 |
|
Soçi görüşündən sonra Rusiya Prezidenti Vladimir Putin türkiyəli həmkarı Rəcəb Tayyib Ərdoğan barədə dedikləri diqqət çəkib.
Rusiyanın Türkiyədə təbii qaz mərkəzi yaratmaq təklifi ilə bağlı hadisələri dəyərləndirən Putin, "Məncə, Avropaya qaz nəqli üçün Türkiyədə mümkün bir mərkəz təklif etməyimizin səbəbi aydındır. Çünki avropalı tərəfdaşlarla birbaşa işləmək çox çətindir. Həmçinin boru xətlərinin bombalanması ilə bağlı faciəli hadisələrdən də xəbərimiz var. Avropalılar, demək olar ki, həmişə olduğu kimi, onların maraqlarına zərər gəlsə də, susurlar", - dedi.
“Şimal axını” boru kəmərində baş verən partlayışı terror hücumu kimi qiymətləndirən Putin, "Bütün bunlar Danimarka, İsveç və Almaniyanın müstəsna iqtisadi zonasında baş verdiyi üçün onlara nəzarət etmək bizim üçün çətindir. Bu mənada bizim Türkiyə ilə işləməyimiz daha asandır. Birincisi, Prezident Rəcəb Tayyib Ərdoğan sözünün ağası olduğu üçün onunla razılığa gəlmək bəlkə bizim üçün çətin olsa da, nədəsə razılaşsaq, onu reallaşdırmağa çalışırıq. İkincisi isə Qara dəniz sularına nəzarət etmək bizim üçün daha asandır”, - deyə bildirib.
Türkiyədə təbii qaz mərkəzi yaradılarsa, sözügedən qazın alıcılarının olacağına əmin olduğunu vurğulayan Putin, "Görək bu qış və gələn qış nə olacaq. Amma əminəm ki, yeni müqavilələr imzalanacaq", söyləyib.
“Soçidə qəbul edilmiş birgə bəyanatın mətninə əsasən deyə bilərik ki, Nikol yenidən diplomatik və siyasi cəhətdən başından qapaz alıb”.
Bunu Ermənistan müdafiə nazirinin keçmiş müavini Artak Zakaryan deyib.
Onun sözlərinə görə, Nikolanın daha bir “nailiyyəti” Qarabağ adının bəyanatın əhatə dairəsindən kənarda qalmasıdır.
“Əgər o, bəyanatın mətninə hətta Qarabağın adını, Rusiya sülhməramlı kontingentinin yerləşdiyi ərazini də daxil edə bilməyibsə, bu, alçaldıcı danışıqçıdan nə istəyirsiniz?
Ermənistanın suveren ərazilərinin işğaldan azad edilməsi və ya məhbusların geri qaytarılması, öz müqəddəratını təyinetmə hüququ haqqında bir kəlmə də yoxdur. Kommunikasiya əlaqələri üzərində suveren nəzarət haqqında bir kəlmə yoxdur”, - o qeyd edib.
Yaza bilərik ki, Soçidə o, daha bir yarım addım kapitulyasiyaya doğru addım atılıb”.
Ermənistanın Baş naziri Nikol Paşinyan İrana rəsmi səfərə yollanıb.
“Bu barədə məlumatı Ermənistan Nazirlər Kabinetinin Mətbuat xidməti yayıb.
Paşinyan Tehrana səfəri çərçivəsində ölkə Prezidenti İbrahim Rəisi ilə danışıqlar aparacaq.(Qafqazinfo)
Rusiya “Qara Dəniz Təşəbbüsü” ilə müəyyən edilmiş təhlükəsizlik dəhlizi boyunca hərəkəti dayandırır.
APA-nın Moskva müxbirinin məlumatına görə, bu barədə Rusiya Müdafiə Nazirliyindən bildirilib.
“Gəmilərin təhlükəsizlik dəhlizi boyunca hərəkəti yolverilməzdir, çünki Kiyev bu dəhlizdən Rusiyaya qarşı hərbi əməliyyatlar aparmaq üçün istifadə edir", - deyə Rusiya MN-in məlumatında qeyd olunub.
Rusiyanın “Qara Dəniz Təşəbbüsü”ndən çıxmadığı, razılaşmaların fəaliyyətini dayandırdığı vurğulanıb.
