 |
|
Türk mənşəli alman futbolçusu Mesut Özil İslam dünyasına müraciət edib.
O, bu barədə “Twitter" səhifəsində paylaşım edərək, Qurandan sitat gətirib:
"Xeyir və şər bərabər ola bilməz. Şərə ən yaxşı ilə cavab verin, onda sizinlə düşmən olan yaxın dost kimi olacaq".
Bu yolla futbolçu “islamofobiyanı mehribanlıqla silahsızlaşdırmağa" çağırıb.
"Təəssüf ki, Avropada, dünyanın başqa yerlərində islamofobiya artır və KİV bunda böyük rol oynayır", - deyə London "Arsenal"ının yarımmüdafiəçisi sosial şəbəkədə yazıb.
"Mənim buna şəxsi cavabım: biz islamofobiyaya və islamçılıq əleyhinə belə reaksiya verməliyik - onları gücləndirməmək və silahsızlaşdırmaq üçün mehribancasına susmağa məcbur etməliyik", - deyə, Özil qeyd edib.
Azərbaycan cüdoçusu Orxan Səfərov Çexiyanın paytaxtı Praqadakı Avropa çempionatında qazandığı qələbəni əsgər salamı ilə qeyd edib.
Report xəbər verir ki, 66 kq çəki dərəcəsində qızıl medal əldə edən 29 yaşlı idmançı çempionluğunu Azərbaycan Ordusu ilə bölüşüb.
Səfərov İtaliya, Slovakiya, Almaniya, Serbiya və İsrail təmsilçilərini məğlubiyyətə uğradıb. Mükafatlandırma mərasimində onun şərəfinə üçrəngli bayrağımız qaldırılıb, Dövlət Himnimiz səsləndirilib.
Qeyd edək ki, bu, Orxan Səfərovun ilk Avropa çempionluğu olub.
Dünya şöhrətli boksçu Mayk Tayson 15 il fasilədən sonra yenidən rinqə çıxacaq.
Qafqazinfo istinadən xəbər verir ki, Tayson 29 noyabr bazar günü rəqibi Roy Consla döyüşəcək.
Qeyd edək ki, sonuncu dəfə 2005-ci ildə döyüşə çıxan 54 yaşlı Maykın rəqibi Royun 51 yaşı var. Onlar arasındakı döyüş 8 raund olacaq.
Xatırladaq ki, Mayk karyerası ərzində 50 qalibiyyət qazanıb, 6 dəfə məğlub olub. Roy Consun isə 66 qalibiyyəti, 9 məğlubiyyəti var.
Gənclər və idman naziri Azad Rəhimov və Milli Olimpiya Komitəsinin vitse prezidenti Çingiz Hüseynzadə əsaslı təmir işlərindən sonra Respublika Olimpiya Mərkəzi ilə tanış olublar.
Nazirliyin Mətbuat katibi Səmayə Məmmədovanın "Report"a verdiyi məlumata görə, Mərkəzin zirzəmi hissəsində, birinci və ikinci mərtəbələrində söküntü işləri aparılıb, söküntü işlərindən sonra zirzəmi, birinci və ikinci mərtəbələrində təmir işləri görülüb.
Respublika Olimpiya Mərkəzinin zirzəmi, birinci və ikinci mərtəbələrində pilləkənlər mərmər piltələrlə üzlənib, metal, metal-plastik və avropa tipli qapılar, metal-plastik pəncərələr və alüminium vitrajlar quraşdırılıb, döşəmələr hissəsində metlax tavalar, keromoqranit döşəmələr və laminat, idman zalında poliment örtük, rezin örtük, xüsusi idman örtüyü vurulub, uzununa tullanma idman növü üçün kvars qumu qoyulub.
Dam örtüyündə metal konstruksiya rənglənib, sinklənmiş metaldan aralıqlar vurulub, sendviç panel örtüyü, su axıdan borular və qıflar quraşdırılıb, eyvan hissəsində isə döşəməyə ruberoid ilə izolyasiya edilib, daxili bəzək işləri həyata keçirilib. Mərkəzdə bir ədəd sauna, hol hissəsində isə guşə quraşdırılıb. Mərkəzin fasadının çirklərdən təmizlənməsi, üzlük daşlarının üzlərinin cilalanması, tarket suvaq, sement suvaq, boya, əhəng daşlar ilə sütunlar və qarnizlər vurulub, bəzək elementlərin görülməsi və Respublika Olimpiya Mərkəzi adının yazılması, fasadın işıqlanması işləri görülüb.
