yüksək əxlaqi keyfiyyətlərin Heydər Əliyev adlı nümunəsini yaradıb. O, elm adamı ilə alim, şair-yazıçı ilə ədəbiyyat bilicisi, musiqiçi ilə bəstəkar kimi danışıb, fikir mübadiləsi aparıb, onlara öz sahəsində necə uğurlu olmağın yollarını əxz etmiş olurdu.
Ümummilli Liderin təkrarolunmaz şəxsiyyətində müşahidə edilən ən ali keyfiyyətlərdən biri də Azərbaycan və dünya ədəbiyyatına baglı insan kimi mütaliəyə daha çox yer ayırması olmuşdur. Ulu Öndərin ən sevimli məziyyətlərindən biri ensikopedik yaddaşına çoxlu hikmətli sözlər, aforizmləri cəmləmək və onlardan müzakirə olunan məsələyə uyğun yerində işlətməklə etdiyi söhbətə əlavə mənalılıq və şirinlik gətirməsi idi. Tarixi şəxsiyyətlə bağlı arxiv videolarını izləyərkən qarşıma Azərbaycan Dövlət Akademik Dram Teatrında yenidən səhnələşdirilən “Ölülər” tamaşasının premyerasında iştirak etdikdən sonra teatr trubbası, ələlxüsus aktyorlarla söhbətini əks etdirən videokadrlar çıxdı. Təsəvvür edə bilirsiniz, Ulu Öndər Cəlil Məmmədquluzadənin ölməz əsəri olan “Ölülər”i elə ustalıqla təhlil edir ki, Ona təkrar-təkrar baxmaqdan doymaq olmur. O böyük insanın özünə, danışığına, sözünə, hər cümləsinə milyonları cəlb etməyin, cəzb etməyin sirri də bax, bundadır.
Ona görə də qəti söyləmək olar ki, sözü və əməli ilə əsl dahi olan Heydər Əliyev, eyni zamanda, xalqımıza, millətimizi tərənnüm edən özünəməxsus mənəvi keyfiyyətlərin də nadir daşıyıcılarından biri və birincisi olub. Odur ki, Heydər Əliyevin yaratdığı məfkurəni nə qədər yaşadacağıqsa, əmin ola bilərik ki, xalqımız, millətimiz, dövlətimiz bir o qədər yaşayacaq.
Son 50-60 ilin ən soyuq dövrlərindən biri proqnozlaşdırılır.
Yenisabah.az xəbər verir ki, bu barədə Dünya Meteorologiya Təşkilatı (WMO) xəbərdarlıq edib.
Beynəlxalq qurum 2024-cü ilin dekabrından 2025-ci ilin fevralına qədər hava hadisələrinin proqnozlarına dair yeni hesabat dərc edib. Hesabatda planeti sərinləşdirən La Nina effektli hava şəraitinin yaxın 3 ay ərzində baş verəcəyi bildirilir.
La Nina effektinin zəif və qısa müddətli olacağı da ehtimallar arasındadır.
Qeyd edək ki, temperaturun artmasına səbəb olan El Nino və La Nina hava hadisələri ilə bağlı mövsümi proqnozlar və onların qlobal iqlim modellərinə təsirləri erkən xəbərdarlıq və ilkin tədbirlər üçün mühüm vasitədir.
Natiq İsmayılov - Hər bir xalqın tarixində Vətəni üçün gördüyü böyük işlərlə, atdığı əvəzsiz addımlarla həmvətənləri tərəfindən qəhrəmanlıq rəmzinə çevrilmiş, xilaskar kimi qəbul edilən və illər keçsə də qəlblərdə daim yaşayan şəxsiyyətlər olmuşdur. Belə insanlar dövlətin ən çətin və qaranlıq dövrlərində işıq saçmış, xalqını böhranlardan çıxararaq gələcəyini təmin etmiş və adlarını əbədi olaraq dövlətçilik tarixinə həkk etmişlər.
Ulu Öndərimiz, Ümummilli Liderimiz Heydər Əliyev də Azərbaycan xalqının əvəzolunmaz şəxsiyyəti, tarixi qəhrəmanıdır. Xalqımız bu böyük liderin əziz xatirəsini hər zaman ehtiramla yad edir və onun Vətənimiz üçün göstərdiyi misilsiz xidmətləri heç vaxt unutmur. Millətin və dövlətin ali mənafeyini öz fəaliyyətində əsas prinsip və norma kimi qəbul etmək, xalqın səsinə - çağırışına cavab vermək, hətta həyatını təhlükəyə atmaq bahasına belə olsa, millətin haqq səsini dilə gətirmək, tarixi məqamlarda məsuliyyəti öz üzərinə götürmək Heydər Əliyevin şəxsiyyətini digər rəhbərlərdən kəskin fərqləndirən xüsusiyyətlərdir. Məhz bu səbədən biz əminliklə deyirik ki, Heydər Əliyev irsi bizim milli sərvətimizdir. Heydər Əliyevin həyat və fəaliyyətinin öyrənilməsi, işıqlandırılması həm elə müasir Azərbaycanın müstəqillik və inkişaf tarixinin öyrənilməsi, həm də əsl liderlik xüsusiyyətlərinin, vətən-millət sevgisinin gələcək nəsillərə öyrədilməsi üçün ən gözəl nümunədir.
Ümummilli Liderin Azərbaycan dövləti və xalqı qarşısındakı tarixi xidmətləri Azərbaycan müstəqilliyini bərpa etməzdən xeyli əvvəl başlamışdır. Xalqımız 1969-1982-ci illərdə Heydər Əliyevin ölkəyə rəhbərlik etdiyi dövrdə azərbaycançılıq ruhunu və milli dövlətçilik ideyasını qoruyan və gücləndirən Heydər Əliyev siyasətini ilə yaxşı bilir. Bu dövrdə onun həyata keçirdiyi siyasət xalqda ona qarşı dərin sevgi və böyük inam hissi yaratmışdır. Daha sonra xalqın bu sevgisi və çağırışları Heydər Əliyevin vətənə geri qayıtmasına səbəb olmuşdur. Onun Naxçıvan Muxtar Respublikasında və Azərbaycanın Ali Sovetindəki fəaliyyəti isə xalqı bir daha əmin etmişdir ki, Heydər Əliyevin liderlik keyfiyyətləri, müdrikliyi, məsuliyyətli və cəsarətli qərarlar qəbul etmək bacarığı, eləcə də millətə olan sevgisi tükənməz və misilsizdir.
1990-cı illərin əvvəllərində SSRİ-nin dağılması və Azərbaycanın müstəqillik uğrunda apardığı mübarizə ölkənin siyasi mənzərəsində ciddi dəyişikliklər yaratdı. Bu dövrdə milli kimliyin qorunması və ölkənin inkişafı baxımından Ulu Öndər Heydər Əliyev siyasi fəaliyyətə yenidən qayıtdı. Heydər Əliyev Naxçıvana gedərək Azərbaycanın siyasi və iqtisadi vəziyyətinin sabitləşməsi istiqamətində fəal işlərə başladı. Ümumilli Liderin böyük siyasətə qayıdışı yalnız Naxçıvan üçün deyil, bütün Azərbaycan üçün taleyüklü hadisə oldu.
Heydər Əliyevin Naxçıvana gəlişi ilə bölgənin siyasi həyatı yeni bir mərhələyə qədəm qoydu. 1990-cı il noyabrın 17-də Naxçıvan Ali Məclisinin ilk sessiyasında deputatların istək və təkidi ilə Ulu Öndər Heydər Əliyevin sədrlik etdiyi parlament fəaliyyətə başladı. Onun rəhbərliyi altında Naxçıvan Ali Məclisinin fəaliyyəti Azərbaycanın suverenliyinin qorunmasına yönəlmiş, bölgənin iqtisadi, sosial və mədəni sahələrdə inkişafını təmin etməyə hədəflənmişdi. Bu dövrdə Heydər Əliyevin siyasi uzaqgörənliyi sayəsində Naxçıvan özünü müdafiə edə bilən bir bölgə kimi formalaşmağa başladı
17 noyabr 1990-cı ildə Naxçıvan Ali Məclisinin birinci sessiyasında ilk dəfə üçrəngli Azərbaycan bayrağı qaldırıldı və milli bayraqla bağlı iki maddəlik qərar qəbul edildi. Eyni zamanda Heydər Əliyevin təşəbbüsü ilə Naxçıvan Muxtar Respublikasının adından “Sovet” və “Sosialist” sözləri çıxarıldı. SSRİ-nin hələ mövcud olduğu bir vaxtda belə bir qərarın qəbul edilməsi və həyata keçirilməsi böyük siyasi iradə və cəsarət tələb edirdi ki, Ulu Öndər bunu qətiyyətlə nümayiş etdirdi. Həmçinin, Naxçıvanda Kommunist Partiyasının fəaliyyəti dayandırıldı, Sovet ordusunun və hərbi birləşmələrinin bölgədən çıxarılmasına nail olundu. Bu addımlar nəticəsində Heydər Əliyevin rəhbərliyi altında Naxçıvanda milli dövlətçilik ənənələrinin bərpası prosesi başlandı.
