 |
|
Türkiyə Prezidenti Rəcəb Tayyib Ərdoğan cümə axşamı Praqada Avropa Siyasi Birliyinin sammiti çərçivəsində Nikol Paşinyanla görüşəcək və iki ölkə arasında münasibətlərin normallaşdırılması perspektivlərini müzakirə edəcəklər.
“Tass”a Ankaranın diplomatik mənbələrdən verilən məlumata görə, bu onların ilk üz-üzə görüşü olacaq.
“Üzbə-üz görüşlər həmişə telefon danışıqlarından daha məhsuldar olur. Bu, Türkiyə Prezidenti ilə Ermənistanın baş naziri arasında gözlənilən danışıqlara tamamilə aiddir. Praqada həm Ankara ilə İrəvan arasında münasibətlərin normallaşdırılması məsələsində, həm də Ermənistanla Azərbaycan arasında sülh müqaviləsinin hazırlanmasında irəliləyiş əldə oluna bilər”, - Ankaranın diplomatik dairələri bildirib.
“Sabah”qəzeti isə öz mənbələrinə istinadən yazıb ki, Ərdoğan Paşinyana iki ölkənin nizamlanma məsələləri üzrə xüsusi nümayəndələrinin görüşlərini üçüncü ölkələrin ərazisində deyil, növbə ilə Türkiyə və Ermənistanda keçirməyi təklif etmək niyyətindədir. Bundan əlavə, qeyd edildiyi kimi, o, regionda gərginliyin azaldılması və Ermənistanla Azərbaycan arasında tezliklə sülh müqaviləsinin imzalanması ilə bağlı təkliflərlə çıxış edəcək.
Fransa Azərbaycanın 17 erməni hərbçi qulluqçunu qarşı tərəfə təhvil verməsini alqışlayır.
Bu barədə Fransanın Azərbaycandakı səfiri Zakari Qros öz rəsmi tviter hesabında paylaşım edib.
Onun sözlərinə görə, 17 erməni hərbi qulluqçunun təhvil verilməsi bu gün Praqada keçiriləcək vacib görüşlər ərəfəsində etimadın qurulmasına töhfə verən alqışlanacaq bir jestdir.
Xatırladaq ki, oktyabrın 4-ü Azərbaycan 13-14 sentyabr tarixlərində Ermənistanın son təxribatı zamanı saxlanılan 17 hərbçini qarşı tərəfə təhvil verib.
Ukrayna Silahlı Qüvvələri Xarkov vilayətinin Borovaya şəhərini işğaldan azad edib.
Oxu.az xəbər verir ki, Ukrayna ordusunun hərbçiləri Borovaya şəhərinin mərkəzində dövlət bayrağını ucaldıblar.
Xatırladaq ki, Ukrayna Prezidenti Volodimir Zelenski xalqa ənənəvi müraciətində Xerson, Xarkov, Luqansk və Donetsk vilayətlərində onlarla yaşayış məntəqəsinin işğaldan azad edildiyini bildirmişdi.
İranda 22 yaşlı Məhsa Əmininin ölümündən sonra başlayan etirazlara məşhur fransız xaımları da dəstək veriblər.
Oxu.az xəbər verir ki, Şarlotta Qinzburq, Ani Jirardo, İzabel Yuper, Ceyn Birkin, İzabel Adjani, Marion Kotiyyar, Şarlotta Ramplinq və başqa aktrisalar sosial şəbəkələrdə “Azadlıq naminə!” şüarı altında saçlarını kəsdikləri videolar yayımlayıblar.
Qeyd edək ki, insan haqları təşkilatlarının məlumatına görə, İranda sentyabrın 16-dan bəri etirazlar nəticəsində 130-dan çox adam ölüb. Aİ-nin xarici işlər və təhlükəsizlik siyasəti üzrə ali nümayəndəsi Cozep Borrelin sözlərinə görə, Aİ baş verənlərə sərt reaksiya verdikləri üçün ölkə hakimiyyətinə qarşı sanksiyalar tətbiq etməyi düşünür.
“Rusiya üçün neftin qiymətinə hədd tətbiq edən ölkələrə neft satmaq məqsədəuyğun deyil”.
Qfqazinfo xəbər verir ki, bunu Rusiya Baş nazirinin müavini Aleksandr Novak jurnalistlərə açıqlamasında bildirib. Onun sözlərinə görə, neftin qiymətinə məhdudiyyət qoyulması qiymətinin artmasına səbəb olacaq.
Rusiya dövlət rəsmisi bildirib ki, ölkənin büdcəsi neftin bir barelinin qiymətinin 70 dollar məbləğində satışına uyğun formalaşdırılıb.