Mərkəzin elektrik təchizatı və güc avadanlığı, elektrik işıqlanma, sahə daxili işıqlanma, su təchizatı və kürbənd sistemi, soyuq və yanğına qarşı su sistemi, isti su, kanalizasiya, istilik-ventilyasiya, isitmə, kondisionerləşdirmə, ventilyasiya, video müşahidə, telekommunikasiya, yanğın siqnalizasiya və səs gücləndirici sistemləri quraşdırılıb, turniket, əlillər üçün qaldırıcı qurğu, əl-üz yuyan, çaşa, su qızdırıcı cihazlar qoyulub. Həmçinin asfalt, səki daşları və bardurları sökülərək yenisi ilə əvəz olunub, həyətyanı sahəsində dekorotiv kollar və ağaclar əkilib.
FIFA İngiltərənin "Liverpul" klubuna 2 milyon funt sterlinq məbləğində kompensasiya ödəyəcək.
"Ödəniş klubun müdafiəçisi Co Qomesin yığmada zədələnməsi ilə əlaqədar aparılacaq.
23 yaşlı oyunçu millinin düşərgəsində dizindən xəsarət alaraq uzun müddətədək sıradan çıxıb. FIFA Qomesə kompensasiya ödəməyə razılaşıb.
Qeyd edək ki, bunadək "Liverpul"da daha bir müdafiəçisi Virgil van Deyk və yarımmüdafiəçi Fabinyo da sıradan çıxıb.
Futbol üzrə Azərbaycan millisi növbəti oyununu keçirəcək.
Report məlumatına görə, Canni De Byazinin baş məşqçi olduğu komanda UEFA Millətlər Liqasının V turunda Monteneqronu qəbul edəcək.
C Liqasının 1-ci qrupundakı qarşılaşma ölkədəki hərbi vəziyyətlə əlaqədar Xorvatiyanın Zapreşiç şəhərindəki “Ivan Laljak-Iviç” stadionunda baş tutacaq.
Bunadək 4 xal toplaya bilən yığma xal itirəcəyi təqdirdə qrup qalibi olmaq imkanından məhrum olacaq. Qazanılacaq 3 xal isə komandanın C Liqasında qalmasını rəsmiləşdirəcək.
Yığma qələbə qazana bilməsə də bu liqada qalması mümkündür. Qrupun digər görüşündə Kipr Lüksemburqu qəbul edəcək. Meydan sahibləri Azərbaycan seçməsindən yaxşı nəticə göstərməsə C Liqasında qalmaq üçün pley-offda mübarizə aparacaq.
Qrupda ilk pillənin də taleyinə aydınlıq gələ bilər. Yığma Monteneqronu məğlub etsə, Lüksem isə qələbə qazansa B Liqasına vəsiqənin sahibi müəyyənləşəcək. Görüşlər belə yekunlaşsa, son turda Azərbaycan seçməsi ilə üz-üzə gələcək Lüksemburq qrup qalibi olacaq.
Millətlər Liqası
V tur
21:00. Azərbaycan – Monteneqro
Baş hakim: Sergey İvanov (Rusiya)
Zapreşiç (Xorvatiya). "Ivan Laljak-Iviç" stadionu
Futbol üzrə Portuqaliya milli komandası yoldaşlıq oyununda Andorra yığması ilə qarşılaşıb.
“Report” xəbər verir ki, “Eştadiu Da Luj” stadionunda keçirilən oyun Portuqaliya yığmasının 7:0 hesablı qələbəsi ilə başa çatıb.
Qarşılaşmada qollardan birini komandanın kapitanı Kriştianu Ronaldu vurub.
Beləliklə, ulduz futbolçu Portuqaliya yığmasının heyətində artıq 102-ci dəfə fərqlənib.
Qeyd edək ki, Ronaldu İranın futbol yığmasının Azərbaycan əsilli keçmiş oyunçusu Əli Dayinin rekordunu qırmaq üçün milli komandanın heyətində daha 7 qola imza atmalıdır.
Azərbaycan idmançıları Azərbaycan prezidenti, Ali Baş Komandan İlham Əliyevə təşəkkür ediblər.
Gənclər və İdman Nazirliyinin saytında yerləşdirilən həmin təşəkkür mətnini təqdim edirik:
“Hörmətli cənab Prezident, Ali Baş Komandan İlham Əliyev!
İdman ictimaiyyəti adından Azərbaycan xalqının 30 illik həsrətinə son qoyub, işğal olunmuş ərazilərimizin azad olunmasında qazandığınız tarixi zəfər münasibətilə Sizə səmimi təbriklərimizi və dərin təşəkkürümüzü çatdırırıq.
