 |
|
ABŞ məhkəməsi Tramp administrasiyasının USAİD-in 2200 əməkdaşını inzibati məzuniyyətə göndərməsi barədə qərarını bloklayıb
"CBS News" xəbər verir ki, cümə günü ABŞ federal hakimi Prezident Donald Trampın administrasiyasına ABŞ Beynəlxalq İnkişaf Agentliyinin (USAİD) 2200 əməkdaşını inzibati məzuniyyətə buraxaraq, həmin işçiləri təmsil edən həmkarlar ittifaqının tərəfinə keçməsini qadağan edib.
Trampın 2019-cu ildə bu vəzifəyə təyin etdiyi Kolumbiya Dairə Məhkəməsinin hakimi Karl Nikolsun çıxardığı qərarla USAİD əməkdaşlarının inzibati məzuniyyətə göndərilməsinin, eyni zamanda məzuniyyətə buraxılmış əlavə 500 USAİD əməkdaşını işə bərpa edilib.
Məhkəmə qərarı ilə ABŞ-nin xaricdəki əməkdaşlarının dərhal ölkəyə qayıtmasını tələb edən Ağ Evin əmrləri dayandırılıb.
Nikols bildirib ki, onun həm inzibati məzuniyyətə, həm də sürətləndirilmiş evakuasiyaya mane olan müvəqqəti əmri fevralın 14-ü gecə yarısına qədər qüvvədə qalacaq.
Qeyd edək ki, ABŞ Həmkarlar İttifaqları - Amerika Xarici Xidmət Assosiasiyası və Amerika Hökumət İşçiləri Federasiyası Trampın USAİD-lə bağlı qərarından məhkəməyə müraciət edib.
Braziliya prezidenti Lula da Silva artan ərzaq qiymətləri ilə mübarizə aparmaq üçün qeyri-ənənəvi üsul elan edib - onun fikrincə, vətəndaşlar sadəcə istehlakı azaltmalıdırlar.
Lent.az bildirir ki, yaşayış bahalığının səbəbləri ilə mübarizə aparmaq əvəzinə o, insanları supermarketlərdə daha az almağa və baha qiymətə satılan məhsullardan çəkinməyə çağırıb.
Prezidentin sözlərinə görə, əgər məhsul əlçatmaz görünürsə, deməli, onu almağa dəyməz. Bu yolla o, iqtisadi çətinliklərə görə məsuliyyəti faktiki olaraq braziliyalıların özlərinin üzərinə ataraq, inflyasiya problemini yeməkdən imtina ilə həll etmələrini təklif edib.
Vaşinqtonda səfərdə olan Ermənistanın baş naziri Nikol Paşinyan ciddi-cəhdlərdən sonra Ağ Evdə ABŞ-nin vitse-prezidenti Ceyms Venslə görüşüb.
Bu barədə Ermənistan baş nazirinin mətbuat katibi Nazeli Bağdasaryan məlumat verib.
"Görüş zamanı ikitərəfli münasibətlərlə bağlı məsələlər, eləcə də regional gündəm müzakirə edilib”, - o qeyd edib.
Qeyd edək ki, baş nazir Nikol Paşinyan fevralın 3-dən Vaşinqtonda səfərdədir və ancaq ciddi cəhdlərdən sonra səfərinin bitməsinə çox az qalmış vitse-prezident Ceyms Venslə görüşə bilib.
"Biz ABŞ üçün heç bir strateji marağı təmsil etmirik, ikincisi, orada diplomatiyamız yoxdur, peşəkar diplomatlarımız yoxdur, bunlar isə küçədən gələn insanlardır. Yəqin başa düşmürlər ki, belə bir səfər son anda təşkil olunmur, bunu aylar öncədən razılaşdırmaq lazım idi - kiminlə görüşürsən, hara gedirsən və s".
Bunu politoloq Artur Xaçikyan Nikol Paşinyanın ABŞ səfərini şərh edərkən deyib.
“Hakimiyyət diplomatiyanın nə olduğunu başa düşmür, bütün ümidlərini Baydenə bağladılar və bu yeni administrasiyada təsirsiz qaldılar. Heç kim onunla görüşməyib. Baxın, biz Amerika ilə strateji müqavilə imzaladıq, amma bundan heç nə çıxmadı, liderimizlə belə görüşmədilər", - politoloq qeyd edib.
O əlavə edib ki, hətta inaqurasiyaya da dəvət etmədilər. "Gürcüstan prezidenti orda idi, üzr istəyirəm, biz demokratiya istəyirik, Qərbi istəyirik, rusları istəmirik, rusları daima təhqir edən, Qarabağı təslim edən, Rusiya ilə münasibətləri korlayan Ermənistanın lideri Trampla 15 dəqiqəlik görüşə belə layiq deyildi”, - o bildirib.
Avropa İttifaqı ultrabənövşəyi şüalarla emal olunmuş un qurdu sürfələrinin qida kimi bazara çıxarılmasına icazə verib.
Xarici KİV xəbər verir ki, tenebrio molitor sürfələrinin yeni qida olaraq bazara çıxarılmasına icazə verən tənzimləmə Aİ rəsmi qəzetində dərc olunub.
Yeni qidalar siyahısına əlavə edilən məhsul fevralın 10-dan Aİ bazarında satılacaq.
Bu çərçivədə, yeni bir şirkət icazə alana qədər Fransanın "Nutri Earth" şirkəti 5 il müddətində çörək, tortlar, makaron, emal edilmiş kartof məhsulları, pendir, süd məhsulları və tərkibində un qurdu olan mürəbbələri bazara çıxara biləcək. Bu məhsulların etiketlərində ultrabənövşəyi şüalarla müalicə olunmuş un qurdlarının sürfələri olduğu və allergik reaksiyalara səbəb ola biləcəyi açıq şəkildə göstərilməlidir.