O hesab edir ki, Avropa ölkələri tərəfindən neftin qiymətinə qoyulan məhdudiyyət Rusiyada neft hasilatının müvəqqəti azalmasına, eləcə də neft daşınmasının qiymətinin və daşınma müddətinin artmasına səbəb olacaq.
A.Novak OPEK+ qərarından sonra Rusiyanın bu il 530 milyon ton, gələn il isə 490 milyon ton neft hasil edəcəyini bildirib.
Eyni zamanda, A.Novak Rusiyanın “Şimal axını-2” kəmərinin ikinci qolu ilə qaz tədarükünə hazır olduğunu qeyd edib.
Rusiyanın Ukraynada taktiki nüvə silahlarından istifadə edə biləcəyi iddiaları günbəgün artmaqda davam edir.
Xarici KİV xəbər verir ki, iddiaların mərkəzində isə Rusiyanın ən müasir nüvə sualtı gəmisi “Belqorod” dayanır.
Həftəsonu İtaliya mediasına sızdırılan xəbərə görə, NATO “Belqorod”un Arktika Dairəsindəki öz bazasından yoxa çıxması barədə xəbərdarlıq edib.
Günlərdir harada olması barədə müxtəlif fikirlər səsləndirilən sualtı qayığın peyk görüntüləri ortaya çıxıb.
“Daily Mail” qəzetinin yazdığına görə, “qiyamət silahı” da adlandırılan sualtı qayıq Barens dənizində nümayiş etdirilib. Ehtimallara görə, gəmi “Poseydon” nüvə bombasını sınaqdan keçirmək üçün Qara dənizə istiqamətlənmiş ola bilər.
Hərbi ekspertlər xəbərdarlıq edir ki, belə bir addım Putinin müharibənin gedişatını dəyişmək üçün son çarəsi ola bilər.
Qeyd edək ki, “Poseydon” 500 metrə yaxınlaşan nüvə sunamisini tətikləmək üçün nəzərdə tutulmuş “qiyamət silahı” cihaz adlanır. Başqa sözlə, sualtı qayıqda İkinci Dünya Müharibəsi zamanı Xirosimaya atılan atom bombasından 130 dəfə çox ölümcül silahlar var.
Bu nüvə başlığı beynəlxalq qadağalara görə heç vaxt sınaqdan keçirilməyib.
Suriyalıların işgəncə və kütləvi qırğın kimi qeyri-insani rəftarlara məruz qaldığı Sednaya həbsxanasında 30 min məhbusun işgəncə ilə öldürüldüyü və ya edam edildiyi təxmin edilir.
Teleqraf.com xəbər verir ki, bu barədə Sednaya Həbsxanası Məhbusları və İtkinləri Dərnəyinin (ADMSP) yayımladığı hesabatda deyilir.
Dünyanın ən ağır şəraitlərindən birinə malik olan Sednaya həbsxanası ilə bağlı araşdırma bəşəriyyətə qarşı cinayətlərə görə məsuliyyət daşıyan şəxslər və qurumlar şəbəkəsini üzə çıxarıb.
ADMSP həbsə atılması üçün “qanuni zəmin” yaradılaraq hədəfdə olan şəxslərin Sednayada edama məhkum edildiklərini bildirir.
Məlumata görə, həbsxananın aparıcı idarəçiləri arasında İbrahim Süleyman, Tələt Məhfud və Mahmud Matuk kimi şəxslər yer alır. Bu şəxslər məhbuslara qarşı cinayətlərə nəzarət etmək üçün məsuliyyət daşıyırdılar.
Həbsxanada törədilən bədnam cinayətlərin hüquqi prosesdə nə dərəcədə əsaslandırıldığını üzə çıxaran ADMSP araşdırmaları və həbsxana əməkdaşlarından və məhkum olunmuş şahidlərdən aldığı ifadələr nəticəsində 2011-2018-ci illərdə Sednayada 30 minə yaxın məhbusun işgəncə nəticəsində öldüyünü və ya edam edildiyini açıqlayıb.
ADMSP-nin əldə etdiyi məlumata görə, həbsxanadakı məhbuslar Əsəd rejiminə bağlı hərbi məhkəmələrdə bir neçə dəqiqə davam edən dinləmələrdə mühakimə olunub. Həmin bir neçə dəqiqədə yüzlərlə insanın edamına qərar verilib.
Şahidlər iddia edirlər ki, 2018-2021-ci illər arasında hərbi məhkəmələr tərəfindən 500-ə qədər adam edam olunub.
Tişrin Hərbi Xəstəxanası edam edilmiş və ya işgəncəyə məruz qalan məhbusların cəsədlərinin qorunmasında və kütləvi məzarlıqda basdırılmasında mühüm rol oynayıb.
