 |
|
UEFA Çempionlar Liqasının 1/4 final mərhələsinə bu gün start veriləcək. İlk gündə yalnız bir qarşılaşma olacaq.
Koronavirusa görə yaranmış vəziyyət səbəbindən Portuqaliyada “dördlər finalı” şəklində keçiriləcək turnirdə ilk yarımfinalçının adına aydınlıq gələcək.
Bakı vaxtı ilə saat 23:00-da başlayacaq görüşdə "Atalanta" PSJ ilə üz-üzə gələcək.
Qarşılaşma azarkeşsiz baş tutacaq.
12 avqust
Çempionlar Liqası, 1/4
23:00 “Atalanta” - PSJ
Avropa Liqasında 1/4 final mərhələsi start götürüb.
Bir oyundan ibarət olan mərhələnin ilk oyun günündə iki qarşılaşma baş tutub.
Almaniyanın “Bayer” klubu Düsseldorfda İtaliya “İnter”i ilə üz-üzə gəlib.
İtaliya təmsilçisi 2:1 hesabı ilə qalib gələrək adını yarımfinala yazdırıb.
Günün digər matçı isə Kölndə baş tutub. “Mançester Yunayted” “Kopenhagen”lə münasibətlərə aydınlıq gətirib. Qarşılaşmanın əsas vaxtında qol vurulmadığından qalibi müəyyənləşdirmək üçün əlavə hissələrə ehtiyac yaranıb. Əlavə hissələrdə rəqibinə qalib gələn "qırmızı-şeytanlar" yarımfinala adlayıb.
Qeyd edək ki, 1/4 finalın digər iki matçı avqustun 11-də təşkil olunacaq.
Avropa Liqası
1/4 final
10 avqust
23:00. “İnter” (İtaliya) – “Bayer” (Almaniya) - 2:1
Qollar: Barella, 15, Lukaku, 21 - Haverts, 24
Baş hakim: Karlos del Serro Qrande (İspaniya)
Düsseldorf. “Merkur Şpil Arena”
23:00. “Mançester Yunayted” (İngiltərə) – “Kopenhagen” (Danimarka) - 1:0
Qol: Fernandes, 94 (pen.)
Baş hakim: Klemen Turpin (Fransa)
Köln. “Reyn Enerji” stadionu
Dünya Güləş Birliyinin (UWW) İcraiyyə Komitəsinin virtual iclası keçirilib.“Qafqazinfo” xəbər verir ki, iclasda ilin sonunadək keçirilməsi nəzərdə tutulan bəzi yarışlarla bağlı qərarlar qəbul edilib.
Belə ki, COVİD-19 pandemiyasının davam etməsi səbəbindən İK səsvermə yolu ilə sentyabr-oktyabr aylarında keçirilməsi planlaşdırılan bütün beynəlxalq turnirlərin, o cümlədən yeniyetmələr və gənclər arasında Avropa çempionatlarının ləğv edilməsini qərara alıb. Xatırladaq ki, ötən ay açıqlanan təqvimə əsasən, oktyabrın 5-dən 11-dək Polşada yeniyetmələrin, həmin ayın 19-dan 25-dək isə Şimali Makedoniyada gənclərin Avropa çempionatının keçirilməsi nəzərdə tutulmuşdu.
UWW-nin prezidenti Nenad Laloviç qəbul edilmiş bu qərarları belə şərh edib: "Biz dünya miqyasında pandemiya ilə bağlı görülən tədbirləri izləməyə davam edəcəyik. İdmançılarımızın təhlükəsizliyinə və sağlamlığına qayğı göstərmək üçün məsuliyyət daşıyırıq. Uğurla rəqabət apara biləcəyimiz zamanda yenidən güləşməyə davam edəcəyik".
Qeyd edək ki, İK gələn ay növbəti iclasını keçirəcək və bu ilin yarış təqvimini bir daha müzakirə edəcək
Rusiyalı UFC döyüşçüsü Həbib Nurməhəmmədov amerikalı Castin Qetji ilə döyüşə hazırlıqları davam etdirir.
Bu barədə idmançı öz “Instagram” hesabı vasitəsilə məlumat yayıb.
Son məşqindən özü və əmisi oğlu Abubakarın yorğun haldakı şəklini paylaşan Həbib fotoya qeyd əlavə edib:
“Hər şey plan üzrə gedir. 11 həftə qaldı. UFC 254-də görüşənədək”.
Qeyd edək ki, Həbib Nurməhəmmədov növbəti döyüşünü UFC 254 turnirində keçirəcək. O, amerikalı Castin Qetji ilə qarşılaşacaq.
“Bizim I təsnifat mərhələsində qarşılaşa biləcəyimiz bütün rəqiblər möhtəşəm komandalardır. Onlarım hamısının büdcəsi 20 milyon avrodan yüksəkdir”.
Apasport.az xəbər verir ki, bunu Şimali Makedoniyanın “Sileks” klubunun baş məşqçisi Qoran Simov deyib.
Çempionlar Liqasının I təsnifat mərhələsinin püşkünə münasibət bildirən mütəxəssis Azərbaycan təmsilçisi “Qarabağ”ı cütün aşkar favoriti sayır: “Qarabağ” qarşılaşmanın aşkar favoritidir. Biz daha uzun müddət avrokubok həyəcanı yaşamağı xəyal edirik. “Qarabağ” ardıcıl 7 ildir Azərbaycan çempionu olan əla komandadır. Onlar hər il avrokubokların qrupunda oynayır. Əvvəllər də göstərdiyimiz kimi asanlıqla təslim olmayacağıq. Mümkün olan hər şeyi edəcəyik. Ümid sonda ölür”.
