 |
|
Nazirlər Kabineti Azərbaycan Turizm və Menecment Universitetinin yenidən təşkili və Nizamnaməsinin təsdiq edilməsi haqqında qərar verib.
Bununla bağlı qərarı Baş nazir Əli Əsədov imzalayıb.
Qərara əsaəsn, Universitet Dövlət Turizm Agentliyinin tabeliyində publik hüquqi şəxs statusuna malik olan Azərbaycan Turizm və Menecment Universitetinə çevrilmə yolu ilə yenidən təşkil edilir.
Həmçinin Azərbaycan Turizm və Menecment Universitetinin Nizamnaməsi təsdiq edilib.
Daxili işlər orqanlarında kadr dəyişikliyi olub.
Oxu.az məlumatına görə, bu barədə daxili işlər naziri general-polkovnik Vilayət Eyvazov müvafiq əmr imzalayıb.
Əmrə əsasən, polis kapitanı Ümman Qardaşxanov Ağcabədi Rayon Polis Şöbəsinin Dövlət Yol Polisi Bölməsinə rəis təyin edilib.
O, bu təyinata qədər həmin bölmədə müvafiq vəzifədə çalışıb.
Avqustun 9-da Azərbaycan Respublikasının Prezidenti İlham Əliyev və birinci xanım Mehriban Əliyeva Türkiyənin Konya şəhərində keçirilən V İslam Həmrəyliyi Oyunlarında ölkəmizi təmsil edən idmançılarla görüşüblər.
Bu barədə Prezidentin Mətbuat Xidməti məlumat yayıb.
Avqustun 9-da Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanın dəvəti ilə Türkiyəyə işgüzar səfərə gedib.
Hər iki ölkənin Dövlət bayraqlarının dalğalandığı Konya şəhərinin Hava Limanında dövlətimizin başçısının şərəfinə fəxri qarovul dəstəsi düzülmüşdü.
Prezident İlham Əliyevi və Birinci xanım Mehriban Əliyevanı Türkiyənin gənclər və idman naziri Mehmet Kasapoğlu, Konya şəhərinin valisi Vahdettin Özkan və digər rəsmi şəxslər qarşılayıblar.
Dövlət başçısı fəxri qarovul dəstəsini salamlayıb.
“Azərbaycan bizim qardaşımızdır, dostumuzdur. 30 ildir danışıqlar aparılırdı, 1 milyondan artıq qaçqını, məcburi köçkünü var idi, ərazisinin 20 %-i işğal altında idi”.
“Bunu Türkiyənin milli müdafiə naziri Hulusi Akar ölkəsinin xarici dövlətlərdəki səfirlərinin 13-cü konfransında deyib.
“Amma otuz il ərzində heç kim vecinə almadı. ATƏT-in Minsk qrupunun həmsədrləri 30 il gedib-gəlirdilər. Azərbaycanlı qardaşlarımız "artıq bəsdir" deyərək 44 günlük müharibə nəticəsində Azərbaycan ərazilərinin təhlükəsizliyini təmin edə bilib. Eyni zamanda qeyd etmək lazımdır ki, Cənubi Qafqazdakı durum sülh və əmin-amanlığın bərqərar olması baxımından Ermənistan üçün yaxşı fürsətdir”, - o bildirib.
Daxili işlər orqanlarında kadr dəyişikliyi olub.
Oxu.az məlumatına görə, bu barədə daxili işlər naziri general-polkovnik Vilayət Eyvazov müvafiq əmr imzalayıb.
Əmrə əsasən, Füzuli Rayon Polis Şöbəsinin Dövlət Yol Polisi Bölməsinin Əməliyyat işləri üzrə rəis müavini polkovnik-leytenant Vüsal Mirzəzadə vəzifəsindən azad edilərək Ağcabədi Rayon Polis Şöbəsinin Dövlət Yol Polisi Bölməsinin Şəxsi heyətlə iş üzrə rəis köməkçisi təyin olunub.
Onun yerinə Füzuli Rayon Polis Şöbəsinin Dövlət Yol Polisi Bölməsinin Əməliyyat işləri üzrə rəis müavini vəzifəsinə isə polis mayoru Nəsirəddin Orucov təyinat alıb.
"Türkiyə Qarabağda haqlının yanında oldu. Müharibə başlayanda Azərbaycanın öz torpaqlarını işğaldan azad etməsini dəstəklədik”.
Bunu Türkiyə xarici işlər naziri Mövlud Çavuşoğlü Türkiyə səfirlərinin 13-cü konfransının açılışında deyib.
"Sonra regional əməkdaşlıq üçün səylərimizi davam etdirdik. İndi Ermənistana xatırladırıq ki, təxribatları davam etdirməsin”, - XİN başçısı vurğulayıb.
"Bu gün Aşura günündə mənimlə bərabər, digər dinlərinj nümayəndələri də qan verir. Bu o deməkdir ki, Azərbaycanda heç bir dini ayrı-seçkilik yoxdur.
Bu fikirləri Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə jurnalsitlərə açıqlamasında deyib.
"Özlərini din adamları adlandıran bir qrup şəxs Azərbaycanın Londondakı səfirliyinə vandalizm hərəkətləri edib. Bu, xalqımıza qarşı hörmətsizlikdir. Bu gün bayrağı təhqir etmək xalqı təhqir etmək qədərdir. Bu xalq cavabını verməlidir. Bu gün mənimlə bərabər olan dini konfessiyaların nümayəndələri gecə ilə mənə zəng edib narazılıqlarını bildirdilər. Biz də səfirliklərə bəyanatlar göndərdik. İnanıram ki, gələcəkdə bu törətdikləri insidentə görə cəzalandırılacaqlar", - o bildirib.
“İyunda Bakıda Azərbaycan, Türkiyə, Qazaxıstan formatını yaratdıq. Keçən həftə isə Azərbaycan və Özbəkistan nümayəndələri ilə Daşkənddə üçtərəfli formatda görüşdük”.
Bunu Türkiyə xarici işlər naziri Mövlud Çavuşoğlü Türkiyə səfirlərinin 13-cü konfransının açılışında deyib.
“Ukrayna və Rusiya nümayəndələrinin görüşünə ev sahibliyi etməyimiz Türkiyənin vasitəçilik təşəbbüslərinin nəticəsidir. Həmçinin qlobal ərzaq təhlükəsizliyinin qarşısını almağımız da bu cəhdlərimizin göstəricisidir”, - o bildirib.
8 avqust 2022-ci il tarixində Azərbaycan Respublikasının xarici işlər naziri Ceyhun Bayramov Türkiyə Respublikasının 13-cü Səfirlər konfransında çıxış etmək məqsədilə Ankara şəhərinə yola düşüb.
Bu barədə Azərbaycan Respublikası Xarici İşlər Nazirliyinin Mətbuat xidməti idarəsindən məlumat verilib.