1991-ci il sentyabrın 3-ü Azərbaycanın tarixində əlamətdar günlərdən biri kimi yadda qaldı. Həmin gün Heydər Əliyev deputatların və minlərlə insanın israrlı təkidi ilə Naxçıvan Muxtar Respublikasının Ali Məclisinin sədri seçildi. Bu hadisə yalnız Naxçıvanın deyil, bütövlükdə Azərbaycanın rifaha və qurtuluşa doğru irəliləməsinin başlanğıcı oldu. O, bu hadisə ilə bağlı belə demişdir: “Bu zamanın, bu dəqiqələrin, bu saatın hökmünü nəzərə almamaq olmaz… Xalqın bu əhval-ruhiyyəsini və tələblərini nəzərə alaraq bütün məsələləri götür-qoy etdim. Mən öz taleyimi xalqa etibar etmişəm və xalqın iradəsini, xüsusən də bu çətin dövrdə, həyata keçirməyə çalışmalıyam.”
Müharibənin davam etdiyi, enerji resurslarının çatışmazlığı yaşandığı çətin dövrdə Heydər Əliyev Naxçıvan Ali Məclisinin sədri kimi bölgənin iqtisadi inkişafını və sabitliyini təmin etmək üçün genişmiqyaslı islahatlar həyata keçirdi.
1991 –1993-cü illər arasında qəbul edilən iqtisadi qərarlar və görülən tədbirlər nəticəsində Naxçıvanda sosial-iqtisadi sabitlik təmin olundu. Bu islahatlar Naxçıvanın dayanıqlı inkişafının əsasını təşkil edərək, onun Azərbaycan daxilində və beynəlxalq arenada güclənməsinə səbəb oldu.
Ulu Öndər Heydər Əliyev milli ideologiyanın ön plana çəkilməsinə xüsusi önəm verirdi. Bu məqsədlə, o, bir sıra mühüm tədbirlər həyata keçirdi və tarixi əhəmiyyətə malik qərarlar qəbul etdi. İlk olaraq, 1990-cı il 20 Yanvar faciəsinin siyasi və hüquqi baxımdan Azərbaycan xalqına qarşı törədilmiş cinayət kimi tanınması qərara alındı. Eyni zamanda, Heydər Əliyevin təşəbbüsü ilə 1991-ci il dekabrın 16 – da Naxçıvan Ali Məclisinin qərarı əsasında “31 Dekabr – Dünya Azərbaycanlılarının Həmrəyliyi və Birlik Günü” elan edildi. Bu qərar, dünya azərbaycanlılarının birliyinin möhkəmlənməsinə və milli həmrəyliyin gücləndirilməsinə böyük töhfə verərək, dünya azərbaycanlılarını birləşdirən tarixi hadisə kimi qiymətləndirildi.
Həmçinin, Naxçıvan Muxtar Respublikası Ali Məclisinin təklifi əsasında Azərbaycan SSR Ali Soveti 1991-ci il fevralın 5-də “Dövlət Bayrağı haqqında” qanunu qəbul etdi. Bu qərar, Azərbaycanın dövlətçilik tarixində mühüm bir hadisə olaraq yadda qaldı və Heydər Əliyevin liderlik xüsusiyyətlərini bir daha sübut etdi.
1991-1993-cü illər arasında Azərbaycan ağır siyasi və iqtisadi böhran dövrünü yaşayırdı. Ölkədəki hərc-mərclik dövlət idarəçiliyinə ciddi təsir göstərir, xalq isə hər gün yeni problemlərlə üzləşirdi. Bir tərəfdən Ermənistanla müharibə şəraitində olan Azərbaycan, digər tərəfdən də daxili siyasi sabitlikdən məhrum vəziyyətdə idi. Dövlət idarəçiliyinin qeyri-peşəkar və səriştəsiz şəxslərin əlində olması nəticəsində ölkədə xaos yaranmış, iqtisadiyyat çökmüşdü. Belə bir mürəkkəb vəziyyətdə xalq çıxış yolu olaraq yenidən öz xilaskarına üz tutdu. 1993-cü ilin yayında xalqın tələbi və dəstəyi ilə Heydər Əliyev Naxçıvandan Bakıya dəvət edildi.
1993-cü il 3 oktyabrda keçirilən prezident seçkiləri isə Azərbaycan tarixində dönüş nöqtəsi kimi yadda qaldı. Belə ki, xalq, üzərinə düşən böyük məsuliyyəti dərk edərək Heydər Əliyevi Azərbaycan Respublikasının Prezidenti seçdi. Ulu Öndərin böyük səs çoxluğu ilə prezident seçilməsi, bugünkü güclü, müstəqil və suveren Azərbaycan dövlətinin təməlinin qoyulmasına səbəb oldu.
Ümumilli Lider Heydər Əliyevin ömrünü Azərbaycan Respublikasının gələcək inkişafına həsr edəcəyi, onun and içmə mərasimindəki nitqində artıq aydın olmuşdur. Heydər Əliyev nitqində demişdir: “Bu gün mənim üçün tarixi, əlamətdar bir gündür. Mənə göstərilən bu böyük etimada görə Azərbaycan vətəndaşlarına, Azərbaycan xalqına hörmətimi, məhəbbətimi bildirir və əmin etmək istəyirəm ki, həyatımın sonuna qədər xalqıma sədaqətlə xidmət edəcək və bütün fəaliyyətimi Azərbaycan Respublikasının gələcək inkişafına sərf edəcəyəm”
Bu gün bizi Qarabağ Zəfərinə aparan ordu quruculuğundan tutmuş, Azərbaycanı sürətlə inkişaf edən ölkələr sırasına qaldıran iqtisadi gücümüzə və ölkəmizi Avropanın etibarlı enerji tərəfdaşlarından birinə çevirən neft-qaz siyasətinə qədər dövlətimizin bütün sahələrində Heydər Əliyevin xidmətləri öz əksini tapır. Onun əməyinin, zəkasının və uzaqgörənliyinin izləri hər yerdə görünür. Ən önəmlisi odur ki, Heydər Əliyevin Prezident seçilməsindən sonra biz ilk dəfə müstəqillik tariximizdə güclü mərkəzi hakimiyyətin, xalq-iqtidar birliyinin və peşəkar rəhbərliyin nə olduğunun şahidi olduq. Ulu Öndərin hakimiyyətə gəlişi ilə ölkədə sabitlik təmin edildi, vətəndaş həmrəyliyi bərpa olundu, Qarabağ müharibəsində atəşkəsə nail olundu və düşmənin təcavüzü dayandırıldı. Hələ Sovet dövründə Cəmşid Naxçıvanski adına hərbi məktəbin açılmasını təmin edən Heydər Əliyev, müstəqil Azərbaycanın güclü ordusunun əsasını qoyan şəxsiyyət kimi tarixdə iz qoymuşdu.
Müstəqil və müasir Azərbaycanın tarixində baş verən bütün mühüm hadisələr məhz Heydər Əliyevin adı ilə bağlıdır. Dövlət bayrağımızın təsdiqi, demokratik idarəetmə sisteminin qurulması, ilk parlament seçkilərinin keçirilməsi, müstəqil dövlətimizin ilk Konstitusiyasının qəbulu, çoxpartiyalı siyasi sistemin formalaşması, iqtisadi yüksəlişimizin təməlini təşkil edən “Əsrin müqaviləsi”nin imzalanması, Azərbaycanın dünya birliyinə sürətli inteqrasiyası və beynəlxalq diplomatik əlaqələrin genişlənməsi onun uzaqgörən siyasətinin nəticəsidir. BMT və Avropa Birliyi kimi beynəlxalq təşkilatlarla əməkdaşlıq mühitinin formalaşdırılması və güclü, müasir Azərbaycanın yaradılması Heydər Əliyevin qətiyyəti və vətənə olan sonsuz sevgisinin məhsuludur.
Onun hakimiyyəti dövründə mətbuatda senzura aradan qaldırıldı, məhkəmə islahatları həyata keçirildi, Konstitusiya Məhkəməsi və Ombudsman təsisatı yaradıldı. İnsan və vətəndaş hüquq və azadlıqlarının təmin edilməsi dövlətin ali məqsədi elan olundu, hüquq-mühafizə orqanlarının fəaliyyəti təkmilləşdirildi. Həyata keçirilən siyasi və hüquqi islahatlar nəticəsində Azərbaycan həqiqi mənada demokratik-hüquqi dövlətə çevrildi.
Onun rəhbərliyi ilə həyata keçirilən “Bakı-Tbilisi-Ceyhan” və “Bakı-Tbilisi-Ərzurum” neft-qaz kəmərləri layihələri Azərbaycanın iqtisadi müstəqilliyini təmin etdi və regionun sabitliyinə mühüm töhfə verdi. Heydər Əliyevin uzaqgörən siyasəti nəticəsində Azərbaycan enerji, nəqliyyat və logistika mərkəzinə çevrildi.
Heydər Əliyevin siyasətində gənclər xüsusi yer tuturdu. O, gələcəyin təhsilli, vətənpərvər və milli dəyərlərə sadiq gənclərin yetişdirilməsinə xüsusi diqqət yetirirdi. Onun təşəbbüsü ilə xarici ölkələrdə təhsil alan tələbələr proqramı, elmin və təhsilin inkişafına yönələn dövlət dəstəyi bu gün də öz müsbət nəticələrini verməkdədir.
Ümumilli Lider Azərbaycanın milli ideologiyasının formalaşdırılması, dövlət quruculuğu proseslərinin istiqamətləndirilməsi və ölkənin beynəlxalq aləmdə nüfuz qazanmasında mühüm rol oynamışdır. Azərbaycan Parlamentinin də müasir strukturunun və fəaliyyət prinsiplərinin formalaşmasında Heydər Əliyevin rəhbərliyi əvəzsizdir.
