 |
|
İspaniya "Barselona"sının futbolçusu Lionel Messi komandadan ayrılmayacaq.
Bu barədə argentinalı hücumçu özü məlumat verib.
33 yaşlı forvard bildirib ki, Kataloniya təmsilçisini tərk etmək istəsə də, klub rəhbərliyi buna icazə verməyib: "Narazı idim, getmək istəyirdim. Amma bunu etməyimə icazə vermədilər. Məhkəmə işləri ilə məşğul olmamaq üçün burada qalıram. Bartomeunun başçılıq etdiyi rəhbərlik sadəcə faciədir".
Qeyd edək ki, daha əvvəl Britaniya mətbuatı Lionel Messinin "Mançester Siti" ilə anlaşdığını yazmışdı. Hücumçu 2004-cü ildən "Barselona"nın əsas komandasında çıxış edir. 33 yaşlı forvard bu müddət ərzində bütün turnirlər daxil olmaqla 731 matçda meydana çıxıb, 634 qol və 285 məhsuldar ötürmə ilə yadda qalıb.
UEFA Avropa Liqası turnirinin seçmə mərhələsində iştirak edən klublara vəsait ayırıb. “Qitə futbol qurumunun təyin etdiyi vəsait AFFA-nın vasitəçiliyi ilə klubların hesabına köçürülüb.
Belə ki, “Neftçi”, “Keşlə” və “Sumqayıt” 240 min avro irəli düşüb. Bununla belə, “Keşlə” üçün ayrılmış maliyyə vəsaiti mövsümün birinci və ikinci yarısı nəzərdə tutulmaqla, klubun cari xərclərinin ödənilməsinə yönəldiləcək.
Beynəlxalq Atıcılıq İdman Federasiyası (ISSF) 2021 - 2024-cü illərdə keçiriləcək dünya çempionatlarının məkanlarını və 2021-ci ilin yarış təqvimini təsdiqləyib.
Report məlumatına görə, bu barədə ISSF İcraiyyə Komitəsinin iclasında qəbul olub. Gələn il Bakıya stend və güllə atıcılığı (tüfəng və tapanca) üzrə Dünya Kuboku həvalə edilib. Yarışın oktyabrın ikinci yarısında keçirilməsi planlaşdırılır.
Dünya Kubokunda atıcılığın olimpiya növləri üzrə 12 ən yaxşı idmançının iştirakı planlaşdırılır. Bu, gələn ilin son yarışı olacaq.
Qeyd edək ki, bu il 22 iyun - 3 iyulda Bakıda keçirilməsi nəzərdə tutulan Dünya Kuboku koronavirus pandemiyası üzündən ləğv olunub.
Məşhur karikaturaçı Omar Momani Azərbaycan millisinin UEFA Millətlər Liqasında Lüksemburq seçməsi ilə keçirəcəyi oyunla bağlı rəsm çəkib.
Rəssam Xəzər dənizinin sahilində yerləşən Qız qalasını, onun üzərində isə Azərbaycan bayrağını təsvir edib.
Fotoda millinin baş məşqçisi Canni De Byazi şah, futbolçular isə döyüşçülər kimi təqdim olunublar.
Momaninin fantaziyasına görə, Lüksemburq yığması qalanı almağa gələn düşmənlərdir. Azərbaycan millisinin üzvləri qalanı müdafiə etməyə çalışırlar.
Qeyd edək ki, sentyabrın 5-də keçiriləcək Azərbaycan - Lüksemburq oyunu saat 20:00-da başlayacaq.report
Futbol üzrə Türkiyə Super Liqasının 2020-2021-ci il mövsümünün birinci dövrəsi tamaşaçısız keçiriləcək.
“CNN Türk” xəbər verir ki, bu barədə qərarı Türkiyə Futbol Federasiyası verib.
Xatırladaq ki, daha əvvəl elan olunan qərarda oktyabr ayından etibarən Super Liqa matçlarına müxtəlif şərtlərlə azarkeşlərin buraxılması barədə qərar qəbul olunmuşdu.
Lakin Türkiyədə COVID-19 pandemiyası ilə bağlı son vəziyyət qərara yenidən baxılmasına və futbol üzrə ölkə çempionatının birinci dövriyyəsi ilə bağlı qəbul edilən öncəki qərarın ləğvinə səbəb olub.
Qeyd edək ki, Türkiyə Super Liqasında 2020-2021-ci il mövsümü sentyabrın 11-də start götürəcək.
“Futbolda rəqibi alçaltmaq yoxdur. Vaxtı ilə “Ostersun” və “Tromse” faciələri yaşanıb. Bu halda hansı rəqibə saymamazlıq etmək olar?”
Bunu Türkiyənin tanınmış futbol yazarı Ahmet Çakır Avropa Liqasının II təsnifat mərhələsində keçiriləcək “Neftçi” – “Qalatasaray” oyununu dəyərləndirərkən deyib.