Cari ilin 27 sentyabr tarixində Ermənistan Silahlı Qüvvələrinin atəşkəs rejimini pozaraq törətmiş olduğu genişmiqyaslı təxribatlarına cavab olaraq Sizin rəhbərliyiniz və komandanlığınız altında rəşadətli Azərbaycan ordusu cəbhənin bütün istiqamətlərində uğurlu və sürətli əks-hücum əməliyyatı həyata keçirib. Şanlı ordumuz Sizin rəhbərliyiniz altında gərgin və tarixi döyüş əməliyyatları gerçəkləşdirərək qısa zaman müddətində Cəbrayıl, Füzuli, Zəngilan, Qubadlı rayonlarını, yüzlərlə qəsəbə və kəndlərimizi işğaldan azad edib.
8 noyabr tarixi isə Azərbaycan xalqının ürəyinə, yaddaşına qızıl hərflərlə yazıldı. Azərbaycanın fədakar oğulları hər hansı texnikanın iştirakı olmadan əsl möcüzə göstərərək, Qarabağın incisi qədim Şuşa şəhərini işğalçılardan təmizləyib, düşmən ordusuna sarsıdıcı zərbə endirdilər. Bu hadisə müharibənin gedişində əsl dönüş nöqtəsi oldu və nəticə etibarı ilə düşməni kapitulyasiya imzalamağa məcbur etdi.
Azərbaycan idmançıları daim Sizin siyasətinizi dəstəkləmiş, atdığınız hər bir addımda yanınızda olduqlarını söyləmişlər.
Biz daima Sizinləyik Ali Baş Komandanımız, cənab Prezident İlham Əliyev! Sizinlə fəxr edirik məğrur və mübariz Azərbaycan ordusu! Bizə bu günləri yaşatdığınız üçün Sizə minnətdarıq!
Qarabağ bizimdir! Qarabağ Azərbaycandır!”.
Hamını qələbə münasibətilə təbrik edirəm. Azərbaycan xalqı səhər yuxudan artıq qalib xalq kimi oyandı. Nəhayət, 30 illik münaqişəyə son qoyulur. Azərbaycan xalqına ən səmimi arzularımı çatdırıram.
Bunu futbol üzrə Sloveniya yığması ilə yoldaşlıq oyununda üz-üzə gələcək Azərbaycan millisinin baş məşqçisi Canni de Byazi matçdan əvvəl təşkil olunan mətbuat konfransında deyib.
İtaliyalı mütəxəssis bildirib ki, yoldaşlıq oyununda daha çox yeni cəlb etdiyimiz oyunçulara şans verəcəyəm. Oyuna yaxşı hazırlaşmaq üçün yetərli vaxtımız olmayıb. Toplanışa dəvət olunan futbolçularla bərpa məşqləri keçmək imkanımız olub. Bütün oyunlar bizim üçün vacibdir. Oyunda qalib gəlmək üçün mübarizə aparacağıq.
"Hər zaman demişəm, millinin qapısı hər bir futbolçunun üzünə açıqdır. Kim özünü yaxşı tərəfdən göstərsə, dəvət alacaq. Kim verilən şansdan istifadə edə bilməsə, özünü doğrultmasa, millinin qapısı üzünə bağlana bilər”, - deyə mütəxəssis əlavə edib.
Qeyd edək ki, Sloveniya-Azərbaycan matçı noyabrın 11-də Lyublyanadakı “Stejiçe” stadionunda keçiriləcək.
Ermənistanlı MMA döyüşçüsü Eduard Vartanyan Ermənistan rəhbərliyini sərt tənqid edib.
İdmançı fikirlərini “İnstagram” səhifəsində yazıb:
"İnsan həyatının dəyərsiz olduğunu başa düşmək dəhşətlidir. Satılmış hakimiyyət hər şeyə hərbi əməliyyatlar başlamamışdan öncə qərar verib. Dövlətin başında duran korrupsioner siyasətçilər erməni xalqına xəyanət etdilər. Siyasət çirkli və prinsipsiz işdir. Qurban verilməsinin qarşısını daha əvvəl almaq olardı. Çünki indi qəbul olunanların hamısı Madrid prinsiplərindən çıxarışlardır. Hakimiyyətin ən yüksək eşelonundakı bu xainlər xalqını məhv olmağa göndərdil. Mən hər şeyi bilirəm",- deyə, o, qeyd edib.
Qeyd edək ki, noyabrın 10-da Rusiyanın vasitəçiliyi ilə II Qarabağ müharibəsinin başa çatdırılması ilə bağlı Ermənistan və Azərbaycan arasında sülh müqaviləsi bağlanılıb.