Heydər Əliyev Azərbaycanın qanunvericilik orqanının müasir və effektiv fəaliyyət göstərməsi üçün institusional islahatlar həyata keçirdi. 1995-ci ildə qəbul edilən Azərbaycan Respublikasının Konstitusiyası parlamentin hüquq və səlahiyyətlərini genişləndirdi. Heydər Əliyevin təşəbbüsü ilə parlamentin rolu yalnız qanunvericiliklə məhdudlaşmadı, həmçinin dövlət siyasətinin həyata keçirilməsində fəal iştirak edən orqan kimi inkişaf etdirildi.
Heydər Əliyevin rəhbərliyi ilə hazırlanan 1995-ci il Konstitusiyası Azərbaycan Respublikasında demokratik dövlət quruculuğu prosesinin əsasını qoydu. Konstitusiyada qanunverici hakimiyyətin fəaliyyəti, parlamentin tərkibi, seçki qaydaları və hüquqları ətraflı təsbit olunmuşdur.
Ulu Öndər parlament qarşısında Azərbaycanın neft-qaz resurslarının beynəlxalq əməkdaşlıq çərçivəsində istifadəsini təmin edən qanunvericilik aktlarının qəbul edilməsi, Ermənistanın işğalçılıq siyasətinə qarşı dövlət siyasətinin əsaslarının müəyyən edilməsi, sahibkarlığın inkişafına, özəlləşdirməyə və bazar iqtisadiyyatına keçidi təmin edən qanunların qəbulu, milli ideologiyanın inkişafına xidmət edən qanunvericilik aktlarının qəbul edilməsi kimi məsələlər qaldıraraq həllərinə nail olmuşdur.
Ümumilli Lider Heydər Əliyev həm ölkə daxilində, həm də beynəlxalq arenada Azərbaycan parlamentinin nüfuzunu yüksəltmiş, onun demokratik təsisat kimi möhkəmlənməsinə zəmin yaratmışdır. Onun rəhbərliyi ilə aparılan islahatlar Azərbaycanın müstəqilliyini və suverenliyini qorumaqda mühüm rol oynamışdır. Bu gün Azərbaycan parlamenti Heydər Əliyevin qoyduğu əsaslara uyğun olaraq ölkənin qanunvericilik sistemini və dövlət idarəetmə mexanizmini inkişaf etdirməkdə davam edir.
Heydər Əliyev sadəcə siyasi lider deyil, həm də xalqının yaxın dostu, dəstəkçisi idi. O, insanlarla birbaşa ünsiyyətdə olmaqdan çəkinməz, onların problemlərini dinləyər və həll yolları axtarardı. Onun “Xalq dövlət üçün yox, dövlət xalq üçün olmalıdır” prinsipi Azərbaycan siyasətinin əsas sütunlarından birinə çevrilib.
Ümummilli Lider Heydər Əliyevin həyat və fəaliyyəti müasir Azərbaycanın tarixində qızıl hərflərlə yazılıb. Onun irsi bu gün də Azərbaycan xalqı üçün yol göstəricidir. Heydər Əliyevin müdrik siyasəti və xalqına olan sevgisi Azərbaycan dövlətçiliyinin möhkəm təməllərini yaratdı.
Ümummilli Lider Heydər Əliyevin xatirəsi hər bir azərbaycanlının qəlbində əbədi yaşayır. Onun Vətən qarşısındakı misilsiz xidmətləri, dövlətçilik prinsipləri və uzaqgörən siyasəti bizə milli birliyimizi qorumağı və daha güclü gələcək qurmağı öyrətdi. 12 dekabr günü təkcə dahi liderimizi anmaq deyil, həm də onun ideyalarını yaşatmaq və gələcək nəsillərə ötürmək üçün bir çağırışdır.
Bu gün torpaqlarını düşmən işğalından azad edərək ərazi bütövlüyünü bərpa etmiş, müstəqilliyini, suverenliyini daha da möhkəmləndirmiş Azərbaycan Heydər Əliyev siyasətinin ən mahir davamçısı olan cənab Prezident İlham Əliyevin rəhbərliyi altında yüksəliş yolunda inamla irəliləyir. Müstəqil Azərbaycan var olduqca, onun qurucusu Ulu Öndər Heydər Əliyevin əziz xatirəsi də əbədi yaşayacaqdır.
Ümummilli Lider Heydər Əliyevin Azərbaycana rəhbərlik etdiyi ötən əsrin 70-80-ci illəri yaddaşlarda təkcə iqtisadi yüksəliş, təsərrüfatın bütün sahələrinin inkişafı dövrü kimi deyil, həm də elmin, təhsilin, mədəniyyətin misilsiz tərəqqisi illəri kimi qalıb. Məhz həmin dövrdə gələcək müstəqilliyimizin təməl daşları hörülüb, iqtisadi, sosial və mədəni potensialı formalaşıb. 1969-1982-ci illərdə həyatımızın bütün sahələrində köklü islahatlar aparılmış, əsaslı dəyişikliklər baş vermişdir. Bu nəhəng işlər öz miqyasına görə Azərbaycanın quruculuq salnaməsində ən dolğun səhifələri təşkil edir. Heydər Əliyev 10 may 1923-cü ildə Naxçıvan şəhərində anadan olub. 1944-cü ildə 1969-cu ilə qədər çalışdığı dövlət təhlükəsizliyi orqanlarında işə qəbul edilib. O, 1949–1950-ci illərdə Dövlət Təhlükəsizliyi Komitəsinin Leninqrad şəhərində yerləşən Rəhbər Kadrların Hazırlığı Məktəbində təhsil alıb, 1950-ci ildə Azərbaycan SSR Dövlət Təhlükəsizliyi Komitəsində bölmə rəisi vəzifəsinə təyin olunub. 1958-ci ildə Azərbaycan SSR Dövlət Təhlükəsizliyi Komitəsinin əks-kəşfiyyat şöbəsinin rəisi, 1964-cü ildə isə DTK-nın sədr müavini vəzifəsinə təyin edilib. H. Əliyev 1967-ci ildə Azərbaycan SSR Nazirlər Soveti yanında Dövlət Təhlükəsizliyi Komitəsinin sədri vəzifəsinə təyin olunub və həmin ildə ona general-mayor rütbəsi verilib.
1969-cu ildə Azərbaycan Kommunist Partiyası Mərkəzi Komitəsinin birinci katibi seçilib. Heydər Əliyev 22 il Azərbaycan SSR Ali Sovetinin və SSRİ Ali Sovetinin deputatı olub, 1974–1979-cu illərdə isə SSRİ Ali Soveti İttifaq Sovetinin sədr müavini vəzifəsinə təyin edilib. Heydər Əliyev 1976-cı ildə Sovet İttifaqı Kommunist Partiyası Mərkəzi Komitəsinin Siyasi Bürosunun üzvlüyünə namizəd, 1982-ci ilin dekabrında isə Siyasi Büronun üzvü seçilib və eyni zamanda SSRİ Nazirlər Soveti sədrinin birinci müavini vəzifəsinə təyin olunub. Bu vəzifədə işləyərkən Heydər Əliyev SSRİ-nin iqtisadi, sosial və mədəni həyatının ən mühüm sahələrinə rəhbərlik edib və SSRİ məkanında bir neçə mühüm layihənin həyata keçirilməsi məhz onun adı ilə bağlıdır. Sovet İttifaqı Kommunist Partiyası Mərkəzi Komitəsi Siyasi Bürosunun və şəxsən baş katib Mixail Qorbaçovun yeritdiyi siyasi xəttə etiraz olaraq, Heydər Əliyev 1987-ci ilin oktyabrında tutduğu vəzifələrdən istefa verib.
Heydər Əliyev 1990-cı il yanvarın 19-dan 20-nə keçən gecə sovet qoşunlarının Bakıda törətdiyi qanlı faciə ilə əlaqədar, yanvarın 21-də Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılması tələbini qoyub. O, Dağlıq Qarabağda yaranmış kəskin münaqişəli vəziyyətlə bağlı SSRİ rəhbərliyinin ikiüzlü siyasətinə etiraz əlaməti olaraq, 1991-ci ilin iyulunda Sovet İttifaqı Kommunist Partiyasının sıralarını tərk edib. 1990-cı ildə Bakıya qayıdan Heydər Əliyev sonra Naxçıvana yola düşüb, həmin ildə də Azərbaycan SSR xalq deputatı və Naxçıvan MSSR xalq deputatı seçilib. O, 1991-ci il sentyabrın 3-dən Naxçıvan Muxtar Respublikası Ali Sovetinin sədri, müvafiq qanunvericiliyə əsasən həm də Azərbaycan Respublikası Ali Soveti sədrinin müavini seçilib və 1993-cü ilədək bu vəzifədə çalışıb. 1992-ci il noyabrın 21-də Yeni Azərbaycan Partiyasının Naxçıvan şəhərində keçirilmiş təsis konfransında Heydər Əliyev partiyanın sədri seçilib. 1993-cü ilin may-iyun aylarında ölkədə vətəndaş müharibəsi və müstəqilliyin itirilməsi təhlükəsi yarandığı bir vaxtda Heydər Əliyev 1993-cü il iyunun 15-də Azərbaycan Respublikası Ali Sovetinin sədri seçilib, iyunun 24-dən isə Azərbaycan Respublikası Prezidentinin səlahiyyətlərini həyata keçirməyə başlayıb.