Əsəd rejiminin 2011-ci ildə vətəndaş müharibəsi başlayandan bəri 100 min suriyalını həbs etdiyi bildirilir. Harada olduğu bilinməyən suriyalıların hansı formada yoxa çıxarıldığı isə məlum deyil. Əsəd rejiminin 2011-ci ildən bəri təxminən 500 min suriyalını qətlə yetirdiyi və milyonlarla insanı didərgin saldığı təxmin edilir.
Sednaya həbsxanası 1987-ci ildə paytaxt Dəməşqdən təxminən 30 kilometr şimalda yerləşən dağlıq bölgədəki təpədə tikilib. Təhlükəsizliyin yüksək səviyyədə təmin olunduğu həbsxana yüzlərlə mühafizəçi tərəfindən qorunur. 184 stadion böyüklüyündə olduğu deyilən Sednaya həbsxanası minalanmış sahələrlə mühasirəyə alınıb.
Əsəd ordusuna bağlı 3-cü Diviziya mina sahələrinin arxasındakı həbsxananın xarici təhlükəsizliyinə cavabdehdir. Digər tərəfdən, həbsxananın təhlükəsizlik əməkdaşları daxili-xarici əlaqəni kəsmək və içəriyə məlumat sızmasının qarşısını almaq üçün rabitə xətlərinə nəzarət edir.
Beynəlxalq Əfv Təşkilatı Sednaya həbsxanasını “insan sallaqxanası” (kəsim yeri) adlandırır.
“Mən sülh gündəliyinə sadiq olduğumuzu təsdiqləyirəm”.
Bunu Ermənistanın baş naziri Nikol Paşinyan parlamendə çıxışı zamanı deyib.
Onun sözlərinə görə, sülh gündəliyinin konkret düstur üzrə həyata keçirilməsi ilə bağlı məsuliyyəti öz üzərinə götürür.
N.Paşinyan həmin düsturu əvvəlki müsahibəsində açıqladığını deyib.
Qeyd edək ki, Paşinyan daha əvvəl Ermənistanın İctimai Televiziyasına müsahibəsində Azərbaycanla tezliklə sülh müqaviləsinin imzalanmasının tərəfdarı olduğunu bildirib. Onun fikrincə, yalnız bu halda regionda sülhün bərqərar olması mümkün olacaq.
"Yunanıstanın baş naziri ABŞ-dan kömək istəyir. Kimə qarşı? Türkiyəyə qarşı”.
"Bu barədə Türkiyə Prezidenti Rəcəb Tayyib Ərdoğanın deyib.
“Nə etsəniz, biz həmişə lazım olanı edəcəyik, etməyə hazırıq",- deyə o bildirib.
Türkiyənin Azərbaycandakı keçmiş hərbi attaşesi, general Yücel Karauzun Axar.az-a müsahibəsini təqdim edirik:
- Ermənistan 13 sentyabrda sərhəd təxribatı zamanı çəkildiyi iddia edilən videonu Azərbaycana qarşı təzyiq vasitəsi kimi istifadə etməyə çalışır. Sözügedən videonun dəqiqliyi müəyyən olunmadan beynəlxalq informasiya agentlikləri tərəfindən yayımlanmasını necə qiymətləndirirsiniz?
- Hər şeydən öncə bildirmək istəyirəm ki, Ermənistan bir terror dövlətidir. Ermənilər son iki yüz ildir ki, keçmiş Osmanlı dövləti dövründə və indi də Cənubi Qafqazda terror fəaliyyəti ilə məşğul olurlar. Bu ölkənin qurulmasının əsas məqsədi terror və terrorizmə dəstəkdir. Ermənistan 1988-ci ildə deportasiya zamanı, sonra isə Birinci və İkinci Qarabağ müharibələrində Azərbaycan xalqına qarşı terror aktları törədib. Təəssüf ki, 44 günlük müharibənin üzərindən 2 il keçməsinə baxmayaraq, bu gün də terror davam edir. Ermənistan dövlətinin və onu idarə edənlərin əli qanlıdır. Müharibə zamanı Azərbaycanın müharibə bölgəsindən uzaqda yerləşən Gəncə, Bərdə, Tərtər kimi şəhərləri raket atəşinə tutulub. Bu cinayəti Paşinyanın hərbi məsələlər üzrə müşaviri Aqarşak Arutyunyan da etiraf edib. Ermənistandakı canilər hələ də Xocalı soyqırımının cavabını verməyiblər. O hadisələrə görə də Azərbaycan dövlətinə, xalqına cavab vermə günü yaxınlaşır. Ermənistan getdikcə təkləndiyinin fərqində olduğu üçün müharibə və ondan sonrakı dövrdə qara təbliğatla, dezinformasiya ilə məşğuldur. Bunun iki əsas səbəbi var. Birincisi, bölgədə təhlükəsizlik probleminin olduğunu dünyaya göstərmək istəyir, ikincisi, beynəlxalq hüququ Azərbaycana qarşı təzyiq vasitəsinə çevirmək məqsədi güdür. Apardıqları dezinformasiyasının bir çox örnəyinin artıq şahidi olmuşuq. Hətta öz atdıqları “İsgəndər” raketini Azərbaycanın atdığını iddia edəcək qədər irəliyə getdilər. Sözügedən videonun dəqiqləşdirilmədən beynəlxalq ictimaiyyətin rəyinə təsir göstərə biləcək informasiya agentliklərinə göndərilməsi isə özlərinin etdikləri cinayətləri, söylədikləri yalanları gizlətmək planının bir parçası və günahkarlıq psixologiyasının bir təzahürüdür.