"Taxıl sazişi"nin vasitəçiləri - Türkiyə və BMT sazişin davam etdirilməsi üçün rəsmi Moskva ilə danışıqları planlaşdırıblar.
Qafqazinfo xəbər verir ki, Kreml isə onun razılığı olmadan ixracın riskli, təhlükəli və zəmanətsiz olacağı barədə xəbərdarlıq edib.
Ötən gün 355 min ton taxıl daşıyan daha 12 quru yük gəmisi, o cümlədən BMT-nin Afrikadakı Ümumdünya Ərzaq Proqramı üçün Ukrayna limanlarını tərk edib. Digərləri Misir, Əlcəzairə, Türkiyə və Qərbi Avropaya üz tutur.
Taxıl müqaviləsinin şərtlərinə görə, İstanbulda yollarda bütün quru yük gəmiləri yoxlanılır. Bazar ertəsi bunu yalnız BMT və Türkiyə nümayəndələri aparıb. Lakin adətən Rusiya və Ukraynadan olan müfəttişlər onlara qoşulurdu.
Türkiyə Prezidenti Rəcəb Tayyib Ərdoğan isə razılaşmada onun üzərinə düşəni yerinə yetirməyə davam edəcəyini bildirib.
Kreml təmasların davam etdiyini təsdiqləyib. Rusiya Prezidentinin mətbuat katibi Dmitri Peskov, Rusiyanın iştirakı olmadan Ukraynadan taxıl ixracının davam etdirilməsinin mümkünlüyü ilə bağlı suala belə cavab verib.
"Rusiyanın bu ərazilərdə naviqasiyanın təhlükəsizliyinə təminat verilməsinin qeyri-mümkünlüyündən danışdığı bir şəraitdə belə bir sövdələşmə çətin ki, həyata keçirilə bilər və o, başqa xarakter alır: daha riskli, təhlükəli və zəmanətsiz", - Peskov bildirib.
Xəbər verdiyimiz kimi, Böyük Britaniyanın keçmiş baş naziri Liz Trassın telefonundakı məlumatlar hakerlər tərəfindən ələ keçirilib.
Keçmiş baş nazirin telefonundakı məlumatların ələ keçirilməsində Rusiyaya işləməkdə şübhəli bilinən agentlərin əli olduğu iddia edilir. Bildirilir ki, həmin məlumatlar arasında Trassın Ukrayna müharibəsi məsələsi də daxil olmaqla xarici liderlərlə danışıqları, şəxsi mesajlar, həmçinin maliyyə naziri Kvasi Kvartenq ilə baş nazirlik dövründəki yazışmalar var.
İddia edilir ki, Liz Trass baş nazir postu uğrunda mübarizə apardığı günlərdə telefonunun izləndiyindən xəbərdar olub və stressdən gecələr yata bilməyib. Lakin nüfuzuna xələl gəlməməsi üçün hadisəni hər kəsdən gizlədib.
Musavat.com xəbər verir ki, hakerlərin təlimatı Kremldən alması ilə bağlı şübhələr səsləndikdən sonra Britaniya kəşfiyyatının rəhbərləri nazirlərə mobil telefonlarından istifadəni dayandırmağı əmr edib.
Həmçinin bildirilib ki, bu gündən etibarən nazirlərə dövlət işlərində şəxsi telefonlardan istifadə etməmək barədə xəbərdarlıq ediləcək və həmin xəbərdarlıqda bildiriləcək ki, onlar Rusiya, Çin, Şimali Koreya və İran kimi düşmən dövlətlərin hədəfinə çevrilə bilərlər.
Telefonun "sındırılması" nəticəsində bir illik yazışmaların ələ keçirildiyi bildirilir. Bəzi mesajlarda Ukraynaya silah göndərilməsi kimi mövzularda xarici işlər nazirləri ilə həssas müzakirələrin aparıldığı güman edilir.
Musavat.com xatırladır ki, ötən il İsrailin texnologiya şirkəti NSO Group tərəfindən hazırlanan “Pegasus” adlı casus proqramından hökumətlər tərəfindən fəalları, jurnalistləri, iş adamlarını və siyasətçiləri izləmək üçün istifadə edildiyi iddia edilirdi.
Fransa prezidenti Emmanuel Makronun da adının hallandığı qalmaqal böyüyərək Avropada səs-küyə səbəb olmuşdu. Hətta Fransada 5 nazirin telefonlarında “Pegasus” casus proqramının izlərinə rast gəlindiyi açıqlanmışdı. Bu hadisədən sonra nazirlər mobil telefonlarını və nömrələrini dəyişmişdi.