1993–2003-cü illərdə Azərbaycan Respublikasının Prezidenti vəzifəsini icra edib. 2003-cü il oktyabrın 15-də keçirilən prezident seçkilərində namizədliyinin irəli sürülməsinə razılıq vermiş Heydər Əliyev səhhətində yaranmış problemlərlə əlaqədar namizədliyini İlham Əliyevin xeyrinə geri götürüblər.
Heydər Əliyev Azərbaycan tarixinin XX əsrdə əhəmiyyətli simalarından biri hesab edilir. 1991-ci ildə müstəqilliyini bərpa edən Azərbaycan Respublikasının dövlət kimi möhkəmlənməsində onun xidmətləri böyükdür. 1993-cü ildə o, prezident seçildikdən sonra Azərbaycanda siyasi sabitlik bərpa olunub və mühüm dövlət təsisatları yaradılıb. Heydər Əliyevin rəhbərliyi ilə əhəmiyyətli siyasi, iqtisadi və sosial islahatlar həyata keçirilib. 1994-cü ildə Birinci Qarabağ müharibəsini dayandıran atəşkəs sazişi olan Bişkek protokolu imzalanıb. Azərbaycanın ilk konstitutsiyası qəbul edilib, parlament seçkiləri baş tutub. Onun təşəbbüsü və səyi nəticəsində Azərbaycanın gələcək iqtisadi yüksəlişini təmin edən "Əsrin müqaviləsi" adlanan neft sazişi imzalanıb.
1994-cü il sentyabrın 20-də Bakıda "Xəzər dənizinin Azərbaycan sektorunda "Azəri", "Çıraq" yataqlarının dərinlikdə yerləşən hissəsinin birgə işlənməsi və hasil olunan neftin pay şəklində bölüşdürülməsi" haqqında dünyanın 11 ən iri neft şirkəti ilə Əsrin Müqaviləsi imzalandı.
Heydər Əliyevin prezidentliyi zamanında milli ordu quruculuğunda ciddi dəyişikliklər başladı. Təcavüzkar silahlı qüvvələrinin Azərbaycan ərazisindəki azğınlıqlarının qarşısı alındı, qəddar düşmənə əks-zərbələr endirildi və 1994-cü ilin mayında Ermənistan-Azərbaycan, Dağlıq Qarabağ münaqişəsinin həllində ilk mərhələ kimi cəbhə xəttində atəşkəs elan edilməsinə nail olundu.
1995-ci ilin noyabrında referendum yolu ilə Azərbaycan Respublikasının ümumbəşəri demokratik dəyərləri özündə əks etdirən Konstitusiyasının qəbul edilməsi, 1995 və 2000-ci illərdə çoxpartiyalılıq əsasında demokratik parlament seçkilərinin keçirilməsi, Konstitusiya məhkəməsinin fəaliyyətə başlaması, Azərbaycanda ölüm cəzasının ləğv olunması, "Bələdiyyə seçkiləri haqqında qanun"un və bir sıra digər qanunların qəbulu və əməli surətdə həyata keçirilməsi məhz Heydər Əliyevin adı ilə bağlıdır.1998-ci il oktyabrın 11-də xalqın yüksək siyasi fəallığı şəraitində keçirilən seçkilərdə səslərin 76,1 faizini toplayaraq yenidən Azərbaycan Respublikasının Prezidenti seçilən
Heydər Əliyev 15 may 2001-ci il tarixli fərmanı ilə EA-ya Azərbaycan Milli Elmlər Akademiyası statusu vermiş, beləliklə bu nəhəng elm təşkilatının Azərbaycan xalqı qarşısındakı xidmətlərini və akademik elmin ölkənin inkişafının əsas təminatçılarından olduğu faktını bir daha yüksək səviyyədə təsdiqləmişdir. Böyük şəxsiyyətin təşəbbüsü, bilavasitə rəhbərliyi ilə 2001-ci il noyabrın 9–10-da Dünya Azərbaycanlılarının Bakıda keçirilən I qurultayı Azərbaycan diasporunun fəaliyyətinin yaxşılaşdırılması və gücləndirilməsi sahəsində çox dəyərli tarixi qərarlar qəbul etmişdir. 2003-cü ilin prezident seçkilərində namizədliyinin irəli sürülməsinə razılıq vermiş Heydər Əliyev səhhətində yaranmış problemlərlə əlaqədar seçkilərdə iştirak etməkdən imtina etmiş və öz namizədliyini İlham Əliyevin xeyrinə geri götürmüşdü. Azərbaycan xalqının ümummilli lideri Heydər Əliyev 2003-cü il dekabrın 12-də müalicə olunduğu Klivlend Klinikasında (ABŞ) vəfat etmiş, dekabrın 15-də Bakıda I Fəxri Xiyabanda dəfn olunmuşdur.
Bu gün ulu öndərin ruhu şaddır, çünki onun arzuları və vəsiyyəti yerinə yetirilmişdir. Müzəffər Ali Baş Komandan İlham Əliyevin rəhbərliyi Azərbaycan Ordusu torpaqlarımızı işğaldan azad etmiş və xalqımız 30 ildən cox həsrətində olduğu əzəli torpaqlarına qovuşmuşdur. Artıq regionda yeni reallıqlar yaratmış Azərbaycan indi də Heydər Əliyev ideyalarından ilham alaraq inkişaf edir və daha da güclənir.
Şübhəsiz ki, bütün ömrünü Vətəninə, xalqına sədaqətlə xidmət edən Ümummilli Liderin xatirəsi hər bir azərbaycanlının qəlbində yaşayacaq və onun ideyaları hər bir Azərbaycan vətəndaşının həyat amalına çevriləcək. Nə qədər ki, müstəqil Azərbaycan var, bu milət var, Ümummilli lider var. Məhz Heydər Əliyev müasir müstəqil Azərbaycanın dövlətçilik əsaslarını yaratmış, milli dövlətçiliyimizin ideya təməlini qoymuşdur.
19 saylı Şamaxı Xüsusi Təyinatlı Yol İstismarı MMC-nin rəhbəri Nazim Eynallı - Dekabrın 12-də xalqımız Ulu Öndər Heydər Əliyevin əziz xatirəsini ehtiramla yad edir. Dahi şəxsiyyət, böyük dövlət xadimi Heydər Əliyev bütün ömrünü Azərbaycanın inkişafına, xalqının rifahına və dövlətçiliyimizin möhkəmlənməsinə həsr etmişdir. Onun fəaliyyəti həm Sovet dövründə, həm də müstəqillik illərində Azərbaycan tarixində silinməz izlər buraxmışdır.
Heydər Əliyev 1923-cü il mayın 10-da Naxçıvanda anadan olmuşdur. 1944-cü ildən təhlükəsizlik orqanlarında çalışaraq general-mayor rütbəsinə qədər yüksəlmiş, 1969-cu ildə Azərbaycan Kommunist Partiyası Mərkəzi Komitəsinin birinci katibi seçilmişdir. Onun rəhbərliyi ilə Azərbaycan SSRİ-nin ən qabaqcıl respublikalarından birinə çevrilmiş, sosial-iqtisadi, mədəni və hərbi sahələrdə böyük nailiyyətlər əldə etmişdir. Xüsusilə Cəmşid Naxçıvanski adına Hərbi Liseyin yaradılması onun uzaqgörən siyasətinin və xalqına olan sevgisinin təcəssümüdür. Bu liseyin yetirmələri daha sonra müstəqil Azərbaycanın ordu quruculuğunda mühüm rol oynamışdır.
Azərbaycanın müstəqillik illərində Heydər Əliyevin hakimiyyətə qayıdışı ölkədə sabitliyin və inkişafın təmin olunmasında həlledici rol oynadı. 1993-cü ildə xalqın təkidli tələbi ilə hakimiyyətə gələn Ulu Öndər siyasi böhranı aradan qaldıraraq, ölkənin parçalanma və dövlət müstəqilliyini itirmə təhlükəsinin qarşısını aldı. Onun rəhbərliyi ilə güclü Milli Ordu yaradıldı, hərbi intizam bərpa olundu və Azərbaycanın müdafiə qabiliyyəti artırıldı.
Heydər Əliyevin təşəbbüsü ilə həyata keçirilən iqtisadi, siyasi və hüquqi islahatlar Azərbaycanı beynəlxalq aləmdə nüfuzlu dövlətə çevirdi. “Əsrin müqaviləsi” adlanan neft sazişi ilə Azərbaycanın dünya enerji bazarına çıxışı təmin olundu və ölkəmizin iqtisadi inkişafında əsaslı dönüş baş verdi. Eyni zamanda, Ulu Öndərin xarici siyasəti Azərbaycanın müstəqilliyinin qorunmasını, ərazi bütövlüyünün müdafiəsini və beynəlxalq təşkilatlarda güclü mövqeyinin təmin edilməsini əsas prioritetlərdən biri kimi müəyyən etdi.