İdman yazarı rahatçılığın “Qalatasaray”a baha başa gəlməsindən narahatlığını vurğulayıb: “Neftçi” pandemiyanın yaratdığı fasilədən sonra “cim-bom”un çöküşünü başladan “Rizəspor”un etdiyini təkrarlaya bilər. Bununla yanaşı, uzun illər əvvəl “Qalatasaray” heç kimin gözləmədiyi halda “Mançester Yunayted” kimi nəhəng klubu mübarizədən kənarlaşdırıbsa, “Neftçi”nin də buna şansı var. Əgər bu şeylər düşünülməsə, Bakı klubu daha bir utancverici hadisəni tariximizə yazacaq. Rəqibin bu cür uğurlara ac olması onlar üçün böyük motivasiyadır. “Qalatasaray” mövsümə tam hazır olmadığından, onların istəyi reallaşa bilər”.
Qeyd edək ki, sentyabrın 17-də “Bakcell Arena”da keçiriləcək “Neftçi” – “Qalatasaray” matçı saat 20:00-da başlayacaq.
İspaniya "Barselona"sının prezidenti Xosep Bartomeu ilə komandanın kapitanı Lionel Messinin atası Xorxe Messi arasında gözlənilən görüş baş tutub.
Report xəbər verir ki, söhbət zamanı 57 yaşlı funksioner futbolçunun klubda qalmalı olduğunu bildirib.
Yeni baş məşqçi Ronald Kumanın argentinalı hücumçuya böyük ümidlər bəslədiyini deyən Bartomeu Messiyə 2 illik müqavilə təklif etmək istədiklərini söyləyib.
X.Messi isə öz növbəsində oğlunun komandadan gedişi ilə bağlı rəhbərliklə razılıq əldə etməyə çalışıb. Amma tərəflər ortaq məxrəcə gələ bilməyiblər.
Görüşdə sözügedən şəxslərlə yanaşı, "Barselona"nın meneceri Xavyer Bordas, Messinin qardaşı Rodriqo və vəkili Xorxe Pekur da iştirak ediblər.
Qeyd edək ki, Britaniya mətbuatı Lionel Messinin "Mançester Siti" ilə razılaşdığını yazıb. Hücumçu 2004-cü ildən "Barselona"nın əsas komandasında çıxış edir. 33 yaşlı forvard bu müddət ərzində bütün turnirlər daxil olmaqla 731 matçda meydana çıxıb, 634 qol və 285 məhsuldar ötürmə ilə yadda qalıb.
UEFA Millətlər Liqasının ilk turunda baş tutacaq Azərbaycan – Lüksemburq matçının hakimləri açıqlanıb. Matçı ingiltərəli hakimlər briqadası idarə edəcək.
Qarşılaşmanın baş hakimi Kris Kavana olacaq. Ona həmyerliləri Da Daniel Riçard Kuk və Sian Massey köməklik edəcək. Dördüncü hakim funksiyasını isə Pol Tirney yerinə yetirəcək.
Qeyd edək ki, sentyabrın 5-də Bakı Olimpiya Stadionunda keçiriləcək Azərbaycan - Lüksemburq görüşü saat 20:00-da başlayacaq.
“UEFA hələ ki, bununla bağlı qərar verməyib. Bizim təzyiqlərimiz onların qərar verməsini yubadır”. Bu sözləri “Qafqazinfo”ya açıqlamasında “Qarabağ”ın baş meneceri Asif Əsgərov deyib.
O bildirib ki, UEFA Çempionlar Liqasının 3-cü təsnifat mərhələsində Norveçin “Molde” klubu ilə matçın hələ harada keçiriləcəyi bəlli deyil. Qarşı tərəfin qarşılaşmanın neytral meydanda keçirilməsi istəyi ilə UEFA-ya müraciət etməsi hələ ki, cavabsız qalıb: “Çalışırıq ki, oyun doğma meydanda olsun. Bütün səylərimizlə UEFA ilə danışıqlar aparırıq. AFFA-nın icraçı vitse-prezidenti Elxan Məmmədov da bu məsələ ilə bağlı qitə futbol qurumu ilə danışıqlar aparır, dəstəyini göstərir. Lakin hazırki vəziyyətdə qərar verilməyib”.
Klub rəsmisi UEFA-nın Norveç hökumətinə məktub ünvanlandığını bildirib: “Norveçdə belə bir qərar var ki, ölkə vətəndaşları Avropa Birliyi ölkələrindən kənara çıxa bilməz. İdman və ya başqa vəziyyətlər üçün heç bir istisna yoxdur. Məsələn, Macarıstan qırmızı zonada olan ölkələrə idman yarışları üçün gedənləri karantinə almır. Amma Norveçdə konkret olaraq hər kəsə qadağa qoyulub. Bizim də UEFA-ya müraciətlərimiz üzərinə Norveç hökumətinə müraciət edib. Əgər bizim təzyiqlərimiz olmasaydı, yəqin ki, UEFA matçın neytral meydanda keçirilməsinə qərar verəcəkdi”.
“Qarabağ”ın UEFA Çempionlar Liqasının pley-off mərhələsindəki rəqibi müəyyənləşib.
Ağdam klubu 3-cü təsnifat mərhələsində “Molde” səddini keçərsə, “Ferentsvaroş” (Macarıstan) – “Dinamo” (Zaqreb, Xorvatiya) cütünün qalibi ilə üz-üzə gələcək.
Pley-off matçları sentyabrın 22-23-də, cavab qarşılaşmaları isə 29-30 sentyabrda baş tutacaq.