- Sizcə, Nensi Pelosinin Ermənistan səfərindən öncə sərhəddə təxribatların törədilməsi, sonra KTMT-yə qarşı mitinqlər, Paşinyanın təşkilatdan çıxmaq barədə sözləri, Minsk Qrupunu aktivləşdirmə cəhdləri və son videonun yayılması böyük bir kirli oyun ssenarisinin pərdələri hesab edilə bilərmi?
- Sualınıza cavab kimi vurğulamaq istəyirəm ki, hazırda təxribatları göz önünə alsaq, müharibə meydanda, diplomatiya və informasiya sahəsində davam edir. Pelosidən öncə, ABŞ Mərkəzi Kəşfiyyat İdarəsinin direktoru Uilyam Börnsün iyul ayında İrəvana səfəri, Ermənistandakı mitinqlər və gərginlik, sülh müqaviləsini imzalamağa razı kimi görünən Paşinyana mane olmaq üçün edilənlərin hamısı böyük bir oyunun parçasıdır. Eyni zamanda Pelosinin İrəvanda Oskar mükafatı ala biləcək şəkildə saxta göz yaşı tökməsi, yalnız Azərbaycanı deyil, həm də Türkiyəni günahkar çıxarmaq üçün atılan addımlar böyük rəsmi görməyimiz üçün çox önəmlidir. Bəhs etdiyimiz videonun yayılması da bizə qarşı əvvəlcədən qurulan plan və proqramlı oyunun bir parçasıdır.
- ABŞ və Fransa bölgədə Türkiyə və Azərbaycanın güclənməsini istəmir. Adlarını çəkdiyimiz ölkələr həm də bölgədə öz hərbi qüvvələrini yerləşdirmək istəyirlər. Bunu Rusiyaya qarşı ikinci cəbhə həmləsi kimi dəyərləndirmək olar?
- ABŞ və Avropa İttifaqı çərçivəsində Fransanın Cənubi Qafqaza yerləşmək məqsədi var. Burada da iki əsas səbəb var. Birincisi, Rusiyaya qarşı ikinci cəbhənin açılması və Rusiyanı Qafqazda siyasi, iqtisadi baxımından və KTMT çərçivəsində təkləməkdir. İkincisi isə Türkiyə və Azərbaycanı gücdən salmaqdır. Bizim digər türk dövlətləri ilə əlaqələrimizə əngəl olmaq istəyirlər. 28 il ərzində olduğu kimi, münaqişənin həlli üçün əlini tərpətməyən regiondan kənar ölkələr indi maşa dövlət olan Ermənistan üzərindən yenidən buraya yerləşmək istəyirlər. Bölgə ölkələri buranın gələcəyi haqqında özləri qərar verməlidirlər. Əgər bölgədən kənar ölkələr buraya sülhməramlı və ya başqa missiya adı altında sərhədə, yaxud başqa bir yerə yerləşsələr, bu problem heç vaxt həll edilməyəcək. Çünki sözügedən güclər eyni Kiprdə olduqları kimi, burada da öz missiyalarını 60-70 il davam etdirmək istəyəcəklər. Türkiyə, Rusiya və Azərbaycan bölgə ilə bağlı məsələlərdə özləri qərar vermək istəsə də, kukla dövlət olan Ermənistan peşka kimi ona verilmiş rolu oynayır. Bu, “həllsiz”liyi həll yolu kimi bizə qəbul etdirmək istəyənlərin planıdır. Ermənistanın başqalarının diktəsi ilə atdığı addımlar çox təhlükəlidir və İrəvan belə davam etməklə öz sonunu hazırlayır.