Ümummilli Lider, həmçinin Azərbaycan gəncliyinin milli ruhda, vətənpərvər bir şəkildə formalaşdırılmasına böyük diqqət yetirmişdir. Bu siyasət 2020-ci ilin Vətən müharibəsində qazanılan tarixi Zəfərdə mühüm rol oynamışdır. Azərbaycan gəncləri, Ulu Öndərin əsasını qoyduğu milli birlik və azərbaycançılıq məfkurəsinin daşıyıcıları olaraq, işğal altında olan torpaqlarımızın azad edilməsi uğrunda qəhrəmanlıqla mübarizə aparmışdır.
Ulu Öndərin siyasi kursu Prezident İlham Əliyev tərəfindən müasir dövrün tələblərinə uyğun olaraq uğurla davam etdirilir. Heydər Əliyevin müəyyən etdiyi strateji xəttin davamı olaraq, Azərbaycan regionun lider dövlətinə çevrilmişdir. 44 günlük Vətən müharibəsi ilə torpaqlarımızın azad edilməsi Heydər Əliyevin xalqına qoyub getdiyi ən böyük vəsiyyətin gerçəkləşməsi idi. Prezident, Ali Baş Komandan İlham Əliyevin qətiyyəti ilə bu arzunun reallığa çevrilməsi Azərbaycan xalqının iradəsinin və gücünün göstəricisi oldu.
Heydər Əliyevin zəngin siyasi irsi, dövlətçilik ideyaları və dərin fəlsəfəsi xalqımızın yoluna daim işıq saçacaqdır. Azərbaycanın müasir dövrdə əldə etdiyi uğurlar, regionda lider mövqeyə yüksəlməsi və beynəlxalq arenada qazandığı nüfuz, Ulu Öndərin müdrik siyasətinin və cənab İlham Əliyevin bu siyasəti layiqincə davam etdirməsinin nəticəsidir. Əminliklə demək olar ki, Heydər Əliyevin əsası qoyduğu müasir Azərbaycan dövlətçiliyi dünya siyasi arenasında layiq olduğu zirvəyə yüksəlib.
Səhiyyə Nazirliyində saxta diplomlu həkimlərlə bağlı araşdırma aparılır.
report xəbər verir ki, bunu səhiyyə naziri Teymur Musayev jurnalistlərə açıqlamsında deyib.
Nazir bildirib ki, saxta həkimlərin sosial şəbəklərdən xəstələr cəlb etdiyi məlum olub:
"Bununla bağlı Baş Prokurorluğa müraciət olunub. Bu kimi hallarla bağlı qanunvericilikdə nəzərdə tutulan tədbirlər görüləcək"
Ulu Öndər Heydər Əliyev müasir Azərbaycan tarixində həm Sovet dövründə, həm də müstəqillik illərində misilsiz xidmətlər göstərmiş böyük dövlət xadimi, müdrik siyasətçi və xalqın rifahını hər zaman ön planda saxlayan milli lider olmuşdur. Onun həyatı və fəaliyyəti tariximizin ən əlamətdar və parlaq səhifələrindən biridir.
Heydər Əliyevin Sovet dövründəki fəaliyyəti ölkəmizin sosial-iqtisadi, elmi və mədəni həyatında mühüm dəyişikliklərlə yadda qalmışdır. Onun rəhbərliyi ilə respublikanın hərtərəfli inkişafı təmin edilmiş, Azərbaycanın SSRİ daxilində nüfuzu və rolu əhəmiyyətli dərəcədə artmışdır. Dahi Liderin rəhbərliyi ilə 1969-1982-ci illərdə Azərbaycanda 250-dən çox yeni sənaye müəssisəsi istifadəyə verilmişdir. Ulu Öndər ölkəmizin zəngin neft və qaz ehtiyatlarından daha səmərəli istifadə edilməsinə nail olmuş, Bakı neft sənayesi SSRİ-nin əsas strateji sahələrindən birinə çevrilmişdir.
Heydər Əliyev azərbaycanlı gənclərin SSRİ-nin nüfuzlu universitetlərində təhsil almasına şərait yaratmışdır. Hər il minlərlə tələbə mühəndislik, tibb, hüquq, incəsənət və digər sahələrdə təhsil almaq üçün xaricə göndərilmişdir. Ulu Öndər milli kadrlara xüsusi önəm verərək dövlət idarəetmə sistemində, sənayedə və elmdə onların iştirakını artırmışdır. Bu, Azərbaycanın müstəqillik dövrü üçün də mühüm əsas olmuşdur.
Ümummilli Liderin təşəbbüsü ilə Azərbaycan iqtisadiyyat, mədəniyyət və digər sahələrdə SSRİ-nin digər respublikalarına nümunə göstərilmişdir. Onun uzaqgörən idarəetmə siyasəti nəticəsində Azərbaycan ittifaq respublikaları arasında inkişaf göstəricilərinə görə öncül yerlərdən birini tutmuşdur. Bu dövrdə əldə olunan nailiyyətlər müstəqil Azərbaycan dövlətinin formalaşmasında əsaslı rol oynamışdır.
Heydər Əliyevin müstəqillik illərindəki fəaliyyəti Azərbaycanın dövlətçiliyinin möhkəmlənməsi, sosial-iqtisadi sabitliyin bərpası və beynəlxalq nüfuzunun artmasına xidmət etmişdir. Dahi Lider ölkənin ağır siyasi, iqtisadi və sosial böhran dövründə xalqın tələbi ilə hakimiyyətə qayıdaraq müasir Azərbaycanın qurulmasında həlledici rol oynadı. 1993-cü ildə Heydər Əliyevin hakimiyyətə qayıdışı ilə ölkədə anarxiya və xaosa son qoyuldu. Onun qətiyyətli addımları sayəsində Azərbaycanın parçalanmaq və müstəqilliyini itirmək təhlükəsi aradan qaldırıldı.
Heydər Əliyev ordu quruculuğuna xüsusi diqqət ayıraraq Azərbaycanın müdafiə qabiliyyətini artırdı. Milli Ordunun yenidən təşkil edilməsi, peşəkar kadrların hazırlanması və hərbi texnikanın modernləşdirilməsi həyata keçirildi. 1994-cü ildə Heydər Əliyevin diplomatik səyləri nəticəsində Ermənistanla atəşkəs müqaviləsi imzalandı. Bu, Azərbaycanın hərbi gücünü və mövqelərini bərpa etməsi üçün vaxt qazandırdı. Heydər Əliyev Qarabağ probleminin sülh yolu ilə həllinə nail olmaq üçün beynəlxalq təşkilatlarda Azərbaycanın maraqlarını qətiyyətlə müdafiə etdi.
20 sentyabr 1994-cü il tarixində imzalanmış “Əsrin müqaviləsi” Azərbaycanın neft sənayesinə xarici investisiyaların cəlb olunması və ölkə iqtisadiyyatının inkişafında dönüş nöqtəsi oldu. Bu müqavilə ilə Azərbaycan dünya enerji bazarında mühüm yer tutmağa başladı. Bakı-Tbilisi-Ceyhan və Bakı-Tbilisi-Ərzurum boru kəməri layihələri Azərbaycanın iqtisadi və geosiyasi əhəmiyyətini artırdı.
Dahi şəxsiyyət balanslaşdırılmış xarici siyasət həyata keçirərək həm Qərb, həm də qonşu ölkələrlə əməkdaşlığı inkişaf etdirdi. Azərbaycanın müstəqilliyi beynəlxalq miqyasda tanındı və dövlətimiz BMT, ATƏT, İslam Əməkdaşlıq Təşkilatı kimi nüfuzlu qurumlarda öz mövqeyini möhkəmləndirdi. Dünyada yaşayan azərbaycanlıların birliyini gücləndirmək və Azərbaycan həqiqətlərini təbliğ etmək üçün məqsədyönlü addımlar atıldı.
Ulu Öndər Heydər Əliyevin 2003-cü ildə xalqa müraciəti cənab İlham Əliyevin prezidentliyə namizədliyinin irəli sürülməsi və xalqın gələcəyinin müəyyənləşdirilməsi baxımından əhəmiyyətli idi. Heydər Əliyev müstəqil Azərbaycanın qurulması və sabitliyin təmin olunmasında əsaslı islahatlar həyata keçirdiyini, xalqın rifahının artırılması naminə mühüm layihələr başlatdığını vurğulayaraq bu prosesin davam etdirilməsi üçün cənab İlham Əliyevin prezidentliyə namizədliyini dəstəklədiyini bildirdi.
Ulu Öndərin müstəqil Azərbaycanın qurulması və möhkəmləndirilməsi istiqamətində gördüyü işlər Prezident İlham Əliyev tərəfindən uğurla davam etdirilir. Görülən işlər Azərbaycanın keçmişdən bu günədək olan inkişafında ardıcıllıq və strateji yanaşmanın təmin edildiyini göstərir. Heydər Əliyevin irəli sürdüyü dövlət quruculuğu prinsipləri, enerji strategiyası, xarici siyasət kursu və milli dəyərlərin qorunması ideyaları cənab İlham Əliyevin fəaliyyətində daha da təkmilləşdirilərək yeni mərhələyə çatdırıldı.
2020-ci ilin Vətən müharibəsində tarixi Zəfərin qazanılmasında Ulu Öndər Heydər Əliyevin müstəsna xidmətləri ilə yanaşı, Prezident İlham Əliyevin həmin kursu uğurla davam etdirməsi həlledici rol oynamışdır. 2023-cü ildə bir günlük lokal xarakterli antiterror əməliyyatları nəticəsində Azərbaycanın dövlət suverenliyi təmin edilmişdir. Bu əməliyyatlar, ölkənin suverenliyinin qorunması və ərazi bütövlüyünün təmin edilməsi məqsədilə həyata keçirilmiş və nəticədə Azərbaycanın hüquqi və beynəlxalq mövqeyi gücləndirilmişdir.