Bu ilin avqust ayında isə oxşar hadisə Yunanıstan gündəmini silkələyib.
Yunanıstan Milli Kəşfiyyat Təşkilatının rəhbəri Panagiotis Kontoleonun, Panhellenik Sosialist Hərəkatının lideri Nikos Androulakis və CNN Yunanıstanın iqtisadiyyat müxbiri Tanasis Koukakisin telefonlarının dinlənildiyi iddia edilib.
Bu iddialara cavab verməli olan Yunanıstanın baş naziri Kiriakos Mitsotakis deyib: “Mən nə baş verdiyindən xəbərsiz idim. Bilsəydim, heç vaxt icazə verməzdim”.
Baş nazirin bu açıqlaması müxalifətin sərt tənqidinə səbəb olub.
Ukraynanın paytaxtı Kiyevdə ardıcıl partlayışlar baş verib.
Bu barədə AFP agentliyi məlumat yayıb.
AFP-nin yazdığına görə, bu gün yerli vaxtla 08:00-08:20 arasında şəhərdə 5 partlayış səsi eşidilib.
Ukrayna mətbuatı Kiyev və onun ətrafında ən azı 8 partlayış səsinin eşidildiyini açıqlayıb.
Kiyev şəhərinin meri Vitali Kliçko partlayışlardan dolayı bəzi ərazilərdə elektrik və suyun verilişində problemlər yaşandığını bildirib.
Rusiyanın Novosibirsk vilayətində sürücü azyaşlı uşağı vuraraq hadisə yerindən uzaqlaşıb.
“Qafqazinfo” Rusiya mediasına istinadən xəbər verir ki, hadisənin görüntüləri sosial mediada paylaşılıb.
Görüntülərdən sürücünün azyaşlını avtomobillə vuraraq üzərindən keçdiyini görmək mümkündür. Sürücü bunun ardınca avtomobildən düşərək uşağın yanına getsə də, onu köməksiz qoyaraq hadisə yerini tərk edib.
Daha sonradan azyaşlı uşağı vuran şəxsin 67 yaşlı rusiyalı deputat Sergey Mamontov olduğu məlum olub. Hadisədən bir müddət sonra deputat polis bölməsinə gedərək məsələ barədə məlumat verib.
Boqdan adlı 6 yaşlı uşağın isə hazırda ağır vəziyyətdə xəstəxanada olduğu bildirilir.
Əsəbi zəif olanların videoya baxması məsləhət görülmür.
Cənubi Koreyanın paytaxtı Seulda Hellouin izdihamı nəticəsində ölənlərin sayı 153 nəfərdən 154-ə yüksəlib.
Qafqazinfo xəbər verir ki, ölənlər arasında 14 ölkədən 26 əcnəbi var. 130-dan çox adam yaralanıb.
Ölənlərin 98-i qadın və 56-sı kişidir. Polis 154 qurbandan 153-nün şəxsiyyətini müəyyənləşdirib və onların ailələrinə məlumat verilib.
Qeyd edək ki, hadisə oktyabrın 29-da baş verib. Cənubi Koreyada matəm elan edilib.
Böyük Britaniya Covid-19-un iki yeni variantının aşkar edildiyini açıqlayıb.
“Qafqazinfo” xarici KİV-ə istinadən xəbər verir ki, bu haqda Böyük Britaniyanın Sağlamlıq Təhlükəsizliyi Agentliyi məlumat yayıb.
Məlumatda, “Omicron” variantının bir çox alt versiyalarının yayıldığı qeyd olunub.
Açıqlamada, gələcək tədqiqatlar üçün Covid-19 virusunun “Omicron” variantının alt versiyasına “BQ.1” və “XBB” adlarının verildiyi bildirilib.
UKHSA rəsmisi Mira Çand, ““SARS-CoV-2”nin yeni variantlarının ortaya çıxması gözlənilməz deyil. “BQ.1” və “XBB” variantları narahatlıq doğuran növ kimi müəyyən edilməyib. UKHSA həmişə olduğu kimi vəziyyəti diqqətlə izləyir”, - deyə qeyd edib.
O, variantlara qarşı ən yaxşı müdafiənin Covid-19-a qarşı hazırlanmış peyvəndlər olduğunu vurğulayıb.