Qeyd edək ki, 2023-cü ildə Avropa Qida Təhlükəsizliyi Təşkilatı (EFSA) un qurdu sürfələri tozunun uyğun şərtlərdə və istifadə səviyyələrində təhlükəsiz olduğunu müəyyən edib. Yeni məhsul çörək, tortlar, makaron, emal edilmiş kartof məhsulları, pendir, süd məhsulları və mürəbbələrə daxil edilə bilər.
Aİ daha əvvəl dondurulmuş, qurudulmuş və ya toz halına salınmış çəyirtkə və sisəklərin müəyyən miqdarda qidalara daxil edilməsinə icazə verib.
Birləşmiş Ştatların Qəzza zolağına qoşun yeritmək və amerikalı vergi ödəyiciləri hesabına Fələstin anklavının bərpasını maliyyələşdirmək niyyəti yoxdur.
Bu barədə Ağ Evin mətbuat katibi Karolin Levitt “Fox News” telekanalına müsahibəsində bildirib.
“Prezident Qəzzaya qoşun göndərməyəcəyini açıq şəkildə bildirdi. Onun belə bir niyyəti yoxdur və o, Amerika vergi ödəyicilərinin bu səyləri maliyyələşdirməyəcəyini də açıq şəkildə bildirdi. Prezident elə bir sövdələşməyə çalışır ki, Qəzza əslində sülh içində yaşamaq istəyən insanlar üçün real iqtisadi inkişaf məkanına çevrilsin”, Ağ Ev rəsmisi bildirib.
Ermənistan və İran hərtərəfli strateji tərəfdaşlıq sənədi üzərində işləyir.
Bu barədə İranın Ermənistandakı səfiri Mehdi Sübhani ölkənin İrəvandakı səfirliyində keçirdiyi mətbuat konfransında məlumat verib.
"Biz Ermənistanla hər iki ölkənin liderləri tərəfindən imzalanacaq geniş, hərtərəfli strateji sənəd üzərində işləyirik. Bu sənəd hərtərəfli və uzunmüddətli olacaq, buraya uzunmüddətli layihələr daxil edilə bilər", - o qeyd edib.
İran diplomatik missiyasının rəhbərinin sözlərinə görə, Ermənistan və İran arasında elmi və mədəni layihələr iki ölkə arasındakı əlaqələrin ayrılmaz hissəsidir.(oxu.az)
İtaliyada helikopter qəzaya uğrayıb.
lent.az xəbər verir ki, hadisə Parma şəhəri yaxınlığında qeydə alınıb.
Qəza nəticəsində 3 nəfər həyatını itirib. Yerli medianın məlumatına görə, ölənlərdən biri tanınmış milyarder Lorenzo Rovaqnatidir. Onun musiqi alətləri sektorunda öndə gedən şəxslərdən biri olduğu bildirilir.
Hazırda hadisə ilə bağlı araşdırma aparılır.
Fransa ictimai qalmaqallarla müşayiət olunan dərin siyasi və iqtisadi böhran yaşayır.
Bunu “TASS”a fransalı hərbi ekspert Ksavye Moro deyib.
Onun sözlərinə görə, Fransada vəziyyət fəlakətlidir: “İqtisadiyyatda dərin problemlər var, hökumət qeyri-sabitdir, onun gələcəyi isə qeyri-müəyyən olaraq qalır. İndiki Nazirlər Kabineti cəmi bir-iki aydır işləyir, bunun nə qədər davam edəcəyi məlum deyil”.
O qeyd edib ki, Fransada son iki ildə bir neçə baş nazir olub: “Bu da ciddi daxili problemlərə işarədir. Emmanuel Makron daxili siyasi problemlərdən qaçmaq üçün fransızların diqqətini xarici məsələlərə yönəltməyə çalışır. Bu məqsədlə Ukrayna mövzularından fəal istifadə edir və bununla da, 2022-ci ildən bəri Makron, xüsusən də seçki kampaniyaları zamanı özü üçün döyüşkən imici yaratmağa çalışır”.
Eyni zamanda, Moro qeyd edib ki, Avropa İttifaqı öz növbəsində Parisin köhnəlmiş avadanlıqları Kiyevə ötürməsi səbəbindən Makrona təzyiq göstərir. Məsələn, Almaniya Fransanın Ukraynaya silah tədarükünü artırmaqda israrlıdır.
Ekspert həmçinin qeyd edib ki, Fransa hərbi sənaye kompleksində çətinliklər yaşayır.(Report)
“ABŞ Prezidenti Donald Trampın Ukraynadakı münaqişənin həlli ilə bağlı hələlik rəsmi planı yoxdur”.
“Ukrainska pravda” nəşri xəbər verir ki, bunu Ukrayna lideri Volodimir Zelenski jurnalistlərin suallarını cavablandırarkən deyib.
O əlavə edib ki, potensial planla bağlı mətbuatda çoxlu məlumatlar yayılacaq. Bu, reallıqla qismən üst-üstə düşə bilər, lakin əksər hallarda uyğun gəlmir.
“Nəşrlərdə nələr var... Əminəm ki, bu, prezident Trampın rəsmi planı deyil. Gəlin, rəsmi danışıqlarımızı və rəsmi nəticələri gözləyək”, - deyə Zelenski bildirib.
O, həmçinin qeyd edib ki, konkret məsələlər hələ Trampın andiçmə mərasimindən əvvəl Amerika tərəfi ilə müzakirə olunub.