Prezident İlham Əliyev işğaldan azad edilmiş ərazilərdə Böyük Qayıdış proqramını uğurla həyata keçirir. Bu proqram çərçivəsində Qarabağ və Şərqi Zəngəzurda yenidənqurma işləri aparılır, infrastruktur qurulur və sakinlərin öz yurdlarına qayıdışı təmin edilir. Bununla da, cənab İlham Əliyev, Ulu Öndər Heydər Əliyevin milli birlik, sabitlik və davamlı inkişaf prinsiplərini uğurla gerçəkləşdirərək, azad edilmiş torpaqlarda həm iqtisadi, həm də sosial baxımdan yeni bir həyatın qurulması istiqamətində mühüm addımlar atır, bu ərazilərin gələcəkdə ölkənin inkişafına xidmət edəcək dayanıqlı bir infrastruktura çevrilməsi üçün təməl yaradılır.
Heydər Əliyevin dövlət quruculuğu sahəsindəki xidmətləri xalqımızın yaddaşında daim yaşamaqda və gələcək nəsillər üçün ilham mənbəyi olmaqda davam edir.
“Dövlətin gücü, inkişafı onun iqtisadi potensialı və mövcud resurslardan səmərəli istifadə ilə bilavasitə asılıdır. Təbii sərvətlərlə, xüsusilə də, neft və qazla zəngin olan ölkəmiz məhz düzgün iqtisadi idarəçilik sayəsində uğurlar əldə edə bilib. Heç şübhəsiz ki, bu uğurların təməlində Ümummilli Lider Heydər Əliyevin dövlətçilik təcrübəsi, siyasi səriştəsi dayanır. Ulu Öndər hələ 1969-cu ildə, ilk dəfə hakimiyyətə gələndə Azərbaycan müttəfiq respublikalar içərisində iqtisadi cəhətdən ən geridə qalmış ölkələrdən biri idi. 1982-ci ildə isə Azərbaycan iqtisadiyyatı Heydər Əliyevin idarəçiliyi ilə SSRİ-də Rusiyadan sonra özünü ən yaxşı təmin edən ikinci ölkə oldu. İqtisadi artım tempi Ümummilli Liderin hakimiyyətdə olduğu bütün dönəmlərdə yüksələn xətlə davam etdi. Heydər Əliyevin Sovet dövründəki hakimiyyəti illərində Azərbaycanın müstəqilliyi üçün yaradılan güclü iqtisadi zəmin sonrakı illərdə öz müsbət nəticəsini göstərdi. 1980-ci illərin sonu və 1990-cı illərin əvvəlində ölkədə müşahidə olunan iqtisadi durğunluq da məhz Heydər Əliyev ikinci dəfə hakimiyyətə gələndən sonra aradan qaldırıldı”.
Ölkəmizdə müstəqillik illərində iqtisadiyyatın bütün sahələrində qazanılmış nailiyyətlər Ulu Öndər Heydər Əliyevin rəhbərliyi ilə həyata keçirilən dövlət proqramları, inkişaf konsepsiyaları və strategiyaları nəticəsidə əldə olundu: “Ulu Öndər 1993-cü ildən Azərbaycana rəhbərlik edəndən sonra iqtisadiyyyatın bütün sahələrində inkişaf qeydə alındı. Ulu Öndər 1993-cü ildə xalqın təkidli tələbi ilə Bakıya gələndə respublika iqtisadiyyatı tamamilə dağıdılmışdı, xalqın sosial rifahı olduqca aşağı idi. Heydər Əliyevin özünün də qeyd etdiyi kimi, respublikanın böyük sosial-iqtisadi, elmi-texniki potensialı, coğrafi-siyasi vəziyyəti, təbii sərvətləri ağır böhrandan çıxmağa imkan verdi. Təbii ki, iqtisadi islahatlar aparmadan, düzgün idarəetmə sistemini qurmadan bu böhrandan tezliklə çıxmaq mümkün deyildi. Müstəqilliyin ilk illərində ölkəmizin investisiya imkanlarının məhdudluğunu nəzərə alan Ulu Öndər xüsusi qeyd edirdi ki, ilkin olaraq ölkənin iqtisadi-siyasi müstəqilliyini qorumağa və xalqın zəruri tələbatlarını mümkün qədər təmin etməyə imkan verən iqtisadi istiqamətlər inkişaf etdirilməlidir. Aparılan düzgün siyasət Azərbaycanı qısa zaman kəsiyində dünyanın iqtisadi cəhətdən ən sürətli inkişaf edən ölkələrindən birinə çevirdi. Yeni iqtisadi layihələr hazırlandı, xarici investorlar ölkəmizə dəvət edildi, “Əsrin müqaviləsi”nin imzalanmasına nail olundu, neft-qaz kəmərləri çəkildi, o cümlədən Bakı-Tiflis-Ceyhan layihəsinin təməli qoyuldu. 1993-2003-cü illərdə Azərbaycan iqtisadiyyatına təqribən 10 milyard dollar investisiya yatırıldı. Bazar iqtisadiyyatına keçid, sahibkarlıq fəaliyyətinin genişləndirilməsi, özəlləşdirmənin həyata keçirilməsi qısa zaman ərzində özünün müsbət nəticələrini göstərdi. Makroiqtisadi sabitliyin əldə olunması, iqtisadiyyatın bütün sahələrində inkişafın müşahidə edilməsi həyata keçirilən genişmiqyaslı iqtisadi islahatların ilkin nəticələri idi. Bazar iqtisadiyyatı yolunda inamla addımlayan Azərbaycanda sərbəst bazar münasibətlərinə əsaslanan liberal iqtisadiyyat xətti dövlət tərəfindən tam dəstəkləndi. Müstəqilliyin, siyasi azadlığın iqtisadi qüdrət və inkişafdan keçdiyini daim vurğulayan Ulu Öndər zəngin sərvətlərimizdən əldə olunan gəlirlərdən gələcək nəsillərin də faydalanması üçün qətiyyətli addımlar atdı. Ümummilli Lider 1999-cu il dekabrın 29-da “Azərbaycan Respublikası Dövlət Neft Fondunun yaradılması haqqında” Fərman imzaladı. Ulu Öndər Heydər Əliyevin müdrik qərarı əsasında Neft Fondundan ilk vəsait Azərbaycan xalqının ən ağır şəraitdə yaşayan və ən həssas sosial təbəqəsi olan qaçqın və məcburi köçkünlərin sosial-məişət şəraitinin yaxşılaşdırılması ilə bağlı tədbirlərin maliyyələşdirilməsinə istiqamətləndirildi”.
Azərbaycanın müstəqilliyinin iqtisadi əsaslarının gücləndirilməsi, xalqın sosial müdafiəsinin təmin edilməsi üçün həyata keçirdiyi çoxşaxəli islahatlar Ulu Öndərin böyük təcrübə, analitik düşüncə və uzaqgörən iqtisadi strategiyaya malik bir şəxsiyyət olduğunun təsdiqidir: “Güclü iqtisadi təməl üzərində qurulan Azərbaycan dövləti məhz Ulu Öndərin uzagörən siyasətinin nəticəsi olaraq müasir ordu yaratdı, Silahlı Qüvvələrimiz yenidən təşkil olundu, ən yeni silahlar alındı. Azərbaycan Ordusu 30 ilə yaxın düşmən işğalı altında olan torpaqlarımızı Prezident, Ali Baş Komandan İlham Əliyevin rəhbərliyi ilə 44 gün ərzində işğaldan azad etdi. Ümummilli Liderin layiqli davamçısı, cənab İlham Əliyevin məhsuldar fəaliyyəti, cəsarətli siyasəti, iradəli addımları sayəsində Azərbaycan böyük uğurlar qazandı. Milli iqtisadi inkişaf strategiyasının uğurla reallaşdırılması nəticəsində ölkəmizdə davamlı və dayanıqlı inkişaf tam təmin edildi”.
Hər bir xalqın tarixində Vətəni üçün gördüyü böyük işlərlə, atdığı əvəzsiz addımlarla həmvətənləri tərəfindən qəhrəmanlıq rəmzinə çevrilmiş, xilaskar kimi qəbul edilən və illər keçsə də qəlblərdə daim yaşayan şəxsiyyətlər olmuşdur. Belə insanlar dövlətin ən çətin və qaranlıq dövrlərində işıq saçmış, xalqını böhranlardan çıxararaq gələcəyini təmin etmiş və adlarını əbədi olaraq dövlətçilik tarixinə həkk etmişlər.