Qeyd edək ki, “Qarabağ” – “Sileks” matçı avqustun 18-19-da Bakıda keçiriləcək.
UEFA Çempionlar Liqasında mövsümün koronavirus pandemiyası səbəbindən yarımçıq qalmış hissəsi bərpa olunub.
1/8 final mərhələsinin növbəti cavab görüşlərində "Mançester Siti" İngiltərədə İspaniya çempionu "Real Madrid"i, İtaliya çempionu "Yuventus" isə Fransa "Lion"unu qəbul edib. Hər iki qarşılaşma meydan sahiblərinin qələbəsi ilə yekunlaşıb.
"Mançester Siti"dən ilk qolu 9-cu dəqiqədə Rəhim Sterlinq vurub. 28-ci dəqiqədə Kərim Benzema hesabı bərabərləşdirib. Lakin 68-ci dəqiqədə Qabriel Jezus "şəhərlilər"i yenidən önə çıxarıb. Beləliklə, "Mançester Siti" ilk görüşdə olduğu kimi, yenə 2:1 hesablı qələbə qazanıb.
"Yuventus" isə hələ 12-ci dəqiqədə qapısında qol görüb. Memfis Depay dəqiq penalti zərbəsi ilə hesabı açıb. Turin komandası Kriştianu Ronaldunun 43-cü dəqiqədə penalti ilə və 60-cı dəqiqədə vurduğu qollarla nəticəni öz xeyrinə dəyişə bilib. Lakin 2:1 hesablı qələbə "Qoca Sinyora"ya kömək etməyib. "Şirlər" ilk matçda öz meydanında 1:0 hesabı ilə qalib gəldikləri üçün səfər qolu sayəsində mərhələ adlayıblar.
1/4 finalda "Mançester Siti" "Lion"a rəqib olub. Daha əvvəl Almaniya "Leyptsiq"inin İspaniya "Atletiko"su ilə, İtaliya "Atalanta"sının isə Fransa PSJ-si ilə üz-üzə gələcəyi məlum idi.
Qeyd edək ki, 1/8 final mərhələsinə avqustun 8-də "Barselona" (İspaniya) - "Napoli" (İtaliya) və "Bavariya" (Almaniya) - "Çelsi" (İngiltərə) matçları ilə yekun vurulacaq.report
UEFA Çempionlar Liqasında koronavirus pandemiyası səbəbindən təxirə salınmış 2019/2020 mövsümü bu gün qaldığı yerdən davam edəcək.
Fransada “Lion”a 0:1 hesabı ilə uduzan “Yuventus” İtaliyada bunun əvəzini çıxmağa çalışacaq.
Gecənin mərkəzi qarşılaşması isə İngiltərədə keçiriləcək. Doğma meydanda “Mançester Siti”yə 1:2 məğlub olan “Real” cavab görüşündə turu keçməyin yollarını axtaracaq.
Çempionlar Liqası
1/8 final mərhələsi, cavab oyunları
7 avqust
23:00. "Yuventus" (İtaliya) - "Lion" (Fransa)
İlk oyun - 0:1
23:00. "Mançester Siti" (İngiltərə) - "Real Madrid" (İspaniya)
İlk oyun - 2:1
Millimizin sabiq futbolçusu, “Zirə” klubunun baş məşqçisi Rəşad Sadıqova ağır itki üz verib.
Oxu.az xəbər verir ki, onun atası Fərhad Sadıqov rəhmətə gedib.
F.Sadıqov uzun sürən xəstəlikdən sonra dünyasını dəyiş
Koronavirus pandemiyasına görə mart ayında dayandırılan Avropa Liqası bu gün bərpa olunur.
İlk oyun günündə 4 görüş keçiriləcək.
İstanbulda "Kopenhagen"ə minimal hesabla qalib gələn son Türkiyə çempionu "Başakşəhər" bu dəfə rəqibi ilə Danimarkada qarşılaşacaq.
5 avqust
Avropa Liqası
1/8 final mərhələsi, cavab oyunları
20:55. "Kopenhagen" (Danimarka) - "Başakşəhər" (Türkiyə)
İlk oyun - 0:1
20:55. "Şaxtyor" (Ukrayna) - "Volfsburq" (Almaniya)
İlk oyun - 2:1
23:00. "Mançester Yunayted" (İngiltərə) - LASK (Avstriya)
İlk oyun - 5:0
23:00. "İnter" (İtaliya) - "Xetafe" (İspaniya)
İlk oyun keçirilməyib
Niderland Kral Futbol İttifaqı (KNVB) eksperiment keçirmək barədə qərar qəbul edərək qadınlara kişilərdən ibarət komandalarda oynamağa icazə verib.
Apasport.az xəbər verir ki, saytının məlumatına görə, bu yenilik aşağı liqalardan birində tətbiq ediləcək.
İlk belə futbolçu 19 yaşlı Ellen Fokkema olacaq. O, “Foarut” klubunun heyətində kişilərin yarışında oynayacaq.
Aşağı liqadakı eksperimentdən sonra belə addımın gələcək inkişafı müzakirə olunacaq. KNVB-nın inkişaf üzrə direktoru Art Lanqeler qərarı belə şərh edib: “KNVB rəngarənglik və bərabərlik tərəfindən çıxış edir. Bu, hamıya və hər kəsə aid olmalıdır. Həm də bu, yaxşı idman tapşırığıdır ki, biz də onu bağlamaq istəmirik. Buna görə eksperimentə başlayırıq. Təcrübə ideyanın necə işləyəcəyini göstərəcək. Biz klubla sıx təmasda olacaq və işlərin necə getdiyini izləyəcəyik”.