Ulu Öndərimiz, Ümummilli Liderimiz Heydər Əliyev də Azərbaycan xalqının əvəzolunmaz şəxsiyyəti, tarixi qəhrəmanıdır. Xalqımız bu böyük liderin əziz xatirəsini hər zaman ehtiramla yad edir və onun Vətənimiz üçün göstərdiyi misilsiz xidmətləri heç vaxt unutmur. Millətin və dövlətin ali mənafeyini öz fəaliyyətində əsas prinsip və norma kimi qəbul etmək, xalqın səsinə - çağırışına cavab vermək, hətta həyatını təhlükəyə atmaq bahasına belə olsa, millətin haqq səsini dilə gətirmək, tarixi məqamlarda məsuliyyəti öz üzərinə götürmək Heydər Əliyevin şəxsiyyətini digər rəhbərlərdən kəskin fərqləndirən xüsusiyyətlərdir. Məhz bu səbədən biz əminliklə deyirik ki, Heydər Əliyev irsi bizim milli sərvətimizdir. Heydər Əliyevin həyat və fəaliyyətinin öyrənilməsi, işıqlandırılması həm elə müasir Azərbaycanın müstəqillik və inkişaf tarixinin öyrənilməsi, həm də əsl liderlik xüsusiyyətlərinin, vətən-millət sevgisinin gələcək nəsillərə öyrədilməsi üçün ən gözəl nümunədir.
Ümummilli Liderin Azərbaycan dövləti və xalqı qarşısındakı tarixi xidmətləri Azərbaycan müstəqilliyini bərpa etməzdən xeyli əvvəl başlamışdır. Xalqımız 1969-1982-ci illərdə Heydər Əliyevin ölkəyə rəhbərlik etdiyi dövrdə azərbaycançılıq ruhunu və milli dövlətçilik ideyasını qoruyan və gücləndirən Heydər Əliyev siyasətini ilə yaxşı bilir. Bu dövrdə onun həyata keçirdiyi siyasət xalqda ona qarşı dərin sevgi və böyük inam hissi yaratmışdır. Daha sonra xalqın bu sevgisi və çağırışları Heydər Əliyevin vətənə geri qayıtmasına səbəb olmuşdur. Onun Naxçıvan Muxtar Respublikasında və Azərbaycanın Ali Sovetindəki fəaliyyəti isə xalqı bir daha əmin etmişdir ki, Heydər Əliyevin liderlik keyfiyyətləri, müdrikliyi, məsuliyyətli və cəsarətli qərarlar qəbul etmək bacarığı, eləcə də millətə olan sevgisi tükənməz və misilsizdir.
1990-cı illərin əvvəllərində SSRİ-nin dağılması və Azərbaycanın müstəqillik uğrunda apardığı mübarizə ölkənin siyasi mənzərəsində ciddi dəyişikliklər yaratdı. Bu dövrdə milli kimliyin qorunması və ölkənin inkişafı baxımından Ulu Öndər Heydər Əliyev siyasi fəaliyyətə yenidən qayıtdı. Heydər Əliyev Naxçıvana gedərək Azərbaycanın siyasi və iqtisadi vəziyyətinin sabitləşməsi istiqamətində fəal işlərə başladı. Ümumilli Liderin böyük siyasətə qayıdışı yalnız Naxçıvan üçün deyil, bütün Azərbaycan üçün taleyüklü hadisə oldu.
Heydər Əliyevin Naxçıvana gəlişi ilə bölgənin siyasi həyatı yeni bir mərhələyə qədəm qoydu. 1990-cı il noyabrın 17-də Naxçıvan Ali Məclisinin ilk sessiyasında deputatların istək və təkidi ilə Ulu Öndər Heydər Əliyevin sədrlik etdiyi parlament fəaliyyətə başladı. Onun rəhbərliyi altında Naxçıvan Ali Məclisinin fəaliyyəti Azərbaycanın suverenliyinin qorunmasına yönəlmiş, bölgənin iqtisadi, sosial və mədəni sahələrdə inkişafını təmin etməyə hədəflənmişdi. Bu dövrdə Heydər Əliyevin siyasi uzaqgörənliyi sayəsində Naxçıvan özünü müdafiə edə bilən bir bölgə kimi formalaşmağa başladı
17 noyabr 1990-cı ildə Naxçıvan Ali Məclisinin birinci sessiyasında ilk dəfə üçrəngli Azərbaycan bayrağı qaldırıldı və milli bayraqla bağlı iki maddəlik qərar qəbul edildi. Eyni zamanda Heydər Əliyevin təşəbbüsü ilə Naxçıvan Muxtar Respublikasının adından “Sovet” və “Sosialist” sözləri çıxarıldı. SSRİ-nin hələ mövcud olduğu bir vaxtda belə bir qərarın qəbul edilməsi və həyata keçirilməsi böyük siyasi iradə və cəsarət tələb edirdi ki, Ulu Öndər bunu qətiyyətlə nümayiş etdirdi. Həmçinin, Naxçıvanda Kommunist Partiyasının fəaliyyəti dayandırıldı, Sovet ordusunun və hərbi birləşmələrinin bölgədən çıxarılmasına nail olundu. Bu addımlar nəticəsində Heydər Əliyevin rəhbərliyi altında Naxçıvanda milli dövlətçilik ənənələrinin bərpası prosesi başlandı.
1991-ci il sentyabrın 3-ü Azərbaycanın tarixində əlamətdar günlərdən biri kimi yadda qaldı. Həmin gün Heydər Əliyev deputatların və minlərlə insanın israrlı təkidi ilə Naxçıvan Muxtar Respublikasının Ali Məclisinin sədri seçildi. Bu hadisə yalnız Naxçıvanın deyil, bütövlükdə Azərbaycanın rifaha və qurtuluşa doğru irəliləməsinin başlanğıcı oldu. O, bu hadisə ilə bağlı belə demişdir: “Bu zamanın, bu dəqiqələrin, bu saatın hökmünü nəzərə almamaq olmaz… Xalqın bu əhval-ruhiyyəsini və tələblərini nəzərə alaraq bütün məsələləri götür-qoy etdim. Mən öz taleyimi xalqa etibar etmişəm və xalqın iradəsini, xüsusən də bu çətin dövrdə, həyata keçirməyə çalışmalıyam.”
Müharibənin davam etdiyi, enerji resurslarının çatışmazlığı yaşandığı çətin dövrdə Heydər Əliyev Naxçıvan Ali Məclisinin sədri kimi bölgənin iqtisadi inkişafını və sabitliyini təmin etmək üçün genişmiqyaslı islahatlar həyata keçirdi.
1991 –1993-cü illər arasında qəbul edilən iqtisadi qərarlar və görülən tədbirlər nəticəsində Naxçıvanda sosial-iqtisadi sabitlik təmin olundu. Bu islahatlar Naxçıvanın dayanıqlı inkişafının əsasını təşkil edərək, onun Azərbaycan daxilində və beynəlxalq arenada güclənməsinə səbəb oldu.
Ulu Öndər Heydər Əliyev milli ideologiyanın ön plana çəkilməsinə xüsusi önəm verirdi. Bu məqsədlə, o, bir sıra mühüm tədbirlər həyata keçirdi və tarixi əhəmiyyətə malik qərarlar qəbul etdi. İlk olaraq, 1990-cı il 20 Yanvar faciəsinin siyasi və hüquqi baxımdan Azərbaycan xalqına qarşı törədilmiş cinayət kimi tanınması qərara alındı. Eyni zamanda, Heydər Əliyevin təşəbbüsü ilə 1991-ci il dekabrın 16 – da Naxçıvan Ali Məclisinin qərarı əsasında “31 Dekabr – Dünya Azərbaycanlılarının Həmrəyliyi və Birlik Günü” elan edildi. Bu qərar, dünya azərbaycanlılarının birliyinin möhkəmlənməsinə və milli həmrəyliyin gücləndirilməsinə böyük töhfə verərək, dünya azərbaycanlılarını birləşdirən tarixi hadisə kimi qiymətləndirildi.
Həmçinin, Naxçıvan Muxtar Respublikası Ali Məclisinin təklifi əsasında Azərbaycan SSR Ali Soveti 1991-ci il fevralın 5-də “Dövlət Bayrağı haqqında” qanunu qəbul etdi. Bu qərar, Azərbaycanın dövlətçilik tarixində mühüm bir hadisə olaraq yadda qaldı və Heydər Əliyevin liderlik xüsusiyyətlərini bir daha sübut etdi.
1991-1993-cü illər arasında Azərbaycan ağır siyasi və iqtisadi böhran dövrünü yaşayırdı. Ölkədəki hərc-mərclik dövlət idarəçiliyinə ciddi təsir göstərir, xalq isə hər gün yeni problemlərlə üzləşirdi. Bir tərəfdən Ermənistanla müharibə şəraitində olan Azərbaycan, digər tərəfdən də daxili siyasi sabitlikdən məhrum vəziyyətdə idi. Dövlət idarəçiliyinin qeyri-peşəkar və səriştəsiz şəxslərin əlində olması nəticəsində ölkədə xaos yaranmış, iqtisadiyyat çökmüşdü. Belə bir mürəkkəb vəziyyətdə xalq çıxış yolu olaraq yenidən öz xilaskarına üz tutdu. 1993-cü ilin yayında xalqın tələbi və dəstəyi ilə Heydər Əliyev Naxçıvandan Bakıya dəvət edildi.
1993-cü il 3 oktyabrda keçirilən prezident seçkiləri isə Azərbaycan tarixində dönüş nöqtəsi kimi yadda qaldı. Belə ki, xalq, üzərinə düşən böyük məsuliyyəti dərk edərək Heydər Əliyevi Azərbaycan Respublikasının Prezidenti seçdi. Ulu Öndərin böyük səs çoxluğu ilə prezident seçilməsi, bugünkü güclü, müstəqil və suveren Azərbaycan dövlətinin təməlinin qoyulmasına səbəb oldu.
Ümumilli Lider Heydər Əliyevin ömrünü Azərbaycan Respublikasının gələcək inkişafına həsr edəcəyi, onun and içmə mərasimindəki nitqində artıq aydın olmuşdur. Heydər Əliyev nitqində demişdir: “Bu gün mənim üçün tarixi, əlamətdar bir gündür. Mənə göstərilən bu böyük etimada görə Azərbaycan vətəndaşlarına, Azərbaycan xalqına hörmətimi, məhəbbətimi bildirir və əmin etmək istəyirəm ki, həyatımın sonuna qədər xalqıma sədaqətlə xidmət edəcək və bütün fəaliyyətimi Azərbaycan Respublikasının gələcək inkişafına sərf edəcəyəm”
Bu gün bizi Qarabağ Zəfərinə aparan ordu quruculuğundan tutmuş, Azərbaycanı sürətlə inkişaf edən ölkələr sırasına qaldıran iqtisadi gücümüzə və ölkəmizi Avropanın etibarlı enerji tərəfdaşlarından birinə çevirən neft-qaz siyasətinə qədər dövlətimizin bütün sahələrində Heydər Əliyevin xidmətləri öz əksini tapır. Onun əməyinin, zəkasının və uzaqgörənliyinin izləri hər yerdə görünür. Ən önəmlisi odur ki, Heydər Əliyevin Prezident seçilməsindən sonra biz ilk dəfə müstəqillik tariximizdə güclü mərkəzi hakimiyyətin, xalq-iqtidar birliyinin və peşəkar rəhbərliyin nə olduğunun şahidi olduq. Ulu Öndərin hakimiyyətə gəlişi ilə ölkədə sabitlik təmin edildi, vətəndaş həmrəyliyi bərpa olundu, Qarabağ müharibəsində atəşkəsə nail olundu və düşmənin təcavüzü dayandırıldı. Hələ Sovet dövründə Cəmşid Naxçıvanski adına hərbi məktəbin açılmasını təmin edən Heydər Əliyev, müstəqil Azərbaycanın güclü ordusunun əsasını qoyan şəxsiyyət kimi tarixdə iz qoymuşdu.
Müstəqil və müasir Azərbaycanın tarixində baş verən bütün mühüm hadisələr məhz Heydər Əliyevin adı ilə bağlıdır. Dövlət bayrağımızın təsdiqi, demokratik idarəetmə sisteminin qurulması, ilk parlament seçkilərinin keçirilməsi, müstəqil dövlətimizin ilk Konstitusiyasının qəbulu, çoxpartiyalı siyasi sistemin formalaşması, iqtisadi yüksəlişimizin təməlini təşkil edən “Əsrin müqaviləsi”nin imzalanması, Azərbaycanın dünya birliyinə sürətli inteqrasiyası və beynəlxalq diplomatik əlaqələrin genişlənməsi onun uzaqgörən siyasətinin nəticəsidir. BMT və Avropa Birliyi kimi beynəlxalq təşkilatlarla əməkdaşlıq mühitinin formalaşdırılması və güclü, müasir Azərbaycanın yaradılması Heydər Əliyevin qətiyyəti və vətənə olan sonsuz sevgisinin məhsuludur.
Onun hakimiyyəti dövründə mətbuatda senzura aradan qaldırıldı, məhkəmə islahatları həyata keçirildi, Konstitusiya Məhkəməsi və Ombudsman təsisatı yaradıldı. İnsan və vətəndaş hüquq və azadlıqlarının təmin edilməsi dövlətin ali məqsədi elan olundu, hüquq-mühafizə orqanlarının fəaliyyəti təkmilləşdirildi. Həyata keçirilən siyasi və hüquqi islahatlar nəticəsində Azərbaycan həqiqi mənada demokratik-hüquqi dövlətə çevrildi.
Onun rəhbərliyi ilə həyata keçirilən “Bakı-Tbilisi-Ceyhan” və “Bakı-Tbilisi-Ərzurum” neft-qaz kəmərləri layihələri Azərbaycanın iqtisadi müstəqilliyini təmin etdi və regionun sabitliyinə mühüm töhfə verdi. Heydər Əliyevin uzaqgörən siyasəti nəticəsində Azərbaycan enerji, nəqliyyat və logistika mərkəzinə çevrildi.
Heydər Əliyevin siyasətində gənclər xüsusi yer tuturdu. O, gələcəyin təhsilli, vətənpərvər və milli dəyərlərə sadiq gənclərin yetişdirilməsinə xüsusi diqqət yetirirdi. Onun təşəbbüsü ilə xarici ölkələrdə təhsil alan tələbələr proqramı, elmin və təhsilin inkişafına yönələn dövlət dəstəyi bu gün də öz müsbət nəticələrini verməkdədir.
Ümumilli Lider Azərbaycanın milli ideologiyasının formalaşdırılması, dövlət quruculuğu proseslərinin istiqamətləndirilməsi və ölkənin beynəlxalq aləmdə nüfuz qazanmasında mühüm rol oynamışdır. Azərbaycan Parlamentinin də müasir strukturunun və fəaliyyət prinsiplərinin formalaşmasında Heydər Əliyevin rəhbərliyi əvəzsizdir.
Heydər Əliyev Azərbaycanın qanunvericilik orqanının müasir və effektiv fəaliyyət göstərməsi üçün institusional islahatlar həyata keçirdi. 1995-ci ildə qəbul edilən Azərbaycan Respublikasının Konstitusiyası parlamentin hüquq və səlahiyyətlərini genişləndirdi. Heydər Əliyevin təşəbbüsü ilə parlamentin rolu yalnız qanunvericiliklə məhdudlaşmadı, həmçinin dövlət siyasətinin həyata keçirilməsində fəal iştirak edən orqan kimi inkişaf etdirildi.
Heydər Əliyevin rəhbərliyi ilə hazırlanan 1995-ci il Konstitusiyası Azərbaycan Respublikasında demokratik dövlət quruculuğu prosesinin əsasını qoydu. Konstitusiyada qanunverici hakimiyyətin fəaliyyəti, parlamentin tərkibi, seçki qaydaları və hüquqları ətraflı təsbit olunmuşdur.
Ulu Öndər parlament qarşısında Azərbaycanın neft-qaz resurslarının beynəlxalq əməkdaşlıq çərçivəsində istifadəsini təmin edən qanunvericilik aktlarının qəbul edilməsi, Ermənistanın işğalçılıq siyasətinə qarşı dövlət siyasətinin əsaslarının müəyyən edilməsi, sahibkarlığın inkişafına, özəlləşdirməyə və bazar iqtisadiyyatına keçidi təmin edən qanunların qəbulu, milli ideologiyanın inkişafına xidmət edən qanunvericilik aktlarının qəbul edilməsi kimi məsələlər qaldıraraq həllərinə nail olmuşdur.
Ümumilli Lider Heydər Əliyev həm ölkə daxilində, həm də beynəlxalq arenada Azərbaycan parlamentinin nüfuzunu yüksəltmiş, onun demokratik təsisat kimi möhkəmlənməsinə zəmin yaratmışdır. Onun rəhbərliyi ilə aparılan islahatlar Azərbaycanın müstəqilliyini və suverenliyini qorumaqda mühüm rol oynamışdır. Bu gün Azərbaycan parlamenti Heydər Əliyevin qoyduğu əsaslara uyğun olaraq ölkənin qanunvericilik sistemini və dövlət idarəetmə mexanizmini inkişaf etdirməkdə davam edir.
Heydər Əliyev sadəcə siyasi lider deyil, həm də xalqının yaxın dostu, dəstəkçisi idi. O, insanlarla birbaşa ünsiyyətdə olmaqdan çəkinməz, onların problemlərini dinləyər və həll yolları axtarardı. Onun “Xalq dövlət üçün yox, dövlət xalq üçün olmalıdır” prinsipi Azərbaycan siyasətinin əsas sütunlarından birinə çevrilib.
Ümummilli Lider Heydər Əliyevin həyat və fəaliyyəti müasir Azərbaycanın tarixində qızıl hərflərlə yazılıb. Onun irsi bu gün də Azərbaycan xalqı üçün yol göstəricidir. Heydər Əliyevin müdrik siyasəti və xalqına olan sevgisi Azərbaycan dövlətçiliyinin möhkəm təməllərini yaratdı.
Ümummilli Lider Heydər Əliyevin xatirəsi hər bir azərbaycanlının qəlbində əbədi yaşayır. Onun Vətən qarşısındakı misilsiz xidmətləri, dövlətçilik prinsipləri və uzaqgörən siyasəti bizə milli birliyimizi qorumağı və daha güclü gələcək qurmağı öyrətdi. 12 dekabr günü təkcə dahi liderimizi anmaq deyil, həm də onun ideyalarını yaşatmaq və gələcək nəsillərə ötürmək üçün bir çağırışdır.
Bu gün torpaqlarını düşmən işğalından azad edərək ərazi bütövlüyünü bərpa etmiş, müstəqilliyini, suverenliyini daha da möhkəmləndirmiş Azərbaycan Heydər Əliyev siyasətinin ən mahir davamçısı olan cənab Prezident İlham Əliyevin rəhbərliyi altında yüksəliş yolunda inamla irəliləyir. Müstəqil Azərbaycan var olduqca, onun qurucusu Ulu Öndər Heydər Əliyevin əziz xatirəsi də əbədi yaşayacaqdır.